1 ಪೇತ್ರೆ 2:1 - ಪೊಸ ಒಡಂಬಡಿಕೆ

¹ ಅಂಚಾಯಿನೆಡ್ದ್ ಮಾತ ಪಡಿಕೆಂತಿನೆನ್, ಮಾತ ವಂಚನೆನ್, ಕಪಟೊನು, ಕಿಚ್ಚಿನ್, ಮಾತ ತರತ ನಿಂದೆಲೆನ್ ಬುಡ್ದು ಬುಡ್ಲೆ.

1 ಪೇತ್ರೆ 2:1 Iomraidhean Croise

ಮತ್ತಾಯೆ 15:7

ಕಪಟಿಲೇ, ನಿಕ್ಲೆ ಸಂಗತಿಡ್ ಯೆಶಾಯೆ ಸರಿಯಾದೇ ಪ್ರವಾದನೆ ಮಲ್ತ್‌ದೆ. ಆಯೆ ಬರೆತಿನಿ ದಾನೆಂದ್ಂಡ,

ಮತ್ತಾಯೆ 23:28

ಅಂಚೆನೇ ನಿಕುಲುಲಾ ಪಿದಯಿ ಜನೊಕುಲೆಗ್ ನೀತಿವಂತೆರ್ ಲೆಕ್ಕ ತೋಜಾವೊನ್ವರ್ ಸರಿ, ಉಲಯಿ ಕಪಟೊಡ್ದುಲಾ ಅನ್ಯಾಯೊಡ್ದುಲಾ ದಿಂಜಿದಿನಕುಲಾದುಲ್ಲರ್.

ಮತ್ತಾಯೆ 24:51

ಕಪಟಿಲೆಗ್ ಆವೊಡಾಯಿ ಗತಿನ್ ಆಯಗ್ ನೇಮಕ ಮಲ್ಪುವೆ. ಅವುಲು ಅರಬಾಯಿಲಾ ಕಟಕಟ ಕೂಲಿ ಕಡೆಪಿನವುಲಾ ಉಪ್ಪುಂಡು.”

ಮತ್ತಾಯೆ 7:5

ಕಪಟಿಯೇ, ದುಂಬತ್ತ ನಿನ ಕಣ್ಣ್‌ದುಲಯಿದ ಕಜವುನ್ ದೆತ್ತ್ ಪಾಡ್ಲ. ಐಡ್ದ್ ಬೊಕ್ಕ ನಿನ ಸಹೋದ್ರನ ಕಣ್ಣ್‌ದುಲಯಿಡ್ದ್ ಧೂಳುನು ದೆಪ್ಪೆರೆ ಸರಿಟ್ಟ್ ತೋಜುಂಡು.

ಮಾರ್ಕೆ 12:15

ಆಂಡ ಯೇಸು ಅಕ್ಲೆನ ಕಪಟೊನು ತೆರಿದ್, “ನಿಕುಲು ಎನನ್ ದಾಯೆಗ್ ತಿಕ್ಕಾಯೆರೆ ತೂಪರ್? ಎಂಕ್ ಒಂಜಿ ಪಾವೊಲಿನ್ ಕನತ್‌ದ್ ತೋಜಾಲೆ,” ಪನ್ನಗ

ಲೂಕೆ 11:44

ನಿಕ್ಲೆನ ಗತಿ ದಾನೆಂದ್ ಪನೊಡು? ನಿಕುಲು ನೆಲ ಸಮ ಆತಿ ಸಮಾಧಿದ ಲೆಕ್ಕ ಉಲ್ಲರ್; ಐತ ಮಿತ್ತ್ ನಡಪುನ ಜನೊಕುಲೆಗ್ ಅವು ಸಮಾಧಿ ಅಂದ್‌ದ್ ತೆರಿಯಂದ್.”

ಲೂಕೆ 12:1

ಐತ ಉಲಯಿ ಸಾರಸಾರ ಜನೊಕುಲು ಒರಿಯನ್ ಒರಿ ದೊಂಕು ಮುಟ್ಟ ಕೂಡ್ದುಪ್ಪುನಗ ಆಯೆ ಸುರುಟ್ಟು ತನ ಶಿಷ್ಯೆರೆಗ್ ಪನಿಯೆರೆ ಸುರು ಮಲ್ತಿನಿ ದಾನೆಂದ್ಂಡ, “ಕಪಟ ಇನ್ಪಿ ಪರಿಸಾಯೆರೆ ಪುಳಿಬಂದದ ಸಂಗತಿಡ್ ಎಚ್ಚರಿಕೆ ಆದುಪ್ಪುಲೆ.

ಲೂಕೆ 6:42

ಇಜ್ಜಾಂಡ ನಿನ ಕಣ್ಣ್‌ಡ್ ಕಜವುನ್ ದೀವೊಂದು ಸಹೋದ್ರಡ, ‘ಅಣ್ಣಾ ನಿನ ಕಣ್ಣ್‌ದುಲಯಿಡ್ದ್ ಧೂಳುನು ದೆಪ್ಪುವೆ ಬಲ,’ ಅಂದ್‌ದ್ ಎಂಚ ಪನೊಲಿ? ಕಪಟಿಯೇ, ದುಂಬತ್ತ ನಿನ ಕಣ್ಣ್‌ದುಲಯಿದ ಕಜವುನ್ ದೆತ್ತ್ ಪಾಡ್ಲ. ಐಡ್ದ್ ಬೊಕ್ಕ ನಿನ ಸಹೋದ್ರನ ಕಣ್ಣ್‌ದುಲಯಿದ ಧೂಳುನು ದೆಪ್ಪೆರೆ ಸರಿಟ್ಟ್ ತೋಜುಂಡು.

ಯೋಹಾನೆ 1:47

ಯೇಸು ತನ ಕೈತಲ್‌ ಬರ್ಪಿ ನತಾನಿಯೇಲನ್ ತೂದು ಆಯ ಸಂಗತಿಡ್, “ಇಂದಾ, ಆಯೆ ನಿಜ ಇಸ್ರಾಯೇಲ್ಯೆ, ಆಯಡ ಕಪಟ ಇಜ್ಜಿ!” ಪಂಡೆ.

ರೋಮಾಯೆರೆಗ್ 1:29

ಎಂಚಂದ್ಂಡ ಅಕುಲು ಮಾತ ತರತ ಅನ್ಯಾಯ, ದುರ್ಮಾರ್ಗ, ಲೋಬಿತನೊಡ್ದುಲಾ ದುಷ್ಟತನೊಡ್ದುಲಾ, ಕಿಚ್ಚಿ, ಕೊಲೆ, ಲಡಯಿ, ಮೋಸ, ಪಗೆ ಇಂಚಿತ್ತಿನೆಡ್ದ್ ದಿಂಜಿದಿನಕುಲಾಯೆರ್.

1 ಕೊರಿಂಥ್ಯೆರೆಗ್ 14:20

ಸಹೋದ್ರೆರೇ, ಬುದ್ಧಿದ ಸಂಗತಿಡ್ ಜೋಕುಲೆ ಲೆಕ್ಕ ಉಪ್ಪಡೆ; ಪಡಿಕೆಂತಿನೆತ್ತ ವಿಷಯೊಲೆಡ್ ಜೋಕುಲಾದೆ ಇತ್ತ್‌ದ್ ಬುದ್ಧಿದ ಸಂಗತಿಡ್ ಪ್ರಾಯಸ್ಥೆರಾದುಪ್ಪುಲೆ.

1 ಕೊರಿಂಥ್ಯೆರೆಗ್ 5:8

ಅಂಚಾಯಿನೆಡ್ದ್ ನಮ ದುಷ್ಟತನ, ಹಾಳ್‌ತನ ಪನ್ಪಿ ಪುಳಿಹಿಟ್ಟ್‌ನ್ ಬುಡ್ದು ಬುಡ್ಕ, ಪಂಡ ಪುಳಿನ್ ದೀವೊನಂದೆ ಯಥಾರ್ಥಲಾ ಸತ್ಯಲಾ ಪನ್ಪಿ ಪುಳಿದಾಂತಿ ರೊಟ್ಟಿನೇ ದೆತ್ತೊಂದು ಪರ್ಬ ಆಚಾರಣೆ ಮಲ್ಪುಗ.

2 ಕೊರಿಂಥ್ಯೆರೆಗ್ 12:20

ಯಾನ್ ಬತ್ತಿನಪಗ ನಿಕುಲು ಯಾನ್ ಎನ್ನಿಲೆಕ್ಕ ತೋಜುವರಾ ಇಜ್ಜಾ, ಯಾನ್ ನಿಕುಲು ಎನ್ನಿಲೆಕ್ಕ ತೋಜುವೆನಾ ಇಜ್ಜಾ ಎಂಕ್ ಪೋಡಿಗೆ ಉಂಡು. ಒಂಜಿ ವೇಳೆ ನಿಕ್ಲೆಡ್ ಲಡಯಿ, ಮಚ್ಚರ, ಕೋಪ, ಸ್ವಾರ್ಥ, ಅವಮಾನ, ಚಾಡಿ ಪನ್ಪಿನವು, ಸೊರ್ಕು, ಗಲಿಬಿಲಿ ಪುಟ್ಟಾವುಂಡು ಪನ್ಪಿನ ಪೋಡಿಗೆ ಎಂಕುಂಡು.

ಎಫೆಸ್ಯೆರೆಗ್ 4:31

ಅಂಚಾದ್ ಮಾತ ಕೈಪೆ ಮನಸ್, ಉಗ್ರ, ಕೋಪ, ದುಷ್ಟತನ, ದೂಷಣೆ, ಮಾತ ತರತ ಹಾಳ್ ನಡತೆಲೆನ್ ಬುಡ್ದು ಬುಡ್ಲೆ.

1 ಥೆಸಲೋನಿಕೆರೆಗ್‌ 2:3

ಐಡ್ದಾವರ ಎಂಕ್ಲೆನ ಬೋಧನೆ ಕಪಟದವುಲಾ ಅತ್ತ್, ಅಶುದ್ಧವಾಯಿನವುಲಾ ಅತ್ತ್, ಮೋಸದವುಲಾ ಅತ್ತ್,

1 ತಿಮೋಥಿ 3:11

ಅಂಚೆನೇ ಸೇವೆ ಮಲ್ಪುನ ಪೊಂಜೊವುಲು ಮಾರ್ಯಾದಿದಾಕುಲುಲಾ ಚಾಡಿ ಪನಂದಿನಾಕುಲುಲಾ ಹದತಕುಲುಲಾ ಮಾತ ಕೆಲಸೊಲೆಡ್ ನಂಬಿಕೆದಾಕುಲುಲಾ ಆದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:3

ಅಂಚೆನೇ ಪ್ರಾಯದ ಪೊಂಜೊವುಲೆಗ್ ಇಂಚ ಬೋಧನೆ ಮಲ್ಪುಲ, ಅಕುಲು ಚಾಡಿಗಾರೆರ್, ಪರ್ಪಿ ಅಭ್ಯಾಸೊಗು ಗುಲಾಮೆರ್ ಆದುಪ್ಪಂದೆ, ದೇವಭಕ್ತಿಗ್ ಯೋಗ್ಯಾದ್ ನಡಪುನ ಎಡ್ಡೆ ಬೋಧನೆ ಪನ್ಪಿನಾಕುಲು ಆದುಪ್ಪೊಡು.

ಇಬ್ರಿಯೆರೆಗ್ 12:1

ಅಂಚಾಯಿನೆಡ್ದ್ ಈತ್ ಜನ ಸಾಕ್ಷಿದಾಕುಲು ಮುಗಲ್‌ದ ಲೆಕ್ಕ ನಮ ಸುತ್ತಲಾ ಉಲ್ಲೆರ್. ನಂಕ್ ಅಡ್ಡಿ ಮಲ್ಪುನ ಮಾತ ಭಾರೊನ್ಲಾ ಅಂಟುನ ಪಾಪೊನ್ಲಾ ನಮ ದೆತ್ತ್ ದೀದ್ ನಂಬಿಕೆನ್ ಪುಟ್ಟಾವುನಾಯೆಲಾ ಕೊರ್ಪಿನಾಯೆಲಾ ಆದುಪ್ಪು ಯೇಸುನ ಮಿತ್ತ್ ದೃಷ್ಟಿ ದೀಕ. ನಂಕ್ ನೇಮಕ ಆದುಪ್ಪು ಬಲ್ಪಾಟೊನು ತಾಳ್ಮೆಡ್ ಬಲ್ಪುಗ. ಆಯೆ ತನ ದುಂಬು ದೀದಿತ್ತಿ ಸಂತೋಷಗಾದ್ ಅವಮಾನೊನು ಅಸಡ್ಡೆ ಮಲ್ತ್‌ದ್ ಕ್ರುಸ್ಸುದ ಮರಣೊನು ಸೈಸೊಂದು ದೇವೆರೆ ಗದ್ದಿಗೆದ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂದುಲ್ಲೆ.

ಯಾಕೋಬು 1:21

ಅಂಚಾದ್ ನಿಕ್ಲೆ ಜೀವನೊಡ್ದು ಮಾತ ನೀಚತನೊನ್ಲಾ ದುಷ್ಟತನೊನ್ಲಾ ದೆತ್ತ್‌ದ್ ಪಾಡ್ದ್, ದೇವೆರ್ ನಿಕ್ಲೆ ಉಡಲ್‌ಡ್ ದೀತಿನ ಪಾತೆರೊಗು ದೀನತೆಡ್ ಇಡೆ ಕೊರ್ಲೆ, ದಾಯೆಗಂದ್ಂಡ ನಿಕ್ಲೆನ ಆತ್ಮೊನು ರಕ್ಷಣೆ ಮಲ್ಪುನ ಶಕ್ತಿ ಆ ಪಾತೆರೊಗು ಉಂಡು.

ಯಾಕೋಬು 3:14

ಆಂಡ ನಿಕ್ಲೆ ಉಡಲ್‌ಡ್ ಮಚ್ಚರಲಾ ಸ್ವಾರ್ಥೊಡ್ಲಾ ದಿಂಜಿದಿತ್ತ್‌ಂಡ, ನಿಕುಲು ಸತ್ಯೊಗು ವಿರೋಧಾದ್ ಸುಳ್ಳು ಪಾತೆರಂದೆ ಪುಗರೊನಂದೆ ಉಪ್ಪುಲೆ.

ಯಾಕೋಬು 4:11

ಸಹೋದ್ರೆರೇ, ಒರಿಯಗ್ ಒರಿ ನಿಂದೆ ಮಲ್ಪಡೆ. ಏರಾಂಡಲಾ ತನ ಸಹೋದ್ರಗ್ ನಿಂದೆ ಮಲ್ತ್‌ದ್ ತನ ಸಹೋದ್ರನ ಸಂಗತಿಡ್ ತೀರ್ಪು ಮಲ್ತ್ಂಡ, ಆಯೆ ನ್ಯಾಯಕಟ್ಟ್‌ಗ್ ನಿಂದೆ ಮಲ್ತ್‌ದ್ ತೀರ್ಪು ಮಲ್ತಿಲೆಕ್ಕ ಆವು. ಆಂಡ ಈ ನ್ಯಾಯಕಟ್ಟ್‌ಡ್ ಬರೆತಿನೆನ್ ತೀರ್ಪು ಮಲ್ಪುವಡ, ಈ ನ್ಯಾಯತೀರ್ಪುನಾಯೆ ಅಂದ್‌ದ್ ಎನ್ನುವ ಅತ್ತಂದೆ ನ್ಯಾಯಕಟ್ಟ್‌ನ್ ಕೈಕೊನುನಾಯೆ ಆದುಪ್ಪುಜ,

ಯಾಕೋಬು 4:5

“ನಮ ಉಲಯಿಡ್ ದೇವೆರ್ ದೀತಿನ ಆತ್ಮ, ದೇವೆರೆಡೊಪ್ಪನೇ ಉಪ್ಪೊಡು ಅಂದ್‌ದ್ ದೇವೆರ್ ಬಯಕುವೆ,” ಇನ್ಪಿನ ಶಾಸ್ತ್ರದ ಪಾತೆರ ಅರ್ಥದಾಂತಿನವು ಅಂದ್‌ದ್ ಎನ್ನುವರಾ?

ಯಾಕೋಬು 5:9

ಸಹೋದ್ರೆರೇ, ನಿಕ್ಲೆಗ್ ನ್ಯಾಯತೀರ್ಪು ಆವಂದಿಲೆಕ್ಕ ಒರಿಯಗ್ ಒರಿ ಗುಣುಗುಟ್ಟಡೆ. ತೂಲೆ, ನ್ಯಾಯಾಧಿಪತಿ ಬಾಕಿಲ್‌ಡೇ ಉಲ್ಲೆ.

1 ಪೇತ್ರೆ 2:16

ಸ್ವತಂತ್ರದಾಕುಲೆ ಲೆಕ್ಕ ನಡಪುಲೆ; ಆಂಡ ಪಡಿಕೆಂತಿನೆನ್ ದೆಂಗಾವೆರೆಗ್ ಬೋಡಾದ್ ನಿಕ್ಲೆ ಸ್ವತಂತ್ರೊನು ದುರುಪಯೋಗ ಮಲ್ಪಡೆ. ಆಂಡ ನಿಕುಲು ದೇವೆರೆಗ್ ದಾಸೆರಾದ್ ನಡತೊನ್ಲೆ.

1 ಪೇತ್ರೆ 2:22

“ಆಯೆ ವಾ ಪಾಪಲಾ ಮಲ್ತ್‌ದಿಜೆ; ಆಯನ ಬಾಯಿಡ್ದ್ ವಾ ಕುರ್ತೆಲ್ ಪಾತೆರಲಾ ಬೈದಿಜಿ .”

1 ಪೇತ್ರೆ 3:10

“ಜೀವನೊಡು ಸಂತೋಷ ಮಲ್ತ್‌ದ್ ಎಡ್ಡೆಂತಿನ ದಿನೊಕುಲೆನ್ ತೂವೆರೆ ಆಸೆ ಇತ್ತಿನಾಯೆ, ಆಯೆ ತನ ಬಾಯಿಡ್ ಪಡಿಕೆಂತಿನೆನ್ ಪಾತೆರಂದಿಲೆಕ್ಕಲಾ ಬಿಮ್ಮೊಲೆಡ್ ಸುಳ್ಳು ಪನಂದಿಲೆಕ್ಕಲಾ ಬಿಗಿತ್ತ್‌ದ್ ಪತ್ತೊನಡ್.

1 ಪೇತ್ರೆ 4:2

ಒರಿದಿನ ಜೀವಮಾನ ಕಾಲೊಡು ನಿಕುಲು ಶರೀರೊಡು ನರಮಾನಿಲೆ ಆಸೆಗ್ ಬೋಡಾದ್ ಬದ್‌ಕಂದೆ ದೇವೆರೆ ಚಿತ್ತೊಗು ಬೋಡಾದ್ ಬದ್‌ಕಿಯೆರೆ ಪ್ರಯತ್ನ ಮಲ್ಪುಲೆ.

1 ಪೇತ್ರೆ 4:4

ನಿಕುಲು ಅವ್ವೇ ಪಟಿಂಗತನೊಟು ಸೇರಂದಿನೆಕ್ಕ್ ಅಕುಲು ಅಚ್ಚಿರ ಆದ್ ನಿಕ್ಲೆನ್ ದೂಷಿಯುವೆರ್.

ಪ್ರಕಟಣೆ 14:5

ಸುಳ್ಳು ಮೊಕ್ಲೆನ ಬಾಯಿಡ್ ಬರಂದ್. ಮೊಕುಲು ದೋಷದಾಂತಿನಾಕುಲಾದುಲ್ಲೆರ್.