1 ತಿಮೋಥಿ 3:10 - ಪೊಸ ಒಡಂಬಡಿಕೆ

¹⁰ ಅವತ್ತಂದೆ ಮೊಕ್ಲೆನ್ ದುಂಬು ಪರೀಕ್ಷೆ ಮಲ್ತ್‌ದ್ ದೂರುದಾಂತಿನಕುಲಾದ್ ತೋಜುವೆರ್ಡ ಸೇವೆಕೆರೆ ಉದ್ಯೋಗೊನು ನಡಪಾವಡ್.

1 ತಿಮೋಥಿ 3:10 Iomraidhean Croise

1 ಕೊರಿಂಥ್ಯೆರೆಗ್ 1:8

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಕುಡೊರ ಬನ್ನಗ, ಏರ್ಲಾ ನಿಕ್ಲೆ ಮಿತ್ತ್ ದೂರು ಪಾಡಂದಿಲೆಕ್ಕ ಆಯೆ ನಿಕ್ಲೆನ್ ಕಡೆ ಮುಟ್ಟ ದೃಢ ಮಲ್ಪುವೆ.

ಕೊಲೊಸ್ಸಿಯೆರೆಗ್ 1:22

ಆಂಡ ಇತ್ತೆ ದೇವೆರ್ ತನ ಮಗನ ಶರೀರದ ಮರಣೊಡ್ದಾದ್ ನಿಕ್ಲೆನ್ ತನಡೊಪ್ಪ ರಾಜಿ ಮಲ್ತೊಂಡೆ. ಉಂದೆಡ್ದಾದ್ ಆಯೆ ನಿಕ್ಲೆನ್ ತನ ಕೈತಲ್‌ ಕನತ್‌ದ್ ಆಯನ ಸನ್ನಿಧಾನೊಡು ಪರಿಶುದ್ಧೆರ್ಲಾ ದೋಷದಾಂತಿನಾಕುಲುಲಾ ಕುಂದೆಲ್‌ದಾಂತೆಲಾ ಆದ್ ಉಂತುದರ್.

1 ತಿಮೋಥಿ 3:13

ಸಭಾಸೇವೆಕೆರಾದ್ ಎಡ್ಡೆ ಸೇವೆ ಮಲ್ಪುನಾಕುಲು ಆದಿತ್ತ್ಂಡ, ಎಡ್ಡೆ ಪದವಿನ್ಲಾ ಕ್ರಿಸ್ತ ಯೇಸುಡೊಪ್ಪ ಉಪ್ಪುನ ನಂಬಿಕೆಡ್ ದಿಂಜ ಧೈರ್ಯೊನ್ಲಾ ಸಂಪಾದನೆ ಮಲ್ಪುನಾಕುಲಾದ್ ತೋಜಾವೊನ್ವೆರ್.

1 ತಿಮೋಥಿ 3:2

ಸಭಾದ್ಯಕ್ಷೆ ದೋಷದಾಂತಿನಾಯೆಲಾ ಒಂಜೇ ಬೊಡೆದಿ ಇತ್ತಿನಾಯೆಲಾ ಆದುಪ್ಪೊಡು. ಪರಂದಿನಾಯೆಲಾ ಹದತಾಯೆಲಾ ಮಾನಸ್ತೆಲಾ ಬಿನ್ನೆರೆನ್ ಸುದಾರಿಪುನಾಯೆಲಾ ಬೋಧನೆ ಪನ್ಪುನೆಟ್ ಬಿರ್ಸೆಲಾ ಆದುಪ್ಪೊಡು.

1 ತಿಮೋಥಿ 3:6

ಆಯೆ ಪೊಸತ್ತಾದ್ ಸಭೆಕ್ ಸೇರ್ದಿನಾಯೆ ಆದುಪ್ಪರೆ ಬಲ್ಲಿ. ಇಂಚಾಂಡ ಆಯೆ ಅಹಂಕಾರದಾಯೆ ಆದ್ ಸೈತಾನಗ್ ಬರ್ಪಿ ತೀರ್ಪು ಆಯ ಮಿತ್ತ್‌ಲಾ ಬರಿಯೆರೆ ಕಾರಣ ಆವು.

1 ತಿಮೋಥಿ 5:22

ಏರೆನ ತರೆತ ಮಿತ್ತ್‌ಲಾ ಅಮಸರೊಡು ಕೈ ದೀದ್ ಸಭೆತ ಕೆಲಸೊಗು ನೇಮಕ ಮಲ್ಪಡ. ಈ ಅಂಚ ಮಲ್ಪುನಾಂಡ ಬೇತೆಕ್ಲು ಮಲ್ತಿನ ಪಾಪೊಡು ಈ ಪಾಲ್‌ದಾರೆ ಅಂದ್‌ದ್ ತೋಜಿದ್ ಬರು. ಈ ಶುದ್ಧದಾಯೆ ಆದುಪ್ಪುಲೆಕ್ಕ ತೂಲ.

1 ಯೋಹಾನೆ 4:1

ಪ್ರೀತಿದಾಕುಲೇ, ಮಸ್ತ್ ಮಂದಿ ಸುಳ್ಳು ಪ್ರವಾದಿಲು ಲೋಕದುಲಯಿ ಬೈದಿನೆಡ್ದ್ ನಿಕುಲು ಆತ್ಮಸಮ್ಮಂಧವಾಯಿನ ಮಾತ ಪಾತೆರೊಲೆನ್ ನಂಬಡೆ, ಆ ಪಾತೆರೊಲು ದೇವೆರೆಡ್ದ್ ಬೈದಿನವಾ ಪಂಡ್ದ್ ತೆರಿಯೊನಿಯೆರೆಗಾದ್ ಪರೀಕ್ಷೆ ಮಲ್ಪುಲೆ.