1 ಥೆಸಲೋನಿಕೆರೆಗ್‌ 2:2 - ಪೊಸ ಒಡಂಬಡಿಕೆ

² ಎಂಕುಲು ದೇವೆರೆ ಬೇಲೆ ಮಲ್ಪೆರೆ ಥೆಸ್ಸಲೋನಿಕಗ್ ಬರ್ಪಿನೆಕ್ಕ್ ದುಂಬು, ಫಿಲಿಪ್ಪಿ ಪಟ್ಟಣೊಡು ಭಂಗ ಬೊಕ್ಕ ಅವಮಾನ ಆತಿನವು ನಿಕ್ಲೆಗ್ ತೆರಿದೇ ಉಂಡು. ಮಸ್ತ್ ವಿರೋಧ ಇತ್ತ್ಂಡಲಾ ದೇವೆರ್ ಎಂಕ್ಲೆಗ್ ಬಲ ಕೊರಿನೆಡ್ದ್ ನಿಕ್ಲೆಗ್ ಧೈರ್ಯೊಡು ಸುವಾರ್ತೆ ತೆರಿಪಾಯ.

1 ಥೆಸಲೋನಿಕೆರೆಗ್‌ 2:2 Iomraidhean Croise

ಅಪೊ.ಕ್ರಿ 14:3

ಇಂಚಾದುಪ್ಪುನಗ ಪೌಲು ಬಾರ್ನಬೆ ದಿಂಜ ಸಮಯ ಅಲ್ಪ ಇತ್ತ್‌ದ್ ಕರ್ತವೆ ಅಕ್ಲೆನ ಕೈಡ್ದ್ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ನಡಪುಡ್ದು ತನ ದಯತ ಪಾತೆರೊಗು ಸಾಕ್ಷಿ ಕೊರಿನೆಡ್ದ್ ದೇವೆರೆ ಮಿತ್ತ್ ಭರವಸ ದೀದ್ ಧೈರ್ಯೊಡು ಪಾತೆರೊಂದಿತ್ತೆರ್.

ಅಪೊ.ಕ್ರಿ 14:5

ಪಿದಯಿದ ಜನೊಕುಲುಲಾ ಯೆಹೂದ್ಯೆರ್‌ಲಾ ಸೇರ್ದ್ ತನ್ಕುಲೆ ಅಧಿಪತಿಲೆನ ಒಪ್ಪಿಗೆಡ್ ಅಪೊಸ್ತಲೆರೆನ್ ಅವಮಾನ ಮಲ್ತ್‌ದ್ ಕಲ್ಲ್ ದಕ್ಕ್‌ದ್ ಕೆರೊಡು ಅಂದ್‌ದ್ ಇತ್ತೆರ್.

ಅಪೊ.ಕ್ರಿ 16:12

ಅಲ್ತ್‌ಡ್ದ್ ಫಿಲಿಪ್ಪಿಗ್ ಮುಟ್ಟಿಯ. ಅವು ರೋಮಾಪುರದಾಕುಲೆನ ವಶೊಟು ಇತ್ತಿನ ಜಾಗ್ ಅವು ಮಕೆದೋನ್ಯೊಡು ಒಂಜಿ ಮಲ್ಲ ಪಟ್ಟಣಲಾ ಆದುಂಡು. ಈ ಊರುಡು ಎಂಕುಲು ಒಂತೆ ದಿನ ಇತ್ತ.

ಅಪೊ.ಕ್ರಿ 16:19

ಆಲೆನ ಯಜಮಾನಗ್ ತನ್ಕ್ ಬರ್ಪಿನ ಲಾಭದ ನಿರೀಕ್ಷೆ ತತ್ತ್‌ಂಡ್ ಅಂದ್‌ದ್ ಪೌಲನ್ಲಾ ಸೀಲನ್ಲಾ ಪತ್ತ್‌ದ್ ಪೇಂಟೆದ ಅಧಿಕಾರಿನ ಕೈತಲ್‌ ಒಯ್ತೊಂದು ಪೋಯೆರ್.

ಅಪೊ.ಕ್ರಿ 16:37

ಐಕ್ ಪೌಲು, “ಸೈನಿಕೆರ್‌ಡ ಪನ್ಪೆ, ಅಕುಲು ನೀತಿನ್ಯಾಯ ಕೇನಂದೆ ರೋಮಾಪುರದ ಹಕ್ಕುದಾರೆರಾಯಿನ ಎಂಕ್ಲೆನ್ ಮಾತೆರೆನ ಎದುರುಡು ಹಾಕಾದ್ ಸೆರೆಮನೆಟ್ ಪಾಡ್ಪಾಯೆರ್, ಇತ್ತೆ ಎಂಕ್ಲೆನ್ ಗುಟ್ಟುಡ್ ಪಿದಯಿ ಕಡಪುಡ್ವೆರಾ? ಅಂಚ ಆವೆರೆ ಬಲ್ಲಿ; ಅಕುಲೇ ಬತ್ತ್‌ದ್ ಎಂಕ್ಲೆನ್ ಲೆತ್ತೊಂದು ಪೋವೊಡು,” ಅಂದ್‌ದ್ ಪಂಡೆ.

ಅಪೊ.ಕ್ರಿ 17:1

ಅಕುಲು ಅಂಫಿಪೊಲಿ ಬೊಕ್ಕ ಅಪೊಲೋನ್ಯ ಪನ್ಪಿ ಊರುನು ದಾಂಟ್‌ದ್ ಥೆಸ್ಸಲೋನಿಕೊಗು ಬತ್ತೆರ್. ಅಲ್ಪ ಯೆಹೂದ್ಯೆರೆನ ಒಂಜಿ ಸಭಾಕೂಟ ಇತ್ತ್ಂಡ್.

ಅಪೊ.ಕ್ರಿ 17:17

ಇಂಚಾಯಿನೆಡ್ದ್ ಆಯೆ ಸಭಾಮಂದಿರೊಡು ಯೆಹೂದ್ಯೆರೆನ ಬೊಕ್ಕ ಭಕ್ತೆರಾಯಿ ಮತೊಟುಪ್ಪು ಗ್ರೀಕೆರೆ ಒಟ್ಟುಡು ಪೇಂಟೆಡ್ ವ್ಯಾಪಾರದ ಜಾಗ್‌ಲೆಡ್ ದಿನಾಲ ಪಾತೆರೊಂದಿತ್ತೆ.

ಅಪೊ.ಕ್ರಿ 19:8

ಆ ಊರುಡು ಪೌಲು ಸಭಾಮಂದಿರದ ಉಲಯಿ ಪೋದು ಮೂಜಿ ತಿಂಗೊಲು ಅಲ್ಪನೇ ದೇವೆರೆ ರಾಜ್ಯದ ಸಂಗತಿಡ್ ತರ್ಕ ಮಲ್ತೊಂದು ಜನೊಕುಲೆಗ್ ಉಮೇದ್ ಕೊರ್ದು ಧೈರ್ಯೊಡು ಪಾತೆರಿಯೆ.

ಅಪೊ.ಕ್ರಿ 4:13

ಪೇತ್ರೆ ಬೊಕ್ಕ ಯೋಹಾನೆ ಧೈರ್ಯೊಡು ಪಾತೆರುನೆನ್ ತೂದು ಅಕುಲು ವಿದ್ಯೆ ಇಜ್ಜಂದಿನ ಸದಾರಣದಾಕುಲು ಅಂದ್‌ದ್ ತೆರಿದ್ ಅಚ್ಚಿರ ಆಯೆರ್. ಮೊಕುಲು ಯೇಸುನ ಒಟ್ಟುಗು ಇತ್ತಿನಾಕುಲು ಅಂದ್‌ದ್ ಗುರ್ತ ಪತ್ತಿಯೆರ್.

ಅಪೊ.ಕ್ರಿ 4:20

ಎಂಕುಲು ಎಂಚಲಾ ಮನಿಪಂದೆ ಕುಲ್ಲಯ. ಎಂಕುಲು ತೂಯಿನ ಬೊಕ್ಕ ಕೇಂಡಿನ ಸಂಗತಿಲೆನ್ ಪನೊಡೇ ಆಪುಂಡು,” ಅಂದ್‌ದ್ ಉತ್ತರ ಕೊರಿಯೆರ್.

ಅಪೊ.ಕ್ರಿ 4:31

ಇಂಚ ಪ್ರಾರ್ಥನೆ ಮಲ್ತಿ ಬೊಕ್ಕ ಅಕುಲು ಸೇರ್ದಿತ್ತಿನ ಜಾಗ್ ಅದ್‌ರ್ಂಡ್, ಅಕುಲು ಮಾತೆರ್ಲಾ ಪರಿಶುದ್ಧಾತ್ಮೊಡು ದಿಂಜಿದ್ ದೇವೆರೆ ಪಾತೆರೊನು ಧೈರ್ಯೊಡು ಪನ್ಪಿನಾಕುಲಾಯೆರ್.

ಅಪೊ.ಕ್ರಿ 5:41

ಅಪೊಸ್ತಲೆರ್ ಯೇಸುನ ಪುದರ್‌ಡ್ದ್ ಅವಮಾನ ಪಡೆಯೆರೆ ಯೋಗ್ಯದಾಕುಲು ಅಂದ್‌ದ್ ಸಂತೋಷ ಮಲ್ತ್‌ದ್ ಹಿರಿಸಭೆಡ್ದ್ ಪಿದಾಡ್ದ್ ಪೋಯೆರ್.

ರೋಮಾಯೆರೆಗ್ 1:1

ಯಾನ್ ಪೌಲು, ಯೇಸು ಕ್ರಿಸ್ತೆ ದಾಸೆಲಾ ಅಪೊಸ್ತಲೆ ಆವೆರೆ ಲೆಪ್ಪು ಇತ್ತಿನಾಯೆಲಾ ದೇವೆರೆ ಸುವಾರ್ತೆನ್ ಸಾರಿಯೆರೆ ನೇಮಕ ಆತಿನಾಯೆಲಾ ಆದುಲ್ಲೆ.

2 ಕೊರಿಂಥ್ಯೆರೆಗ್ 3:12

ಅಂಚಾಂಡ ಇಂಚಿತ್ತಿ ಭರವಸೆ ಎಂಕ್ಲೆಗ್ ಉಪ್ಪುನೆಡ್ದಾದ್, ಎಂಕುಲು ಧೈರ್ಯೊಡುಪ್ಪುವ.

ಕೊಲೊಸ್ಸಿಯೆರೆಗ್ 2:1

ನಿಕ್ಲೆಗಾದ್‌ಲಾ ಲವೊದಿಕೀಯದ ಸಭೆಕಾದ್‌ಲಾ ಎನನ್ ಕಣ್ಣಾರೆ ತೂವಂದಿನಾಕುಲೆಗಾದ್‌ಲಾ ಏತೊಂಜಿ ಉರ್ಡಾಟ ಮಲ್ತೊಂದುಲ್ಲೆ ಇನ್ಪಿನೆನ್ ನಿಕುಲು ತೆರಿಯೊಡು ಅಂದ್‌ದ್ ಯಾನ್ ಆಸೆ ಮಲ್ಪುವೆ.

1 ಥೆಸಲೋನಿಕೆರೆಗ್‌ 1:5

ದಾಯೆಗಂದ್ಂಡ ಎಂಕುಲು ನಿಕ್ಲೆಗ್ ಸುವಾರ್ತೆ ಬಾಯಿ ಪಾತೆರೊಡು ಮಾತ್ರ ತೆರಿಪಾದಿನಿ ಅತ್ತ್, ಶಕ್ತಿಡ್ದ್‌ಲಾ ಪರಿಶುದ್ಧಾತ್ಮಡ್ದ್‌ಲಾ ಐತ ಸತ್ಯೊಲೆ ಮಿತ್ತ್ ಪೂರ್ತಿ ಭರವಸೊಡ್ದು ತೆರಿಪಾಯ. ನಿಕ್ಲೆಡೊಪ್ಪ ಉಪ್ಪುನಗ ಎಂಕುಲು ಎಂಚ ಜೀವನ ಮಲ್ತ ಪನ್ಪಿನೆನ್ ನಿಕುಲುಲಾ ತೆರಿದರ್.

2 ತಿಮೋಥಿ 1:12

ಈ ಕಾರಣೊಗಾದ್ ಯಾನ್ ಈ ಭಂಗೊಲೆನ್ ತಾಳೊಂದುಲ್ಲೆ. ಆಂಡ ಯಾನ್ ನಾಚಿಗೆ ಮಲ್ಪುಜಿ, ಯಾನ್ ನಂಬುನಾಯನ್ ತೆರಿದೆ, ಆಯೆ ಎಂಕ್ ಒಚ್ಚಿದ್ ಕೊರಿನೆನ್ ಆ ದಿನಕಾದ್ ಕಾಪೆರೆಗ್ ಶಕ್ತಿ ಇತ್ತಿನಾಯೆ ಆದುಲ್ಲೆ ಅಂದ್‌ದ್ ಯಾನ್ ದೃಢಾದ್ ನಂಬುವೆ.

ಯೂದೆ 1:3

ಪ್ರೀತಿದಾಕುಲೇ, ನಂಕ್ ಒಟ್ಟುಗುಪ್ಪು ರಕ್ಷಣೆದ ಅನುಭವೊನು ಬರೆವೊಡು ಅಂದ್‌ದ್ ದಿಂಜ ಪ್ರಯಾಸ ಮಲ್ಪುನಗ ದೇವಜನೊಕುಲೆಗ್ ಒಂಜೇ ಸರ್ತಿ, ಒಚ್ಚಿದ್ ಕೊರ್ದು ನಂಬಿಕೆಗ್ ಬೋಡಾದ್ ಉರ್ಡಾಟ ಮಲ್ಪೊಡು ಅಂದ್‌ದ್ ಉಮೇದ್ ಕೊರ್ದು, ನಿಕ್ಲೆಗ್ ಬರೆಪಿನವು ಅಗತ್ಯ ಅಂದ್‌ದ್ ಎಂಕ್ ತೋಜ್ಂಡ್.