1 ತಿಮೋಥಿ 1:14 - ಪೊಸ ಒಡಂಬಡಿಕೆ

¹⁴ ನಮ ಕರ್ತವನ ದಯ ಹೆಚ್ಚಾಯಿನೆಡ್ದ್, ಕ್ರಿಸ್ತ ಯೇಸುಡ್ದು ಬರ್ಪಿನ ನಂಬಿಕೆಲಾ ಪ್ರೀತಿಲಾ ಎನಡ ಏತೋ ಹೆಚ್ಚಾಂಡ್.

1 ತಿಮೋಥಿ 1:14 Iomraidhean Croise

ಮತ್ತಾಯೆ 20:9

ಅಪಗ ಬೈಯಡ್ ಐನ್ ಗಂಟೆಗ್ ಬತ್ತಿನಾಕುಲೆಗ್ ಒಂಜೊಂಜಿ ಬೊಳ್ಳಿದ ಪಾವೊಲಿ ತಿಕ್ಕ್ಂಡ್.

ಅಪೊ.ಕ್ರಿ 15:11

ಕರ್ತವೆ ಆದುಪ್ಪು ಯೇಸುನ ದಯೊಡ್ದೇ ನಮ ರಕ್ಷಣೆ ಹೊಂದುವ ಅಂದ್‌ದ್ ನಂಬುವ ಅತ್ತಾ; ಅಂಚೆನೇ ಅಕುಲುಲಾ ಹೊಂದುವೆರ್,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 16:20

ಸಮಾಧಾನದ ದೇವೆರ್ ಬೇಗೊಡು ಸೈತಾನನ್ ನಿಕ್ಲೆ ಕಾರಡಿಕ್ ಪಾಡ್ದ್ ದೊಂಕಾವೆ. ನಮ ಕರ್ತವೆ ಆದುಪ್ಪು ಯೇಸುನ ದಯ ನಿಕ್ಲೆಡೊಪ್ಪ ಉಪ್ಪಡ್.

1 ಕೊರಿಂಥ್ಯೆರೆಗ್ 15:10

ಆಂಡ ಇತ್ತೆ ಯಾನ್ ಎಂಚಿನಾಯೆ ಆದುಲ್ಲೆನಾ, ಅವು ದೇವೆರೆ ದಯೊಡ್ದೇ. ಎನ ಮಿತ್ತ್ ತೋಜಿದ್ ಬತ್ತಿನ ಆಯನ ದಯ ವ್ಯರ್ಥ ಆದುಪ್ಪುಜಿ. ಯಾನ್ ಬೇತೆ ಅಪೊಸ್ತಲೆರೆಡ್ದ್ ಹೆಚ್ಚಾದ್ ಕಷ್ಟ ಪಡೆಯೆ. ಆಂಡ ಕಷ್ಟ ಪಡೆಯಿನಾಯೆ ಯಾನತ್ತ್, ಎನ ಮಿತ್ತುಪ್ಪುನ ದೇವೆರೆ ದಯೆನೇ.

1 ಕೊರಿಂಥ್ಯೆರೆಗ್ 3:10

ದೇವೆರ್ ಎಂಕ್ ದಯೆಡ್ದ್ ಕೊರಿನ ಕೆಲಸೊನು ನಡಪಾದ್ ಯಾನ್ ಬುದ್ಧಿ ಇತ್ತಿ ಮೇಸ್ತ್ರಿಲೆಕ್ಕ ಪಂಚಾಂಗ ಪಾಡಿಯೆ, ನನೊರಿ ಐತ ಮಿತ್ತ್ ಕಟ್ಟುವೆ. ಪ್ರತಿ ಒರಿಲಾ ತಾನ್ ಐತ ಮಿತ್ತ್ ಎಂಚ ಕಟ್ಟೊಂದುಲ್ಲೆ ಅಂದ್‌ದ್ ಎಚ್ಚರಿಕೆಡುಪ್ಪೊಡು.

2 ಕೊರಿಂಥ್ಯೆರೆಗ್ 4:15

ಉಂದು ಮಾತಲಾ ನಿಕ್ಲೆಗಾದೆ ಎಂಕ್ಲೆಗ್ ಉಂಡಾಪುಂಡು. ಐಟ್ಟ್ ದೈವ ದಯೆ ಮಸ್ತ್ ಜನೊಕುಲೆಗ್ ಹೆಚ್ಚಾದ್ ತಿಕ್ಕುನೆಡ್ದಾವರ ದೇವೆರೆ ಮೈಮೆಗ್ ಹೆಚ್ಚಾದ್ ಉಪಕಾರ ಸ್ತುತಿ ಉಂಡಾಪುಂಡು.

2 ಕೊರಿಂಥ್ಯೆರೆಗ್ 8:9

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದಯೊನು ನಿಕುಲು ತೆರಿದರತ್ತಾ? ಆಯೆ ಐಶ್ವರ್ಯೊಡಿತ್ತೆಡಲಾ ತಾನ್ ಬಡತನೊಡು ಸೇರಿನೆಡ್ದ್ ನಿಕುಲು ಐಶ್ವರ್ಯವಂತೆರ್ ಆವೊಡು ಅಂದ್‌ದ್ ನಿಕ್ಲೆಗಾದ್ ಬಡವೆ ಆಯೆ.

ಗಲಾತ್ಯೆರೆಗ್ 1:13

ಎಂಚಂದ್ಂಡ ದುಂಬು ಯಾನ್ ಯೆಹೂದ್ಯ ಮತೊಟು ಉಪ್ಪುನಗ ಎನ ನಡತೆನ್ ಕೇಂಡ್ದರತ್ತಾ. ಯಾನ್ ದೇವೆರೆ ಸಭೆನ್ ಭಂಗ ಬರ್ಪಾದ್ ಅವೆನ್ ಹಾಳ್ ಮಲ್ತೊಂದಿತ್ತೆ.

1 ಥೆಸಲೋನಿಕೆರೆಗ್‌ 5:8

ನಮ ದಿನೊಕು ಸೇರ್ದಿನಾಕುಲು ಬೊಲ್ಪುದಾಕುಲು ಆದಿತ್ತಿನೆಡ್ದಾವರ ಸ್ವಸ್ಥಚಿತ್ತೊಡು ಉಪ್ಪೊಡು. ನಂಬಿಕೆ ಬೊಕ್ಕ ಪ್ರೀತಿ ಪನ್ಪಿ ತಿಗಲೆದ ಕವಚೊನ್ಲಾ ರಕ್ಷಣೆದ ಭರವಸ ಪನ್ಪಿನ ಟೊಪ್ಪಿನ್ಲಾ ಪಾಡೊಂದು ಎಚ್ಚರಿಕೆಡುಪ್ಪುಗ.

1 ತಿಮೋಥಿ 2:15

ಆಂಡ ಪೊಂಜೊವುಲು ಮಾರ್ಯಾದಿಡ್ ಇತ್ತ್‌ದ್ ನಂಬಿಕೆಡ್ಲಾ, ಪ್ರೀತಿಡ್ಲಾ, ಪರಿಶುದ್ಧತೆಡ್ಲಾ ನಿಲೆ ಆದಿತ್ತೆರ್ಡ ಜೋಕುಲೆನ್ ಪೆದ್ದುನೆಟ್ಟ್ ರಕ್ಷಣೆ ಹೊಂದುವೆರ್.

1 ತಿಮೋಥಿ 4:12

ಈ ಜವ್ವನೆ ಅಂದ್‌ದ್ ಏರ್ಲಾ ನಿನನ್ ಅಸಡ್ಡೆ ಮಲ್ಪಂದೆ ಏರೆಗ್ಲಾ ಅವಕಾಸ ಕೊರಂದೆ ನಿನ ಪಾತೆರೊಡು, ನಡತೆಡ್, ಪ್ರೀತಿಡ್, ನಂಬಿಕೆಡ್, ಶುದ್ಧತೆಡ್ ನಂಬುನಾಕುಲೆಗ್ ಈಯೇ ಮಾದ್ರಿ ಆದುಪ್ಪುಲ.

1 ತಿಮೋಥಿ 6:11

ಆಂಡ ತಿಮೋಥಿ, ಈ ಒರಿ ದೇವೆರೆ ನರಮಾನಿ. ಈ ಮಾತ ಪಡಿಕೆಂತಿನೆಡ್ದ್ ದೂರ ಪಾರ್ದ್ ನೀತಿಗ್, ಭಕ್ತಿಗ್, ನಂಬಿಕೆಗ್, ಪ್ರೀತಿಗ್, ತಾಳ್ಮೆಗ್, ಸಜ್ಜನಿಗೆಗ್ ಪ್ರಯತ್ನ ಮಲ್ಪುಲ.

2 ತಿಮೋಥಿ 1:13

ಈ ಕ್ರಿಸ್ತ ಯೇಸುಡು ನಂಬಿಕೆಲಾ ಪ್ರೀತಿಲಾ ಇತ್ತಿನಾಯೆ ಆದ್, ಎನಡ್ದ್ ಕೇಂಡಿನ ಸ್ವಸ್ಥ ಬೋಧನೆನ್ ಮಾದ್ರಿ ಆದ್ ದೀದ್ ಬುಡಂದೆ ಪತ್ತೊನ್ಲ.

2 ತಿಮೋಥಿ 2:22

ಜವ್ವನ ಪ್ರಾಯದ ಇಚ್ಚೆಲೆಡ್ದ್ ದೂರ ಇತ್ತ್‌ದ್, ನೀತಿನ್, ನಂಬಿಕೆನ್, ಪ್ರೀತಿನ್ ಸಮಾಧಾನೊನು ಸಂಪಾದನೆ ಮಲ್ಪೆರೆಗಾದ್ ಶುದ್ಧ ಉಡಲ್‌ಡ್ದ್ ಕರ್ತವನ್ ಅರಿಕೆ ಮಲ್ಪುನಾಕುಲೆಡೊಪ್ಪ ಈಲಾ ಪ್ರಯತ್ನ ಮಲ್ಪುಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:2

ಪರಬೆರೆಗ್ ಇಂಚ ಬೋಧನೆ ಮಲ್ಪುಲ, ಅಕುಲು ಪರ್ಪಿ ಅಭ್ಯಾಸೊಡ್ದು ದೂರ ಉಪ್ಪುನಾಕುಲು, ಘನತಾಕುಲು, ಬುದ್ದಿವಂತಿಕೆದಾಕುಲು, ನಂಬಿಕೆಡ್, ಪ್ರೀತಿಡ್, ತಾಳ್ಮೆಡ್ ಗೆಲವುದಾಕುಲು ಆದುಪ್ಪೊಡು.

1 ಪೇತ್ರೆ 1:3

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಅಮ್ಮೆಲಾ ದೇವೆರ್‌ಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ ಆವಡ್. ದೇವೆರೆನ ಮಲ್ಲ ಕರುಣೆಡ್ದ್ ನಮ ಪೊಸತ್ತಾದ್ ಕುಡ ಪುಟ್ಟುದ. ದಾಯೆಗಂದ್ಂಡ ಯೇಸು ಕ್ರಿಸ್ತೆ ಸೈತ್‌ದ್ ಲಕ್ಕಿನೆಡ್ದ್ ನಂಕ್ ಜೀವ ಇತ್ತಿ ನಿರೀಕ್ಷೆ ಉಂಡು.

1 ಯೋಹಾನೆ 4:10

ನಮ ದೇವೆರೆನ್ ಪ್ರೀತಿ ಮಲ್ತಿನೆಟ್ಟ್ ಅತ್ತ್, ಆಯೆ ನಮನ್ ಪ್ರೀತಿ ಮಲ್ತ್‌ದ್, ತನ ಮಗನ್ ನಮ ಪಾಪೊಲೆಗ್ ಬೋಡಾದ್ ಬಲಿ ಆದ್ ಕಡಪುಡಿನೆಟ್ಟೇ ತೋಜಿದ್ ಬರ್ಪುಂಡು.

ಪ್ರಕಟಣೆ 22:21

ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದಯ ಮಾತ ದೇವಜನೊಕುಲೆಡೊಪ್ಪ ಉಪ್ಪಡ್. ಆಮೆನ್.