1 ತಿಮೋಥಿ 2:1 - ಪೊಸ ಒಡಂಬಡಿಕೆ

¹ ಮಾತೆಡ್ದ್ ದುಂಬು ಮಾತ ನರಮಾನಿಲೆಗಾದ್ ದೇವೆರೆಡ ನಟ್ಟೊಂದು, ಪ್ರಾರ್ಥನೆ ಮಲ್ತೊಂದು, ಮದ್ಯಸ್ತಿಕೆ ಬೊಕ್ಕ ಉಪಕಾರ ಸ್ತುತಿ ಮಲ್ಪೊಡು ಅಂದ್‌ದ್ ಕೇನೊನ್ವೆ.

1 ತಿಮೋಥಿ 2:1 Iomraidhean Croise

ಅಪೊ.ಕ್ರಿ 17:30

ಅಪಗದ ತಿಳುವಳಿಕೆದಾಂತಿ ಕಾಲೊನು ದೇವೆರ್ ನೆನೆಪುಗು ಕನತಿಜೆ. ಇತ್ತೆ ಆಂಡಲಾ ಆಯೆ ನಾಲ್ ದಿಕ್ಕ್‌ಡುಪ್ಪುನ ಜನೊಕುಲು ಮಾತೆರ್ಲಾ ಪಶ್ಚಾತಾಪ ಪಡೆದ್ ತನ ಕೈತಲ್‌ ತಿರ್ಗೊನೊಡು ಅಂದ್‌ದ್ ಅಪ್ಪಣೆ ಕೊರ್ಪೆ.

ರೋಮಾಯೆರೆಗ್ 1:8

ದುಂಬಾದ್ ಪನ್ಪಿನಿ ದಾನೆಂದ್ಂಡ, ನಿಕ್ಲೆನ ನಂಬಿಕೆ ಲೋಕೊಡು ಮಾತ ಕಡೆಟ್ಟ್ ತೆರಿದ್ ಬೈದಿನೆಡ್ದ್ ಯಾನ್ ನಿಕ್ಲೆಗಾದ್ ಯೇಸು ಕ್ರಿಸ್ತಡ್ ಎನ ದೇವೆರೆಗ್ ಉಪಕಾರ ಸಂದಾವೆ.

ರೋಮಾಯೆರೆಗ್ 6:17

ಆಂಡ ನಿಕುಲು ಪಿರವುಡು ಪಾಪೊಗು ಗುಲಾಮೆರ್ ಆದಿತ್ತರ್ಡಲಾ ನಿಕ್ಲೆಗ್ ಕಲ್ಪಾಯಿ ಬೋಧನೆಲೆಗ್ ನಿಕುಲು ಉಡಲ್‌ಡ್ದ್ ಅಧೀನರಾಯರ್. ಪಾಪೊಲೆಡ್ದ್ ಬುಡುಗಡೆ ಆದ್ ನೀತಿಗ್ ಗುಲಾಮೆರ್ ಆಯಿನೆಡ್ದ್ ದೇವೆರೆಗ್ ಉಪಕಾರ ಆವಡ್.

1 ಕೊರಿಂಥ್ಯೆರೆಗ್ 15:3

ಯಾನ್ ನಿಕ್ಲೆಗ್ ತೆರಿಪಾದಿನ ಸುರುತ್ತ ಸಂಗತಿಲೆಡ್ ಒಂಜಿ ಸಂಗತಿನ್ ನಿಕ್ಲೆಗ್ ಮುಖ್ಯವಾದ್ ತೆರಿಪಾದ್ ಕೊರಿಯೆ. ಅವು ಯಾನ್ಲಾ ಕಲ್ತೊಂದಿನವೇ. ಅವು ದಾನೆಂದ್ಂಡ ಶಾಸ್ತ್ರೊಡು ತೆರಿಪಾಯಿ ಲೆಕ್ಕನೇ ಕ್ರಿಸ್ತೆ ನಮ ಪಾಪೊಲೆಗಾದ್ ಸೈತೆ.

2 ಕೊರಿಂಥ್ಯೆರೆಗ್ 8:6

ಉಂದೆಡ್ದಾದ್ ನಿಕ್ಲೆಡ್ ದುಂಬು ಈ ದಯತ ಕಾರ್ಯೊನು ತೀತಡ್ದ್ ಸುರು ಮಲ್ತಿನೆನ್ ಆಯೆ ಅವೆನ್ ನಿಕ್ಲೆಡ್ ತೀರಿಸಾವಡ್ ಅಂದ್‌ದ್ ಎಂಕುಲು ಆಯಡ ಕೇನೊಂಡ.

ಎಫೆಸ್ಯೆರೆಗ್ 3:13

ಅಂಚಾದ್ ಯಾನ್ ನಿಕ್ಲೆಗ್ ಬೋಡಾದ್ ಬರ್ಪಿ ಭಂಗೊಲು ಅವು ನಿಕ್ಲೆ ಮೈಮೆಗಾದ್ ಅಂದ್‌ದ್ ಎನ್ನ್‌ದ್ ಸೋತುದು ಪೋವಡೆ.

ಎಫೆಸ್ಯೆರೆಗ್ 5:20

ಬೊಕ್ಕ ಮಾತೆಟ್ಲಾ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ಪುದರ್‌ಡ್ ಅಮ್ಮೆ ಆದುಪ್ಪು ದೇವೆರೆಗ್ ಉಪಕಾರ ಸ್ತುತಿ ಪನೊಂದುಪ್ಪುಲೆ.

ಎಫೆಸ್ಯೆರೆಗ್ 6:18

ಮಾತ ಕಾಲೊಲೆಡ್ಲಾ ಪ್ರತಿಯೊಂಜಿ ಸಂಗತಿಗಾದ್ರಲಾ, ಆತ್ಮಡ್ ಪ್ರಾರ್ಥನೆ ಮಲ್ಪುಲೆ. ಎಚ್ಚರಿಕೆ ಆದಿತ್ತ್‌ದ್ ಮಾತ ದೇವಜನೊಕುಲೆಗಾದ್ ಬುಡಂದೆ ಪ್ರಾರ್ಥನೆ ಮಲ್ಪುನಾಕುಲು ಆದುಪ್ಪುಲೆ.

ಫಿಲಿಪ್ಪಿಯೆರೆಗ್ 1:3

ಯಾನ್ ನಿಕ್ಲೆಗಾದ್ ದೇವೆರೆಡ ಪ್ರಾರ್ಥನೆ ಮಲ್ಪುನ ಮಾತ ಸಮಯೊಲೆಡ್ ಸಂತೋಷೊಡು ಪ್ರಾರ್ಥನೆ ಮಲ್ಪುವೆ. ದಾಯೆಗಂದ್ಂಡ ನಿಕುಲು ಸುರುಡ್ದು ಇನಿ ಮುಟ್ಟಲಾ ಸುವಾರ್ತೆ ಸಾರಿಯುನೆಟ್ಟ್ ಪಾಲ್‌ದಾರೆರಾದ್ ಉಲ್ಲರ್ ಅಂದ್‌ದ್ ಎನ ದೇವೆರೆಗ್ ಉಪಕಾರ ಮಲ್ಪುವೆ.

ಫಿಲಿಪ್ಪಿಯೆರೆಗ್ 4:6

ವಾ ವಿಷಯೊಡ್ಲಾ ಚಿಂತೆ ಮಲ್ಪಂದೆ, ಮಾತ ಸಂಗತಿಡ್ ದೇವೆರೆನ ದುಂಬು ಉಪಕಾರ ಸ್ತುತಿನ್ಲಾ ಪ್ರಾರ್ಥನೆ ಅರಿಕೆಲೆನ್ಲಾ ಮಲ್ತೊಂದು, ನಿಕ್ಲೆಗ್ ಬೋಡಾಪಿನೆನ್ ತೆರಿಪಾಲೆ.

1 ಥೆಸಲೋನಿಕೆರೆಗ್‌ 3:12

ನಿಕ್ಲೆಡ್ ಎಂಕ್ಲೆನ ಪ್ರೀತಿ ಎಂಚ ಉಂಡಾ ಅಂಚೆನೇ ನಿಕ್ಲೆನ ಪ್ರೀತಿಲಾ ಒರಿ ಒರಿಯನ ಮಿತ್ತ್‌ಲಾ, ಮಾತ ನರಮಾನಿಲೆ ಮಿತ್ತ್‌ಲಾ ಇತ್ತ್‌ದ್ ಅಭಿವೃದ್ಧಿ ಆದ್ ಬುಲೆವೊಂದು ಪೋಪಿಲೆಕ್ಕ ಕರ್ತವೆ ನಡಪಾವಡ್.

2 ಥೆಸಲೋನಿಕೆರೆಗ್‌ 1:3

ಸಹೋದ್ರೆರೇ, ನಿಕ್ಲೆನ ನಂಬಿಕೆ ದಿನೊಡ್ದು ದಿನ ಬುಲೆವೊಂದುಂಡು. ಬೊಕ್ಕ ನಿಕ್ಲೆ ಉಲಯಿದ ಪ್ರೀತಿ ನಿಕ್ಲೆ ಮಾತೆರೆಡ್ ಹೆಚ್ಚೊಂದು ಬರ್ಪಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಡ್ ದೇವೆರೆಗ್ ಏಪಲಾ ಉಪಕಾರ ಮಲ್ಪುನವು ಅಗತ್ಯ ಆದುಂಡು.

1 ತಿಮೋಥಿ 2:4

ಮಾತ ನರಮಾನಿಲು ರಕ್ಷಣೆ ಹೊಂದುದು ಅಕುಲು ಸತ್ಯದ ಗೇನೊಡು ಸೇರೊಡು ಪನ್ಪಿನ ದೇವೆರೆನ ಚಿತ್ತ.

1 ತಿಮೋಥಿ 5:5

ದಿಕ್ಕ್‌ದಾಂತಿ ಒಂಟಿ ವಿಧವೆ, ದೇವೆರೆನ ಮಿತ್ತ್ ಭರವಸೆ ದೀದ್, ರಾತ್ರೆ ಪಗೆಲ್ ನಟ್ಟೊನುನೆಟ್ಲಾ ಪ್ರಾರ್ಥನೆಡ್ಲಾ ನಿಲೆ ಆದುಪ್ಪುವಲ್.

2 ತಿಮೋಥಿ 2:24

ಕರ್ತವ ಸೇವಕೆ ಲಡಯಿ ಮಲ್ಪಂದೆ, ಮಾತೆರೆಗ್ ದಯ ತೋಜಾವುನಾಯೆಲಾ, ಬೋಧನೆ ಮಲ್ಪೆರೆ ತಕ್ಕದಾಯೆಲಾ, ತಾಳ್ಮೆಡ್ ಉಪ್ಪುನಾಯೆಲಾ ಆದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:11

ದಾಯೆಗಂದ್ಂಡ ಮಾತ ನರಮಾನಿಲೆಗ್ ರಕ್ಷಣೆನ್ ಉಂಡು ಮಲ್ಪುನ ದೇವೆರೆನ ದಯ ತೋಜಿದ್ ಬೈದ್‌ಂಡ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:2

ಏರೆನ್ಲಾ ದೂಷಣೆ ಮಲ್ಪಂದೆ, ಲಡಯಿ ಮಲ್ಪಂದೆ, ತಗ್ಗ್‌ತನೊಟು ಮಾತೆರೊಟ್ಟುಗು ಸಮಾಧಾನಿಲಾದ್ ನಡಪಡ್.

ಇಬ್ರಿಯೆರೆಗ್ 6:11

ನಿಕುಲು ಉಪಚಾರ ಮಲ್ಪುನೆಟ್ಟ್ ವಾ ಆಸಕ್ತಿನ್ ತೋಜಾದರಾ, ನಿಕ್ಲೆನ ನಿರೀಕ್ಷೆ ದೃಢ ಮಲ್ತೊಂದು ಕಡೆ ಮುಟ್ಟ ಪತ್ತೊನ್ನೆಟ್ಟ್‌ಲಾ ನಿಕ್ಲೆಡ್ ಪ್ರತಿ ಒರಿ ಅವ್ವೇ ಆಸಕ್ತಿನ್ ತೂಪಾವೊಡು ಅಂದ್‌ದ್ ಬಯಕುವೆ.

ಯಾಕೋಬು 5:16

ಅಂಚಾದ್ ನಿಕುಲು ಗುಣ ಆವೊಡಾಂಡ ನಿಕ್ಲೆನ ಪಾಪೊಲೆನ್ ಒರಿಯಗ್ ಒರಿ ಅರಿಕೆ ಮಲ್ತೊಂದು ಒರಿಯಗ್ ಬೋಡಾದ್ ಒರಿ ಪ್ರಾರ್ಥನೆ ಮಲ್ಪುಲೆ. ನೀತಿವಂತನ ಅತ್ಯಾಸಕ್ತಿದ ಪ್ರಾರ್ಥನೆ ಬಾರಿ ಬಲತ್ತವು ಆದುಂಡು.