1 ತಿಮೋಥಿ 2:8 - ಪೊಸ ಒಡಂಬಡಿಕೆ

⁸ ಅಂಚಾದ್ ಅಂಜೊವುಲು ಮಾತ ಜಾಗ್‌ಡ್ ಕೋಪಲಾ, ತರ್ಕದಾಂತಿನಾಕುಲುಲಾ ಆದ್ ಪರಿಶುದ್ಧ ಕೈಕ್ಲೆನ್ ದೆರ್ತ್ತ್‌ದ್ ಪ್ರಾರ್ಥನೆ ಮಲ್ಪೊಡಂದ್‌ದ್ ಎನ ಮನಸಾದುಂಡು.

1 ತಿಮೋಥಿ 2:8 Iomraidhean Croise

ಮತ್ತಾಯೆ 21:21

ಐಕ್ ಯೇಸು, “ನಿಕ್ಲೆಗ್ ನಿಜಾದ್ ಪನ್ಪೆ, ನಿಕುಲು ಸಂಶಯ ಮಲ್ಪಂದೆ ನಂಬಿಯರ್ಡ ಯಾನ್ ಅಂಜೂರದ ಮರೊಕು ಮಲ್ತಿನೆನ್ ನಿಕುಲುಲಾ ಮಲ್ಪುವರ್. ಉಂದು ಮಾತ್ರ ಅತ್ತಂದೆ ಈ ಗುಡ್ಡೆಡ, ‘ಈ ಲಕ್ಕ್‌ದ್ ಪೋದು ಕಡಲ್ಡ್ ಬೂರು,’ ಅಂದ್‌ದ್ ಪಂಡರ್ಡ ಅವುಲಾ ಆಪುಂಡು.

ಮತ್ತಾಯೆ 5:44

ಆಂಡ ಯಾನ್ ನಿಕ್ಲೆಗ್ ಪನ್ಪಿನಿ ದಾನೆಂದ್ಂಡ ನಿಕ್ಲೆನ ಪಗೆನಾಕುಲೆನ್ ಪ್ರೀತಿ ಮಲ್ಪುಲೆ. ನಿಕ್ಲೆಗ್ ಭಂಗ ಕೊರ್ಪಿನಾಕುಲೆಗ್ ಪ್ರಾರ್ಥನೆ ಮಲ್ಪುಲೆ.

ಮತ್ತಾಯೆ 6:12

ಎಂಕ್ಲೆಗ್ ತಪ್ಪು ಮಲ್ತಿನಾಕುಲೆಗ್ ಎಂಕುಲು ಮಾಪು ಮಲ್ಪುಲೆಕ್ಕ, ಎಂಕ್ಲೆನ ತಪ್ಪುಲೆನ್ಲಾ ಮಾಪು ಮಲ್ಪುಲ.

ಲೂಕೆ 23:34

ಅಪಗ ಯೇಸು, “ಅಮ್ಮೆರೇ, ಅಕ್ಲೆಗ್ ಮಾಪು ಮಲ್ಪು; ತನ್ಕುಲು ದಾದ ಮಲ್ಪುವೆರ್ ಪನ್ಪಿನೆನ್ ತೆರಿದಿಜೆರ್,” ಅಂದ್‌ದ್ ಪಂಡೆ. ಐಡ್ದ್ ಬೊಕ್ಕ ಆಯನ ಕುಂಟುನು ಪಾಲ್ ಮಲ್ತ್‌ದ್ ಚೀಟಿ ಪಾಡಿಯೆರ್.

ಲೂಕೆ 24:50

ಬೊಕ್ಕ ಆಯೆ ಅಕ್ಲೆನ್ ಬೇಥಾನ್ಯ ಮುಟ್ಟ ಲೆತ್ತೊಂದು ಪೋಯೆ. ಯೇಸು ತನ ಕೈ ದೆರ್ತ್ತ್‌ದ್ ಅಕ್ಲೆನ್ ಆಶೀರ್ವಾದ ಮಲ್ತೆ.

ಯೋಹಾನೆ 4:21

ಅಪಗ ಯೇಸು ಆಲೆಡ, “ಅಮ್ಮಾ, ಯಾನ್ ಪನ್ಪಿ ಪಾತೆರೊನು ನಂಬು, ಒಂಜಿ ಕಾಲ ಬರ್ಪುಂಡು, ಆ ಕಾಲೊಡು ನಿಕುಲು ಅಮ್ಮೆರೆ ಆರಾಧನೆ ಮಲ್ಪೊಡಾಂಡ ಈ ಗುಡ್ಡೆಗ್ಲಾ ಪೋಪುಜರ್, ಯೆರೂಸಲೇಮುಗ್ಲಾ ಪೋಪುಜರ್.

ಅಪೊ.ಕ್ರಿ 10:2

ಆಯೆ ತನ ಇಲ್ಲದಾಕುಲೆನ ಒಟ್ಟುಗು ದೇವೆರೆಗ್ ಪೋಡಿಯುನಾಯೆಲಾ ಭಕ್ತೆಲಾ ಆದಿತ್ತ್‌ದ್ ಜನೊಕುಲೆಗ್ ಬಾರಿ ದಾನಧರ್ಮ ಮಲ್ತೊಂದು ದೇವೆರೆಗ್ ಏಪಲಾ ಪ್ರಾರ್ಥನೆ ಮಲ್ತೊಂದಿತ್ತೆ.

ಅಪೊ.ಕ್ರಿ 10:31

ಕೊರ್ನೇಲಿಯಾ, ‘ನಿನ ಪ್ರಾರ್ಥನೆಲಾ ನಿನ ದಾನಧರ್ಮೊಲುಲಾ ದೇವೆರೆ ಎದುರು ನೆನೆಪುಗು ಬತ್ತ್ಂಡ್.

ಅಪೊ.ಕ್ರಿ 10:4

ಆಯೆ ಆ ದೂತನ್ ದೃಷ್ಟಿ ದೀದ್ ತೂನಗ ಪೋಡಿದ್, “ಕರ್ತವಾ, ದಾನೆ ಬೋಡು?” ಅಂದ್‌ದ್ ಕೇನ್ನಗ, ದೂತೆ ಆಯಗ್, “ನಿನ ಪ್ರಾರ್ಥನೆಲಾ ನಿನ ದಾನಧರ್ಮೊಲುಲಾ ದೇವೆರೆ ಎದುರು ನೆನೆಪುಗು ಮಿತ್ತ್ ಏರ್ದ್ಂಡ್.”

ಅಪೊ.ಕ್ರಿ 21:5

ಅಲ್ಪಡ್ದ್ ಎಂಕುಲು ಪಿದಾಡ್ನಗ ಶಿಷ್ಯೆರ್ ಬೊಕ್ಕ ಅಕ್ಲೆನ ಬೊಡೆದಿಯಾಡ್ಲು, ಜೋಕುಲು ಮಾತೆರ್ಲಾ ಎಂಕ್ಲೆನ್ ಕಡಪುಡ್ದು ಕೊರಿಯೆರೆ ಪೇಂಟೆದ ಪಿದಯಿ ಒಟ್ಟುಗು ಬತ್ತೆರ್ ಅಪಗ ಎಂಕುಲು ಕಡಲ್ದ ಬರಿಟ್ಟ್ ಮುಂಡುಬೂರ್ದು ಪ್ರಾರ್ಥನೆ ಮಲ್ತ್‌ದ್

ಅಪೊ.ಕ್ರಿ 7:60

ಆಯೆ ಮುಂಡುಬೂರ್ದು, “ಕರ್ತವಾ, ಈ ಪಾಪೊನು ಅಕ್ಲೆನ ಮಿತ್ತ್ ಪಾಡಡ,” ಅಂದ್‌ದ್ ಗಟ್ಟಿ ಸ್ವರೊಟ್ಟು ಬುಲ್ತೆ. ಉಂದೆನ್ ಪಂಡ್ದ್ ಪ್ರಾಣ ಬುಡಿಯೆ.

1 ಕೊರಿಂಥ್ಯೆರೆಗ್ 1:2

ಕೊರಿಂಥ್ಯೊಡು ಉಪ್ಪುನ ದೇವೆರೆ ಸಭೆಕ್ ಬರೆಪಿನಿ. ನಿಕುಲು ಕ್ರಿಸ್ತ ಯೇಸುಡು ಪ್ರತಿಷ್ಟೆ ಆತಿನಾಕುಲುಲಾ ದೇವಜನೊಕುಲು ಆವೆರೆ ಲೆತ್ತ್‌ದಿ ಮಾತ ಜನೊಕುಲೆ ಒಟ್ಟುಗು ಓಲಿತ್ತ್‌ಂಡಲಾ ಎಂಕ್ಲೆನ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಪುದರ್‌ಡ್ ಆರಾಧನೆ ಮಲ್ಪುನ ದೇವಜನೊಕುಲು ಆದುಲ್ಲರ್. ಯೇಸು ಕ್ರಿಸ್ತೆ ಅಕ್ಲೆನಲಾ ಎಂಕ್ಲೆನಲಾ ಕರ್ತವೆ ಆದುಲ್ಲೆ.

1 ಕೊರಿಂಥ್ಯೆರೆಗ್ 7:7

ಯಾನ್ ಉಪ್ಪುಲೆಕ್ಕನೇ ಮಾತ ನರಮಾನಿಲು ಉಪ್ಪೊಡಂದ್‌ದ್ ಎನ ಆಸೆ; ಆಂಡ ದೇವೆರೆಡ್ದ್ ಸ್ವಂತ ವರ ಉಂಡು. ಒರಿಯಗ್ ಮದ್ಮೆದ ವರ, ಬೊಕ್ಕೊರಿಯಗ್ ಮದ್ಮೆ ಆವಂದೆ ಒರಿಯೇ ಉಪ್ಪುನ ವರ.

2 ಕೊರಿಂಥ್ಯೆರೆಗ್ 2:14

ಕ್ರಿಸ್ತನ ಅನ್ಯೊನ್ಯತೆಡ್ ನಮನ್ ಏಪಲಾ ಜಯತ ಉಮೇದ್‌ಡ್ ನಡಪಾವೆ. ಬೊಕ್ಕ ಆಯನ ಬುದ್ಧಿದ ಕಮ್ಮೆನೊನು ನಮ ಕಡೆಡ್ದ್ ಮಾತ ಜಾಗ್‌ಲೆಗ್ ಪೋಪುಂಡು. ಐಕ್ ದೇವೆರೆಗ್ ಉಪಕಾರ ಸ್ತುತಿ.

ಫಿಲಿಪ್ಪಿಯೆರೆಗ್ 1:12

ಸಹೋದ್ರೆರೇ, ಎಂಕ್ ಮೂಲು ಆದುಪ್ಪುನವು ಮಾತಲಾ ಸುವಾರ್ತೆದ ಪ್ರಚಾರೊಗು ಸಹಾಯ ಆಂಡ್ ಅಂದ್‌ದ್ ನಿಕುಲು ತೆರಿಯೊನೊಡು ಅಂದ್‌ದ್ ಎನ ಆಸೆ.

1 ಥೆಸಲೋನಿಕೆರೆಗ್‌ 1:8

ಕರ್ತವನ ಪಾತೆರ ನಿಕ್ಲೆಡ್ದೇ ಮಕೆದೋನ್ಯೊಡ್ಲಾ ಬೊಕ್ಕ ಅಖಾಯೊಡ್ಲಾ ಪ್ರಕಟ ಆಯಿನಿ ಅತ್ತಂದೆ ದೇವೆರೆ ಮಿತ್ತ್ ನಿಕುಲು ದೀತಿನ ನಂಬಿಕೆ ಮಾತ ಜಾಗ್‌ಲೆಡ್ಲಾ ಸುದ್ಧಿಗ್ ಬತ್ತ್ಂಡ್, ಅಂಚಾಯಿನೆಡ್ದ್ ಎಂಕುಲು ದಾಲಾ ಪನಿಯೆರೆ ಇಜ್ಜಿ.

1 ತಿಮೋಥಿ 5:14

ಅಂಚಾದ್ ಜವ್ವಂದಿ ವಿಧವೆ ಮದ್ಮೆ ಆದ್ ಜೋಕುಲೆನ್ ಪೆದ್ದ್‌ದ್ ಇಲ್ಲದ ಯಜಮಾನಿ ಆದುಪ್ಪುನ ಎಡ್ಡೆ ಅಂದ್‌ದ್ ಎಂಕ್ ತೋಜುಂಡು. ಅಪಗ ಅಕ್ಲೆಗ್ ವಿರೋಧಿಲೆನ ನಿಂದನೆಗ್ ಅವಕಾಸ ಉಪ್ಪುಜಿ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:8

ದೇವೆರೆಡ್ ನಂಬಿಕೆ ದೀತಿನ ಮಾತೆರ್ಲಾ ಎಡ್ಡೆಂತಿನೆನ್ ಮಲ್ಪೆರೆಗಾದ್ರ ತನ್ಕುಲೆನ್ ಒಚ್ಚಿದ್ ಕೊರ್ಪಿಲೆಕ್ಕ ಈ ಪಾತೆರೊಲೆನ್ ಕಂಡಿತಾದ್ ಪನ್ಲ ಅಂದ್‌ದ್ ನಿಕ್ಕ್ ಪನ್ಪೆ. ಉಂದು ನರಮಾನಿಲೆಗ್ ಎಡ್ಡೆಲಾ ಪ್ರಯೋಜನಲಾ ಆದುಂಡು.

ಇಬ್ರಿಯೆರೆಗ್ 10:22

ಅವೆಡ್ದಾವರ ಹಾಳ್ ಉಡಲ್‌ನ್ಲಾ ನಮ ಶರೀರೊನ್ಲಾ ತಲಿಪಾವೊಂದು ಶುದ್ಧ ನೀರ್‌ಡ್ದ್ ದೆಕ್ಕೊಂದು ಪರಿಪೂರ್ಣವಾಯಿನ ನಂಬಿಕೆ ಇತ್ತಿನಾಕುಲಾದ್‌ಲಾ ಸತ್ಯ ಮನಸಿತ್ತಿನಾಕುಲಾದ್‌ಲಾ ದೇವೆರೆ ಕೈತಲ್‌ ಬರ್ಕ.

ಯಾಕೋಬು 4:8

ದೇವೆರ್ ಕೈತಲ್‌ ಬರ್ಪೆ, ಪಾಪಿಲೇ, ನಿಕ್ಲೆ ಕೈನ್ ದೆಕ್ಕೊನ್ಲೆ. ರಡ್ಡ್ ಮನಸ್‌ದಾಕುಲೇ ನಿಕ್ಲೆ ಉಡಲ್‌ನ್ ಶುದ್ಧ ಮಲ್ತೊನ್ಲೆ.

1 ಪೇತ್ರೆ 3:7

ಅಂಚೆನೆ ಕಂಡನಿಯಾಡ್ಲೇ, ಪೊಂಜೊವುಲು ನಿಕ್ಲೆಡ್ದ್ ಕಡಿಮೆ ಬಲ ಇತ್ತಿನಾಕುಲು ಅಂದ್‌ದ್ ತೆರಿದ್ ಬೊಡೆದಿಯಾಡ್ಲೆನ್ ಅರ್ಥ ಮಲ್ತೊಂದು ಪೊರ್ಲುಡು ಜೀವನ ನಡಪಾಲೆ. ಅಕುಲು ದಯತ ಜೀವದ ವರೊಕು ನಿಕ್ಲೆನ ಒಟ್ಟುಗು ಪಾಲುದಾರೆರಾದುಲ್ಲೆರ್ ಅಂದ್‌ದ್ ಎನ್ನೊಂದು ಅಕ್ಲೆಗ್ ಮಾನೊನು ಸಂದಾಲೆ. ನಿಕುಲು ಇಂಚ ಮಲ್ತರ್ಡ ನಿಕ್ಲೆ ಪ್ರಾರ್ಥನೆಗ್ ಅಡ್ಡಿ ಆವಂದ್.