1 ತಿಮೋಥಿ 2:6 - ಪೊಸ ಒಡಂಬಡಿಕೆ

⁶ ಆಯೆ ಮಾತೆರೆನ ಬುಡುಗಡೆಗಾದ್ ತನನ್ ಒಚ್ಚಿದ್ ಕೊರಿಯೆ. ಬೊಕ್ಕ ಉಂದು ತಕ್ಕ ಸಮಯೊಡು ಪನೊಡಾಯಿನ ಸಾಕ್ಷಿ ಆದುಂಡು.

1 ತಿಮೋಥಿ 2:6 Iomraidhean Croise

ಮತ್ತಾಯೆ 20:28

ಅಂಚೆನೆ ನರಮಾನಿ ಮಗೆಲಾ ಚಾಕ್ರಿ ಮಲ್ಪಾವೊನ್ರೆ ಅತ್ತ್, ಚಾಕ್ರಿ ಮಲ್ಪೆರೆಲಾ ತನ ಪ್ರಾಣೊನು ಮಸ್ತ್ ಜನೊಕುಲೆನ ಬುಡುಗಡೆಗಾದ್ ಕೊರಿಯೆರೆ ಬತ್ತೆ.” ಅಂದ್‌ದ್ ಪಂಡೆ.

ಮಾರ್ಕೆ 10:45

ನರಮಾನಿ ಮಗೆಲಾ ಚಾಕ್ರಿ ಮಲ್ಪಾವೊನ್ರೆ ಅತ್ತ್, ಚಾಕ್ರಿ ಮಲ್ಪೆರೆಲಾ ತನ ಪ್ರಾಣೊನು ಮಸ್ತ್ ಜನೊಕುಲೆನ ಬುಡುಗಡೆಗಾದ್ ಕೊರಿಯೆರೆ ಬತ್ತೆ.” ಅಂದ್‌ದ್ ಪಂಡೆ.

ಯೋಹಾನೆ 6:51

ಪರಲೋಕೊಡ್ದು ಜತ್ತ್‌ದ್ ಬೈದಿ ಜೀವ ಕೊರ್ಪಿ ರೊಟ್ಟಿ ಯಾನೆ, ಈ ರೊಟ್ಟಿನ್ ಏರಾಂಡಲಾ ತಿಂದೆಡ ಆಯೆ ಏಪೊತ್ತುಗ್ಲಾ ಬದುಕುವೆ, ಬೊಕ್ಕ ಯಾನ್ ಕೊರ್ಪಿನ ರೊಟ್ಟಿ ಎನ ಮಾಸನೇ, ಅವೆನ್ ಲೋಕದ ಜನೊಕುಲೆಗ್ ಜೀವ ತಿಕ್ಕೊಡು ಅಂದ್‌ದ್ ಕೊರ್ಪೆ,” ಪಂಡೆ.

ರೋಮಾಯೆರೆಗ್ 5:6

ನಮ ಬಲದಾಂತಿನಾಕುಲು ಆದುಪ್ಪುನಗನೇ ನೇಮಕ ಆತಿ ಕಾಲೊಡು ಭಕ್ತಿದಾಂತಿನಾಕುಲೆಗಾದ್ ಯೇಸು ಕ್ರಿಸ್ತೆ ತನ ಪ್ರಾಣೊನೇ ಕೊರಿಯೆ.

2 ಕೊರಿಂಥ್ಯೆರೆಗ್ 5:21

ದೇವೆರ್ ಪಾಪದಾಂತಿನ ಕ್ರಿಸ್ತನ್ ಎಂಕ್ಲೆಗಾದ್ ಪಾಪಿಯಾದ್ ಮಲ್ತೆ. ನಮ ಕ್ರಿಸ್ತಡ್ದ್ ನೀತಿವಂತೆರ್ ಆವೊಡು ಅಂದ್‌ದ್ ದೇವೆರ್ ಇಂಚ ಮಲ್ತೆರ್.

ಗಲಾತ್ಯೆರೆಗ್ 1:4

ಆಯೆ ಇತ್ತೆದ ದುಷ್ಟ ಲೋಕೊಡ್ದು ನಮನ್ ಬುಡ್ಪಾವೆರೆಗಾದ್, ನಮ ಅಮ್ಮೆ ಆದುಪ್ಪು ದೇವೆರೆ ಚಿತ್ತೊಗು ಸರಿಯಾದ್ ನಮ ಪಾಪೊಲೆಗ್ ಬೋಡಾದ್ ತನನ್ ತಾನೇ ಬಲಿಯಾದ್ ಅರ್ಪಿಸಾಯೆ.

ಗಲಾತ್ಯೆರೆಗ್ 4:4

ಆಂಡ ಕಾಲ ದಿಂಜಿದ್ ಬನ್ನಗ ದೇವೆರ್ ತನ ಮಗನ್ ಕಡಪುಡ್ದು ಕೊರಿಯೆ. ನ್ಯಾಯಕಟ್ಟ್‌ಗ್ ಒಳಗಾದ್ ಒಂಜಿ ಪೊಂಜೊವುಡು ಪುಟ್ಟುದು ಬರ್ಪಿಲೆಕ್ಕ ಮಲ್ತೆ.

ಎಫೆಸ್ಯೆರೆಗ್ 1:17

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ದೇವೆರ್ ಆದುಪ್ಪು ಮೈಮೆದ ಅಮ್ಮೆ, ನಿಕ್ಲೆಗ್ ತಿಳುವಳಿಕೆದ ಆತ್ಮೊನ್ಲಾ ಪ್ರಕಟನೆನ್ಲಾ ಕೊರ್ದು, ನಿಕುಲು ದೇವೆರೆ ಗೇನೊಡು ಬುಲೆವೊಡು ಅಂದ್‌ದ್ ಯಾನ್ ನಟ್ಟೊನ್ವೆ.

ಎಫೆಸ್ಯೆರೆಗ್ 1:7

ಅಂಚಾಯಿನೆಡ್ದ್ ಆಯನ ನೆತ್ತೆರೆಡ್ದ್ ನಮ ಪಾಪೊಲು ಪರಿಹಾರ ಆದ್ ನಂಕ್ ಬುಡುಗಡೆ ಆಂಡ್. ಉಂದು ದೇವೆರೆನ ದಯತ ಐಶ್ವರ್ಯನೇ ಆದುಂಡು.

ಎಫೆಸ್ಯೆರೆಗ್ 3:5

ಆ ಗುಟ್ಟುನು ಈ ಕಾಲೊಲೆಡ್ ಪರಿಶುದ್ಧ ಅಪೊಸ್ತಲೆರೆಗ್ಲಾ ಪ್ರವಾದಿಲೆಗ್ಲಾ ಪರಿಶುದ್ಧಾತ್ಮೊಡು ತೆರಿಪಾಯಿಲೆಕ್ಕ ಬೇತೆ ಕಾಲೊಡು ಇತ್ತಿನ ಜನೊಕುಲೆಗ್ ತೆರಿಪಾದಿಜಿ.

ಎಫೆಸ್ಯೆರೆಗ್ 5:2

ಕ್ರಿಸ್ತೆ ನಮನ್ ಪ್ರೀತಿ ಮಲ್ತ್‌ದ್ ನಂಕ್ ಬೋಡಾದ್ ಕಮ್ಮೆನ ಇತ್ತಿ ಕಾಣಿಕೆ ಆದ್‌ಲಾ ಬಲಿ ಆದ್‌ಲಾ ದೇವೆರೆಗ್ ಒಚ್ಚಿದ್ ಕೊರಿಯೆ ಅತ್ತಾ. ಅಂಚೆನೇ ನಿಕುಲುಲಾ ಪ್ರೀತಿಡ್ ನಡತೊನ್ಲೆ.

2 ಥೆಸಲೋನಿಕೆರೆಗ್‌ 1:10

ಆ ದಿನೊಟು ಆಯೆ ತನ ಪರಿಶುದ್ಧವಂತೆರೆಡ್ ಮೈಮೆ ಪಡೆವೊಂದು ಮಾತ ನಂಬುನಾಕುಲೆಗ್ ಮೆಚ್ಚಿಗೆದಾಯೆ ಆದ್ ತೋಜಿದ್ ಬರುವೆ. ಇಂಚ ಉಪ್ಪುನಗ ಎಂಕುಲು ಕೊರಿ ಸಾಕ್ಷಿನ್ ನಂಬಿ ನಿಕುಲುಲಾ ಅಕ್ಲೆಡೊಪ್ಪ ಉಪ್ಪರ್.

1 ತಿಮೋಥಿ 6:15

ಭಾಗ್ಯವಂತೆ ಆಯಿ ಒರಿಯೇ ಸರ್ವತ್ರಾಣಿ ದೇವೆರ್‌ಲಾ, ರಾಜಾದಿರಾಜೆಲಾ ಕರ್ತವೆರೆ ಕರ್ತವೆಲಾ ಆದುಪ್ಪು ಯೇಸು ಬರ್ಪಿನೆನ್ ದೇವೆರ್ ತಕ್ಕ ಸಮಯೊಡು ತೋಜಾವೆ.

2 ತಿಮೋಥಿ 1:8

ಅಂಚಾದ್ ಕರ್ತವಗ್ ಕೊರ್ಪಿನ ಸಾಕ್ಷಿದ ಬಗೆಟಾವಡ್ ಆಯಗಾದ್ ಸೆರೆಮನೆಟ್ ಉಪ್ಪುನ ಎನ ಬಗೆಟಾವಡ್ ನಾಚಿಗೆ ಮಲ್ಪಡ. ಆಂಡ ದೇವೆರ್ ನಿಕ್ಕ್ ಕೊರ್ಪಿನ ಬಲೊಡ್ದು ಸುವಾರ್ತೆಗಾದ್ ಎನಡೊಪ್ಪ ಕಷ್ಟೊಲೆನ್ ತಾಳೊನ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:3

ದೇವೆರ್ ಅಜತಿನಾಕುಲೆ ನಂಬಿಕೆನ್ಲಾ, ಭಕ್ತಿನ್ಲಾ ಉಂಡು ಮಲ್ಪುನ ಸತ್ಯದ ಗೇನೊಗ್ಲಾ ಅಭಿವೃದ್ಧಿ ಮಲ್ಪೆರೆಗಾದ್ರಲಾ ಯಾನ್ ಅಪೊಸ್ತಲೆ ಆತೆ. ಆ ನಂಬಿಕೆಗ್ಲಾ ಸತ್ಯದ ಗೇನೊಗ್ಲಾ ನಿತ್ಯಜೀವದ ನಿರೀಕ್ಷೆನೇ ಆಧಾರ ಆದುಂಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:14

ನಮನ್ ಮಾತ ಅನ್ಯಾಯೊಡ್ದು ಬುಡುಗಡೆ ಮಲ್ಪೆರೆಗಾದ್‌ಲಾ, ಎಡ್ಡೆ ಕೆಲಸೊಲೆಡ್ ಆಸಕ್ತಿ ಇತ್ತಿ ಜನೊಕುಲು ಆದುಪ್ಪೊಡಂದ್‌ದ್‌ಲಾ, ತನ ಸ್ವಂತ ಜನ ಆದ್ ಶುದ್ಧ ಮಲ್ಪುನೆಕ್ಕಾದ್‌ಲಾ ಯೇಸು ತನನ್ ತಾನೆ ನಂಕ್ ಬೋಡಾದ್ ಒಚ್ಚಿದ್ ಕೊರಿಯೆ.

ಇಬ್ರಿಯೆರೆಗ್ 9:12

ಏಡ್ ಬೊಕ್ಕ ಆಣ್ ಕಂಜಿಲೆ ನೆತ್ತೆರ್‌ನ್ ದೆತ್ತೊನಂದೆ ಸ್ವಂತ ನೆತ್ತೆರ್‌ನೇ ದೆತ್ತೊಂದು ನಂಕಾದ್ ನಿತ್ಯ ಬುಡುಗಡೆನ್ ಸಂಪಾದನೆ ಮಲ್ತೊಂಡಿನಾಯೆ ಆದ್ ಒಂಜೇ ಸರಿ ದೇವೆರೆ ಪರಿಶುದ್ಧತೆತ ಸನ್ನಿಧಾನೊಗು ಸೇರಿಯೆ.

1 ಪೇತ್ರೆ 2:24

ನಮ ಪಾಪೊಲೆಗಾದ್ ಸೈತ್‌ದ್ ನೀತಿವಂತೆರಾದ್ ಬದುಕುಲೆಕ್ಕ ಯೇಸು ನಮ ಪಾಪೊಲೆನ್ ತಾನೇ ತನ ಶರೀರೊಡು ತುಂಬೊಂದು ಮರಣದ ಕಂಬೊನು ಏರಿಯೆ. ಆಯನ ಗಾಯೊಡ್ದು ನಂಕ್ ಗುಣ ಆಂಡ್.

1 ಪೇತ್ರೆ 3:18

ಕ್ರಿಸ್ತೆಲಾ ನೀತಿವಂತೆ ಆದಿತ್ತ್‌ದ್ ನೀತಿಕೆಟ್ಟಿನಾಕುಲೆಗ್ ಬೋಡಾದ್ ತನ ಪ್ರಾಣೊನು ಕೊರ್ದು ಅಕ್ಲೆನ್ ದೇವೆರೆ ಕೈತಲ್‌ ಸೇರಾಯೆರೆಗಾದ್ ಅಕ್ಲೆ ಪಾಪೊನು ದೆಪ್ಪೆರೆ ಬೇನೆ ತಿಂದ್‌ದ್ ಒಂಜೇ ಸರ್ತಿ ತನ ಪ್ರಾಣೊನು ಕೊರಿಯೆ. ಆಯೆ ಶರೀರೊಡು ಸೈತೆ; ಆಂಡ ಆತ್ಮೊಡು ಕುಡೊರ ಬದುಕುನಾಯೆ ಆದುಲ್ಲೆ.

1 ಯೋಹಾನೆ 4:10

ನಮ ದೇವೆರೆನ್ ಪ್ರೀತಿ ಮಲ್ತಿನೆಟ್ಟ್ ಅತ್ತ್, ಆಯೆ ನಮನ್ ಪ್ರೀತಿ ಮಲ್ತ್‌ದ್, ತನ ಮಗನ್ ನಮ ಪಾಪೊಲೆಗ್ ಬೋಡಾದ್ ಬಲಿ ಆದ್ ಕಡಪುಡಿನೆಟ್ಟೇ ತೋಜಿದ್ ಬರ್ಪುಂಡು.

ಪ್ರಕಟಣೆ 5:9

ಅಕುಲು ಪೊಸ ರಾಗ ಮಲ್ತೊಂದು, “ಈ ಸುರುಳಿನ್ ದೆತ್ತೊಂದು ಜಪ್ಪೆರೆ ಐತ ಮುದ್ರೆಲೆನ್ ದರ್ಪೆರೆ ಈ ತಕ್ಕದಾಯೆ, ಈ ಬಲಿ ಆದ್ ನಿನ ನೆತ್ತೆರೆಡ್ದ್ ಬುಡುಗಡೆ ಮಲ್ತ್‌ದಿ ಮಾತ ಗೋತ್ರ, ಪ್ರಜೆ, ಭಾಷೆ, ಜನೊಕುಲು, ಬೊಕ್ಕ ಜನಾಂಗೊಲೆಡ್ದ್ ದೇವೆರೆಗಾದ್ ನರಮಾನಿಲೆನ್ ಬಿಲೆಕ್ ದೆತ್ತೊಂಡ.