1 ತಿಮೋಥಿ 1:1 - ಪೊಸ ಒಡಂಬಡಿಕೆ

¹ ನಮ ರಕ್ಷಕೆ ಆದುಪ್ಪು ದೇವೆರೆಡ್ದ್‌ಲಾ ನಮ ನಿರೀಕ್ಷೆಗ್ ಆಧಾರ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ಅಪ್ಪಣೆಗ್ ಸರಿಯಾದ್ ನೇಮಕವಾಯಿನ ಯೇಸು ಕ್ರಿಸ್ತನ ಅಪೊಸ್ತಲೆ ಪೌಲು,

1 ತಿಮೋಥಿ 1:1 Iomraidhean Croise

ಲೂಕೆ 1:47

ಎನ ಆತ್ಮ, ಎನ ರಕ್ಷಕೆ ಆದುಪ್ಪು ದೇವೆರೆ ಬಗೆಟ್ ಉಲ್ಲಾಸ ಮಲ್ಪುಂಡು.

ಲೂಕೆ 2:11

ಅವು ದಾನೆಂದ್ಂಡ, ಈ ಗಳಿಗೆಡ್ ನಿಕ್ಲೆಗಾದ್ ದಾವೀದ್ ಊರುಡು ಒರಿ ರಕ್ಷಕೆ ಪುಟ್ಟುದೆ. ಆಯೆ ಕರ್ತವೆ ಆದುಪ್ಪು ಕ್ರಿಸ್ತೆನೇ.

ಅಪೊ.ಕ್ರಿ 9:15

ಕರ್ತವೆ ಆಯಗ್, “ಈ ಪೋಲ; ಆ ನರಮಾನಿ ಪಿದಯಿದ ಜನೊಕುಲೆಗ್ಲಾ ಅರಸರೆಗ್ಲಾ ಇಸ್ರಾಯೇಲ್ಯೆರೆಗ್ಲಾ ಎನ ಪುದರ್‌ಡ್ ಸೇವೆ ಮಲ್ಪೆರೆಗಾದ್ ಬೊಕ್ಕ ಎನ ಪುದರ್ ಸಾರಿಯೆರೆಗಾದ್‌ಲಾ ಯಾನ್ ಆಯನ್ ಅಜತ್ ದೆತ್ತೊಂದಿನಾಯೆ ಆದುಲ್ಲೆ.

ರೋಮಾಯೆರೆಗ್ 1:1

ಯಾನ್ ಪೌಲು, ಯೇಸು ಕ್ರಿಸ್ತೆ ದಾಸೆಲಾ ಅಪೊಸ್ತಲೆ ಆವೆರೆ ಲೆಪ್ಪು ಇತ್ತಿನಾಯೆಲಾ ದೇವೆರೆ ಸುವಾರ್ತೆನ್ ಸಾರಿಯೆರೆ ನೇಮಕ ಆತಿನಾಯೆಲಾ ಆದುಲ್ಲೆ.

1 ಕೊರಿಂಥ್ಯೆರೆಗ್ 1:1

ದೇವೆರೆ ಚಿತ್ತೊಗು ಸರಿಯಾದ್ ಕ್ರಿಸ್ತ ಯೇಸುನ ಅಪೊಸ್ತಲೆ ಆದುಪ್ಪೆರೆ ಲೆಪ್ಪು ಪಡೆಯಿನ ಪೌಲುಲಾ, ಎಂಕುಲೆ ಸಹೋದರೆ ಸೋಸ್ಥೆನೆಲಾ,

1 ಕೊರಿಂಥ್ಯೆರೆಗ್ 9:17

ಉಂದೆನ್ ಯಾನ್ ಮನಸ್ ಕೊರ್ದು ಮಲ್ಪುವೆಡ ಎಂಕ್ ಉಡಿಗೆರೆ ತಿಕ್ಕುಂಡು; ಬೊಕ್ಕೊರಿಯನ ಇಷ್ಟದಂಚ ಮಲ್ತ್ಂಡ ಜವಾಬ್ದಾರಿಕೆ ಎಂಕ್ ಕೊರ್ತಿನವು ಆದುಂಡು.

2 ಕೊರಿಂಥ್ಯೆರೆಗ್ 1:1

ದೇವೆರೆ ಚಿತ್ತದ ಪ್ರಕಾರ ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಲಾ ನಮ ಸಹೋದರೆ ಆಯಿ ತಿಮೋಥಿ ಕೊರಿಂಥ್ಯೊಡುಪ್ಪು ದೇವೆರೆ ಸಭೆಕ್ಲಾ ಅಖಾಯ ಸೀಮೆಡುಪ್ಪು ಮಾತ ದೇವಜನೊಕುಲೆಗ್ಲಾ ಈ ಪತ್ರಿಕೆನ್ ಬರೆಪಿನಿ.

ಗಲಾತ್ಯೆರೆಗ್ 1:1

ನರಮಾನಿಲೆಡ್ದಾವಡ್, ನರಮಾನಿಲೆ ಅಧಿಕಾರೊಡ್ದಾವಡ್ ಅಪೊಸ್ತಲೆ ಆವಂದೆ ಯೇಸು ಕ್ರಿಸ್ತಡ್ದ್‌ಲಾ ಆಯನ್ ಸೈತಿನಾಕುಲೆಡ್ದ್ ಲಕ್ಕಾದಿ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಅಪೊಸ್ತಲ ಬೇಲೆನ್ ಪಡೆಯಿನ ಪೌಲು ಇನ್ಪಿ ಯಾನ್ಲಾ ಎನಡೊಪ್ಪ ಉಪ್ಪು ಮಾತ ಸಹೋದ್ರೆರ್‌ಲಾ ಗಲಾತ್ಯೊಡುಪ್ಪು ಸಭೆತಾಕುಲೆಗ್ ಬರೆಪಿನಿ ದಾನೆಂದ್ಂಡ,

ಗಲಾತ್ಯೆರೆಗ್ 1:11

ಸಹೋದ್ರೆರೇ, ಯಾನ್ ಸಾರಿದಿ ಸುವಾರ್ತೆ ನರಮಾನಿ ಆಲೋಚನೆದವು ಅತ್ತ್ ಅಂದ್‌ದ್ ನಿಕ್ಲೆಗ್ ತೆರಿಯೊಡು.

ಕೊಲೊಸ್ಸಿಯೆರೆಗ್ 1:27

ದಾಯೆಗಂದ್ಂಡ ಕ್ರಿಸ್ತನ ಮೈಮೆಲಾ ಐಶ್ವರ್ಯಲಾ ಪಿದಯಿದ ಜನೊಕುಲೆಗ್ಲಾ ಉಂಡು ಇನ್ಪಿನೆನ್ ಅಕುಲುಲಾ ತೆರಿಯೊನೊಡು ಅಂದ್‌ದ್ ದೇವೆರ್ ಬಯಕಿಯೆ. ಈ ಮರ್ಮ ದಾನೆಂದ್ಂಡ ಕ್ರಿಸ್ತೆ ನಿಕ್ಲೆಡೊಪ್ಪ ಇತ್ತ್‌ದ್ ಮೈಮೆದ ನಿರೀಕ್ಷೆಗ್ ಉಪ್ಪುನವೇ.

2 ಥೆಸಲೋನಿಕೆರೆಗ್‌ 2:16

ನಮ ಅಮ್ಮೆ ಆದುಪ್ಪು ದೇವೆರ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆಲಾ ನಮನ್ ಮಸ್ತ್ ಪ್ರೀತಿ ಮಲ್ತ್‌ದ್ ದಯೊಟು ನಂಕ್ ನಿತ್ಯದ ಆಧಾರಣೆನ್ಲಾ, ಎಡ್ಡೆ ನಿರೀಕ್ಷೆನ್ಲಾ ಕೊರ್ದು

1 ತಿಮೋಥಿ 1:12

ಎನನ್ ಬಲ ಪಡೆಪಾಯಿನ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಗು ಯಾನ್ ಉಪಕಾರ ಪನ್ಪೆ. ಎನನ್ ಆಯೆ ನಂಬಿಗಸ್ತೆ ಅಂದ್‌ದ್ ಗೆನ್ತ್‌ದ್ ಆಯನ ಸೇವೆಗ್ ಅಜತ್ ದೆತ್ತೊನಿಯೆ. ದುಂಬು ಯೇಸುನು ದೂಷಣೆ ಮಲ್ಪುನಾಯೆಲಾ ಭಂಗ ಬರ್ಪಾವುನಾಯೆಲಾ ಬಲಾತ್ಕಾರ ಮಲ್ಪುನಾಯೆಲಾ ಆದಿತ್ತೆ. ಆಂಡ ಅವೆನ್ ಯಾನ್ ಅಪನಂಬಿಕೆಡ್ ತೆರಿಯಂದೆ ಮಲ್ತಿನೆಡ್ದ್ ಆಯೆ ಎಂಕ್ ಕರುಣೆ ತೋಜಾಯೆ.

1 ತಿಮೋಥಿ 2:3

ಬೊಕ್ಕ ಇಂಚ ಮಲ್ಪುನವು ನಮ ರಕ್ಷಕೆ ಆಯಿ ದೇವೆರೆ ಸನ್ನಿಧಿಡ್ ಎಡ್ಡೆದವುಲಾ ಮೆಚ್ಚಿಗೆದವುಲಾ ಆದುಂಡು.

1 ತಿಮೋಥಿ 2:7

ಈ ಸಾಕ್ಷಿನ್ ಪ್ರಸಿದ್ಧಿ ಮಲ್ಪೆರೆಗಾದ್ ಯಾನ್ ಸಾರಿಯುನಾಯೆಲಾ ಅಪೊಸ್ತಲೆಲಾ ಆದ್ ನಂಬಿಕೆಡ್ಲಾ ಸತ್ಯೊಡ್ಲಾ ಪಿದಯಿದ ಜನೊಕುಲೆಗ್ ಬೋಧಕೆ ಆದ್ ನೇಮಕ ಆತೆ. ಯಾನ್ ಇಂಚಿತ್ತಿನಾಯೆ ಪನ್ಪಿನ ಸುಳ್ಳು ಅತ್ತ್, ಸತ್ಯನೇ.

1 ತಿಮೋಥಿ 4:10

ಉಂದೆಕ್ಕಾದ್ ಎಂಕುಲು ಭಂಗ ಬತ್ತ್‌ದ್ ಪ್ರಯಾಸೊಡು ಬೇಲೆ ಮಲ್ತೊಂದುಲ್ಲ, ದಾಯೆಗಂದ್ಂಡ ಮಾತ ನರಮಾನಿಲೆಗ್, ಮುಖ್ಯಾದ್ ನಂಬುನಾಕುಲೆಗ್ ರಕ್ಷಕೆ ಆಯಿ ಜೀವ ಇತ್ತಿ ದೇವೆರೆ ಮಿತ್ತ್ ನಮ ಭರವಸೆ ದೀತಿನಾಕುಲಾದುಲ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:3

ದೇವೆರ್ ಅಜತಿನಾಕುಲೆ ನಂಬಿಕೆನ್ಲಾ, ಭಕ್ತಿನ್ಲಾ ಉಂಡು ಮಲ್ಪುನ ಸತ್ಯದ ಗೇನೊಗ್ಲಾ ಅಭಿವೃದ್ಧಿ ಮಲ್ಪೆರೆಗಾದ್ರಲಾ ಯಾನ್ ಅಪೊಸ್ತಲೆ ಆತೆ. ಆ ನಂಬಿಕೆಗ್ಲಾ ಸತ್ಯದ ಗೇನೊಗ್ಲಾ ನಿತ್ಯಜೀವದ ನಿರೀಕ್ಷೆನೇ ಆಧಾರ ಆದುಂಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:10

ಅಕುಲು ಎದುರು ಪಾತೆರಂದೆ ಒವ್ವೆನ್ಲಾ ಕಂಡೊನಂದೆ ಪೂರ ನಂಬಿಗಸ್ತೆರ್‌ಲಾ, ಎಡ್ಡೆಂತಿನಾಕುಲುಲಾ ಆದ್ ತೋಜಿದ್ ಬರೊಡು. ಅಪಗ ಅಕ್ಲೆಡ್ದಾದ್ ನಮ ರಕ್ಷಕೆ ಆದುಪ್ಪು ದೇವೆರೆ ಬೋಧನೆಗ್ ಮಾತ ಬಗೆಟ್ಲಾ ಮಾನ ಕನಪಿಲೆಕ್ಕ ಆವು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:4

ಆಂಡ ನಮ ರಕ್ಷಕೆ ಆದುಪ್ಪು ದೇವೆರೆ ದಯಲಾ ಪ್ರೀತಿಲಾ ನರಮಾನಿಲೆಗ್ ಪ್ರಕಟ ಆದುಪ್ಪುನಗ,

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:6

ಆಯೆ ನಮ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತನ ದಯೊಡ್ದಾದ್ ನಮನ್ ನೀತಿವಂತೆರ್ ಅಂದ್‌ದ್ ತೀರ್ಪು ಹೊಂದುದು ನಂಕ್ ನಿತ್ಯಜೀವದ ನಿರೀಕ್ಷೆನ್ ಕೊರಿಯೆ. ಐಕ್ ಭಾದ್ಯಸ್ತೆರಾವೊಡು ಅಂದ್‌ದ್ ದೇವೆರ್ ಯೇಸು ಕ್ರಿಸ್ತಡ್ದ್ ನಮ ಮಿತ್ತ್ ತನ ಪರಿಶುದ್ಧಾತ್ಮೊನು ಉದಾರಾದ್ ದಂಡ್ಯಾದೆ. ಉಂದು ನಂಬಿಕೆಗ್ ಯೋಗ್ಯದ ಪಾತೆರ ಆದುಂಡು.

1 ಪೇತ್ರೆ 1:21

ನಿಕುಲು ಯೇಸು ಕ್ರಿಸ್ತಡ್ದ್ ದೇವೆರೆನ್ ನಂಬುನಾಕುಲು ಆಯರ್. ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯಿನೆಡ್ದ್ ದೇವೆರೆಗ್ ಮೈಮೆ ಆಂಡ್, ಐಡ್ದಾವರ ನಿಕ್ಲೆ ನಂಬಿಕೆಲಾ ನಿರೀಕ್ಷೆಲಾ ದೇವೆರೆ ಮಿತ್ತ್ ನಿಲೆ ಆದುಪ್ಪುಂಡು.

1 ಪೇತ್ರೆ 1:3

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಅಮ್ಮೆಲಾ ದೇವೆರ್‌ಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ ಆವಡ್. ದೇವೆರೆನ ಮಲ್ಲ ಕರುಣೆಡ್ದ್ ನಮ ಪೊಸತ್ತಾದ್ ಕುಡ ಪುಟ್ಟುದ. ದಾಯೆಗಂದ್ಂಡ ಯೇಸು ಕ್ರಿಸ್ತೆ ಸೈತ್‌ದ್ ಲಕ್ಕಿನೆಡ್ದ್ ನಂಕ್ ಜೀವ ಇತ್ತಿ ನಿರೀಕ್ಷೆ ಉಂಡು.

2 ಪೇತ್ರೆ 1:1

ಯೇಸು ಕ್ರಿಸ್ತನ ದಾಸೆಲಾ ಅಪೊಸ್ತಲೆಲಾ ಆದುಪ್ಪು ಸಿಮೆಯೋನು ಪೇತ್ರೆ, ನಮ ದೇವೆರೆನ ಬೊಕ್ಕ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತನ ನೀತಿಡ್ದ್ ನಂಕುಪ್ಪು ದಿಂಜ ಬಿಲೆತ ನಂಬಿಕೆದಾಕುಲೆಗ್ ಬರೆಪಿನಿ ದಾನೆಂದ್ಂಡ, ದೇವೆರೆನವುಲಾ ನಮ ಕರ್ತವೆ ಆದುಪ್ಪು ಯೇಸುನವುಲಾ ಗೇನೊಡ್ದು ನಿಕ್ಲೆಗ್ ದಯಲಾ ಸಮಾಧಾನಲಾ ಹೆಚ್ಚೆಚ್ಚಾದ್ ತಿಕ್ಕಡ್.

1 ಯೋಹಾನೆ 4:14

ಅಮ್ಮೆ ಆದುಪ್ಪು ದೇವೆರ್ ತನ ಮಗನ್ ಈ ಲೋಕದ ರಕ್ಷಕೆ ಆದ್ ಕಡಪುಡ್ದಿನೆನ್ ಎಂಕುಲು ಸ್ವಂತ ಕಣ್ಣ್‌ಡ್ ತೂದು, ಇತ್ತೆ ಐಕಾದ್ ಸಾಕ್ಷಿ ಕೊರ್ಪ.