1 ತಿಮೋಥಿ 2:5 - ಪೊಸ ಒಡಂಬಡಿಕೆ

⁵ ದಾಯೆಗಂದ್ಂಡ ದೇವೆರ್ ಒರಿಯೇ, ದೇವೆರೆನ್ಲಾ ನರಮಾನಿಲೆನ್ಲಾ ಒಂಜಿ ಮಲ್ಪುನ ಮದ್ಯಸ್ತೆಗಾರೆಲಾ ಒರಿಯೇ. ಆಯೆ ನರಮಾನಿ ಆಯಿ ಯೇಸು ಕ್ರಿಸ್ತೆನೇ

1 ತಿಮೋಥಿ 2:5 Iomraidhean Croise

ಮತ್ತಾಯೆ 1:1

ಉಂದು ಯೇಸು ಕ್ರಿಸ್ತನ ಸಂತಾನದ ಪಟ್ಟಿ. ಆಯೆ ದಾವೀದನ ಸಂತಾನದಾಯೆ, ದಾವೀದೆ ಅಬ್ರಹಾಮುನ ಸಂತಾನದಾಯೆ.

ಮತ್ತಾಯೆ 1:23

“ಇಂದಾ, ಒಂಜಿ ಕನ್ಯಪೊಣ್ಣು ಬಂಜಿನಾಲಾದ್ ಒಂಜಿ ಬಾಲೆನ್ ಪೆದ್ದುವಲ್. ಆಯಗ್ ಇಮ್ಮಾನುವೇಲ್ ಪಂಡ್ದ್ ಪುದರ್ ದೀಪೆರ್. ನೆತ್ತ ಅರ್ಥ, ‘ದೇವೆರ್ ನಮಡೊಪ್ಪ ಉಲ್ಲೆ,’ ಪಂಡ್ದ್.”

ಲೂಕೆ 14:22

ಬೊಕ್ಕ ಆ ಬೇಲೆದಾಯೆ ಯಜಮಾನಗ್, ‘ಈರ್ ಅಪ್ಪಣೆ ಕೊರಿ ಲೆಕ್ಕ ಮಲ್ತೆ ಆಂಡ ನನಲಾ ಜಾಗ್ ಉಂಡು,’ ಪಂಡೆ.

ಯೋಹಾನೆ 1:14

ಆ ವಾಕ್ಯ ಪನ್ಪಿನಾಯೆ ನರಮಾನಿ ರೂಪೊಡು ನಮ ನಡುಟು ಬದ್‌ಕಿಯೆ. ನಮ ಆಯನ ಮೈಮೆನ್ ತೂಯ. ಆ ಮೈಮೆ ಅಮ್ಮೆರೆಡ್ದ್ ಬತ್ತಿತ್ತಿ ಒರಿಯೇ ಮಗಕ್ಕ್ ಉಪ್ಪೊಡಾಯಿ ಮೈಮೆ. ಆಯೆ ದಯೊಟ್ಲಾ ಸತ್ಯೊಡ್ಲಾ ದಿಂಜಿದಿನಾಯೆ ಆದಿತ್ತೆ.

ಯೋಹಾನೆ 17:3

ಒರಿಯೇ ನಿಜ ದೇವೆರ್ ಆದುಪ್ಪು ನಿನನ್ಲಾ ಈ ಕಡಪುಡ್ದಿ ಯೇಸು ಕ್ರಿಸ್ತನ್ಲಾ ತೆರಿಯೊನುನವೇ ನಿತ್ಯಜೀವ.

ಅಪೊ.ಕ್ರಿ 4:12

ಬರೊಡಾಯಿ ರಕ್ಷಣೆ ಏರೆಡ್ದ್‌ಲಾ ತಿಕ್ಕುಜಿ; ಆ ಪುದರ್‌ಡೇ ಅತ್ತಂದೆ ಬಾನದ ತಿರ್ತ್ ಕೊರ್ತಿನ ಬೇತೆ ವಾ ಪುದರ್‌ಡ್ಲಾ ನಂಕ್ ರಕ್ಷಣೆ ಆಪುಜಿ ಅಂದ್‌ದ್ ಪಂಡೆ.”

ರೋಮಾಯೆರೆಗ್ 1:3

ಈ ಸುವಾರ್ತೆ ದೇವೆರೆ ಮಗೆ ಆಯಿ ಯೇಸು ಕ್ರಿಸ್ತನ ವಿಷಯೊಡು ಆದುಂಡು. ಅವು ದಾನೆಂದ್ಂಡ ಆಯೆ ನರಮಾನಿ ಆದ್ ದಾವೀದನ ಸಂತಾನೊಡು ಪುಟ್ಟುದು; ಪರಿಶುದ್ಧ ಆತ್ಮೊಗು ಸರಿಯಾದ್ ಸೈತಿ ಬೊಕ್ಕ ಜೀವೊಡು ಲಕ್ಕಾಯಿನ ಮಲ್ಲ ಶಕ್ತಿಡ್ದಾದ್ ದೇವೆರೆ ಮಗೆ ಪಂಡ್ದ್ ತೆರಿದ್ ಬತ್ತಿನಾಯೆ ಆದುಲ್ಲೆ.

ರೋಮಾಯೆರೆಗ್ 10:12

ಉಂದು ಮಾತೆರೆಗ್ಲಾ ಸೇರುನ ಪಾತೆರ ದಾಯೆಗಂದ್ಂಡ ಯೆಹೂದ್ಯೆರೆಗ್ಲಾ ಗ್ರೀಕೆರೆಗ್ಲಾ ವಾ ಭೇದಲಾ ಇಜ್ಜಿ. ದೇವೆರ್ ಮಾತೆರೆಗ್ಲಾ ಕರ್ತವೆ ಆದುಲ್ಲೆ, ಬೊಕ್ಕ ಆಯಡ ನಟ್ಟೊನುನ ಪ್ರತಿ ಒರಿಯನ್ಲಾ ವಿಶೇಷ ಆದ್ ಆಶೀರ್ವದಿಪುವೆ.

1 ಕೊರಿಂಥ್ಯೆರೆಗ್ 8:4

ಮೂರ್ತಿಪೂಜೆಗ್ ನೈವೇದ್ಯ ಮಲ್ತ್‌ದಿನ ವಸ್ತುಲೆನ್ ತಿನ್ಪಿನ ಬಗೆಟ್ ದಾನೆಂದ್ಂಡ, ಲೋಕೊಡು ಮೂರ್ತಿಪೂಜೆಲು ದಾಲಾ ಅತ್ತ್, ದೇವೆರ್ ಒರಿಯೇ, ಬೇತೆ ದೇವೆರ್ ಇಜ್ಜೆ ಅಂದ್‌ದ್ ತೆರಿದುಲ್ಲ.

1 ಕೊರಿಂಥ್ಯೆರೆಗ್ 8:6

ನಂಕ್ ಒರಿಯೇ ದೇವೆರ್ ಉಲ್ಲೆ; ಆಯೆ ಅಮ್ಮೆ ಆದುಪ್ಪುನಾಯೆನೇ; ಎಂಕುಲು ಆಯಗಾದ್ ಉಂಡಾದ್ ಬದುಕುವ. ಬೊಕ್ಕ ನಂಕ್ ಒರಿಯೇ ಕರ್ತವೆ; ಆಯೆ ಯೇಸು ಕ್ರಿಸ್ತೆನೇ; ಆಯಡ್ದ್ ಮಾತ ಉಂಡಾಂಡ್, ಎಂಕುಲುಲಾ ಆಯಡ್ದೇ ಜೀವೊಡುಲ್ಲ.

ಗಲಾತ್ಯೆರೆಗ್ 3:20

ಒಂಜೆ ಪಕ್ಷ ಇತ್ತ್ಂಡ ಮದ್ಯಸ್ತೆ ಬೋಡಂದ್ ಇಜ್ಜಿ. ಆಂಡ ದೇವೆರಾಂಡಲಾ ಒರಿಯೇ.

ಎಫೆಸ್ಯೆರೆಗ್ 4:6

ಮಾತೆರೆಗ್ ಅಮ್ಮೆ ಆದುಪ್ಪು ದೇವೆರ್ ಒರಿಯೇ. ಆಯೆ ಮಾತೆರೆ ಮಿತ್ತ್ ಉಪ್ಪುನಾಯೆಲಾ ಮಾತೆರೆಡ್ದ್ ಕಾರ್ಯ ಮಲ್ಪುನಾಯೆಲಾ ಮಾತೆರೆಡೊಪ್ಪ ಉಪ್ಪುನಾಯೆಲಾ ಆದುಲ್ಲೆ.

1 ತಿಮೋಥಿ 6:13

ಮಾತ ಸೃಷ್ಟಿಗ್ಲಾ ಜೀವ ಕೊರ್ಪಿನ ದೇವೆರೆ ದುಂಬುಲಾ, ಪೊಂತ್ಯ ಪಿಲಾತನ ಎದುರುಡು ಎಡ್ಡೆ ಅರಿಕೆನ್ ಸಾಕ್ಷಿ ಆದ್ ಕೊರಿನ ಕ್ರಿಸ್ತ ಯೇಸುನ ಎದುರುಡ್ಲಾ ಯಾನ್ ನಿಕ್ಕ್ ಕಂಡಿತಾದ್ ಪನ್ಪಿನಿ ದಾನೆಂದ್ಂಡ,

ಇಬ್ರಿಯೆರೆಗ್ 12:24

ಪೊಸ ಒಡಂಬಡಿಕೆದ ಮದ್ಯಸ್ತೆಗಾರೆ ಆದುಪ್ಪು ಯೇಸು ಕೈತಲ್‌ಗ್ ತಲಿಪು ನೆತ್ತರ್‌ದಡೆಗ್ ಬತ್ತರ್. ಈ ನೆತ್ತೆರ್ ಹೇಬೆಲ್‌ನೆಡ್ದ್ ಎಡ್ಡೆದೆನ್ ಪಾತೆರುಂಡು.

ಇಬ್ರಿಯೆರೆಗ್ 7:25

ಅಂಚಾಯಿನೆಡ್ದ್ ಆಯಡ್ದ್ ದೇವೆರೆ ಕೈತಲ್‌ ಬರ್ಪಿನಾಕುಲೆಗ್ ಏಪಲಾ ಪೂರ್ತಿ ರಕ್ಷಣೆ ಮಲ್ಪೆರೆ ಸಾದ್ಯ ಆಂಡ್. ಆಯೆ ಅಕ್ಲೆಗಾದ್ ಏಪಲಾ ದೇವೆರೆಡ ಮದ್ಯಸ್ತಿಕೆ ಮಲ್ಪೆರೆಗಾದ್ರ ಏನಿತ್ಯೇನಿಗ್ಲಾ ಬದುಕುವೆ.

ಇಬ್ರಿಯೆರೆಗ್ 8:6

ಆಂಡ ಕ್ರಿಸ್ತೆ ಐಡ್ದ್ ಶ್ರೇಷ್ಟವಾಯಿನ ಯಾಜಕತ್ವೊನು ಪಡೆತಿನಾಯೆ ಆದುಲ್ಲೆ. ಎಡ್ಡೆಂತಿನ ವಾಗ್ದಾನೊಲೆ ಮಿತ್ತ್ ಉಂಡಾಯಿನ ಎಡ್ಡೆಂತಿನ ಒಡಂಬಡಿಕೆಗ್ ಮದ್ಯಸ್ತೆ ಆದುಲ್ಲೆ.

ಇಬ್ರಿಯೆರೆಗ್ 9:15

ಬೊಕ್ಕ ಈ ಕಾರಣೊಡ್ದು ಆಯೆ ಒಂಜಿ ಪೊಸ ಒಡಂಬಡಿಕೆಗ್ ಮದ್ಯಸ್ತೆಗಾರೆ ಆದುಲ್ಲೆ. ಸುರುತ್ತ ಒಡಂಬಡಿಕೆದ ಕಾಲೊಡು ನಡತಿನ ಅಕ್ರಮೊಲೆ ಪರಿಹಾರೊಗಾದ್ ಆಯೆ ಮರಣೊನು ಅನುಭವ ಮಲ್ತಿನೆಡ್ದ್ ದೇವೆರೆಡ್ದ್ ಲೆಪ್ಪಾವೊಂಡಿನಾಕುಲು ವಾಗ್ದಾನ ಆದಿತ್ತಿ ನಿತ್ಯ ಬಾಧ್ಯಸ್ತಿಗೆನ್ ಪಡೆಯೆರೆ ಆಯಡ್ದ್ ಸಾದಿ ಆಂಡ್.

1 ಯೋಹಾನೆ 2:1

ಎನ ಪ್ರೀತಿದ ಜೋಕುಲೇ, ನಿಕುಲು ಪಾಪ ಮಲ್ಪಂದಿಲೆಕ್ಕ ಯಾನ್ ಉಂದೆನ್ ನಿಕ್ಲೆಗ್ ಬರೆವೊಂದುಲ್ಲೆ. ಏರಾಂಡಲಾ ಪಾಪ ಮಲ್ತೆಡ, ನೀತಿವಂತೆ ಆದುಪ್ಪು ಯೇಸು ಕ್ರಿಸ್ತೆ ಪನ್ಪಿ ನ್ಯಾಯವಾದಿ ನಂಕ್ ಅಮ್ಮೆರೆ ಕೈತಲ್ ಉಲ್ಲೆ.

ಪ್ರಕಟಣೆ 1:13

ಈ ದೀಪಕಂಬೊಲೆ ನಡುಟು ಒರಿ ನರಮಾನಿ ಮಗೆಲೆಕ್ಕ ಇತ್ತಿನಾಯನ್ ತೂಯೆ; ಆಯೆ ನೇಲ್ಯ ಅಂಗಿನ್ ಪಾಡೊಂದು, ಬಂಗಾರ್‌ದ ಪಟ್ಟಿನ್ ತಿಗಲೆಗ್ ಕಟ್ಟ್‌ದಿತ್ತೆ.