1 ಥೆಸಲೋನಿಕೆರೆಗ್‌ 1:1 - ಪೊಸ ಒಡಂಬಡಿಕೆ

¹ ಅಮ್ಮೆ ಆದುಪ್ಪು ದೇವೆರೆಡ್ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ಲಾ ಉಪ್ಪು ಥೆಸ್ಸಲೋನಿಕ ಸಭೆಕ್, ಪೌಲು, ಸೀಲೆ, ತಿಮೋಥಿ ಪನ್ಪಿ ಎಂಕುಲು ಬರೆಪಿನಿ ದಾನೆಂದ್ಂಡ, ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

1 ಥೆಸಲೋನಿಕೆರೆಗ್‌ 1:1 Iomraidhean Croise

ಅಪೊ.ಕ್ರಿ 15:22

ಅಪಗ ಅಪೊಸ್ತಲೆರ್ ಸಭೆತ ಹಿರಿಯೆರ್ ಮಾತ ಸಭೆತ ಒಪ್ಪಿಗೆಡ್ ತನ್ಕುಲೆಡ್ ಕೆಲೆವೆರೆನ್ ಅಜತ್‌ದ್ ಪೌಲು ಬಾರ್ನಬಡೊಪ್ಪ ಅಂತಿಯೋಕ್ಯಗ್ ಕಡಪುಡುನ ಎಡ್ಡೆ ಅಂದ್‌ದ್ ತೀರ್ಮಾನ ಮಲ್ತೆರ್. ಆ ಕಾರಣೊಡ್ದು ಸಹೋದ್ರೆರೆಡ್ ಮುಖ್ಯ ಆದಿತ್ತಿನ ಬಾರ್ಸಬೆ ಪನ್ಪಿನ ಯೂದನ್ಲಾ ಸೀಲನ್ಲಾ ಅಜತ್‌ದ್ ಅಕ್ಲೆನ ಒಟ್ಟುಗು ಕಡಪುಡ್ದು ಕೊರಿಯೆರ್.

ಅಪೊ.ಕ್ರಿ 15:27

ಅಂಚಾಯಿನೆಡ್ದ್ ಯೂದನ್ಲಾ ಸೀಲನ್ಲಾ ಕಡಪುಡ್ದು ಕೊರ್ತ. ಅಕುಲು ಈ ವಿಚಾರೊಲೆನ್ ಬಾಯಿ ಪಾತೆರೊಡು ನಿಕ್ಲೆಗ್ ತೆರಿಪಾವೆರ್.

ಅಪೊ.ಕ್ರಿ 15:40

ಪೌಲು ಸೀಲನ್ ಅಜತ್‌ದ್ ದೆತ್ತೊಂಡೆ; ಸಹೋದ್ರೆರ್ ಆಯನ್ ದೇವೆರೆ ದಯೊಕು ಒಚ್ಚಿದ್ ಕಡಪುಡ್ದು ಕೊರಿಯೆರ್.

ಅಪೊ.ಕ್ರಿ 16:19

ಆಲೆನ ಯಜಮಾನಗ್ ತನ್ಕ್ ಬರ್ಪಿನ ಲಾಭದ ನಿರೀಕ್ಷೆ ತತ್ತ್‌ಂಡ್ ಅಂದ್‌ದ್ ಪೌಲನ್ಲಾ ಸೀಲನ್ಲಾ ಪತ್ತ್‌ದ್ ಪೇಂಟೆದ ಅಧಿಕಾರಿನ ಕೈತಲ್‌ ಒಯ್ತೊಂದು ಪೋಯೆರ್.

ಅಪೊ.ಕ್ರಿ 16:25

ನಡು ರಾತ್ರೆಡ್ ಪೌಲುಲಾ ಸೀಲೆಲಾ ಪ್ರಾರ್ಥನೆ ಮಲ್ಪುನಾಕುಲಾದ್ ದೇವೆರೆಗ್ ಸ್ತುತಿಪದ ಪನ್ನೊಂದಿತ್ತೆರ್; ಬೇತೆ ಸೆರೆಮನೆಟಿತ್ತಿ ಜನೊಕುಲು ಮನಸ್ ಕೊರ್ದು ಕೇನೊಂದಿತ್ತೆರ್.

ಅಪೊ.ಕ್ರಿ 16:29

ಸೆರೆಮನೆತ ಅಧಿಕಾರಿ ತುಡರ್ ಕನಯೆರೆ ಅಂದ್‌ದ್ ಸೆರೆಮನೆತ ಉಲಯಿ ನಡಗೊಂದು ಪೋದು ಪೌಲು ಸೀಲೆರೆನ ಎದುರು ಬೂರಿಯೆ.

ಅಪೊ.ಕ್ರಿ 17:11

ಈ ಯೆಹೂದ್ಯೆರ್ ಥೆಸ್ಸಲೋನಿಕದ ಯೆಹೂದ್ಯೆರೆಡ್ದ್‌ಲಾ ಎಡ್ಡೆ ಗುಣತಾಕುಲು ಆದಿತ್ತೆರ್. ಪೌಲು ಸೀಲೆ ಪನ್ಪಿನ ಪಾತೆರೊಲೆನ್ ಮೊಕುಲು ಬಾರಿ ಮನಸ್ ದೀದ್ ಕೇಂಡೆರ್. ಅವು ಸಂಗತಿಲು ನಿಜ ಆದುಂಡು ಅಂದ್‌ದ್ ತೆರಿಯೊನೆರೆ ಶಾಸ್ತ್ರೊಡು ಪ್ರತಿದಿನ ಉಂಡಾ ಇಜ್ಜಾ ಅಂದ್‌ದ್ ನಾಡೊಂದಿತ್ತೆರ್.

ಅಪೊ.ಕ್ರಿ 18:5

ಸೀಲೆಲಾ ತಿಮೋಥಿಲಾ ಮಕೆದೋನ್ಯೊಡ್ದು ಬತ್ತಿನಪಗ ಪೌಲು ದೇವೆರೆ ಸುವಾರ್ತೆನ್ ಸಾರಿಯುನೆಟ್ಟ್ ಆಸಕ್ತಿ ಇತ್ತಿನಾಯೆ ಆದ್ ಯೇಸುವೇ ಬರೊಡಾಯಿ ಕ್ರಿಸ್ತೆ ಅಂದ್‌ದ್ ಯೆಹೂದ್ಯೆರೆಗ್ ಸಾಕ್ಷಿ ಪಂಡೆ.

ಅಪೊ.ಕ್ರಿ 19:22

ಆಂಡ ಆಯನ ಒಟ್ಟುಗು ಸೇವೆ ಮಲ್ಪುನಾಕುಲೆಡ್ ಇರ್ವೆರಾಯಿನ ತಿಮೋಥಿನ್ಲಾ ಎರಸ್ತನ್ಲಾ ಮಕೆದೋನ್ಯೊಗು ಕಡಪುಡ್ದು ತಾನ್ ಆಸ್ಯ ದೇಶೊಡು ಒಂತೆ ಸಮಯ ಉಂತಿಯೆ.

ಅಪೊ.ಕ್ರಿ 20:4

ಕೆಲವು ಜನೊಕುಲು ಪೌಲು ಒಟ್ಟುಗು ಇತ್ತೆರ್. ಅಕುಲು ಏರ್ ಪಂಡ ಪುರ್ರನ ಮಗೆ ಆಯಿ ಬೆರೋಯ ಪಟ್ಟಣದ ಸೋಪತ್ರೆಲಾ ಥೆಸ್ಸಲೋನಿಕದ ಅರಿಸ್ತಾರ್ಕೆಲಾ ಸೆಕುಂದೆಲಾ ದೆರ್ಬೆ ಊರುಡ್ದು ಗಾಯೆಲಾ ತಿಮೋಥಿಲಾ ಆಸ್ಯೊಡ್ದು ತುಖಿಕೆಲಾ ತ್ರೋಫಿಮೆಲಾ ಆಯನ ಒಟ್ಟುಗು ಪೋಯೆರ್.

ರೋಮಾಯೆರೆಗ್ 1:7

ಅಂಚೆನೆ ರೋಮಾಪುರೊಟ್ಟುಪ್ಪು ದೇವೆರೆ ಪ್ರೀತಿದಾಕುಲೆಗ್ಲಾ ಲೆಪ್ಪು ಆತಿ ದೇವಜನೊಕುಲೆಗ್ಲಾ ಮಾತೆರೆಗ್ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

1 ಕೊರಿಂಥ್ಯೆರೆಗ್ 1:2

ಕೊರಿಂಥ್ಯೊಡು ಉಪ್ಪುನ ದೇವೆರೆ ಸಭೆಕ್ ಬರೆಪಿನಿ. ನಿಕುಲು ಕ್ರಿಸ್ತ ಯೇಸುಡು ಪ್ರತಿಷ್ಟೆ ಆತಿನಾಕುಲುಲಾ ದೇವಜನೊಕುಲು ಆವೆರೆ ಲೆತ್ತ್‌ದಿ ಮಾತ ಜನೊಕುಲೆ ಒಟ್ಟುಗು ಓಲಿತ್ತ್‌ಂಡಲಾ ಎಂಕ್ಲೆನ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಪುದರ್‌ಡ್ ಆರಾಧನೆ ಮಲ್ಪುನ ದೇವಜನೊಕುಲು ಆದುಲ್ಲರ್. ಯೇಸು ಕ್ರಿಸ್ತೆ ಅಕ್ಲೆನಲಾ ಎಂಕ್ಲೆನಲಾ ಕರ್ತವೆ ಆದುಲ್ಲೆ.

2 ಕೊರಿಂಥ್ಯೆರೆಗ್ 1:1

ದೇವೆರೆ ಚಿತ್ತದ ಪ್ರಕಾರ ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಲಾ ನಮ ಸಹೋದರೆ ಆಯಿ ತಿಮೋಥಿ ಕೊರಿಂಥ್ಯೊಡುಪ್ಪು ದೇವೆರೆ ಸಭೆಕ್ಲಾ ಅಖಾಯ ಸೀಮೆಡುಪ್ಪು ಮಾತ ದೇವಜನೊಕುಲೆಗ್ಲಾ ಈ ಪತ್ರಿಕೆನ್ ಬರೆಪಿನಿ.

2 ಕೊರಿಂಥ್ಯೆರೆಗ್ 1:19

ಯಾನ್, ಸಿಲ್ವಾನೆ, ತಿಮೋಥಿ ನಿಕ್ಲೆಡ್ ಪ್ರಚಾರ ಮಲ್ತಿನ ದೇವೆರೆ ಮಗೆ ಆದುಪ್ಪು ಯೇಸು ಕ್ರಿಸ್ತೆ ಒಂಜಿ ಕ್ಷಣೊಟು “ಅಂದ್,” ಬೊಕ್ಕೊಂಜಿ ಕ್ಷಣೊಟು “ಅತ್ತ್,” ಪಂಡ್ದ್‌ಲಾ ಇತ್ತ್‌ಜಿ. ಯೇಸು ಕ್ರಿಸ್ತಡ್ ಏಪಲಾ “ಅಂದ್,” ಪಂಡ್ದೇ ಇತ್ತ್ಂಡ್.

ಗಲಾತ್ಯೆರೆಗ್ 1:22

ಆಂಡ ಕ್ರಿಸ್ತಡುಪ್ಪು ಯೂದಾಯದ ಸಭೆತ ಜನೊಕುಲೆಗ್ ಎನ ಗುರ್ತ ಇತ್ತ್‌ಜಿ.

ಎಫೆಸ್ಯೆರೆಗ್ 1:2

ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

ಫಿಲಿಪ್ಪಿಯೆರೆಗ್ 1:1

ಕ್ರಿಸ ಯೇಸುನ ದಾಸೆರಾದುಪ್ಪು ಪೌಲುಲಾ ತಿಮೋಥಿಲಾ ಫಿಲಿಪ್ಪಿಡುಪ್ಪು ಕ್ರಿಸ್ತ ಯೇಸುಡು ದೇವಜನೊಕುಲೆಗ್ಲಾ ಸಭಾದ್ಯಕ್ಷೆರೆಗ್ಲಾ ಸಭಾಸೇವಕೆರೆಗ್ಲಾ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

ಕೊಲೊಸ್ಸಿಯೆರೆಗ್ 1:1

ದೇವೆರೆ ಚಿತ್ತದ ಪ್ರಕಾರ ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಲಾ ನಮ ಸಹೋದರೆ ತಿಮೋಥಿಲಾ ಕೊಲೊಸ್ಸಿಡುಪ್ಪು ದೇವಜನೊಕುಲೆಗ್ಲಾ ಕ್ರಿಸ್ತಡ್ ನಂಬಿಗಸ್ತೆರಾಯಿ ಸಹೋದ್ರೆರ್‌ಲೆಗ್ಲಾ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

2 ಥೆಸಲೋನಿಕೆರೆಗ್‌ 1:1

ನಮ ಅಮ್ಮೆ ಆದುಪ್ಪು ದೇವೆರೆಡ್ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ಲಾ ಉಪ್ಪು ಥೆಸ್ಸಲೋನಿಕೆರೆ ಸಭೆಕ್ ಪೌಲು, ಸೀಲೆ, ತಿಮೋಥಿಯೆರೊಡೊಪ್ಪ ಬರೆಪಿನ ದಾನೆಂದ್ಂಡ,

1 ತಿಮೋಥಿ 1:2

ನಂಬಿಕೆಡ್ ನಿಜ ಮಗೆ ಆದುಪ್ಪು ತಿಮೋಥಿಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ನಿಕ್ಕ್ ದಯಲಾ ಕರುಣೆಲಾ ಸಮಾಧಾನಲಾ ಆವಡ್.

ಇಬ್ರಿಯೆರೆಗ್ 13:23

ನಮ ಸಹೋದರೆ ಆಯಿ ತಿಮೋಥಿಗ್ ಬುಡುಗಡೆ ಆಂಡ್ ಪನ್ಪಿನವು ನಿಕ್ಲೆಗ್ ತೆರಿದುಪ್ಪಡ್, ಆಯೆ ಬೇಗ ಬತ್ತೆಡ ಯಾನ್ಲಾ ಆಯಡೊಪ್ಪ ಬತ್ತ್‌ದ್ ನಿಕ್ಲೆನ್ ತೂಪೆ.

1 ಪೇತ್ರೆ 5:12

ನಂಬಿಗಸ್ತೆ ಆದುಪ್ಪು ಸಹೋದರೆ ಸಿಲ್ವಾನನ ಸಹಾಯೊಡ್ದು ಈ ಎಲ್ಯ ಪತ್ರಿಕೆನ್ ಬರೆತಿನಿ. ಉಂದೆಡ್ದ್ ನಿಕ್ಲೆಗ್ ಉಮೇದ್ ತಿಕ್ಕೊಡು ಬೊಕ್ಕ ಉಂದು ಮಾತ ದೇವೆರೆ ದಯೊಟು ಸತ್ಯಾದುಂಡು ಅಂದ್‌ದ್ ಯಾನ್ ಸಾಕ್ಷಿ ಕೊರ್ಪೆ. ಈ ದಯೊಟು ನಿಕುಲು ಗಟ್ಟಿಯಾದ್ ಉಂತುಲೆ.

1 ಯೋಹಾನೆ 1:3

ಎಂಕ್ಲೆಗ್ ಉಪ್ಪುನ ಅನ್ಯಮನ್ಯೊಡು ನಿಕುಲುಲಾ ಸೇರೊಡಂದ್‌ದ್ ಎಂಕುಲು ತೂಯಿನೆನ್ಲಾ ಕೇಂಡಿನೆನ್ಲಾ ನಿಕ್ಲೆಗ್ ತೆರಿಪಾವ. ಎಂಕ್ಲೆನ ಅನ್ಯಮನ್ಯ ಅಮ್ಮೆರೆಡೊಪ್ಪಲಾ ಆಯ ಮಗೆ ಆದುಪ್ಪು ಯೇಸು ಕ್ರಿಸ್ತಡೊಪ್ಪಲಾ ಉಂಡು.

ಯೂದೆ 1:1

ಅಮ್ಮೆ ಆದುಪ್ಪು ದೇವೆರ್ ಏರೆನ್ ಪ್ರೀತಿಡ್ ಲೆತ್ತ್‌ದ್ ಯೇಸು ಕ್ರಿಸ್ತಡ್ ಕಾತೊಂದುಲ್ಲೆರಾ ಅಕ್ಲೆಗ್ ಯೇಸು ಕ್ರಿಸ್ತನ ದಾಸೆಲಾ ಯಾಕೋಬುನ ಸಹೋದ್ರೆಲಾ ಆದುಪ್ಪು ಯೂದೆ ಬರೆಪಿನಿ ದಾನೆಂದ್ಂಡ, ದೇವೆರೆ ಕರುಣೆಲಾ, ಸಮಾಧಾನಲಾ, ಪ್ರೀತಿಲಾ ನಿಕ್ಲೆಗ್ ಹೆಚ್ಚೆಚ್ಚಾದ್ ತಿಕ್ಕಡ್.