1 ತಿಮೋಥಿ 1:2 - ಪೊಸ ಒಡಂಬಡಿಕೆ

² ನಂಬಿಕೆಡ್ ನಿಜ ಮಗೆ ಆದುಪ್ಪು ತಿಮೋಥಿಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ನಿಕ್ಕ್ ದಯಲಾ ಕರುಣೆಲಾ ಸಮಾಧಾನಲಾ ಆವಡ್.

1 ತಿಮೋಥಿ 1:2 Iomraidhean Croise

ರೋಮಾಯೆರೆಗ್ 1:7

ಅಂಚೆನೆ ರೋಮಾಪುರೊಟ್ಟುಪ್ಪು ದೇವೆರೆ ಪ್ರೀತಿದಾಕುಲೆಗ್ಲಾ ಲೆಪ್ಪು ಆತಿ ದೇವಜನೊಕುಲೆಗ್ಲಾ ಮಾತೆರೆಗ್ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

ಗಲಾತ್ಯೆರೆಗ್ 1:3

ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ, ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

1 ಥೆಸಲೋನಿಕೆರೆಗ್‌ 3:2

ನಿಕ್ಲೆ ಮಿತ್ತ್ ಬೈದಿನ ಕಷ್ಟ ಸಂಕಟೊಲೆಡ್ ಒರಿಲಾ ಚಂಚಲೆರ್ ಆವಂದಿಲೆಕ್ಕಲಾ ನಿಕ್ಲೆನ್ ಗಟ್ಟಿ ಮಲ್ಪುಲೆಕ್ಕಲಾ ನಿಕ್ಲೆ ನಂಬಿಕೆ ಹೆಚ್ಚಾವೆರೆಗ್ಲಾ ನಿಕ್ಲೆಗ್ ಬೋಧನೆ ಮಲ್ಪೆರೆಗ್ಲಾ ಎಂಕುಲೆ ಸಹೋದ್ರೆಲಾ ಕ್ರಿಸ್ತನ ಸುವಾರ್ತೆದ ಬೇಲೆಡ್ ದೇವೆರೆ ಸೇವಕೆಲಾ ಆದುಪ್ಪು ತಿಮೋಥಿನ್ ನಿಕ್ಲೆ ಕೈತಲ್‌ ಕಡಪುಡುವ.

1 ತಿಮೋಥಿ 1:12

ಎನನ್ ಬಲ ಪಡೆಪಾಯಿನ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಗು ಯಾನ್ ಉಪಕಾರ ಪನ್ಪೆ. ಎನನ್ ಆಯೆ ನಂಬಿಗಸ್ತೆ ಅಂದ್‌ದ್ ಗೆನ್ತ್‌ದ್ ಆಯನ ಸೇವೆಗ್ ಅಜತ್ ದೆತ್ತೊನಿಯೆ. ದುಂಬು ಯೇಸುನು ದೂಷಣೆ ಮಲ್ಪುನಾಯೆಲಾ ಭಂಗ ಬರ್ಪಾವುನಾಯೆಲಾ ಬಲಾತ್ಕಾರ ಮಲ್ಪುನಾಯೆಲಾ ಆದಿತ್ತೆ. ಆಂಡ ಅವೆನ್ ಯಾನ್ ಅಪನಂಬಿಕೆಡ್ ತೆರಿಯಂದೆ ಮಲ್ತಿನೆಡ್ದ್ ಆಯೆ ಎಂಕ್ ಕರುಣೆ ತೋಜಾಯೆ.

1 ತಿಮೋಥಿ 1:18

ಮಗೆ ಆಯಿ ತಿಮೋಥಿ, ನಿನ ವಿಷಯೊಡು ದುಂಬು ಪನ್ತಿ ಪ್ರವಾದನೆಲೆನ್ ಯಾನ್ ಎನ್ನ್‌ದ್ ಈ ಐಟ್ಟ್ ಧೈರ್ಯವಂತೆ ಆದ್, ಎಡ್ಡೆ ಯುದ್ದ ಮಲ್ಪೊಡು ಇನ್ಪಿ ಅಪ್ಪಣೆನ್ ನಿಕ್ಕ್ ಕೊರ್ಪೆ.

1 ತಿಮೋಥಿ 6:20

ಓ ತಿಮೋಥಿ, ಈ ಗೇನದ ಬೋಧನೆ ಅಂದ್‌ದ್ ಭಕ್ತಿದಾಂತಿ ಬೋಧನೆಗ್ ಸಮ್ಮಂಧ ಆದುಪ್ಪು ಪ್ರಪಂಚದ ವ್ಯರ್ಥ ಪಾತೆರೊಲೆಗ್ಲಾ, ತರ್ಕೊಲೆಗ್ಲಾ ದೂರ ಆದ್, ದೇವೆರ್ ನಿಕ್ಕ್ ಒಚ್ಚಿದ್ ಕೊರಿನೆನ್ ಜೋಕೆಡ್ ಕಾಪುಲ.

2 ತಿಮೋಥಿ 2:1

ಎನ ಮಗೆ ಆದುಪ್ಪು ತಿಮೋಥಿ, ಈ, ಕ್ರಿಸ್ತ ಯೇಸುಡು ಉಪ್ಪು ದಯೊಟು ಬಲ ಪಡೆಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:4

ಸುಳ್ಳು ಪನಂದಿನ ದೇವೆರ್ ಆ ನಿತ್ಯಜೀವೊನು ಕೊರ್ಪೆ ಅಂದ್‌ದ್ ಆದಿಡ್ದೇ ವಾಗ್ದತ್ತ ಮಲ್ತ್‌ದ್ ಸರಿಯಾಯಿನ ಸಮಯೊಡು ವಾಗ್ದಾನೊನು ಮುಗಿತ್‌ದ್ ಪ್ರಸಂಗೊಡು ಪ್ರಕಟ ಮಲ್ತೆ. ಆ ಬೋಧನೆದ ಉದ್ಯೋಗೊನು ನಮ ರಕ್ಷಕೆ ಆದುಪ್ಪು ದೇವೆರೆನ ಅಪ್ಪಣೆದ ಮಿತ್ತ್ ಎಂಕ್ ಒಪ್ಪಿಸಾದ್ ಕೊರ್ತೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:2

ಪರಬೆರೆಗ್ ಇಂಚ ಬೋಧನೆ ಮಲ್ಪುಲ, ಅಕುಲು ಪರ್ಪಿ ಅಭ್ಯಾಸೊಡ್ದು ದೂರ ಉಪ್ಪುನಾಕುಲು, ಘನತಾಕುಲು, ಬುದ್ದಿವಂತಿಕೆದಾಕುಲು, ನಂಬಿಕೆಡ್, ಪ್ರೀತಿಡ್, ತಾಳ್ಮೆಡ್ ಗೆಲವುದಾಕುಲು ಆದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:15

ಎನಡೊಪ್ಪ ಉಪ್ಪುನ ಮಾತೆರ್ಲಾ ವಂದನೆ ತೆರಿಪಾವೆರ್. ಕ್ರಿಸ್ತನ್ ನಂಬುನಾಕುಲಾದ್ ನಮನ್ ಪ್ರೀತಿ ಮಲ್ಪುನಾಕುಲೆಗ್ ವಂದನೆ ತೆರಿಪಾಲ. ದೇವೆರೆ ದಯ ನಿಕ್ಲೆ ಮಾತೆರೆಡೊಪ್ಪ ಉಪ್ಪಡ್.

2 ಯೋಹಾನೆ 1:3

ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ, ಆ ಅಮ್ಮೆ ಮಗೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ದಯಲಾ, ಕರುಣೆಲಾ, ಸಮಾಧಾನಲಾ ನಮಡೊಪ್ಪ ಸತ್ಯೊಡ್ಲಾ ಪ್ರೀತಿಡ್ಲಾ ನಿಲೆ ಆದುಪ್ಪಡ್.

3 ಯೋಹಾನೆ 1:4

ಎನ ಜೋಕುಲು ಸತ್ಯೊಡು ನಡತೊಂದುಲ್ಲೆರ್ ಇನ್ಪಿನೆನ್ ಕೇನುನಾತ್ ಮಲ್ಲ ಸಂತೋಷ ಬೇತೆ ದಾಲಾ ಇಜ್ಜಿ.