1 ಥೆಸಲೋನಿಕೆರೆಗ್‌ 1:2 - ಪೊಸ ಒಡಂಬಡಿಕೆ

^2-3 ಎಂಕುಲು ನಂಬಿಕೆದ ಫಲವಾಯಿ ನಿಕ್ಲೆ ಬೇಲೆನ್ಲಾ ಪ್ರೀತಿ ದಿಂಜಿದುಪ್ಪು ನಿಕ್ಲೆ ಪ್ರಯಾಸೊನ್ಲಾ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಮಿತ್ತ್‌ದ ನಿರೀಕ್ಷೆಡ್ದ್ ಉಂಡಾಯಿ ನಿಕ್ಲೆನ ತಾಳ್ಮೆನ್ಲಾ ನಮ ಅಮ್ಮೆ ಆದುಪ್ಪು ದೇವೆರೆ ದುಂಬು ಮದಪಂದೆ ನೆನೆಪು ಮಲ್ತೊಂದು ಎಂಕ್ಲೆ ಪ್ರಾರ್ಥನೆಲೆಡ್ ನಿಕ್ಲೆಗಾದ್ ನಟ್ಟೊನ್ನಗ ನಿಕ್ಲೆ ಸಂಗತಿಡ್ ದೇವೆರೆಗ್ ಏಪಲಾ ಉಪಕಾರ ಸಂದಾವ.

1 ಥೆಸಲೋನಿಕೆರೆಗ್‌ 1:2 Iomraidhean Croise

ರೋಮಾಯೆರೆಗ್ 6:17

ಆಂಡ ನಿಕುಲು ಪಿರವುಡು ಪಾಪೊಗು ಗುಲಾಮೆರ್ ಆದಿತ್ತರ್ಡಲಾ ನಿಕ್ಲೆಗ್ ಕಲ್ಪಾಯಿ ಬೋಧನೆಲೆಗ್ ನಿಕುಲು ಉಡಲ್‌ಡ್ದ್ ಅಧೀನರಾಯರ್. ಪಾಪೊಲೆಡ್ದ್ ಬುಡುಗಡೆ ಆದ್ ನೀತಿಗ್ ಗುಲಾಮೆರ್ ಆಯಿನೆಡ್ದ್ ದೇವೆರೆಗ್ ಉಪಕಾರ ಆವಡ್.

1 ಕೊರಿಂಥ್ಯೆರೆಗ್ 1:4

ಕ್ರಿಸ್ತ ಯೇಸುಡು ದೇವೆರ್ ನಿಕ್ಲೆಗ್ ಕೊರ್ತಿ ದಯೊಕಾದ್ರ ಯಾನ್ ನಿಕ್ಲೆ ಸಂಗತಿಡ್ ಏಪಲಾ ದೇವೆರೆಗ್ ಉಪಕಾರ ಮಲ್ಪುವೆ.

ಕೊಲೊಸ್ಸಿಯೆರೆಗ್ 1:3

ನಿಕುಲು ಕ್ರಿಸ್ತ ಯೇಸುಡು ದೀತಿನ ನಂಬಿಕೆದ ವಿಷಯೊಡ್ಲಾ ದೇವಜನೊಕುಲೆಡ್ ದೀತಿನ ಪ್ರೀತಿದ ವಿಷಯೊಡ್ಲಾ ಎಂಕುಲು ಕೇಂಡ್ದ್ ಎಂಕುಲು ಪ್ರಾರ್ಥನೆ ಮಲ್ಪುನಗ ಏಪಲಾ ನಿಕ್ಲೆನ ಸಂಗತಿಡ್ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಅಮ್ಮೆ ಆದುಪ್ಪು ದೇವೆರೆಗ್ ಉಪಕಾರ ಮಲ್ಪುವ.

1 ಥೆಸಲೋನಿಕೆರೆಗ್‌ 2:13

ಎಂಕುಲು ದೇವೆರೆನ್ ಏಪಲಾ ಪುಗರೊಂದುಲ್ಲ ದಾಯೆಗ್ ಪಂಡ ನಿಕುಲು ದೇವೆರೆನ ಪಾತೆರೊನು ಎಂಕ್ಲೆಡ್ದ್ ಕೇಂಡ್ದ್, ಅವೆನ್ ನರಮಾನಿಲೆ ಪಾತೆರೊಲು ಅತ್ತ್; ಉಂದು ಕಂಡಿತಾದ್ ದೇವೆರೆ ಪಾತೆರೊಲೆ ಅಂದ್‌ದ್ ನಂಬಿನೆಡ್ದಾವರ ನಿಕ್ಲೆ ಉಲಯಿ ಎಡ್ಡೆ ಕೆಲಸೊಲು ನಡತೊಂದುಂಡು.

1 ಥೆಸಲೋನಿಕೆರೆಗ್‌ 3:9

ಎಂಕುಲು ದೇವೆರೆನ್ ಏತ್ ಪುಗರ್‌ಂಡಲಾ ಅವು ಕಮ್ಮಿಯೆ. ಆಂಡ ದೇವೆರೆ ಎದುರುಡು ನಿಕ್ಲೆಡ್ದ್ ಎಂಕ್ಲೆಗ್ ತಿಕ್ಕಿನ ಸಂತೋಷ ಅವು ಮಸ್ತ್ ಆದುಂಡು.

2 ಥೆಸಲೋನಿಕೆರೆಗ್‌ 1:3

ಸಹೋದ್ರೆರೇ, ನಿಕ್ಲೆನ ನಂಬಿಕೆ ದಿನೊಡ್ದು ದಿನ ಬುಲೆವೊಂದುಂಡು. ಬೊಕ್ಕ ನಿಕ್ಲೆ ಉಲಯಿದ ಪ್ರೀತಿ ನಿಕ್ಲೆ ಮಾತೆರೆಡ್ ಹೆಚ್ಚೊಂದು ಬರ್ಪಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಡ್ ದೇವೆರೆಗ್ ಏಪಲಾ ಉಪಕಾರ ಮಲ್ಪುನವು ಅಗತ್ಯ ಆದುಂಡು.

ಫಿಲೆಮೋನುಗು 1:4

ಕರ್ತವೆ ಆದುಪ್ಪು ಯೇಸು ಮಿತ್ತ್ ದೀತಿನ ನಂಬಿಕೆನ್ಲಾ ದೇವಜನೊಕುಲೆ ಮಿತ್ತ್ ದೀತಿ ಪ್ರೀತಿದ ಸಂಗತಿಡ್ಲಾ ಕೇಂಡ್ದ್, ಯಾನ್ ಪ್ರಾರ್ಥನೆ ಮಲ್ಪುನಾತ್ ಸರ್ತಿ ನಿನನ್ ನೆನೆಪು ಮಲ್ತೊಂದು ಯಾನ್ ದೇವೆರೆಗ್ ಏಪಲಾ ಉಪಕಾರ ಮಲ್ತ್‌ದ್ ನಿಕ್ಲೆಗಾದ್ ದೇವೆರೆಡ ನಟ್ಟೊನ್ವೆ.