1 ತಿಮೋಥಿ 1:11 - ಪೊಸ ಒಡಂಬಡಿಕೆ

¹¹ ಬೊಕ್ಕ ಯಾನ್ ನಿಕ್ಕ್ ಪನ್ಪಿನ ಈ ಉಪದೇಶ ಭಾಗ್ಯವಂತೆ ಆದುಪ್ಪು ದೇವೆರೆನ ಮೈಮೆದ ಬೊಲ್ಪುನು ಪ್ರಕಾಶ ಮಲ್ಪುನ ಸುವಾರ್ತೆಗ್ ಸರಿಯಾದ್ ಉಂಡು. ಎಂಕ್ ಈ ಸುವಾರ್ತೆದ ಸೇವೆದ ಜವಾಬ್ದಾರಿ ಕೊರ್ದುಂಡು.

1 ತಿಮೋಥಿ 1:11 Iomraidhean Croise

ಲೂಕೆ 2:14

“ಪರಲೋಕೊಡುಪ್ಪು ದೇವೆರೆಗ್ ಮೈಮೆ, ಭೂಲೋಕೊಡು ನರಮಾನಿಲೆಗ್ ಸಮಾಧಾನ. ದೇವೆರ್ ಅಕ್ಲೆನ್ ಮೆಚ್ಚುವೆರ್.”

ರೋಮಾಯೆರೆಗ್ 2:16

ಯಾನ್ ಸಾರಿಯುನ ಸುವಾರ್ತೆಡ್ ಪಂಡಿಲೆಕ್ಕ ದೇವೆರ್ ಯೇಸು ಕ್ರಿಸ್ತಡ್ದ್ ನರಮಾನಿಲೆನ ಗುಟ್ಟುಲೆನ್ ಗೊತ್ತು ಮಲ್ತ್‌ದ್ ನ್ಯಾಯತೀರ್ಪು ಮಲ್ಪು ದಿನ ಬರ್ಪುಂಡು. ಆ ದಿನೊಟು ಉಂದು ಮಾತಲಾ ತೆರಿದ್ ಬರು.

1 ಕೊರಿಂಥ್ಯೆರೆಗ್ 9:17

ಉಂದೆನ್ ಯಾನ್ ಮನಸ್ ಕೊರ್ದು ಮಲ್ಪುವೆಡ ಎಂಕ್ ಉಡಿಗೆರೆ ತಿಕ್ಕುಂಡು; ಬೊಕ್ಕೊರಿಯನ ಇಷ್ಟದಂಚ ಮಲ್ತ್ಂಡ ಜವಾಬ್ದಾರಿಕೆ ಎಂಕ್ ಕೊರ್ತಿನವು ಆದುಂಡು.

2 ಕೊರಿಂಥ್ಯೆರೆಗ್ 4:4

ದೇವೆರೆ ಪ್ರತಿರೂಪ ಆಯಿ ಕ್ರಿಸ್ತ ಮೈಮೆ ಪನ್ಪಿ ಸುವಾರ್ತೆದ ಬೊಲ್ಪು ಮಿಂಚಂದಿಲೆಕ್ಕ, ಈ ಲೋಕದ ದೇವೆರಾದುಪ್ಪು ಸೈತಾನೆ ನಂಬಿಕೆದಾಂತಿನಾಕುಲೆನ ಮನಸ್‌ನ್ ಮಂದ ಮಲ್ತ್‌ದೆ.

2 ಕೊರಿಂಥ್ಯೆರೆಗ್ 4:6

ದಾಯೆಗ್ ಪಂಡ, “ಕತ್ತಲೆದ ಉಲಯಿಡ್ದ್ ಬೊಲ್ಪು ಆವಡ್,” ಪಂಡಿ ದೇವೆರ್, ಕ್ರಿಸ್ತನ ಮೋನೆಡ್ ತೋಜುನ ಮೈಮೆದ ಗೇನ ಪನ್ಪಿ ಬೊಲ್ಪು ಉಂಡಾಪಿಲೆಕ್ಕ ದೇವೆರ್ ತಾನೇ ಎಂಕ್ಲೆನ ಉಡಲ್‌ಡ್ ಬೊಲ್ಪು ಕೊರಿಯೆ.

ಗಲಾತ್ಯೆರೆಗ್ 2:7

ಐತ ಪಗತೆಗ್ ಸುನ್ನತಿದಾಕುಲೆಗ್ ಸುವಾರ್ತೆ ಸಾರಿಯುನ ಜವಾಬ್ದಾರಿನ್ ದೇವೆರ್ ನಂಬಿಕೆಡ್ ಪೇತ್ರಗ್ ಕೊರಿಲೆಕ್ಕನೇ, ಸುನ್ನತಿದಾಂತಿನಾಕುಲೆಗ್ ಸುವಾರ್ತೆ ಸಾರಿಯುನ ಜವಾಬ್ದಾರಿನ್ ಎಂಕ್‌ಲಾ ಕೊರ್ದಿತ್ತೆ.

ಎಫೆಸ್ಯೆರೆಗ್ 1:6

ಅಂಚಾದ್ ನಮ ಆಯನ ಪ್ರೀತಿದ ಮಗಕ್ಕ್ ಸೇರ್ದಿನಾಕುಲಾದ್, ನಂಕ್ ಉಂಬೊಲಿ ಆದ್ ಕೊರಿನ ಮೈಮೆದ ದಯೊಕಾದ್, ನಮ ದೇವೆರೆನ್ ಪುಗರುವ.

ಎಫೆಸ್ಯೆರೆಗ್ 3:10

ಆಯನ ನಿತ್ಯ ನಿರ್ಧಾರದ ಪ್ರಕಾರ ಅವೆನ್ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡು ಪರಿಪೂರ್ಣ ಮಲ್ತೆ. ಉಂದು ಮಾತೆಟ್ಟ್ ದೇವೆರೆನ ಉದ್ದೇಶ ದಾನೆಂದ್ಂಡ ತನ ಗೇನದ ಐಶ್ವರ್ಯೊನು ಪರಲೋಕೊಡುಪ್ಪುನ ಮಾತ ಅಧಿಕಾರೊಲೆಗ್ಲಾ ಅಧಿಪತಿಲೆಗ್ಲಾ ಇತ್ತೆ ಕ್ರೈಸ್ತ ಸಭೆಡ್ದ್ ಗೊತ್ತಾವೊಡು ಇನ್ಪಿನವೇ.

ಕೊಲೊಸ್ಸಿಯೆರೆಗ್ 1:25

ಯಾನ್ ಸಭಾಸೇವಕೆ ಆಯೆ; ದೇವೆರೆ ಪಾತೆರೊನು ಪೂರ್ತಿ ಆದ್ ತೆರಿಪಾವು ಕೆಲಸೊನು ನಿಕ್ಲೆನ ಪ್ರಯೋಜನೊಗಾದ್ ಎಂಕ್ ಒದಗಾಯೆ.

1 ಥೆಸಲೋನಿಕೆರೆಗ್‌ 2:4

ಆಂಡ ದೇವೆರ್ ಎಂಕ್ಲೆನ್ ತಕ್ಕದಾಕುಲು ಪಂಡ್ದ್, ಈ ಸುವಾರ್ತೆ ಎಂಕ್ಲೆನ ವಶೊಕ್ಕು ಕೊರಿಯೆ. ಎಂಕುಲು ನರಮಾನಿರೆನ್ ಮೆಚ್ಚಾವಂದೆ ಉಡಲ್‌ನ್ ಪರೀಕ್ಷೆ ಮಲ್ಪುನ ದೇವೆರೆನ್ ಮೆಚ್ಚಾವೊಡು ಅಂದ್‌ದ್ ಪಾತೆರೊಂದುಲ್ಲ.

1 ತಿಮೋಥಿ 2:7

ಈ ಸಾಕ್ಷಿನ್ ಪ್ರಸಿದ್ಧಿ ಮಲ್ಪೆರೆಗಾದ್ ಯಾನ್ ಸಾರಿಯುನಾಯೆಲಾ ಅಪೊಸ್ತಲೆಲಾ ಆದ್ ನಂಬಿಕೆಡ್ಲಾ ಸತ್ಯೊಡ್ಲಾ ಪಿದಯಿದ ಜನೊಕುಲೆಗ್ ಬೋಧಕೆ ಆದ್ ನೇಮಕ ಆತೆ. ಯಾನ್ ಇಂಚಿತ್ತಿನಾಯೆ ಪನ್ಪಿನ ಸುಳ್ಳು ಅತ್ತ್, ಸತ್ಯನೇ.

1 ತಿಮೋಥಿ 6:15

ಭಾಗ್ಯವಂತೆ ಆಯಿ ಒರಿಯೇ ಸರ್ವತ್ರಾಣಿ ದೇವೆರ್‌ಲಾ, ರಾಜಾದಿರಾಜೆಲಾ ಕರ್ತವೆರೆ ಕರ್ತವೆಲಾ ಆದುಪ್ಪು ಯೇಸು ಬರ್ಪಿನೆನ್ ದೇವೆರ್ ತಕ್ಕ ಸಮಯೊಡು ತೋಜಾವೆ.

1 ತಿಮೋಥಿ 6:20

ಓ ತಿಮೋಥಿ, ಈ ಗೇನದ ಬೋಧನೆ ಅಂದ್‌ದ್ ಭಕ್ತಿದಾಂತಿ ಬೋಧನೆಗ್ ಸಮ್ಮಂಧ ಆದುಪ್ಪು ಪ್ರಪಂಚದ ವ್ಯರ್ಥ ಪಾತೆರೊಲೆಗ್ಲಾ, ತರ್ಕೊಲೆಗ್ಲಾ ದೂರ ಆದ್, ದೇವೆರ್ ನಿಕ್ಕ್ ಒಚ್ಚಿದ್ ಕೊರಿನೆನ್ ಜೋಕೆಡ್ ಕಾಪುಲ.

2 ತಿಮೋಥಿ 1:11

ಸುವಾರ್ತೆದ ಅಭಿವೃದ್ಧಿಗಾದ್ ಯಾನ್ ಸುವಾರ್ತೆನ್ ಸಾರಿಯುನೆಕ್ಕ್‌ಲಾ ಅಪೊಸ್ತಲೆ ಆದ್ ಬೋಧನೆ ಮಲ್ಪೆರೆಗಾದ್‌ಲಾ ನೇಮಕ ಆತೆ.

2 ತಿಮೋಥಿ 1:14

ನಿಕ್ಕ್ ಒಚ್ಚಿದ್ ಕೊರ್ತಿನ ಸತ್ಯೊನು ಎಡ್ಡೆಂತಿನ ಅಂದ್‌ದ್ ತೆರಿದ್ ನಮಡುಪ್ಪು ಪರಿಶುದ್ಧಾತ್ಮೊಡ್ದು ಕಾತೊನ್ಲ.

2 ತಿಮೋಥಿ 2:2

ದಿಂಜ ಸಾಕ್ಷಿಲೆ ಎದುರು ಈ ಎನಡ್ದ್ ಕೇಂಡಿನ ಬೋಧನೆಗ್ ಸರಿಯಾದ್ ಬೇತೆ ಜನೊಕುಲೆಗ್ ಬೋಧನೆ ಮಲ್ಪೆರೆ ಸಾಮರ್ಥ್ಯ ಇತ್ತಿ ನಂಬಿಕೆದ ನರಮಾನಿಲೆಗ್ ಅವೆನ್ ಒಚ್ಚಿದ್ ಕೊರ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:3

ದೇವೆರ್ ಅಜತಿನಾಕುಲೆ ನಂಬಿಕೆನ್ಲಾ, ಭಕ್ತಿನ್ಲಾ ಉಂಡು ಮಲ್ಪುನ ಸತ್ಯದ ಗೇನೊಗ್ಲಾ ಅಭಿವೃದ್ಧಿ ಮಲ್ಪೆರೆಗಾದ್ರಲಾ ಯಾನ್ ಅಪೊಸ್ತಲೆ ಆತೆ. ಆ ನಂಬಿಕೆಗ್ಲಾ ಸತ್ಯದ ಗೇನೊಗ್ಲಾ ನಿತ್ಯಜೀವದ ನಿರೀಕ್ಷೆನೇ ಆಧಾರ ಆದುಂಡು.