1 ಪೇತ್ರೆ 3:4 - ಪೊಸ ಒಡಂಬಡಿಕೆ

⁴ ತರೆಕುಜಲ್ ನೆಯ್ಪಿನವು, ಬಂಗಾರ್ ಪಾಡೊನುನವು, ಊಂಚಿದ ಕುಂಟು ಪಾಡೊನುನವು, ಉಂದು ನಿಕ್ಲೆನ ಪಿದಯಿದ ಅಲಂಕಾರ ಆದುಪ್ಪೆರೆ ಬಲ್ಲಿ.

1 ಪೇತ್ರೆ 3:4 Iomraidhean Croise

ಮತ್ತಾಯೆ 11:29

ಯಾನ್ ಸಜ್ಜನೆಲಾ, ತಗ್ಗ್‌ದಿ ಮನಸ್‌ದಾಯೆಲಾ ಆದುಪ್ಪುನೆಡ್ದ್ ಎನ ನುಗೊನು ನಿಕ್ಲೆ ಮಿತ್ತ್ ದೆತ್ತೊಂದು ಎನಡ್ದ್ ಕಲ್ತೊನ್ಲೆ, ಅಪಗ ನಿಕ್ಲೆ ಆತ್ಮೊಗು ಸುಖ ತಿಕ್ಕು.

ಮತ್ತಾಯೆ 21:5

“‘ಚೀಯೋನು ಮಗಲೇ, ತೂಲ, ನಿನ ಅರಸು ನಿನ ಕೈತಲ್‌ ಬರ್ಪೆ, ಆಯೆ ಶಾಂತ ಗುಣತಾಯೆ ಆದ್, ಕತ್ತೆನ್ ಅಂದ್, ಪ್ರಾಯದ ಕತ್ತೆದ ಕಿನ್ನಿದ ಮಿತ್ತ್ ಕುಲ್ಲೊಂದು ಬರ್ಪೆ,’ ಅಂದ್‌ದ್ ಪನ್ಲೆ,” ಪನ್ಪಿನವು.

ಮತ್ತಾಯೆ 23:26

ಕುರುಡೆ ಆದುಪ್ಪು ಪರಿಸಾಯಾ, ದುಂಬತ್ತ ಚೊಂಬು, ಬಟ್ಟಲ್ದ ಉಲಯಿದೆನ್ ದೆಕ್ಕ್‌ಲ ಅಪಗ ಪಿದಯಿದವುಲಾ ಮಿಂಚ್ಚುಂಡು.

ಮತ್ತಾಯೆ 5:5

ತಗ್ಗಾವೊಂಡಿನಾಕುಲು ಭಾಗ್ಯವಂತೆರ್, ಅಕ್ಲೆಗ್ ಭೂಮಿ ಬಾಧ್ಯಸ್ತಿಗೆ ಆದ್ ತಿಕ್ಕುಂಡು.

ಲೂಕೆ 11:40

ಬುದ್ಧಿದಾಂತಿನಾಕುಲೇ, ದೇವೆರ್ ಪಿದಯಿದ ಭಾಗೊನು ಮಲ್ತಿ ಲೆಕ್ಕನೆ ಉಲಯಿದ ಭಾಗೊನ್ಲಾ ಮಲ್ತ್‌ದೆ ಅತ್ತಾ? ಅಂದ್‌ದ್ ಪಂಡೆ.

ಲೂಕೆ 16:15

ಅಪಗ ಆಯೆ ಅಕ್ಲೆಡ ಪಂಡಿನಿ ದಾನೆಂದ್ಂಡ, “ನರಮಾನಿಲೆ ಎದುರುಡು ನೀತಿವಂತೆರ್ ಅಂದ್‌ದ್ ನಿಕುಲು ತೋಜಾವೊನುನಾಕುಲು ನಿಕುಲು; ಆಂಡಲಾ ದೇವೆರ್ ನಿಕ್ಲೆ ಉಡಲ್‌ನ್ ತೆರಿದುಲ್ಲೆ. ನರಮಾನಿಲೆಡ್ ಮಿತ್ತ ಸ್ಥಾನದಾಯೆ ಅಂದ್‌ದ್ ಪನ್ಪಾವೊನುನವು ದೇವೆರೆ ದೃಷ್ಟಿಡ್ ಪೇಸಿಗೆ ಆದುಂಡು.

ರೋಮಾಯೆರೆಗ್ 1:23

ಬೊಕ್ಕ ನಾಶಾವಂದಿ ದೇವೆರೆ ಮೈಮೆನ್ ಬುಡ್ದು ಐತ ಪಗತೆಗ್ ನಾಶಾಪಿನ ನರಮಾನಿಲೆನ, ಪಕ್ಕಿಲೆನ, ಪ್ರಾಣಿಲೆನ ಅತ್ತ್‌ಡ ಸರ್ಪೊಲೆನ ಸಮ ಬೂರು ಮೂರ್ತಿಲೆನ್ ಮಲ್ಪುವೆರ್.

ರೋಮಾಯೆರೆಗ್ 2:29

ಆಂಡ ಉಲಯಿ ಯೆಹೂದ್ಯೆ ಆದುಪ್ಪುನಾಯೆನೇ ನಿಜ ಯೆಹೂದ್ಯೆ. ಬೊಕ್ಕ ಉಡಲ್‌ಡ್ ಆಪಿನ ಸುನ್ನತಿಯೇ ಸುನ್ನತಿ. ಬೊಕ್ಕ ಈ ಕಾರ್ಯ ದೇವೆರೆ ಆತ್ಮನ ಬೇಲೆ ಅತ್ತಂದೆ ಬರೆತಿ ನ್ಯಾಯಕಟ್ಟ್‌ದವು ಅತ್ತ್. ಇಂಚಿತ್ತಿ ಸುನ್ನತಿ ಇತ್ತಿನಾಯಗ್ ಬರ್ಪಿ ಪುಗರಿಕೆ ದೇವೆರೆಡ್ದೇ ಅತ್ತಂದೆ ನರಮಾನಿಲೆಡ್ದ್ ಬರ್ಪಿನವು ಅತ್ತ್.

ರೋಮಾಯೆರೆಗ್ 6:6

ನಮ ಪಾಪದ ಶರೀರಭಾವ ನಾಶಾದ್ ನಮ ನನಲಾ ಪಾಪದ ವಶೊಟ್ಟುಪ್ಪಂದಿಲೆಕ್ಕ ಪರ ನರಮಾನಿನ್ ಕ್ರಿಸ್ತಡೊಪ್ಪ ಕ್ರುಸ್ಸುಗು ಪಾಡ್ದ್ ಆತ್ಂಡ್ ಪಂಡ್ದ್ ನಂಕ್ ಗೊತ್ತುಂಡು. ನಮ ನನ ಪಾಪೊಗು ಗುಲಾಮೆರಾದ್ ಇಜ್ಜ.

ರೋಮಾಯೆರೆಗ್ 7:22

ಅಂತರ್ಯದ ಉಲಯಿ ದೇವೆರೆ ನಿಯಮೊಲೆಡ್ ಸಂತೋಷ ಪಡೆಪಿನಾಯೆ ಆದುಲ್ಲೆ. ಆಂಡ ಅಂಗೊಲೆಡ್ ಬೇತೆ ಒಂಜಿ ನಿಯಮ ಉಂಡು ಪಂಡ್ದ್ ತೂಪೆ.

2 ಕೊರಿಂಥ್ಯೆರೆಗ್ 10:1

ನಿಕ್ಲೆ ಎದುರುಡುಪ್ಪುನಗ ತಗ್ಗ್‌ದಿನಾಯೆಲಾ ದೂರೊಡುಪ್ಪುನಗ ಧೈರ್ಯೊಡುಪ್ಪುನಾಯೆಲಾ ಆದ್ ನಿಕುಲು ಎನ್ನುನ ಪೌಲು ಪನ್ಪಿ ಯಾನ್ ಕ್ರಿಸ್ತನ ತಾಳ್ಮೆಡ್ಲಾ ಸಜ್ಜನಿಗೆಡ್ಲಾ ನಿಕ್ಲೆಡ ಪಾತೆರ್‌ವೆ.

2 ಕೊರಿಂಥ್ಯೆರೆಗ್ 4:16

ಅಂಚಾಯಿನೆಡ್ದ್ ಎಂಕುಲು ಧೈರ್ಯ ತತ್ತ್‌ದ್ ಪೋಪುಜ. ಎಂಕುಲೆ ಶರೀರ ನಾಶಾವೊಂದು ಇತ್ತ್ಂಡಲಾ ಎಂಕುಲೆ ಅಂತರ್ಯ ದಿನ ದಿನ ಪೊಸತ್ತಾವೊಂದು ಬರ್ಪುಂಡು.

ಗಲಾತ್ಯೆರೆಗ್ 5:23

ಇಂಚಿತ್ತಿನೆಕ್ಕ್ ವಾ ನ್ಯಾಯಕಟ್ಟ್‌ಲಾ ವಿರೋಧ ಮಲ್ಪುಜಿ.

ಎಫೆಸ್ಯೆರೆಗ್ 4:2

ನಿಕುಲು ಏಪಲಾ ತಗ್ಗ್‌ತನೊಟ್ಲಾ ಸಜ್ಜನಿಗೆಡ್ಲಾ ತಾಳ್ಮೆಡ್ಲಾ ನಡತೊಂದು ಒರಿಯನ್ ಒರಿ ಪ್ರೀತಿಡ್ ತಾಳೊನ್ಲೆ.

ಕೊಲೊಸ್ಸಿಯೆರೆಗ್ 3:12

ಅಂಚಾಯಿನೆಡ್ದ್ ನಿಕುಲು ದೇವೆರೆಡ್ದ್ ಅಜತ್‌ದ್ ದೆತ್ತೊಂಡಿನಾಕುಲಾದ್ ಪರಿಶುದ್ಧೆರ್ಲಾ ಪ್ರೀತಿದಾಕುಲುಲಾ ಆದುಪ್ಪುನೆಡ್ದಾವರ ಕನಿಕರ, ದಯ, ತಗ್ಗ್‌ದಿ ಮನಸ್, ಸಜ್ಜನಿಗೆ, ತಾಳ್ಮೆ ಇನ್ಪಿ ಸದ್ಗುಣಲೆನ್ ಪಾಡೊನ್ಲೆ.

ಕೊಲೊಸ್ಸಿಯೆರೆಗ್ 3:3

ದಾಯೆಗಂದ್ಂಡ ನಿಕುಲು ಸೈತ್‌ದರ್. ಬೊಕ್ಕ ನಿಕ್ಲೆನ ಪೊಸ ಜೀವನ ಕ್ರಿಸ್ತಡೊಪ್ಪ ದೇವೆರೆಡ್ ಮದೆ ಆದುಂಡು.

1 ಥೆಸಲೋನಿಕೆರೆಗ್‌ 4:11

ನಿಕ್ಲೆಗ್ ಅಪ್ಪಣೆ ಕೊರ್ತಿ ಪ್ರಕಾರ, ನನೊರಿಯನ ಕೆಲಸೊಡು ತರೆ ಪಾಡಂದೆ ಶಾಂತೊಡು ಬದ್‌ಕ್‌ದ್ ಸ್ವಂತ ಕೆಲಸೊನು ಮಲ್ತೊಂದು ಉಪ್ಪುನವೇ ಎಡ್ಡೆ.

2 ಥೆಸಲೋನಿಕೆರೆಗ್‌ 3:12

ಇಂಚಿತ್ತಿನಾಕುಲೆಗ್ ಎಂಕುಲು ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ ಅಪ್ಪಣೆ ಕೊರ್ದು ಎಚ್ಚರಿಕೆ ಕೊರೊಂದುಲ್ಲ ದಾನೆ ಪಂಡ, ಶಾಂತೊಡು ಸ್ವಂತ ಕೆಲಸೊನು ಮಲ್ತ್‌ದ್, ತನ್ಕುಲು ಸಂಪಾದನೆ ಮಲ್ತಿನೆಟ್ಟೇ ದಿನ ದೆಪ್ಪೊಡು.

1 ತಿಮೋಥಿ 2:2

ನಂಕ್ ಸುಖ ಸಮಾಧಾನ ಉಂಡಾದ್ ನಮ ಪೂರ್ತಿ ಭಕ್ತಿಡ್ಲಾ ಮರ್ಯಾದಿಡ್ಲಾ ಜೀವನ ಮಲ್ಪುಲೆಕ್ಕ ಅರಸರೆಗ್ಲಾ ಮಾತ ಅಧಿಕಾರೊಡುಪ್ಪುನಾಕುಲೆಗ್ಲಾ ದೇವೆರೆಡ ನಟ್ಟೊನೊಡು.

2 ತಿಮೋಥಿ 2:25

ಎದುರುಂತುನಾಕುಲೆನ್ ನಿಧಾನೊಡು ತಿದ್ದುನಾಯೆ ಆದುಪ್ಪೊಡು. ಒಂಜಿ ವೇಳೆ ದೇವೆರ್ ಎದುರುಂತುನಾಕುಲೆನ ಮನಸ್‌ನ್ ತನ ಕಡೆಕ್ಕ್ ತಿರ್ಗಾದ್ ಅಕ್ಲೆಗ್ ಸತ್ಯದ ಗೇನೊನು ಕೊರಿಯೆರೆ ಯಾವು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:2

ಏರೆನ್ಲಾ ದೂಷಣೆ ಮಲ್ಪಂದೆ, ಲಡಯಿ ಮಲ್ಪಂದೆ, ತಗ್ಗ್‌ತನೊಟು ಮಾತೆರೊಟ್ಟುಗು ಸಮಾಧಾನಿಲಾದ್ ನಡಪಡ್.

ಯಾಕೋಬು 1:21

ಅಂಚಾದ್ ನಿಕ್ಲೆ ಜೀವನೊಡ್ದು ಮಾತ ನೀಚತನೊನ್ಲಾ ದುಷ್ಟತನೊನ್ಲಾ ದೆತ್ತ್‌ದ್ ಪಾಡ್ದ್, ದೇವೆರ್ ನಿಕ್ಲೆ ಉಡಲ್‌ಡ್ ದೀತಿನ ಪಾತೆರೊಗು ದೀನತೆಡ್ ಇಡೆ ಕೊರ್ಲೆ, ದಾಯೆಗಂದ್ಂಡ ನಿಕ್ಲೆನ ಆತ್ಮೊನು ರಕ್ಷಣೆ ಮಲ್ಪುನ ಶಕ್ತಿ ಆ ಪಾತೆರೊಗು ಉಂಡು.

1 ಪೇತ್ರೆ 1:23

ದಾಯೆಗಂದ್ಂಡ ನಿಕುಲು ಪೊಸತ್ತಾದ್ ಕುಡ ಪುಟುದರ್. ಆ ಜೀವ ನಾಶಾದ್ ಪೋಪಿ ಬಿತ್ತ್‌ಡ್ದ್ ಅತ್ತ್, ಆಂಡ ಏನಿತ್ಯೇನಿಗ್ಲಾ ಜೀವ ಇತ್ತಿ ದೇವೆರೆ ಪಾತೆರೊಡ್ದು ಉಂಡಾಯಿನವು.

1 ಪೇತ್ರೆ 3:15

ಗಡಿಬಿಡಿ ಆವಡೆ; ಆಂಡ ಕ್ರಿಸ್ತನ್ ನಿಕ್ಲೆ ಉಡಲ್‌ಲೆಡ್ ಪರಿಶುದ್ಧ ಕರ್ತವೆ ಅಂದ್‌ದ್ ದೀವೊನ್ಲೆ. ನಿಕ್ಲೆಡುಪ್ಪುನ ಕ್ರಿಸ್ತನ ನಿರೀಕ್ಷೆಗ್ ಎಂಚಿನ ಆಧಾರ ಅಂದ್‌ದ್ ಕೇನುನಾಕುಲೆಗ್ ಉತ್ತರ ಕೊರಿಯೆರೆ ಏಪಲಾ ತಯಾರಾದುಪ್ಪುಲೆ. ಆಂಡ ಅವೆನ್ ತಾಳ್ಮೆಡ್ಲಾ ಮರ್ಯಾದಿಡ್ಲಾ ಪನ್ಲೆ.