1 ತಿಮೋಥಿ 1:7 - ಪೊಸ ಒಡಂಬಡಿಕೆ

⁷ ಅಕುಲು ನ್ಯಾಯಕಟ್ಟ್‌ದ ಬೋಧಕೆರ್ ಅಂದ್‌ದ್ ತೋಜಾವೊನಿಯೆರೆ ಆಸೆ ಮಲ್ಪುವೆರ್. ಆಂಡ ಅಕುಲು ತನ್ಕುಲು ಮಲ್ಪುನ ಬೋಧನೆನ್ಲಾ ಪಾತೆರುನ ವಿಷಯೊನ್ಲಾ ತೆರಿಯಂದಿನಾಕುಲಾದುಲ್ಲೆರ್.

1 ತಿಮೋಥಿ 1:7 Iomraidhean Croise

ಮತ್ತಾಯೆ 15:14

ಅಕ್ಲೆ ಪಾತೆರೊನು ಬುಡ್ಲೆ; ತನ್ಕುಲೇ ಕುರುಡೆರ್, ಬೊಕ್ಕೊರಿಯಗ್ ಸಾದಿ ತೂಪಾಯೆರೆ ಪೋಪೆರ್. ಕುರುಡೆ ಕುರುಡಗ್ ಸಾದಿ ತೂಪಾಯೆಡ ಅಕುಲು ಇರ್ವೆರ್‌ಲಾ ತೋಡುಡು ಬೂರುವೆರ್,” ಪಂಡೆ.

ಮತ್ತಾಯೆ 21:27

ಕಡೆಕ್ಕ್ ಅಕುಲು, “ಎಂಕ್ಲೆಗ್ ಗೊತ್ತಿಜ್ಜಿ,” ಅಂದ್‌ದ್ ಯೇಸುಗು ಉತ್ತರ ಕೊರಿಯೆರ್. ಅಪಗ ಆಯೆ ಅಕ್ಲೆಗ್, “ವಾ ಅಧಿಕಾರೊಡು ಉಂದೆನ್ ಮಾತೆನ್ಲಾ ಮಲ್ಪುವೆನಾ ಅವೆನ್ ಯಾನ್ಲಾ ನಿಕ್ಲೆಗ್ ಪನ್ಪುಜಿ.”

ಲೂಕೆ 2:46

ಮೂಜಿ ದಿನೊಡ್ದು ಬೊಕ್ಕ ಆಯನ್ ದೇವಾಲಯೊಡು ತೂಯೆರ್. ಆಯೆ ಬೋಧಕೆರೆ ನಡುಟು ಕುಲ್ಲೊಂದು ಅಕ್ಲೆನ ಬೋಧನೆನ್ ಕೇನೊಂದು ಪ್ರಶ್ನೆ ಮಲ್ತೊಂದಿತ್ತೆ.

ಅಪೊ.ಕ್ರಿ 15:1

ಬೊಕ್ಕ ಕೆಲೆವೆರ್ ಯೂದಾಯೊಡ್ದು ಅಂತಿಯೋಕ್ಯಗ್ ಬತ್ತ್‌ದ್, “ನಿಕುಲು ಮೋಶೆನ ನ್ಯಾಯಕಟ್ಟ್‌ದ ನೇಮದ ಪ್ರಕಾರ ಸುನ್ನತಿ ಮಲ್ತೊನುಜರ್ಡ ನಿಕ್ಲೆಗ್ ರಕ್ಷಣೆ ಆವಂದ್,” ಅಂದ್‌ದ್ ಸಹೋದ್ರೆರೆಗ್ ಬೋಧನೆ ಮಲ್ತೊಂದಿತ್ತೆರ್.

ರೋಮಾಯೆರೆಗ್ 1:22

ತನ್ಕುಲು ಬುದ್ಧಿವಂತೆರ್ ಅಂದ್‌ದ್ ಪನೊಂದು ಮೂರ್ಖೆರಾಯೆರ್.

ಗಲಾತ್ಯೆರೆಗ್ 3:2

ಒಂಜಿ ಸಂಗತಿನ್ ನಿಕ್ಲೆಡ ಕೇನ್ವೆ. ಮೋಶೆನ ನ್ಯಾಯಕಟ್ಟ್‌ನ್ ಕೈಕೊನುನೆಡ್ದಾವರ ನಿಕ್ಲೆಗ್ ದೇವೆರಾತ್ಮ ತಿಕ್ಕ್‌ಂಡಾ? ಇಜ್ಜಿಂಡ ಕ್ರಿಸ್ತನ ಸುವಾರ್ತೆ ಕೇಂಡ್ದ್ ನಂಬಿನೆಡ್ದ್ ನಿಕ್ಲೆಗ್ ದೇವೆರಾತ್ಮ ತಿಕ್ಕ್‌ಂಡಾ?

ಗಲಾತ್ಯೆರೆಗ್ 3:5

ದೇವೆರ್ ತನ ಆತ್ಮೊನು ಕೊರ್ದು, ನಿಕ್ಲೆ ನಡುಟು ಬಲತ್ತ ಕಾರ್ಯೊಲೆನ್ ಮಲ್ಪುನ ಅಧಿಕಾರ ನಿಕುಲು ನ್ಯಾಯಕಟ್ಟ್‌ನ್ ಕೈಕೊನುನೆಡ್ದಾವರ ತಿಕ್ಕ್‌ಂಡಾ ಇಜ್ಜಿಂಡ ನಿಕುಲು ಕ್ರಿಸ್ತನ ಸುವಾರ್ತೆ ಕೇಂಡ್ದ್ ನಂಬಿನೆಡ್ದೇ ತಿಕ್ಕ್‌ಂಡಾ?

ಗಲಾತ್ಯೆರೆಗ್ 4:21

ನ್ಯಾಯಕಟ್ಟ್‌ದ ಕೈ ತಿರ್ತ್ ಬದುಕೊಡು ಅಂದ್‌ದ್ ಬಯಕುನಾಕುಲೇ ನ್ಯಾಯಕಟ್ಟ್ ನಿಜಾದ್‌ಲಾ ದಾನೆ ಪನ್ಪುಂಡು ಅಂದ್‌ದ್ ನಿಕುಲು ತೆರಿದರಾ?

1 ತಿಮೋಥಿ 6:4

ಆಯೆ ಒಂಜೆನ್ಲಾ ತೆರಿಯಂದೆ ತರ್ಕಲಾ ಚರ್ಚೆಲಾ ಮಲ್ಪುನಾಯೆ ಆದ್ ಅಹಂಕಾರೊಡು ಕಣ್ಣ್ ತೋಜಂದಿನಾಯೆ ಆದುಲ್ಲೆ. ಉಂದೆಡ್ದಾದ್ ಮಚ್ಚರ, ಲಡಯಿ, ದೂಷಣೆ, ಹಾಳ್ ಸಂಶಯೊಲು ಮಾತ ಪುಟ್ಟುಂಡು.

2 ತಿಮೋಥಿ 3:7

ಇಂಚಿತ್ತಿ ಪೊಂಜೊವುಲು ಏಪಲಾ ಪೊಸ ಬೋಧನೆಲೆ ಪಿರವು ಪೋಪೆರ್. ಆಂಡ ಸತ್ಯೊನು ಏಪೊಗ್ಲಾ ಅರ್ಥ ಮಲ್ತೊನ್ಜೆರ್.

ಯಾಕೋಬು 3:1

ಎನ ಸಹೋದ್ರೆರೇ, ಬೋಧಕೆರ್ ಆಯಿ ನಂಕ್ ಕಠಿಣವಾಯಿನ ತೀರ್ಪು ಆಪುಂಡು ಅಂದ್‌ದ್ ತೆರಿಯೊಂದು ದಿಂಜ ಮಂದಿ ಬೋಧಕೆರ್ ಆವಡೆ.

2 ಪೇತ್ರೆ 2:12

ಆಂಡ ಸ್ವಾಭಾವಿಕ ಆದ್ ಬೋಂಟೆಗ್ಲಾ ಕೆರಿಯೆರೆಗ್ಲಾ ಪುಟ್ಟುದಿನ ಬುದ್ಧಿದಾಂತಿನ ಪ್ರಾಣಿಲೆಕ್ಕ ಈ ದುರ್ಮಾರ್ಗೊಡು ಉಪ್ಪುನಾಕುಲು ತನ್ಕುಲೆಗ್ ತೆರಿಯಂದಿ ವಿಚಾರೊಡು ದೂಷಣೆ ಮಲ್ತೊಂದುಪ್ಪುವೆರ್. ಮೊಕುಲು ತನ್ಕುಲೆ ಹಾಳ್‌ತನೊಡ್ದಾದ್ ತನ್ಕುಲೇ ಹಾಳಾದ್ ಪೋಪೆರ್.