1 ಥೆಸಲೋನಿಕೆರೆಗ್‌ 5:3 - ಪೊಸ ಒಡಂಬಡಿಕೆ

³ ಜನೊಕುಲು ಸಮಾಧಾನೊಡ್ಲಾ ಪೋಡಿಗೆದಾಂತೆಲಾ ಉಲ್ಲ ಅಂದ್‌ದ್ ಪನೊಂದುಪ್ಪುನಪಗನೇ, ಬಂಜಿನಲೆಗ್ ಪೆದ್ಪಿಬೇನೆ ಬರ್ಪಿಲೆಕ್ಕ ಅಕ್ಲೆ ಮಿತ್ತ್ ನಾಶನ ಬರು. ಐಡ್ದ್ ತಪ್ಪಾವೆರೆ ಸಾದ್ಯೆನೇ ಇಜ್ಜಿ.

1 ಥೆಸಲೋನಿಕೆರೆಗ್‌ 5:3 Iomraidhean Croise

ಇಬ್ರಿಯೆರೆಗ್ 2:3

ಇಂಚಿತ್ತಿ ಮಲ್ಲ ರಕ್ಷಣೆನ್ ನಮ ಅಲಕ್ಷ ಮಲ್ತ್ಂಡ ಎಂಚ ತಪ್ಪಾವೊನ್‌ಂಬ? ಉಂದು ಕರ್ತವಡ್ದ್ ಸುರುಡ್ದೇ ತೆರಿಪಾದಿನವು ಆದುಂಡು. ಆಯಡ್ದ್ ಕೇಂಡಿನಾಕುಲು ಅವೆನ್ ನಂಕ್ ದೃಢ ಮಲ್ತೆರ್.

2 ಥೆಸಲೋನಿಕೆರೆಗ್‌ 1:9

ಅಂಚಿತ್ತಿನಾಕುಲು ಕರ್ತವ ಸನ್ನಿಧಾನೊಡ್ದುಲಾ ಮಾನ ಮೈಮೆಡ್ದ್‌ಲಾ ದೂರ ಆದ್ ನಿತ್ಯನಾಶನದ ಶಿಕ್ಷೆಗ್ ಗುರಿ ಆಪೆರ್.

2 ಪೇತ್ರೆ 2:4

ದಾಯೆಗಂದ್ಂಡ, ದೇವೆರ್ ಪಾಪ ಮಲ್ತಿನ ದೂತೆರೆನ್ಲಾ ಬುಡ್ತುಜೆ. ಆಯೆ ಅಕ್ಲೆನ್ ಸಂಕಲೆಡ್ ಕಟ್ಟ್‌ದ್ ನರಕೊಗು ಕತ್ತಲೆದ ಗುಂಡಿಗ್ ಪಾಡಿಯೆ. ಅಲ್ಪ ಅಕುಲು ನ್ಯಾಯತೀರ್ಪುದ ದಿನೊನು ಕಾತೊಂದುಲ್ಲೆರ್.

ಅಪೊ.ಕ್ರಿ 13:41

‘ಓ ತಿರಸ್ಕಾರ ಮಲ್ಪುನಾಕುಲೆ, ಸೋದ್ಯ ಆದ್, ನಾಶಾದ್ ಪೋವರ್. ನಿಕ್ಲೆ ದಿನೊಟು ಯಾನ್ ಒಂಜಿ ಕಾರ್ಯೊನು ಮಲ್ಪುವೆ; ಆ ಕಾರ್ಯೊನು ಒರಿ ನಿಕ್ಲೆಗ್ ತೆರಿಪಾಂಡಲಾ ನಿಕುಲು ಅವೆನ್ ನಂಬಂದೆ ಪೋವರ್.’”

ಇಬ್ರಿಯೆರೆಗ್ 12:23

ಪರಲೋಕೊಡು ಪುದರ್ ಬರೆಪಾವೊಂಡಿ ಕಡೀರ್‌ದ ಜೋಕುಲೆನ ಸಭೆಕ್ಲಾ, ಮಾತೆರೆಗ್ ನ್ಯಾಯಾಧಿಪತಿ ಆಯಿ ದೇವೆರೆ ಕೈತಲ್‌ಗ್ಲಾ, ಸಂಪೂರ್ಣ ಆಯಿ ನೀತಿವಂತೆರೆ ಆತ್ಮೊಲೆ ಕೈತಲ್‌ಗ್ಲಾ ಬೈದರ್.

ಮತ್ತಾಯೆ 23:33

ಕಂದೊಡಿಲೇ! ಸರ್ಪ ಜಾತಿಲೇ ನರಕದ ದಂಡನೆಗ್ ಎಂಚ ತಪ್ಪವೊನ್ವರ್?

ಯೋಹಾನೆ 16:21

ಒಂಜಿ ಪೊಂಜೊವು ಪೆದ್ದೆರೆ ಆನಗ ತನ ಬೇನೆದ ಗಳಿಗೆ ಬತ್ತ್ಂಡ್ ಅಂದ್‌ದ್ ಆಲೆಗ್ ಸಂಕಟ ಆಪುಂಡು, ಆಂಡ ಬಾಲೆನ್ ಪೆದ್ದಿ ಬೊಕ್ಕ ಲೋಕೊಡು ಒರಿ ನರಮಾನಿ ಪುಟ್ಟಿಯೆ ಅಂದ್‌ದ್ ಸಂತೋಷೊಡು ಆ ಬೇನೆನ್ ಮದಪುವಲ್.