1 ತಿಮೋಥಿ 1:16 - ಪೊಸ ಒಡಂಬಡಿಕೆ

¹⁶ ಆಯೆ ಪಾಪಿಯಾಯಿ ಎಂಕ್ ಕರುಣೆ ತೋಜಾದ್, ಎನ ಮಿತ್ತ್ ತನ ಪರಿಪೂರ್ಣ ಆದುಪ್ಪು ತಾಳ್ಮೆನ್ ತೋಜಪಾಯೆ. ಇಂಚ ಕ್ರಿಸ್ತ ಯೇಸುಡು ನಂಬಿಕೆ ದೀದ್ ನಿತ್ಯಜೀವ ಪಡೆಪಿನ ಮಾತೆರೆಗ್ಲಾ ಮಾದ್ರಿ ಆದುಪ್ಪರೆ ಎಂಕ್ ಈ ಕರುಣೆ ತಿಕ್ಕ್ಂಡ್.

1 ತಿಮೋಥಿ 1:16 Iomraidhean Croise

ಲೂಕೆ 15:10

ಐತ ಲೆಕ್ಕ ಒರಿ ಪಾಪಿ ಪಶ್ಚಾತಾಪ ಪಡೆಂಡ ಪರಲೋಕೊಡು ದೇವೆರೆ ದೂತೆರೆ ಎದುರುಡು ಸಂತೋಷ ಆಪುಂಡು.” ಪಂಡ್ದ್ ನಿಕ್ಲೆಗ್ ಪನ್ಪೆ.

ಲೂಕೆ 23:43

ಐಕ್ ಯೇಸು, “ಇನಿಯೇ ಎನಡೊಪ್ಪ ಪರದೈಸೊಡು ಉಪ್ಪುವ ಅಂದ್‌ದ್ ನಿಕ್ಕ್ ಸತ್ಯಾದ್ ಪನ್ಪೆ,” ಪಂಡ್ದ್ ಉತ್ತರ ಕೊರಿಯೆ.

ಲೂಕೆ 7:47

ಇಂಚ ಉಪ್ಪುನಗ ಯಾನ್ ಪನ್ಪಿನಿ ದಾನೆಂದ್ಂಡ ಮೋಲು ಮಲ್ತಿ ಪಾಪ ಮಸ್ತ್ ಆಂಡಲಾ ಅವು ಮಾಪು ಆತ್ಂಡ್. ನೆಕ್ಕ್ ಕಾರಣ ಆಲ್ ತೋಜಾಯಿನ ಪ್ರೀತಿಯೇ. ಆಂಡ ಏರೆಗ್ ಒಂತೆ ಮಾಪು ಆತ್ಂಡ ಆಯೆ ತೋಜಾಯಿನ ಪ್ರೀತಿಲಾ ಒಂತೆನೇ ಆದುಂಡು.”

ಯೋಹಾನೆ 20:31

ಆಂಡ ಯೇಸು ದೇವೆರೆ ಮಗೆ ಆದುಪ್ಪು ಕ್ರಿಸ್ತೆ ಅಂದ್‌ದ್ ನಿಕುಲು ನಂಬುಲೆಕ್ಕಲಾ ನಂಬುದು ಆಯ ಪುದರ್‌ಡ್ ನಿಕ್ಲೆಗ್ ನಿತ್ಯಜೀವ ಉಪ್ಪುಲೆಕ್ಕಲಾ ಈತ್ ಮಾತ ಬರೆತ್ಂಡ್.

ಯೋಹಾನೆ 3:36

ಆಯನ ಮಗನ್ ನಂಬುನಾಯಗ್ ನಿತ್ಯಜೀವ ಉಂಡು ಆಯನ್ ನಂಬಂದಿನಾಯೆ ನಿತ್ಯಜೀವೊನು ತೂಪಿನೆ ಇಜ್ಜಿ. ದೇವೆರೆ ಕೋಪ ಆಯನ ಮಿತ್ತ್ ನಿಲೆ ಆದುಂಡು.”

ಯೋಹಾನೆ 5:24

“ಯಾನ್ ನಿಕ್ಲೆಗ್ ನಿಜಾದ್ ಪನ್ಪೆ, ಏರಾಂಡಲಾ ಎನ ಪಾತೆರೊನು ಕೇಂಡ್ದ್ ಎನನ್ ಕಡಪುಡ್ದು ಕೊರಿನಾಯನ್ ನಂಬುಂಡ ಆಯಗ್ ನಿತ್ಯಜೀವ ಉಂಡು. ಆಯೆ ನ್ಯಾಯತೀರ್ಪುಗು ಗುರಿ ಆವಂದೆ ಮರಣೊನು ಕಡತ್‌ದ್ ಜೀವೊಗು ಸೇರ್ದ್ ಉಲ್ಲೆ.

ಯೋಹಾನೆ 6:37

ಅಮ್ಮೆ ಎಂಕ್ ಕೊರ್ಪಿನವು ಮಾತಲಾ ಎನ ಕೈತಲ್‌ ಬರು; ಬೊಕ್ಕ ಎನ ಕೈತಲ್‌ ಬರ್ಪಿನಾಕುಲೆಗ್ ಯಾನ್ ಕಂಡಿತಾದ್ ದಂಕ್‌ದ್ ಪಾಡಯೆ.

ಯೋಹಾನೆ 6:40

ಮಗನ್ ತೂದು ಆಯನ್ ನಂಬುನ ಪ್ರತಿಯೊರಿಯಗ್ಲಾ ನಿತ್ಯಜೀವ ತಿಕ್ಕೊಡು ಪನ್ಪಿನವೇ ಎನ ಅಮ್ಮೆರೆನ ಚಿತ್ತ ಆದುಂಡು, ಬೊಕ್ಕ ಯಾನ್ ಕಡೆ ದಿನೊಟು ಆಯನ್ ಜೀವೊಡು ಲಕ್ಕಾವೆ,” ಪಂಡೆ.

ಯೋಹಾನೆ 6:54

ಎನ ಮಾಸೊನು ತಿಂದ್‌ದ್ ಎನ ನೆತ್ತೆರ್‌ನ್ ಪರ್ಪಿನಾಯೆ ನಿತ್ಯಜೀವೊನು ಪಡೆಪೆ. ಬೊಕ್ಕ ಆಯನ್ ಯಾನ್ ಕಡೇ ದಿನೊಟು ಜೀವೊಡು ಲಕ್ಕಾವೆ.

ರೋಮಾಯೆರೆಗ್ 15:4

ದುಂಬು ಶಾಸ್ತ್ರೊಡು ಬರೆತಿನವು ಪ್ರತಿಯೊಂಜಿ ನಮ ಬೋಧನೆಗಾದ್ ಬರೆತ್ಂಡ್. ನಮ ಓದುದು ಅವ್ವೆಡ್ದ್ ನಂಕ್ ಸ್ಥಿರ ಮನಸ್‌ಲಾ, ತಾಳ್ಮೆಲಾ ಉಮೇದ್‌ಲಾ ಪಡೆದ್ ನಿರೀಕ್ಷೆದಾಕುಲು ಆದುಪ್ಪುಲೆಕ್ಕ ಆ ಗ್ರಂಥೊನು ಬರೆತ್ಂಡ್.

ರೋಮಾಯೆರೆಗ್ 6:23

ದಾಯೆಗಂದ್ಂಡ ಪಾಪ ಕೊರ್ಪಿನ ಸಂಬಳ ಮರಣ. ದೇವೆರೆಡ್ದ್ ಧರ್ಮಾರ್ಥ ತಿಕ್ಕುನ ಉಡಿಗೆರೆ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡುಪ್ಪುನ ನಿತ್ಯಜೀವ.

1 ಕೊರಿಂಥ್ಯೆರೆಗ್ 7:25

ಕನ್ಯಪೊಣ್ಣುಲೆ ವಿಚಾರೊಡು ಕರ್ತವಡ್ದ್ ಬತ್ತಿನ ವಾ ಅಪ್ಪಣೆಲಾ ಇಜ್ಜಿ. ಆಂಡ ನಂಬಿಗಸ್ತೆ ಆದುಪ್ಪೆರೆ ಕರ್ತವಡ್ದ್ ಕರುಣೆ ತಿಕ್ಕಿದಿನಾಯಗ್ ಎನ ಆಲೋಚನೆಲೆನ್ ಪನ್ಪೆ.

2 ಕೊರಿಂಥ್ಯೆರೆಗ್ 4:1

ಅಂಚಾಯಿನೆಡ್ದ್, ಈ ಸೇವೆ ಎಂಕ್ಲೆಗ್ ದೇವೆರೆ ಕರುಣೆಡ್ ತಿಕ್ಕಿನೆಡ್ದ್ ಧೈರ್ಯ ತತ್ತ್‌ದ್ ಪೋಪುಜ.

ಎಫೆಸ್ಯೆರೆಗ್ 1:6

ಅಂಚಾದ್ ನಮ ಆಯನ ಪ್ರೀತಿದ ಮಗಕ್ಕ್ ಸೇರ್ದಿನಾಕುಲಾದ್, ನಂಕ್ ಉಂಬೊಲಿ ಆದ್ ಕೊರಿನ ಮೈಮೆದ ದಯೊಕಾದ್, ನಮ ದೇವೆರೆನ್ ಪುಗರುವ.

2 ಥೆಸಲೋನಿಕೆರೆಗ್‌ 1:10

ಆ ದಿನೊಟು ಆಯೆ ತನ ಪರಿಶುದ್ಧವಂತೆರೆಡ್ ಮೈಮೆ ಪಡೆವೊಂದು ಮಾತ ನಂಬುನಾಕುಲೆಗ್ ಮೆಚ್ಚಿಗೆದಾಯೆ ಆದ್ ತೋಜಿದ್ ಬರುವೆ. ಇಂಚ ಉಪ್ಪುನಗ ಎಂಕುಲು ಕೊರಿ ಸಾಕ್ಷಿನ್ ನಂಬಿ ನಿಕುಲುಲಾ ಅಕ್ಲೆಡೊಪ್ಪ ಉಪ್ಪರ್.

ಇಬ್ರಿಯೆರೆಗ್ 7:25

ಅಂಚಾಯಿನೆಡ್ದ್ ಆಯಡ್ದ್ ದೇವೆರೆ ಕೈತಲ್‌ ಬರ್ಪಿನಾಕುಲೆಗ್ ಏಪಲಾ ಪೂರ್ತಿ ರಕ್ಷಣೆ ಮಲ್ಪೆರೆ ಸಾದ್ಯ ಆಂಡ್. ಆಯೆ ಅಕ್ಲೆಗಾದ್ ಏಪಲಾ ದೇವೆರೆಡ ಮದ್ಯಸ್ತಿಕೆ ಮಲ್ಪೆರೆಗಾದ್ರ ಏನಿತ್ಯೇನಿಗ್ಲಾ ಬದುಕುವೆ.

1 ಪೇತ್ರೆ 3:20

ನೋಹನ ದಿನೊಕುಲೆಡ್ ಆಯೆ ಕಪ್ಪಲ್‌ನ್ ಕಟ್ಟೊಂದುಪ್ಪುನಗ ದೇವೆರ್ ತಾಳ್ಮೆಡ್ ಕಾತೊಂದುಪ್ಪುನ ಸಂಧರ್ಬೊಡು ಅವೀಧೆಯೆರಾಯಿ ಆತ್ಮೊಲೆಗ್ ಸುವಾರ್ತೆನ್ ಸಾರಿಯೆ. ಆ ಕಪ್ಪಲ್‌ಡ್ ಎಣ್ಮ ಜನನೇ ಬೊಲ್ಲದ ನೀರ್‌ಡ್ದ್ ಬಚವು ಆಯೆರ್.

2 ಪೇತ್ರೆ 3:15

ನಮ ಕರ್ತವನ ದಿಂಜ ತಾಳ್ಮೆ ಎಂಕುಲೆ ರಕ್ಷಣೆಗ್ ಬೋಡಾದ್ ಉಂಡು ಅಂದ್‌ದ್ ಎನ್ನ್‌ಲೆ. ಉಂದೇ ಆಲೋಚನೆಡ್ ಎಂಕುಲೆ ಪ್ರೀತಿದ ಸಹೋದರೆ ಪೌಲುಲಾ ತನ್ಕ್ ದೇವೆರ್ ಕೊರ್ತಿನ ಗೇನೊಗು ಸರಿ ಆದ್ ನಿಕ್ಲೆಗ್ ಬರೆಯೆ.

2 ಪೇತ್ರೆ 3:9

ಕರ್ತವೆ ತಾನ್ ಮಲ್ತಿ ವಾಗ್ದಾನೊನು ತೀರಿಸಾವೆರೆ ತಡ ಮಲ್ಪುವೆ ಅಂದ್‌ದ್ ಕೆಲೆವೆರ್ ಅರ್ಥ ಮಲ್ತೊನುಲೆಕ್ಕ ಆಯೆ ತಡ ಮಲ್ಪುನಾಯೆ ಅತ್ತ್. ಏರ್ಲಾ ನಾಶ ಆಪಿನೆಟ್ಟ್ ಆಯಗ್ ಮನಸಿಜ್ಜಿ. ಮಾತೆರ್ಲಾ ಪಶ್ಚಾತಾಪ ಪಡೆವೊಡು ಅಂದ್‌ದ್ ಮನಸಿತ್ತಿನಾಯೆ ಆದ್, ನಿಕ್ಲೆನ ಸಂಗತಿಡ್ ದಿಂಜ ತಾಳ್ಮೆಡ್ ಉಲ್ಲೆ.