1 ತಿಮೋಥಿ 2:7 - ಪೊಸ ಒಡಂಬಡಿಕೆ

⁷ ಈ ಸಾಕ್ಷಿನ್ ಪ್ರಸಿದ್ಧಿ ಮಲ್ಪೆರೆಗಾದ್ ಯಾನ್ ಸಾರಿಯುನಾಯೆಲಾ ಅಪೊಸ್ತಲೆಲಾ ಆದ್ ನಂಬಿಕೆಡ್ಲಾ ಸತ್ಯೊಡ್ಲಾ ಪಿದಯಿದ ಜನೊಕುಲೆಗ್ ಬೋಧಕೆ ಆದ್ ನೇಮಕ ಆತೆ. ಯಾನ್ ಇಂಚಿತ್ತಿನಾಯೆ ಪನ್ಪಿನ ಸುಳ್ಳು ಅತ್ತ್, ಸತ್ಯನೇ.

1 ತಿಮೋಥಿ 2:7 Iomraidhean Croise

ಯೋಹಾನೆ 7:35

ಐಕ್ ಯೆಹೂದ್ಯೆರ್, “ಉಂಬೆ ನಂಕ್ ತಿಕ್ಕಂದಿಲೆಕ್ಕ ಒಡೆಗ್ ಪೋವೊಡು ಪಂಡ್‌ದುಲ್ಲೆ? ಗ್ರೀಕೆರೆ ಉಲಯಿ ಪರಡ್ದ್ ಪೋತಿ ನಮ್ಮಕುಲೆನ ಕೈತಲ್ ಪೋದು, ಗ್ರೀಕೆರೆಗ್ ಬೋಧನೆ ಮಲ್ಪೊಡುಂದುಲ್ಲೆನಾ?

ಅಪೊ.ಕ್ರಿ 14:27

ಅಲ್ಪ ಸಭೆನ್ ಕೂಡಾದ್ ದೇವೆರ್ ತನ್ಕುಲೆ ಒಟ್ಟುಗಿತ್ತ್‌ದ್ ಮಲ್ತಿನ ಮಾತೆನ್ಲಾ ಆಯೆ ಪಿದಯಿದ ಜನೊಕುಲೆಗ್ ನಂಬಿಕೆದ ಬಾಕಿಲ್‌ನ್ ಜತ್ತ್‌ದಿನೆನ್ಲಾ ವಿವರಿಸಾದ್ ಪಂಡೆರ್.

ಅಪೊ.ಕ್ರಿ 22:21

ಆಂಡ ಈ, ‘ಪೋಲ,’ ‘ಯಾನ್ ನಿನನ್ ದೂರೊಗು ಪಿದಯಿದ ಜನೊಕುಲೆ ಕೈತಲ್‌ ಕಡಪುಡ್ವೆ,’” ಅಂದ್‌ದ್ ಪಂಡೆ.

ಅಪೊ.ಕ್ರಿ 26:20

ಸುರುಟ್ಟು ದಮಸ್ಕದಾಕುಲೆಗ್, ಐಡ್ದ್ ಬೊಕ್ಕ ಯೆರೂಸಲೇಮುಡ್ಲಾ ಯೂದಾಯದ ಮಾತ ಪ್ರದೇಶಡುಪ್ಪುನಾಕುಲೆಗ್ಲಾ ಪಿದಯಿದ ಜನೊಕುಲೆಗ್ಲಾ ನಿಕುಲು ದೇವೆರೆ ಕೈತಲ್‌ ತಿರ್ಗ್‌ದ್ ಪಶ್ಚಾತಾಪೊಗು ಯೋಗ್ಯವಾಯಿನ ಕಾರ್ಯೊಲೆನ್ ಮಲ್ಪೊಡು ಅಂದ್‌ದ್ ಸಾರಿಯೆ.

ಅಪೊ.ಕ್ರಿ 9:15

ಕರ್ತವೆ ಆಯಗ್, “ಈ ಪೋಲ; ಆ ನರಮಾನಿ ಪಿದಯಿದ ಜನೊಕುಲೆಗ್ಲಾ ಅರಸರೆಗ್ಲಾ ಇಸ್ರಾಯೇಲ್ಯೆರೆಗ್ಲಾ ಎನ ಪುದರ್‌ಡ್ ಸೇವೆ ಮಲ್ಪೆರೆಗಾದ್ ಬೊಕ್ಕ ಎನ ಪುದರ್ ಸಾರಿಯೆರೆಗಾದ್‌ಲಾ ಯಾನ್ ಆಯನ್ ಅಜತ್ ದೆತ್ತೊಂದಿನಾಯೆ ಆದುಲ್ಲೆ.

ರೋಮಾಯೆರೆಗ್ 1:9

ಆಯನ ಮಗನ ಸುವಾರ್ತೆನ್ ಸಾರಿಯೊಂದು, ಯಾನ್ ದಿಂಜಿದಿ ಆತ್ಮೊಡು ಆಯ ಸೇವೆನ್ ಮಲ್ತೊಂದುಲ್ಲೆ. ಪ್ರಾರ್ಥನೆ ಮಲ್ಪುನಗ ಮಾತ ಸಮಯೊಡು ಮದಪಂದೆ ನಿಕ್ಲೆಗಾದ್ ನಟ್ಟೊಂದುಲ್ಲೆ ಉಂದೆಕ್ಕ್ ದೇವೆರೆ ಎನ ಸಾಕ್ಷಿ.

ರೋಮಾಯೆರೆಗ್ 10:14

ಆಂಡ ಅಕುಲು ನಂಬಂದೆ ಇತ್ತೆರ್ಡ ಆಯಗ್ ನಟ್ಟೊನೊನು ಎಂಚ? ಬೊಕ್ಕ ಅಕುಲು ಸುವಾರ್ತೆ ಕೇಂಡಿಜೆರ್ಡ ನಂಬುನು ಎಂಚ? ಸಾರಿದ್ ಪನ್ಪಿನಾಯೆ ಇಜ್ಜಾಂಡ ಕೇನುನು ಎಂಚ?

ರೋಮಾಯೆರೆಗ್ 11:13

ಪಿದಯಿದ ಜನೊಕುಲು ಆದುಪ್ಪು ನಿಕ್ಲೆಡ ಪಾತೆರ್‌ವೆ. ಯಾನ್ ಪಿದಯಿದ ಜನೊಕುಲೆಗ್ ಅಪೊಸ್ತಲೆ ಆದುಪ್ಪುನೆಡ್ದ್ ಎನ ಸೇವೆನ್ ಗನಸ್ಥಿಕೆಗ್ ಕನಪೆ.

ರೋಮಾಯೆರೆಗ್ 15:16

ಪಿದಯಿದ ಜನೊಕುಲೆಗಾದ್ ಬೇಲೆ ಮಲ್ಪೆರೆ, ದೇವೆರ್ ಯೇಸು ಕ್ರಿಸ್ತನ ಸೇವಕೆ ಆದುಪ್ಪೆರೆ ಎಂಕ್ ಕೊರಿನ ಎಡ್ಡೆ ಸಂದರ್ಭೊಡ್ದಾದ್ ಎಂಕ್ ಈ ಧೈರ್ಯ ಉಂಡಾಂಡ್. ದೇವೆರೆಡ್ದ್ ಬತ್ತಿನ ಈ ಸುವಾರ್ತೆ ಸಾರಿಯುನೆಟ್ಟ್ ಯಾನ್ ಒರಿ ಯಾಜಕಲೆಕ್ಕ ಸೇವೆ ಮಲ್ಪುವೆ. ಉಂದೆಡ್ದ್ ಪಿದಯಿದ ಜನೊಕುಲುಲಾ ಪರಿಶುದ್ಧಾತ್ಮೊಡ್ದು ಯೋಗ್ಯದಾಕುಲಾಯಿ ಅರ್ಪಣೆ ಆವಡ್ ಅಂದ್‌ದ್ ಎನ ಆಸೆ.

ರೋಮಾಯೆರೆಗ್ 9:1

ಎಂಕ್ ಮಲ್ಲ ದುಃಖಲಾ ಎನ ಉಡಲ್‌ಡ್ ಬುಡಂದಿ ಬೇನೆಲಾ ಉಂಡು. ಸುಳ್ಳು ಪನಂದೆ ಕ್ರಿಸ್ತ ಎದುರುಡು ಸತ್ಯ ಪನ್ಪೆ. ನೆಕ್ಕ್ ಪರಿಶುದ್ಧಾತ್ಮೊಗು ಅಧೀನವಾಯಿನ ಎನ ಮನಸೇ ಸಾಕ್ಷಿ.

1 ಕೊರಿಂಥ್ಯೆರೆಗ್ 9:1

ಯಾನ್ ಸ್ವತಂತ್ರೆ ಅತ್ತಾ? ಯಾನ್ ಅಪೊಸ್ತಲೆ ಅತ್ತಾ? ನಮ ಕರ್ತವೆ ಆದುಪ್ಪು ಯೇಸುನು ತೂಯಿನಾಯೆ ಅತ್ತಾ? ಯಾನ್ ಕರ್ತವ ಸೇವೆಡ್ ಮಲ್ತಿ ಬೇಲೆದ ಪ್ರತಿಫಲ ನಿಕುಲೇ ಅತ್ತಾ?

2 ಕೊರಿಂಥ್ಯೆರೆಗ್ 11:31

ಯಾನ್ ಪನ್ಪಿನವು ಸುಳ್ಳು ಅತ್ತ್ ಅಂದ್‌ದ್ ನಮ ಕರ್ತವೆ ಆದುಪ್ಪು ಯೇಸುನ ಅಮ್ಮೆ ಆದುಪ್ಪು ದೇವೆರೆಗ್ ಗೊತ್ತುಂಡು. ಆಯೆ ಸದಾಕಾಲೊಗು ಸ್ತುತಿ ದೆತ್ತೊನುನಾಯೆ ಆದುಲ್ಲೆ.

ಗಲಾತ್ಯೆರೆಗ್ 1:16

ತನ ಮಗನ್, ಯಾನ್ ಪಿದಯಿದ ಜನೊಕುಲೆಗ್ ಸಾರಿಯುಲೆಕ್ಕ ಆಯನ್ ಎನಡ ತೆರಿಪಾದ್ ಕೊರಿಯೆರೆ ದೇವರೆನ ಚಿತ್ತ ಆದಿತ್ತ್ಂಡ್. ಉಂದು ಆಯಿನಪಗ ಯಾನ್ ವಾ ನರಮಾನಿಲೆ ಕೈತಡೆಗ್ಲಾ ಪೋಯಿಜಿ.

ಗಲಾತ್ಯೆರೆಗ್ 1:20

ಯಾನ್ ನಿಕ್ಲೆಗ್ ಬರೆಪಿನ ಸಂಗತಿಲು ಸುಳ್ಳು ಅತ್ತ್ ಅಂದ್‌ದ್ ದೇವೆರೆ ಎದುರು ಪ್ರಮಾಣ ಮಲ್ಪುವೆ.

ಗಲಾತ್ಯೆರೆಗ್ 2:16

ಆಂಡಲಾ ಒರಿ ನರಮಾನಿ ನೀತಿವಂತೆ ಅಂದ್‌ದ್ ತೀರ್ಪು ಆಪುಜಿ ಯೇಸು ಕ್ರಿಸ್ತ ಮಿತ್ತ್ ನಂಬಿಕೆ ದೀಪಿನೆಡ್ದೇ ಅತ್ತಂದೆ ನ್ಯಾಯಕಟ್ಟ್‌ನ್ ಕೈಕೊನುನೆಡ್ದ್ ಅತ್ತ್. ಉಂದೆನ್ ತೆರಿಯೊಂದಿನ ಎಂಕುಲುಲಾ ನ್ಯಾಯಕಟ್ಟ್‌ನ್ ಬುಡ್ದು, ಕ್ರಿಸ್ತ ಯೇಸುಡು ನಂಬಿಕೆ ದೀಪಿನಕುಲಾಯ. ದಾಯೆಗಂದ್ಂಡ ನ್ಯಾಯಕಟ್ಟ್‌ನ್ ಕೈಕೊನುನೆಡ್ದ್ ಏರ್ಲಾ ದೇವೆರೆ ಒಟ್ಟಗು ನೀತಿವಂತೆ ಅಂದ್‌ದ್ ತೀರ್ಪು ಆವೆರೆ ಸಾದ್ಯ ಇಜ್ಜಿ.

ಗಲಾತ್ಯೆರೆಗ್ 2:9

ಉಂದತ್ತಂದೆ, ಸಭೆತಕಂಬೊಲು ಅಂದ್‌ದ್ ಪುದರ್ ಪೋಯಿ ಯಾಕೋಬುಲಾ ಪೇತ್ರೆಲಾ ಯೋಹಾನೆಲಾ ದೇವೆರ್ ಎಂಕ್ ಕೊರ್ತಿನ ದಯೊನು ತೆರಿಯೊಂದು ಬಾರ್ನಬನ್ಲಾ ಎನನ್ಲಾ ತನ್ಕುಲೆ ಜತೆಸೇವಕೆರ್ ಅಂದ್‌ದ್ ದೆತ್ತೊಂಡೆರ್. ಪಿದಯಿದ ಜನೊಕುಲೆಗ್ ಸುವಾರ್ತೆ ಸಾರಿಯೊಂದೇ ಉಪ್ಪುಲೆ ಅಂದ್‌ದ್ ಎಂಕ್ಲೆಗ್ ಉತ್ತೇಜನ ಮಲ್ತೆರ್; ಆಂಡ ತನ್ಕುಲು ಸುನ್ನತಿದಾಕುಲೆ ನಡುಟು ಬೇಲೆ ಮಲ್ಪುವ ಅಂದ್‌ದ್ ಅನ್ಯಮನ್ಯದ ಬಲತ್ತ ಕೈ ಕೊರಿಯೆರ್.

ಗಲಾತ್ಯೆರೆಗ್ 3:9

ಅಂಚಾಯಿನೆಡ್ದ್ ನಂಬುನಾಕುಲೆಗ್ ನಂಬಿಕೆ ಇತ್ತಿ ಅಬ್ರಹಾಮುಡೊಪ್ಪ ಆಶೀರ್ವಾದ ತಿಕ್ಕುಂಡು.

2 ತಿಮೋಥಿ 1:11

ಸುವಾರ್ತೆದ ಅಭಿವೃದ್ಧಿಗಾದ್ ಯಾನ್ ಸುವಾರ್ತೆನ್ ಸಾರಿಯುನೆಕ್ಕ್‌ಲಾ ಅಪೊಸ್ತಲೆ ಆದ್ ಬೋಧನೆ ಮಲ್ಪೆರೆಗಾದ್‌ಲಾ ನೇಮಕ ಆತೆ.

2 ಪೇತ್ರೆ 2:5

ಬೊಕ್ಕ ದೇವೆರ್ ಆದಿಡ್ ಭಕ್ತಿದಾಂತಿನ ಲೋಕೊನ್ಲಾ ಅಂಚೆನೇ ಬುಡಂದೆ ಅಕ್ಲೆ ಮಿತ್ತ್ ಜಲಪ್ರಳಯ ಬರ್ಪಿಲೆಕ್ಕ ಮಲ್ತೆ. ಆಂಡ ನೀತಿನ್ ಸಾರಿನ ನೋಹನ್ಲಾ ಆಯನ ಕುಟುಂಬಡೊಪ್ಪ ಒರಿದಿ ಏಳ್ ಜನೊಕುಲೆನ್ ಮಾತ್ರ ಒರಿಪಾಯೆ.