1 ಪೇತ್ರೆ 2:4 - ಪೊಸ ಒಡಂಬಡಿಕೆ

⁴ ನಿಕುಲು ಜೀವ ಇತ್ತಿ ಕಲ್ಲಾದುಪ್ಪು ಕ್ರಿಸ್ತನ ಕೈತಲ್‌ ಬೈದರ್. ಆ ಕಲ್ಲ್‌ನ್ ನರಮಾನಿಲು ತಿರಸ್ಕಾರ ಮಲ್ತೆರ್ಡಲಾ ಅವು ದೇವೆರೆಡ್ದ್ ಅಜತ್‌ದಿನವುಲಾ ಬಿಲೆ ಇತ್ತಿನವುಲಾ ಆದುಂಡು.

1 ಪೇತ್ರೆ 2:4 Iomraidhean Croise

ಮತ್ತಾಯೆ 11:28

“ಕಷ್ಟೊಡುಪ್ಪುನಾಕುಲೇ, ಪುದೆ ತುಂಬೊಂದಿನಾಕುಲೇ, ನಿಕುಲು ಮಾತೆರ್ಲಾ ಎನ ಕೈತಲ್‌ ಬಲ್ಲೆ; ಯಾನ್ ನಿಕ್ಲೆಗ್ ಸುಖ ಕೊರ್ಪೆ.

ಮತ್ತಾಯೆ 12:18

“ಇಂದಾ, ಎನ ಸೇವಕೆ; ಇಂಬ್ಯನ್ ಯಾನ್ ಅಜತೊಂದೆ. ಇಂಬೆ ಎಂಕ್ ಇಷ್ಟೆ, ಇಂಬ್ಯನ್ ಯಾನ್ ಮೆಚ್ಚಿದೆ. ಇಂಬ್ಯಡ್ ಎನ ಆತ್ಮೊನು ದೀಪೆ ಇಂಬೆ ಪಿದಯಿದ ಜನೊಕುಲೆಗ್ ನ್ಯಾಯೊನು ಸಾರಿಯುವೆ.

ಮತ್ತಾಯೆ 21:42

ಯೇಸು ಅಕ್ಲೆಡ, “‘ಇಲ್ಲ್ ಕಟ್ಟುನಾಕುಲು ಬೊಡ್ಚಿಂದ್‌ದ್ ಬುಡ್ತಿ ಕಲ್ಲೇ ಮೂಲೆದ ತರೆಕಲ್ಲ್‌ ಆಂಡ್. ಉಂದು ಕರ್ತವಡ್ದೇ ಆಂಡ್. ನಂಕ್ ಅಚ್ಚಿರ ಆದ್ ತೋಜುಂಡು, ಪನ್ಪಿ ಪಾತೆರೊನು ನಿಕುಲು ಶಾಸ್ತ್ರೊಡು ಏಪಾಂಡಲಾ ಓದುದಿಜರಾ?’

ಯೋಹಾನೆ 14:19

ನನ ಒಂತೆ ಸಮಯ ಆಯಿ ಬೊಕ್ಕ ಲೋಕ ಎನನ್ ತೂಪುಜಿ, ಆಂಡ ನಿಕುಲು ಎನನ್ ತೂವರ್. ಯಾನ್ ಬದುಕುನೆಡ್ದ್ ನಿಕುಲುಲಾ ಬದುಕುವರ್.

ಯೋಹಾನೆ 14:6

ಐಕ್ ಯೇಸು ಆಯಡ, “ಯಾನೇ ಮಾರ್ಗಲಾ ಸತ್ಯಲಾ ಜೀವಲಾ ಆದುಲ್ಲೆ. ಯಾನ್ ಅತ್ತಂದೆ ಏರ್ಲಾ ಅಮ್ಮೆರೆ ಕೈತಲ್‌ ಬರ್ಪುಜೆರ್

ಯೋಹಾನೆ 5:26

ಅಮ್ಮೆ ಎಂಚ ಸ್ವತಃ ಜೀವ ಆದುಲ್ಲೆನಾ ಅಂಚೆನೇ ಮಗನ್ಲಾ ಸ್ವತಃ ಜೀವೊಡುಪ್ಪುಲೆಕ್ಕನೇ ಮಲ್ಪುವೆ.

ಯೋಹಾನೆ 5:40

ಆಂಡ ನಿತ್ಯಜೀವ ಪಡೆಯೆರೆ ಎನ ಕೈತಲ್‌ ಬರಿಯೆರೆ ನಿಕ್ಲೆಗ್ ಮನಸಿಜ್ಜಿ.

ಯೋಹಾನೆ 6:37

ಅಮ್ಮೆ ಎಂಕ್ ಕೊರ್ಪಿನವು ಮಾತಲಾ ಎನ ಕೈತಲ್‌ ಬರು; ಬೊಕ್ಕ ಎನ ಕೈತಲ್‌ ಬರ್ಪಿನಾಕುಲೆಗ್ ಯಾನ್ ಕಂಡಿತಾದ್ ದಂಕ್‌ದ್ ಪಾಡಯೆ.

ಯೋಹಾನೆ 6:57

ಜೀವಸ್ವರೂಪೆ ಆದುಪ್ಪು ಅಮ್ಮೆ ಎನನ್ ಕಡಪುಡುದೆ ಯಾನ್ ಅಮ್ಮೆರೆಡ್ದ್ ಬದುಕುಲೆಕ್ಕನೆ; ಎನನ್ ತಿನ್ಪಿನಾಯೆ ಆಯೆಲಾ ಎನಡ್ದ್ ಬದುಕುವೆ.

ರೋಮಾಯೆರೆಗ್ 5:10

ನಮ ನಂಬುನೆಡ್ದ್ ದುಂಬು ದೇವೆರೆ ವೈರಿಲಾದಿತ್ತ. ಆಯನ ಮಗನ ಮರಣೊನು ನಂಬಿನೆಡ್ದ್ ನಮನ್ ಆಯಡೊಪ್ಪ ಸಂದಾನ ಮಲ್ತ್‌ದ್ ಸ್ನೇಹಿತೆರಾದ್‌ ಮಲ್ತೆ. ಇತ್ತೆ ದೇವೆರೆ ಸ್ನೇಹಿತೆರಾದುಪ್ಪುನ ಕ್ರಿಸ್ತನ ಜೀವನೊಡ್ದು ರಕ್ಷಣೆ ಪಡೆಯುನವು ಏತೋ ಸತ್ಯ ಆದುಂಡು.

1 ಕೊರಿಂಥ್ಯೆರೆಗ್ 3:11

ದಾಯೆಗಂದ್ಂಡ, ಪಾಡ್ದಿನ ಪಂಚಾಂಗ ಯೇಸು ಕ್ರಿಸ್ತೆನೇ. ಈ ಪಂಚಾಂಗ ಅತ್ತಂದೆ ಬೇತೆ ಒಂಜಿ ಪಂಚಾಂಗೊನು ಏರೆಗ್ಲಾ ಪಾಡಿಯೆರೆಗ್ ಆವಂದ್.

ಕೊಲೊಸ್ಸಿಯೆರೆಗ್ 3:4

ನಂಕ್ ಜೀವಾದುಪ್ಪು ಕ್ರಿಸ್ತೆ ತೋಜಿದ್ ಬನ್ನಗ ನಿಕುಲುಲಾ ಆಯ ಒಟ್ಟುಗು ಆಯನ ಮೈಮೆಡ್ ದಿಂಜಿದಿನಾಕುಲಾದ್ ತೋಜಿದ್ ಬರ್ಪರ್.

1 ಪೇತ್ರೆ 1:19

ಆಂಡ ಊನದಾಂತಿ ಕಲೆದಾಂತಿ ಬಲಿತ ಕುರಿ ಆದುಪ್ಪು ಕ್ರಿಸ್ತನ ಬಿಲೆ ಇತ್ತಿ ನೆತ್ತೆರ್‌ಡ್ದ್ ಅಂದ್‌ದ್ ನಿಕುಲು ತೆರಿದರ್.

1 ಪೇತ್ರೆ 1:7

ಇಂಚಿನ ಶೋಧನೆಲೆಡ್ದ್ ನಿಕ್ಲೆ ನಂಬಿಕೆ ಸ್ಥಿರಾದ್ ತೋಜಿದ್ ಬರು. ನಾಶಾದ್ ಪೋಪಿ ಬಂಗಾರೊನ್ಲಾ ತೂಕು ಪಾಡ್ದ್ ಶುದ್ಧ ಮಲ್ಪುವೆರ್, ಅಂಚೆನೆ ನಿಕ್ಲೆ ನಂಬಿಕೆ ಬಂಗಾರೊಡ್ದುಲಾ ಆತಿ ಬಿಲೆ ಇತ್ತಿನೆಡ್ದ್ ಕಷ್ಟ ನಿಕ್ಲೆನ್ ಶೋದ್ಯಾವು. ನಿಕ್ಲೆನ ನಂಬಿಕೆ ಯಥಾರ್ಥ ಇತ್ತ್ಂಡ ಯೇಸು ಕ್ರಿಸ್ತೆ ಕುಡ ಬನ್ನಗ ನಿಕ್ಲೆಗ್ ಪುಗರಿಕೆ, ಮೈಮೆ, ಮಾನೊಲು ತಿಕ್ಕುಂಡು.

1 ಪೇತ್ರೆ 2:7

ಅಂಚಾಯಿನೆಡ್ದ್ ನಂಬುನಾಕುಲೆಗ್ ಈ ಕಲ್ಲ್ ಬಿಲೆ ಇತ್ತಿನವು ಆದುಂಡು; ನಂಬಂದೆ ಉಪ್ಪುನಾಕುಲು, “ಈ ಕಲ್ಲ್‌ನ್ ಬೊಡ್ಚಿಂದ್‌ದ್ ಬುಡಿಯೆರ್. ಆಂಡ ಬೊಡ್ಚಿಂದ್‌ದ್ ಬುಡ್ತಿ ಕಲ್ಲೇ ಮೂಲೆದ ತರೆಕಲ್ಲಾಂಡ್.”

2 ಪೇತ್ರೆ 1:1

ಯೇಸು ಕ್ರಿಸ್ತನ ದಾಸೆಲಾ ಅಪೊಸ್ತಲೆಲಾ ಆದುಪ್ಪು ಸಿಮೆಯೋನು ಪೇತ್ರೆ, ನಮ ದೇವೆರೆನ ಬೊಕ್ಕ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತನ ನೀತಿಡ್ದ್ ನಂಕುಪ್ಪು ದಿಂಜ ಬಿಲೆತ ನಂಬಿಕೆದಾಕುಲೆಗ್ ಬರೆಪಿನಿ ದಾನೆಂದ್ಂಡ, ದೇವೆರೆನವುಲಾ ನಮ ಕರ್ತವೆ ಆದುಪ್ಪು ಯೇಸುನವುಲಾ ಗೇನೊಡ್ದು ನಿಕ್ಲೆಗ್ ದಯಲಾ ಸಮಾಧಾನಲಾ ಹೆಚ್ಚೆಚ್ಚಾದ್ ತಿಕ್ಕಡ್.

2 ಪೇತ್ರೆ 1:4

ಉಂದತ್ತಂದೆ ದುರಾಶೆಲೆಡ್ದ್ ಲೋಕೊಡು ಉಂಡಾಯಿ ನಾಶನೊಗು ನಮ ತಪ್ಪಾವೊನಾಕುಲಾದ್, ದೇವಸ್ವಭಾವೊಡು ಪಾಲ್‌ದಾರೆರಾಪಿಲೆಕ್ಕ, ದೇವೆರ್ ನಂಕ್ ವಿಶೇಷವಾಯಿನ ಬೊಕ್ಕ ಬಿಲೆ ಇತ್ತಿನ ವಾಗ್ದಾನೊಲೆನ್ ಕೊರ್ತೆ.