1 ತಿಮೋಥಿ 1:9 - ಪೊಸ ಒಡಂಬಡಿಕೆ

^9-10 ಈ ನ್ಯಾಯಕಟ್ಟ್ ನೀತಿವಂತೆರೆಗ್ ಅತ್ತ್, ಆಂಡ ಅನ್ಯಾಯಗಾರೆರ್, ಅವಿಧೇಯೆರ್, ಭಕ್ತಿಹೀನೆರ್, ಪಾಪಿಷ್ಟೆರ್, ಲೋಕದಾಕುಲು, ನೀಚೆರ್, ತನ್ಕುಲೆ ಅಪ್ಪೆಅಮ್ಮಾಡ್ಲೆಗ್ ಪೆಟ್ಟು ಪಾಡುನಾಕುಲು, ಮಾನ್ಯ ಕೆರ್ಪಿನಾಕುಲು, ಹಾದ್ರದಾಕುಲು, ಪುರುಷಗಾಮಿಲು, ಗುಲಾಮೆರೆ ವ್ಯಾಪಾರ ಮಲ್ಪುನಾಕುಲು, ಸುಳ್ಳುಗಾರೆರ್, ಪಾತೆರ ತತ್ತಿನಾಕುಲು, ಎಡ್ಡೆ ಬೋಧನೆಗ್ ವಿರೋಧಾದ್ ಬೇತೆ ಒವಾಂಡಲಾ ಮಲ್ಪುನಾಕುಲು, ಇಂಚಿತ್ತಿನ ನೀತಿಕೆಟ್ಟಿನಾಕುಲೆಗಾದ್ ಅವು ನೇಮಕ ಆತ್ಂಡ್.

1 ತಿಮೋಥಿ 1:9 Iomraidhean Croise

ಮತ್ತಾಯೆ 10:21

“ಉಂದತ್ತಂದೆ ಪಲಯೆ ಮೆಗ್ಯನ್, ಅಮ್ಮೆ ಮಗನ್ ಮರಣೊಗು ಒಚ್ಚಿದ್ ಕೊರುವೆರ್; ಜೋಕುಲು ಅಪ್ಪೆಅಮ್ಮಾಡ್ಲೆ ಮಿತ್ತ್ ತಿರ್ಗ್ ಬೂರ್ದು ಅಕ್ಲೆನ್ ಕೆರ್ವೆರ್.

ರೋಮಾಯೆರೆಗ್ 1:30

ಬೊಕ್ಕ ಅಕುಲು ಕೆಬಿ ಉರ್ಪುನಾಕುಲುಲಾ ಚಾಡಿ ಪನ್ಪಿನಾಕುಲುಲಾ ದೇವೆರೆ ಪಗೆನಾಕುಲುಲಾ ಸೊರ್ಕುದಾಕುಲುಲಾ ಅಹಂಕಾರಿಲುಲಾ ಬಡಾಯಿ ಕೊಚ್ಚುನಾಕುಲುಲಾ ಆದಿತ್ತ್‌ದ್ ಹಾಳ್ ಮಲ್ಪುನೆಕ್ಕಾದೇ ಬಯಕುವೆರ್. ಅಪ್ಪೆಅಮ್ಮನ ಪಾತೆರೊನು ಕೇನಂದಿನಾಕುಲುಲಾ

ರೋಮಾಯೆರೆಗ್ 4:13

ಈ ಲೋಕೊಗು ಹಕ್ಕ್‌ದಾಕುಲು ಆಪ ಪನ್ಪಿ ವಾಗ್ದಾನ ಅಬ್ರಹಾಮುಗಾವಡ್ ಆಯ ಸಂತಾನದಾಕುಲೆಗ್‌ಲಾವಡ್ ನ್ಯಾಯಕಟ್ಟ್‌ಡ್ದ್ ಆತಿನವು ಅತ್ತ್. ಆಂಡ ಆಯೆ ನಂಬಿಕೆ ದೀಯಿನೆನ್ ದೇವೆರ್ ಒಪ್ಪಿಯೊಂದು ಆಯನ್ ನೀತಿವಂತೆ ಪಂಡ್ದ್ ಮಲ್ತಿನೆಡ್ದೇ.

ರೋಮಾಯೆರೆಗ್ 5:20

ಅಪರಾಧೊಲು ಹೆಚ್ಚಾದ್ ತೋಜಿದ್ ಬರ್ಪಿಲೆಕ್ಕ ನ್ಯಾಯಕಟ್ಟ್ ನಡುಟು ಬತ್ತ್ಂಡ್. ಆಂಡ ಪಾಪ ಹೆಚ್ಚಿನಂಚೆನೇ ದೇವೆರೆ ದಯೆಲಾ ಹೆಚ್ಚಾದ್ ಬಲ ಆಂಡ್.

ರೋಮಾಯೆರೆಗ್ 6:14

ದಾಯೆ ಪಂಡ ಪಾಪ ನಿಕ್ಲೆ ಮಿತ್ತ್ ಅಧಿಕಾರ ನಡಪಾವುಜಿ. ನಿಕುಲು ನ್ಯಾಯಕಟ್ಟ್‌ಗ್ ಒಳಗಾಯಿನಾಕುಲತ್ತ್. ದಯೊಕು ಒಳಗಾಯಿನಾಕುಲು ಆದುಲ್ಲರ್ ಆತೇ.

ಗಲಾತ್ಯೆರೆಗ್ 3:19

ಅಂಚಾಂಡ ಮೋಶೆನ ನ್ಯಾಯಕಟ್ಟ್ ದಾಯೆಗ್? ವಾಗ್ದಾನದ ಸಂತಾನದಾಯೆ ಬನ್ನಮುಟ್ಟ ದೇವೆರ್ ಪಾಪ ಪಂಡ ದಾನೆ ಅಂದ್‌ದ್ ತೋಜಾವೆರೆಗಾದ್ ಅವೆನ್ ವಾಗ್ದಾನೊಡು ನೇಮಕ ಮಲ್ತ್‌ದ್ ದೂತೆರೆಡ್ದ್ ಮೋಶೆಗ್ ಕೊರಿನೆಡ್ದ್ ಮೋಶೆ ದೇವೆರೆಗ್ಲಾ ಜನೊಕುಲೆಗ್ಲಾ ನಡುತ ಮದ್ಯಸ್ತೆಗಾರೆ ಆಯೆ.

ಗಲಾತ್ಯೆರೆಗ್ 5:18

ಆಂಡ ನಿಕುಲು ಆತ್ಮೊಡ್ದು ನಡತೊಂದು ಉಪ್ಪುನಾಕುಲಾಂಡ ನ್ಯಾಯಕಟ್ಟ್‌ದ ಅಧೀನೆರತ್ತ್.

ಗಲಾತ್ಯೆರೆಗ್ 5:21

ದ್ವೇಷ, ಕುಡ್ಚೆಲ್, ದರ್ಬಾರ್, ಇಂಚಿತ್ತಿನವೇ. ಇಂಚಿತ್ತಿನೆನ್ ಮಲ್ಪುನಾಯಗ್ ದೇವೆರೆ ರಾಜ್ಯೊಡು ಬಾಧ್ಯಸ್ತಿಗೆ ತಿಕ್ಕಂದ್ ಅಂದ್‌ದ್ ಯಾನ್ ದುಂಬು ಪಂಡಿಲೆಕ್ಕನೆ ಇತ್ತೆಲಾ ಪನ್ಪೆ.

ಗಲಾತ್ಯೆರೆಗ್ 5:23

ಇಂಚಿತ್ತಿನೆಕ್ಕ್ ವಾ ನ್ಯಾಯಕಟ್ಟ್‌ಲಾ ವಿರೋಧ ಮಲ್ಪುಜಿ.

2 ಥೆಸಲೋನಿಕೆರೆಗ್‌ 2:8

ಐಡ್ದ್ ಬೊಕ್ಕ ಆ ಅನ್ಯಾಯಗಾರೆ ತೋಜಿದ್ ಬರ್ಪೆ. ಅಪಗ ಕರ್ತವೆ ಆದುಪ್ಪು ಯೇಸು ತನ ಬಾಯಿದ ಶ್ವಾಸೊಡ್ದು ಆಯನ್ ಕೆರ್ದ್, ತನ ಮೈಮೆದ ಬೊಲ್ಪುಡು ಬನ್ನಗ ಆಯನ್ ನಾಶ ಮಲ್ಪುವೆ. ಆ ಅನ್ಯಾಯದ ನರಮಾನಿ ಬನ್ನಗ ಸೈತಾನನ ಕಾರ್ಯೊಲು ಬಲೊಟ್ಲಾ ಗುರ್ತ ಕಾರ್ನಿಕೊಲೆಡ್ಲಾ ನಡಪು.

1 ತಿಮೋಥಿ 4:7

ಬಜೀ ಅಜ್ಜಿಕತೆತ ಲೆಕ್ಕ ಲೋಕದ ಕತೆಕ್ಲೆನ್ ದೂರ ಮಲ್ತ್‌ದ್ ಐತ ಪಗತೆಗ್ ದೇವಭಕ್ತಿಡ್ ಉಪ್ಪೆರೆ ನಿನನ್ ತಯಾರ್ ಮಲ್ತೊನ್ಲ.

1 ತಿಮೋಥಿ 6:20

ಓ ತಿಮೋಥಿ, ಈ ಗೇನದ ಬೋಧನೆ ಅಂದ್‌ದ್ ಭಕ್ತಿದಾಂತಿ ಬೋಧನೆಗ್ ಸಮ್ಮಂಧ ಆದುಪ್ಪು ಪ್ರಪಂಚದ ವ್ಯರ್ಥ ಪಾತೆರೊಲೆಗ್ಲಾ, ತರ್ಕೊಲೆಗ್ಲಾ ದೂರ ಆದ್, ದೇವೆರ್ ನಿಕ್ಕ್ ಒಚ್ಚಿದ್ ಕೊರಿನೆನ್ ಜೋಕೆಡ್ ಕಾಪುಲ.

2 ತಿಮೋಥಿ 2:16

ಲೋಕದ ಹರಟೆ ಪಾತೆರೊಲೆಗ್ ದೂರ ಆದುಪ್ಪುಲ. ದಾಯೆಗ್ ಪಂಡ್ಂಡ ಅಂಚಿನ ಪಾತೆರೊಗು ಮನಸ್ ಕೊರ್ಪಿನಾಕುಲು ಹೆಚ್ಚೆಚ್ಚಾದ್ ಭಕ್ತಿದಾಂತಿನಾಕುಲಾದ್ ಪೋಪೆರ್

2 ತಿಮೋಥಿ 3:2

ಜನೊಕುಲು ತನ್ಕುಲೆನೇ ಪ್ರೀತಿ ಮಲ್ಪುನಾಕುಲು, ಕಾಸ್‌ದಾಸೆದಾಕುಲು, ಬೂಟುಲಾ ಹೆಚ್ಚಾಳ್ಮೆ ಇತ್ತಿನಾಕುಲು, ದೂಷಣೆ ಮಲ್ಪುನಾಕುಲು, ಅಪ್ಪೆಅಮ್ಮೆ ಪಂಡಿನೆನ್ ಕೇನಂದಿನಾಕುಲು, ಉಪಕಾರ ಎನ್ನಂದಿನಾಕುಲು, ಅಶುದ್ಧದಾಕುಲು,

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:10

ದಾಯೆಗಂದ್ಂಡ ಐಟ್ಟ್ ಹೆಚ್ಚಿನಾಕುಲು ಸುನ್ನತಿದಾಕುಲು, ಬಜೀ ವ್ಯರ್ಥ ಹರಟೆಲೆಡ್ ಮುರ್ಕುದು ಬೇತೆಕ್ಲೆನ್ ಮೋಸೊಗು ಪಾಡ್ದ್ ಅಧಿಕಾರೊಗು ಎದುರುಂತುನಾಕುಲು ಮಸ್ತ್ ಜನ ಉಲ್ಲೆರ್,

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:16

ಅಂಚಿತ್ತಿನಾಕುಲು ದೇವೆರೆನ್ ತೆರಿದ ಅಂದ್‌ದ್ ಪಂಡೆರ್ಡಲಾ ತನ್ಕುಲೆ ನಡತೆಡ್ ಆಯನ್ ಅರೆಂಜುನಕುಲಾದುಲ್ಲೆರ್. ಅಕುಲು ಅಸಹ್ಯದಾಕುಲುಲಾ ತಗ್ಗಂದಿನಾಕುಲುಲಾ ಒವುಲಾ ಎಡ್ಡೆ ಕೆಲಸೊನು ಮಲ್ಪೆರೆ ಆವಂದಿನಾಕುಲುಲಾ ಆದುಲ್ಲೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:6

ಸಭೆತ ಹಿರಿಯಾಯೆ ದೂರುದಾಂತಿನಾಯೆಲಾ, ಒರ್ತಿ ಬೊಡೆದಿ ಇತ್ತಿನಾಯೆಲಾ ಆದುಪ್ಪೊಡು. ಆಯನ ಜೋಕುಲು ಪಟಿಂಗೆರ್ ಇಜ್ಜಿಂಡ ಎದುರುಂತುನಾಕುಲು ಆದುಪ್ಪಂದೆ ನಂಬಿಕೆದಾಕುಲು ಆದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:3

ಒಂಜಿ ಕಾಲೊಡು ನಮಲಾ ಬುದ್ಧಿದಾಂತಿನಾಕುಲುಲಾ ಅವಿಧೇಯೆರ್‌ಲಾ ಆದಿತ್ತ. ನಮ ಸಾದಿ ತತ್ತ್‌ದಿನಕುಲಾದ್ ದಿಂಜ ಆಸೆ ದುರಾಶೆಲೆಗ್ ಗುಲಾಮೆರಾದಿತ್ತ. ನಮ ಜೀವನ ಪಡಿಕೆಂತಿನೆಡ್ಲಾ ಮತ್ಸರೊಡ್ಲಾ ದಿಂಜಿದಿತ್ತ್‌ದ್ ನಮ ಒರಿಯನ್ ಒರಿ ಪಗೆ ಮಲ್ತೊಂದಿತ್ತ.

ಇಬ್ರಿಯೆರೆಗ್ 11:31

ನಂಬಿಕೆಡ್ದೇ, ರಹಾಬ್ ಪನ್ಪಿ ಸೂಳೆ ಗೂಢಾಚಾರೆರೆನ್ ಸಮಾಧಾನೊಡು ಸೇರಾವೊಂದು ನಂಬಂದಿನಾಕುಲೆಡೊಪ್ಪ ನಾಶ ಆದುಪ್ಪುಜಲ್.

ಇಬ್ರಿಯೆರೆಗ್ 12:16

ವಾ ಹಾದ್ರದಾಯೆ ಆವಡ್, ಏಸಾವಲೆಕ್ಕ ಲೋಕದಾಯೆ ಆವಡ್ ನಿಕ್ಲೆಡ್ ಇಜ್ಜಂದಿಲೆಕ್ಕ ಜಾಗ್ರತೆಡ್ ತೂವೊನ್ಲೆ. ಆ ಏಸಾವೆ ಒಂಜೇ ಒಂಜಿ ವಣಸ್‌ಗಾದ್ ತನ ಕಡೀರ್‌ದ ಹಕ್ಕ್‌ನ್ ಕೊರ್ದು ಬುಡಿಯೆ.

1 ಪೇತ್ರೆ 2:7

ಅಂಚಾಯಿನೆಡ್ದ್ ನಂಬುನಾಕುಲೆಗ್ ಈ ಕಲ್ಲ್ ಬಿಲೆ ಇತ್ತಿನವು ಆದುಂಡು; ನಂಬಂದೆ ಉಪ್ಪುನಾಕುಲು, “ಈ ಕಲ್ಲ್‌ನ್ ಬೊಡ್ಚಿಂದ್‌ದ್ ಬುಡಿಯೆರ್. ಆಂಡ ಬೊಡ್ಚಿಂದ್‌ದ್ ಬುಡ್ತಿ ಕಲ್ಲೇ ಮೂಲೆದ ತರೆಕಲ್ಲಾಂಡ್.”

1 ಪೇತ್ರೆ 3:20

ನೋಹನ ದಿನೊಕುಲೆಡ್ ಆಯೆ ಕಪ್ಪಲ್‌ನ್ ಕಟ್ಟೊಂದುಪ್ಪುನಗ ದೇವೆರ್ ತಾಳ್ಮೆಡ್ ಕಾತೊಂದುಪ್ಪುನ ಸಂಧರ್ಬೊಡು ಅವೀಧೆಯೆರಾಯಿ ಆತ್ಮೊಲೆಗ್ ಸುವಾರ್ತೆನ್ ಸಾರಿಯೆ. ಆ ಕಪ್ಪಲ್‌ಡ್ ಎಣ್ಮ ಜನನೇ ಬೊಲ್ಲದ ನೀರ್‌ಡ್ದ್ ಬಚವು ಆಯೆರ್.

1 ಪೇತ್ರೆ 4:18

ಗ್ರಂಥೊಡು ಪನ್ಪಿಲೆಕ್ಕ, “ನೀತಿ ಇತ್ತಿನಾಯಗ್ ರಕ್ಷಣೆ ಪಡೆಯೆರೆ ಕಷ್ಟ ಆಂಡ, ಭಕ್ತಿದಾಂತಿನಾಯನಲಾ ಪಾಪಿಷ್ಟನಲಾ ಗತಿ ದಾನೆ ಆವು?”

ಯೂದೆ 1:15

ಬತ್ತ್‌ದ್ ಮಾತೆರೆಗ್ ನ್ಯಾಯತೀರ್ಪು ಮಲ್ತ್‌ದ್, ಭಕ್ತಿದಾಂತಿ ಮಾತೆರೆಗ್ಲಾ ಅಕುಲು ಮಲ್ತಿ ಮಾತ ಅನ್ಯಾಯದ ಕೆಲಸೊಲೆಗಾದ್‌ಲಾ ಭಕ್ತಿದಾಂತಿ ಪಾಪಿಲು ತನ್ಕ್ ವಿರೋಧಾದ್ ಪಾತೆರಿ ಮಾತ ಕಠಿಣ ಪಾತೆರೊಲೆಗಾದ್‌ಲಾ ಶಿಕ್ಷೆ ಕೊರಿಯೆರೆ ಬರ್ಪೆ,” ಅಂದ್‌ದ್ ಪಂಡೆ.

ಪ್ರಕಟಣೆ 21:8

ಆಂಡ ಪುಕ್ಕೆಲೆರ್, ನಂಬಿಕೆದಾಂತಿನಾಕುಲು, ಭ್ರಷ್ಟೆರ್, ಮಾನ್ಯ ಕೆರ್ಪಿನಾಕುಲು, ಹಾದ್ರದಾಕುಲು, ಮಾಟಮಂತ್ರ ಮಲ್ಪುನಾಕುಲು, ಮೂರ್ತಿಪೂಜೆ ಮಲ್ಪುನಾಕುಲು, ಮಾತ ಸುಳ್ಳು ಪನ್ಪಿನಾಕುಲು ಮೊಕ್ಲೆಗ್ ತಿಕ್ಕುನ ಪಾಲ್ ತೂ ಗಂಧಕೊಡು ಅರ್ಲೊಂದುಪ್ಪುನ ತೂತ ಕೆರೆನೇ. ಉಂದು ರಡ್ಡನೆ ಮರಣ,” ಅಂದ್‌ದ್ ಎಂಕ್ ಪಂಡೆ.

ಪ್ರಕಟಣೆ 22:15

ನಾಯಿಲು, ಮಾಟಮಂತ್ರ ಮಲ್ಪುನಾಕುಲು, ಹಾದ್ರದಾಕುಲು, ಮಾನ್ಯ ಕೆರ್ಪಿನಾಕುಲು, ಮೂರ್ತಿಪೂಜೆ ಮಲ್ಪುನಾಕುಲು, ಬೊಕ್ಕ ಸುಳ್ಳುನು ಪ್ರೀತಿ ಮಲ್ಪುನಾಕುಲು ಮಾತೆರ್ಲಾ ಪಟ್ಟಣದ ಪಿದಯಿಡ್ ಉಲ್ಲೆರ್.