1 ಥೆಸಲೋನಿಕೆರೆಗ್‌ 3:3 - ಪೊಸ ಒಡಂಬಡಿಕೆ

³ ದಾಯೆಗ್ ಪಂಡ ನಿಕುಲು ಕಷ್ಟೊಲೆಡ್ದ್ ಏರ್ಲಾ ಚಂಚಲ ಆವೆರೆ ಬಲ್ಲಿ. ಬೊಕ್ಕ ನಿಕ್ಲೆಗ್ ಗೊತ್ತಿತ್ತಿ ಲೆಕ್ಕನೇ ಸಂಕೊಟೊನು ಅನುಭವ ಮಲ್ಪೆರೆನೇ ಎಂಕ್ಲೆನ್ ದೇವೆರ್ ನೇಮಕ ಮಲ್ತ್‌ದೆ.

1 ಥೆಸಲೋನಿಕೆರೆಗ್‌ 3:3 Iomraidhean Croise

ಲೂಕೆ 21:12

ಆಂಡ ಉಂದು ಮಾತ ನಡಪುನೆಡ್ದ್ ದುಂಬು ಎನ ಪುದರ್‌ಗಾದ್ ಅಕುಲು ನಿಕ್ಲೆನ್ ಪತ್ತ್‌ದ್ ಸಭಾಮಂದಿರದ ಬೊಕ್ಕ ಸೆರೆಮನೆತ ಅಧಿಕಾರಿಲೆನ ವಶೊಕ್ಕು ಕೊರುವೆರ್. ನಿಕ್ಲೆನ್ ಅರಸುಲೆ ಎದುರುಡು ಅಧಿಕಾರಿಲೆ ಎದುರುಡು ಲೆತ್ತೊಂದು ಪೋದು ಭಂಗ ಬರ್ಪಾವೆರ್.

ಯೋಹಾನೆ 16:2

ನಿಕ್ಲೆನ್ ಸಭಾಮಂದಿರೊಡ್ದು ಪಿದಯಿ ಪಾಡ್ವೆರ್. ಅವತ್ತಂದೆ ನಿಕ್ಲೆನ್ ಕೆರ್ಪಿನಾಯೆ, ತಾನ್ ದೇವೆರೆಗ್ ಯಜ್ಞ ಸೇವೆ ಮಲ್ತ್‌ದೆ ಪನ್ಪಿ ಕಾಲ ಬರ್ಪುಂಡು.

ಯೋಹಾನೆ 16:33

ನಿಕುಲು ಎನಡೊಪ್ಪ ಇತ್ತ್‌ದ್ ಉಡಲ್‌ದ ಸಮಾಧಾನೊನು ಪಡೆವೊಡು ಅಂದ್‌ದ್ ಈ ಸಂಗತಿಲೆನ್ ನಿಕ್ಲೆಗ್ ಪಂತೆ. ಲೋಕೊಡು ನಿಕ್ಲೆಗ್ ಸಂಕಟ ಉಂಡು, ಆಂಡ ಧೈರ್ಯೊಡುಪ್ಪುಲೆ, ಯಾನ್ ಲೋಕೊನು ಗೆಂದ್‌ದೆ,” ಪಂಡೆ.

ಅಪೊ.ಕ್ರಿ 14:22

ಶಿಷ್ಯೆರ್‌ನ ಉಡಲ್‌ನ್ ದೃಢ ಮಲ್ತ್‌ದ್ ನಂಬಿಕೆಡ್ ನಿಲೆ ಆದುಪ್ಪುಲೆ ಪಂಡ್ದ್ ಉಮೇದ್ ಕೊರಿಯೆರ್, ಬೊಕ್ಕ ನಮ ಬಾರಿ ಸಂಕಟ ತಾಳ್‌ದ್ ದೇವೆರೆ ರಾಜ್ಯೊಗು ಸೇರೊಡು ಅಂದ್‌ದ್ ಬೋಧನೆ ಕೊರಿಯೆರ್.

ಅಪೊ.ಕ್ರಿ 2:25

ಆಯನ ಸಂಗತಿಡ್ ದಾವೀದೆ, ‘ಕರ್ತವೆ ಏಪಲಾ ಎನ ಎದುರುಡೇ ಉಪ್ಪುನೆನ್ ತೂವೊಂದಿತ್ತೆ, ಯಾನ್ ಪಂದಂದಿಲೆಕ್ಕ ಆಯೆ ಎನ ಬಲತ್ತ ಮರ್ಗಿಲ್‌ಡೇ ಉಲ್ಲೆ.

ಅಪೊ.ಕ್ರಿ 21:11

ಆಯೆ ಪೌಲುನ ಸೊಂಟ ಪಟ್ಟಿನ್ ದೆತ್ತ್‌ದ್, “ಆಯನ ಕೈಕಾರ್‌ನ್ ಕಟ್ಟ್‌ದ್ ಆ ಸೊಂಟ್ಟಪಟ್ಟಿ ಏರೆನವಾ ಆ ನರಮಾನಿನ್ ಯೆಹೂದ್ಯೆರ್ ಉಂದೇ ರೀತಿಡ್ ಯೆರೂಸಲೇಮುಡು ಕಟ್ಟ್ ಪಾಡ್ದ್ ಪಿದಯಿದ ಜನೊಕುಲೆನ ಕೈಕ್ ಒಚ್ಚಿದ್ ಕೊರ್ಪೆರ್. ಇಂಚ ಪರಿಶುದ್ಧಾತ್ಮೆ ಪನ್ಪೆ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 21:13

ಐಕ್ ಪೌಲು, “ನಿಕುಲು ಬುಲ್ತುದು ಎನ ಮನಸ್‌ನ್ ಕರಗಾವೊಡ್ಚಿ ಯಾನ್ ಕರ್ತವೆ ಆದುಪ್ಪು ಯೇಸುನ ಪುದರ್‌ಗಾದ್ ಯೆರೂಸಲೇಮುಡು ಸೆರೆಮನೆತ ಸರಪೊಳಿಡ್ ಮಾತ್ರ ಅತ್ತಂದೆ ಸೈಯೆರೆಗ್ಲಾ ತಯಾರಾದುಲ್ಲೆ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 9:16

ಆಯೆ ಎನ ಪುದರ್‌ಡ್ದ್ ಮಸ್ತ್ ಭಂಗ ಅನುಭವ ಮಲ್ಪೊಡು ಪನ್ಪಿನೆನ್ ಯಾನೇ ಆಯಗ್ ತೋಜಾವೆ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 5:3

ಉಂದು ಮಾತ್ರ ಅತ್ತಂದೆ ನಂಕ್ ಉಂಡಾಪಿ ಉಪದ್ರೊಲೆಡ್ಲಾ ಸಂತೋಷೊಡು ಉಲ್ಲ.

1 ಕೊರಿಂಥ್ಯೆರೆಗ್ 15:58

ಅಂಚಾಯಿನೆಡ್ದ್ ಎನ ಪ್ರೀತಿದ ಸಹೋದ್ರೆರೇ, ನಿಕುಲು ಸ್ಥಿರಚಿತ್ತೊಡ್ಲಾ ದೃಢಾದ್‌ಲಾ ಉಪ್ಪುಲೆ. ನಿಕುಲು ಕರ್ತವ ಪುದರ್‌ಡ್ ಮಲ್ಪು ಪ್ರಯಾಸ ವ್ಯರ್ಥ ಆಪುಜಿ ಅಂದ್‌ದ್ ಎನ್ನೊಂದು ಕರ್ತವ ಕೆಲಸೊಲೆನ್ ಏಪಲಾ ಮಸ್ತ್ ಆಸಕ್ತಿಡ್ ಮಲ್ಪುಲೆ.

1 ಕೊರಿಂಥ್ಯೆರೆಗ್ 4:9

ಅಂಚಾವಂದೆ ದೇವೆರ್ ಅಪೊಸ್ತಲೆರಾಯಿ ಎಂಕ್ಲೆನ್ ಮರಣೊಗು ಮುಟ್ಟ ಆತಿನಾಕುಲು ಇನ್ಪಿಲೆಕ್ಕ ಕಡೆಟ್ಟ್ ದೀತೆ ಅಂದ್‌ದ್ ಯಾನ್ ಎನ್ನುವೆ. ಎಂಕುಲು ಲೋಕೊಗು ದೂತೆರೆಗ್ಲಾ ನರಮಾನಿಲೆಗ್ಲಾ ನೋಟದಕುಲಾಯ.

ಎಫೆಸ್ಯೆರೆಗ್ 3:13

ಅಂಚಾದ್ ಯಾನ್ ನಿಕ್ಲೆಗ್ ಬೋಡಾದ್ ಬರ್ಪಿ ಭಂಗೊಲು ಅವು ನಿಕ್ಲೆ ಮೈಮೆಗಾದ್ ಅಂದ್‌ದ್ ಎನ್ನ್‌ದ್ ಸೋತುದು ಪೋವಡೆ.

ಫಿಲಿಪ್ಪಿಯೆರೆಗ್ 1:28

ನಿಕುಲು ಇಂಚ ಉಪ್ಪುನೆಡ್ದ್ ವೈರಿಲೆನ ನಾಶನೊಗ್ಲಾ ನಿಕ್ಲೆನ ರಕ್ಷಣೆಗ್ಲಾ ಒಂಜಿ ಗುರ್ತ ಆಪುಂಡು. ಅವು ದೇವೆರೆಡ್ದೇ ಬತ್ತಿನ ಗುರ್ತ ಆದುಪ್ಪುಂಡು.

ಕೊಲೊಸ್ಸಿಯೆರೆಗ್ 1:23

ಆಂಡ ನಿಕುಲು ಬಾನದ ತಿರ್ತ್ ಉಪ್ಪು ಮಾತ ಸೃಷ್ಟಿಗ್ ಸಾರಿನ ಸುವಾರ್ತೆಡ್ದ್ ಉಂಡಾಯಿನ ಭರವಸೆನ್ ಬುಡ್ದು ಪೋವಂದೆ ಪಾಡ್ದಿ ಪಂಚಾಂಗದ ಮಿತ್ತ್ ಸ್ಥಿರಾದಿತ್ತ್‌ದ್ ನಂಬಿಕೆಡ್ ನಿಲೆ ಆದಿತ್ತರ್ಡ ಆ ಸ್ಥಾನ ನಿಕ್ಲೆಗ್ ಒದಗ್‌ದ್ ಬರ್ಪುಂಡು. ಪೌಲು ಇನ್ಪಿ ಯಾನ್ ಸುವಾರ್ತೆದ ಸೇವಕೆ ಆದುಲ್ಲೆ.

1 ಥೆಸಲೋನಿಕೆರೆಗ್‌ 5:9

ದಾಯೆಗಂದ್ಂಡ, ದೇವೆರ್ ನಮನ್ ಕೋಪೊಗು ಗುರಿ ಆವೊಡು ಅಂದ್‌ದ್ ನೇಮಕ ಮಲ್ಪಂದೆ, ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ ರಕ್ಷಣೆನ್ ಸಂಪಾದನೆ ಮಲ್ಪೊಡಂದ್‌ದ್ ನೇಮಕ ಮಲ್ತ್‌ದೆ.

2 ಥೆಸಲೋನಿಕೆರೆಗ್‌ 1:4

ನಿಕ್ಲೆಗ್ ಬೈದಿನ ಮಾತ ಭಂಗದ ನಡುಟ್ಲಾ ನಿಕ್ಲೆ ತಾಳ್ಮೆನ್ಲಾ ನಂಬಿಕೆನ್ಲಾ ನೆನೆತ್‌ದ್ ದೇವೆರೆ ಸಭೆಟ್ ನಿಕ್ಲೆ ಸಂಗತಿಡ್ ಪುಗರೊನ್ವ.

2 ತಿಮೋಥಿ 1:8

ಅಂಚಾದ್ ಕರ್ತವಗ್ ಕೊರ್ಪಿನ ಸಾಕ್ಷಿದ ಬಗೆಟಾವಡ್ ಆಯಗಾದ್ ಸೆರೆಮನೆಟ್ ಉಪ್ಪುನ ಎನ ಬಗೆಟಾವಡ್ ನಾಚಿಗೆ ಮಲ್ಪಡ. ಆಂಡ ದೇವೆರ್ ನಿಕ್ಕ್ ಕೊರ್ಪಿನ ಬಲೊಡ್ದು ಸುವಾರ್ತೆಗಾದ್ ಎನಡೊಪ್ಪ ಕಷ್ಟೊಲೆನ್ ತಾಳೊನ್ಲ.

1 ಪೇತ್ರೆ 2:21

ಐಕಾದ್ ದೇವೆರ್ ನಿಕ್ಲೆನ್ ಎಡ್ಡೆ ಕೆಲಸೊನು ಮಲ್ತ್‌ದ್ ಕಷ್ಟ ಸೈಸೊನಿಯೆರೆ ಲೆತ್ತ್‌ದೆ, ಅಂಚೆನೆ ಕ್ರಿಸ್ತೆಲಾ ನಿಕ್ಲೆಗ್ ಬೋಡಾದ್ ಕಷ್ಟ ತಿಂದ್‌ದ್, ನಿಕುಲು ಆಯನ ಪಿರವುಡು ನಡಪುಲೆಕ್ಕ ಮಾದ್ರಿ ತೋಜಾಯೆ.

ಪ್ರಕಟಣೆ 2:10

ನಿಕ್ಕ್ ಬರ್ಪಿನಂಚಿತ್ತಿ ಭಂಗೊಗಾದ್ ಪೋಡ್ಯಡ. ಇಂದಾ! ನಿಕ್ಲೆಡ್ ಕೆಲೆವೆರೆನ್ ಪರೀಕ್ಷೆ ಮಲ್ಪೆರೆಗಾದ್ ಸೈತಾನೆ ಸೆರೆಮನೆಟ್ ಪಾಡುವೆ. ಪತ್ತ್ ದಿನ ಸಂಕಟ ಉಪ್ಪು. ಮರಣ ಬತ್ತ್‌ಂಡಲಾ ನಂಬಿಗಸ್ತೆ ಆದುಪ್ಪುಲ. ಯಾನ್ ನಿಕ್ಕ್ ಜೀವದ ಕಿರೀಟೊನು ಕೊರ್ಪೆ.

ಪ್ರಕಟಣೆ 2:13

ಈ ಉಪ್ಪುನ ಜಾಗ್‌ನ್ ಯಾನ್ ತೆರಿದೆ. ಅವು ಸೈತಾನನ ಗದ್ದಿಗೆ ಆದುಂಡು. ಆಂಡಲಾ ಈ ಎನ ಪುದರ್‌ನ್ ಬುಡಂದೆ ಪತ್ತೊಂದ. ಈ ಉಪ್ಪುನ ಸೈತಾನನ ಬುಡಾರೊಡು ಎಂಕ್ ನಂಬಿಗಸ್ತೆಲಾ ಸಾಕ್ಷಿದಾಯೆಲಾ ಆದಿತ್ತಿ ಅಂತಿಪನ್ ಕೆರ್ದ್ ಪಾಡಿಯೆರ್. ಆ ದಿನೊಕುಲೆಡ್ಲಾ ಈ ಎನ ಮಿತ್ತ್ ದೀತಿನ ನಂಬಿಕೆನ್ ಮದೆ ಮಲ್ತ್‌ಜ.