1 ತಿಮೋಥಿ 1:6 - ಪೊಸ ಒಡಂಬಡಿಕೆ

⁶ ಕೆಲೆವೆರ್ ಈ ಮುಖ್ಯ ವಿಷಯೊಲೆಡ್ದ್ ತತ್ತ್‌ದ್ ಪೋದು ಬೊಡ್ಚಾವಂದಿನ ತರ್ಕೊಲೆಗ್ ಬೂರ್ದೆರ್.

1 ತಿಮೋಥಿ 1:6 Iomraidhean Croise

ಮತ್ತಾಯೆ 18:12

“ನಿಕ್ಲೆಗ್ ಎಂಚ ತೋಜುಂಡು? ಒರಿ ನರಮಾನಿಗ್ ನೂದು ಕುರಿಕುಲು ಉಪ್ಪುನಗ ಐಟ್ಟ್ ಒಂಜಿ ಕುರಿ ತತ್ತ್‌ದ್ ಪೋಂಡ ಆಯೆ ಸೊನ್ಪತ್ತೊರ್ಂಬ ಕುರಿಕುಲೆನ್ ಗುಡ್ಡೆಡ್ ಬುಡ್ದು, ತಪ್ಪಾವೊಂದು ಪೋತಿನ ಒಂಜಿ ಕುರಿನ್ ನಾಡೊಂದು ಪೋಪೆ ಅತ್ತಾ.

1 ತಿಮೋಥಿ 5:15

ಇದ ಮುಟ್ಟ ಕೆಲೆವೆರ್ ಸಾದಿ ತತ್ತ್‌ದ್ ಸೈತಾನ ಬೆರಿ ಪೋತೆರ್.

2 ತಿಮೋಥಿ 2:18

ಮೊಕುಲು ಸತ್ಯದ ಸಾದಿನ್ ಬುಡ್ದು ಸೈತಿನಾಕುಲು ಲಕ್ಕುನವು ಆದ್ ಪೋಂಡು ಪನೊಂದು ಕೆಲೆವೆರೆನ ನಂಬಿಕೆನ್ ಹಾಳ್ ಮಲ್ತೊಂದುಲ್ಲೆರ್.

2 ತಿಮೋಥಿ 4:10

ದಾಯೆಗಂದ್ಂಡ ದೇಮೆ ಈ ಲೋಕೊನು ಪ್ರೀತಿ ಮಲ್ತ್‌ದ್ ಎನನ್ ಬುಡ್ದು ಥೆಸ್ಸಲೋನಿಕೊಗು ಪೋಯೆ. ಕ್ರೆಸ್ಕೆ ಗಲಾತ್ಯೊಗ್ಲಾ ತೀತೆ ದಲ್ಮಾತ್ಯೊಗ್ಲಾ ಪೋಯೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:10

ದಾಯೆಗಂದ್ಂಡ ಐಟ್ಟ್ ಹೆಚ್ಚಿನಾಕುಲು ಸುನ್ನತಿದಾಕುಲು, ಬಜೀ ವ್ಯರ್ಥ ಹರಟೆಲೆಡ್ ಮುರ್ಕುದು ಬೇತೆಕ್ಲೆನ್ ಮೋಸೊಗು ಪಾಡ್ದ್ ಅಧಿಕಾರೊಗು ಎದುರುಂತುನಾಕುಲು ಮಸ್ತ್ ಜನ ಉಲ್ಲೆರ್,

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:9

ಬುದ್ಧಿದಾಂತಿನ ತರ್ಕೊಲೆಗಾವಡ್ ಸಂತಾನ ಪಟ್ಟಿಲೆಗಾವಡ್ ನ್ಯಾಯಕಟ್ಟ್‌ಗ್ ಸಮ್ಮಂಧ ಪಡೆಯಿನ ಮಾತ ತರ್ಕ ಲಡಾಯಿಲೆಗಾವಡ್ ದೂರ ಆದುಪ್ಪುಲ. ಉಂದು ಮಾತ ಪ್ರಯೋಜನದಾಂತಿನವುಲಾ ಕೆಲಸೊಗು ಬರಂದಿನವುಲಾ ಆದುಂಡು.