1 ಪೇತ್ರೆ 1:4 - ಪೊಸ ಒಡಂಬಡಿಕೆ

⁴ ದೇವೆರ್ ನಂಕಾದ್ ಇತ್ತೆ ಪರಲೋಕೊಡು ದೀತಿ ಬಾಧ್ಯಸ್ತಿಗೆನ್ ನಮ ಎದುರು ತೂವೊಂದುಲ್ಲ. ಅವು ನಾಶಾದ್ ಪೋಪುಜಿ, ಮೈಲೆ ಆಪುಜಿ, ಪೊರ್ಲು ಬಾಡ್ದ್ ಪೋಪುಜಿ.

1 ಪೇತ್ರೆ 1:4 Iomraidhean Croise

ಮತ್ತಾಯೆ 25:34

ಅಪಗ ಅರಸು ತನ ಬಲತ್ತ ಮರ್ಗಿಲ್‌ಡ್ ಉಪ್ಪುನಾಕುಲೆಗ್, ‘ಎನ ಅಮ್ಮೆರೆನ ಆಶೀರ್ವಾದ ಪಡೆಯಿನಾಕುಲೆ ಬಲೆ, ಲೋಕಾದಿಡ್ದ್ ನಿಕ್ಲೆಗಾದ್ ತಯಾರಾದುಪ್ಪು ರಾಜ್ಯೊನು ಬೊಕ್ಕ ಬಾಧ್ಯಸ್ತಿಗೆದ ಹಕ್ಕ್‌ನ್ ದೆತ್ತೊನ್ಲೆ.

ಮಾರ್ಕೆ 10:17

ಅಲ್ಪಡ್ದ್ ಯೇಸು ಪಿದಾಡ್ದ್, ಸಾದಿಡ್ ಪೋನಗ ಒರಿ ಪಾರೊಂದು ಬತ್ತ್‌ದ್, ಆಯನ ಎದುರು ಅಡ್ಡಬೂರ್ದು ಆಯಡ, “ಎಡ್ಡೆ ಬೋಧಕಾ, ಯಾನ್ ನಿತ್ಯಜೀವೊಗು ಭಾದ್ಯಸ್ಥೆ ಆವೊಡಾಂಡ ದಾದ ಮಲ್ಪೊಡು?” ಅಂದ್‌ದ್ ಕೇಂಡೆ.

ಅಪೊ.ಕ್ರಿ 20:32

“ಯಾನ್ ಇತ್ತೆ ನಿಕ್ಲೆನ್ ದೇವೆರೆಗ್ಲಾ ಆಯನ ದಯತ ಪಾತೆರೊಗ್ಲಾ ಒಚ್ಚಿದ್ ಕೊರ್ಪೆ. ಆಯೆ ನಿಕ್ಲೆನ್ ಬಲ ಪಡೆಪಾದ್, ಪರಿಶುದ್ಧ ಆದುಪ್ಪು ಮಾತೆರೆಡೊಪ್ಪ ನಿಕ್ಲೆನ್ ಬಾಧ್ಯಸ್ತಿಗೆ ಕೊರಿಯೆರೆ ಶಕ್ತಿ ಇತ್ತಿನಾಯೆ ಆದುಲ್ಲೆ.

ಅಪೊ.ಕ್ರಿ 26:18

ಅಕುಲು ಕತ್ತಲೆಡ್ದ್ ಬೊಲ್ಪುಗ್ಲಾ ಸೈತಾನ ಅಧಿಕಾರೊಡ್ದು ದೇವೆರೆ ಕಡೆಕ್ಲಾ ತಿರ್ಗ್‌ದ್ ಎನಡ ನಂಬಿಕೆ ದೀಪಿನೆಡ್ದ್ ಪಾಪ ಪರಿಹಾರೊನ್ಲಾ ಪರಿಶುದ್ಧೆರ್ ಆಯಿನಾಕುಲೆಡೊಪ್ಪ ಪಾಲ್‌ಲಾ ತಿಕ್ಕುಲೆಕ್ಕ ಅಕ್ಲೆನ ಕಣ್ಣ್‌ಲೆನ್ ಜಪ್ಪೊಡು ಅಂದ್‌ದ್ ಅಕ್ಲೆನ ಕೈತಲ್‌ ನಿನನ್ ಕಡಪುಡ್ವೆ,’ ಅಂದ್‌ದ್ ಪಂಡೆ.

ರೋಮಾಯೆರೆಗ್ 8:17

ನಮ ಜೋಕುಲು ಆದುಲ್ಲಡ ಹಕ್ಕ್‌ದಾಕುಲಾದುಲ್ಲ, ದೇವೆರೆ ಹಕ್ಕ್‌ದಾಕುಲಾದುಲ್ಲ, ಅಂಚೆನೆ ಕ್ರಿಸ್ತಡೊಪ್ಪಲಾ ಹಕ್ಕ್‌ದಾಕುಲಾದುಲ್ಲ. ದಾಯೆಗಂದ್ಂಡ ಕ್ರಿಸ್ತನ ಭಾದೆಲೆಡ್ ನಮ ಪಾಲ್ ದೆತ್ತೊನುವಡ ಆಯ ಮೈಮೆಡ್ಲಾ ನಂಕ್ ಪಾಲುಂಡು.

1 ಕೊರಿಂಥ್ಯೆರೆಗ್ 9:25

ಐಟ್ಟ್ ಪೊರ್‌ಂಬುನಾಕುಲು ಮಾತ ಸಂಗತಿಡ್ಲಾ ಮಿತಿಟ್ ಉಪ್ಪುವೆರ್. ಅಕುಲು ನಾಶಾದ್ ಪೋಪಿ ಜಯಮಾಲೆನ್ ಪಡೆಯೆರೆಗಾದ್ರ ಪೊರ್‌ಂಬುವೆರ್. ನಮ ಆಂಡಲಾ ನಾಶಾವಂದಿನ ಜಯಮಾಲೆಗಾದ್ರ ಪೊರ್ಂಬುನಾಕುಲಾದುಲ್ಲ.

ಗಲಾತ್ಯೆರೆಗ್ 3:18

ಬಾಧ್ಯಸ್ತಿಗೆ ನ್ಯಾಯಕಟ್ಟ್‌ಡ್ದ್ ತಿಕ್ಕುನಾಂಡ, ದೇವೆರೆ ವಾಗ್ದಾನೊಡ್ದು ಅತ್ತ್ ಪಂಡ್ದಾಂಡ್. ಆಂಡ ದೇವೆರ್ ಅಬ್ರಹಾಮುಗು ಕೊರ್ತಿನ ಬಾಧ್ಯಸ್ತಿಗೆನ್ ವಾಗ್ದಾನೊಡ್ದೇ ದಯ ಮಲ್ತೆ.

ಎಫೆಸ್ಯೆರೆಗ್ 1:11

ಉಂದತ್ತಂದೆ, ನಮ ಆಯಡ್ದ್ ದೇವೆರೆನ ಸ್ವಂತ ಜನೊಕುಲಾಯ. ಬರ್ಪಿಂಚಿತ್ತಿ ಕ್ರಿಸ್ತನ್ ಭರವಸೊಡು ಎದುರು ತೂವೊಂದಿತ್ತ. ನಮ ಆಯನ ಮೈಮೆನ್ ಲೋಕೊಗು ತೆರಿಪಾವೊಡು ಅಂದ್‌ದ್ ಮಾತ ಕಾರ್ಯೊಲೆನ್ ತನ ಇಷ್ಟೊಗು ಸರಿಯಾದ್ ನಡಪುನ ದೇವೆರ್ ನಮನ್ ಆದಿಡ್ದೇ ಅಜತ್ ದೆತ್ತೊಂಡೆ.

ಎಫೆಸ್ಯೆರೆಗ್ 1:14

ದೇವೆರ್ ತನ ಸ್ವಂತ ಜನೊಕುಲೆನ ಬುಡುಗಡೆಗಾದ್ ಪರಿಶುದ್ಧಾತ್ಮೆನೇ ನಮ ಬಾಧ್ಯಸ್ತಿಗೆದ ಆಧಾರ ಆದುಲ್ಲೆ. ಈ ಕಾರಣೊಡ್ದು ನಮ ದೇವೆರೆನ್ ಪುಗರೊಂದು ಮೈಮೆನ್ ಸಂದಾಗ.

ಎಫೆಸ್ಯೆರೆಗ್ 1:18

ಈ ಗೇನದ ಬೊಲ್ಪು ನಿಕ್ಲೆ ಉಡಲ್‌ದ ಕಣ್ಣ್‌ನ್ ಜಪ್ಪಡ್. ಅಪಗ ಆಯೆ ತಾನ್ ಲೆತ್ತ್‌ದಿನ ದೇವಜನೊಕುಲೆಡ್, ತನ ಮೈಮೆದಲಾ ಐಶ್ವರ್ಯದಲಾ ಆಸ್ತಿ ಏತ್ ಅಂದ್‌ದ್‌ಲಾ ಬೊಕ್ಕ ನಿಕ್ಲೆಗುಪ್ಪುನ ನಿರೀಕ್ಷೆ ದಾನೆ ಪಂಡ್ದ್‌ಲಾ ನಿಕುಲು ತೆರಿಯೊನ್ವರ್.

ಕೊಲೊಸ್ಸಿಯೆರೆಗ್ 1:12

ಬೊಕ್ಕ ಬೊಲ್ಪುದ ರಾಜ್ಯೊಡು ದೇವಜನೊಕುಲೆ ಬಾಧ್ಯಸ್ತಿಗೆದ ಪಾಲ್‌ಗ್ ನಿಕ್ಲೆನ್ ತಕ್ಕದಾಕುಲಾದ್ ಮಲ್ತ್‌ದಿನ ಅಮ್ಮೆ ಆದುಪ್ಪು ದೇವೆರೆಗ್ ಉಪಕಾರ ಸ್ತುತಿ ಮಲ್ಪುನಾಕುಲು ಆದುಪ್ಪೊಡು ಅಂದ್‌ದ್ ದೇವೆರೆನ್ ನಟ್ಟೊನ್ವೆ.

ಕೊಲೊಸ್ಸಿಯೆರೆಗ್ 1:5

ಪರಲೋಕೊಡು ನಿಕ್ಲೆಗಾದ್ ತಯಾರಾತಿನ ಮಿತ್ತ್‌ದ ನಿರೀಕ್ಷೆನ್ ಸುವಾರ್ತೆದ ಸತ್ಯ ಪಾತೆರೊಡು ಸುರುಟೆ ಕೇಂಡ್ದರ್.

ಕೊಲೊಸ್ಸಿಯೆರೆಗ್ 3:24

ಕರ್ತವೆ ನಿಕ್ಲೆಗ್ ಬಾಧ್ಯಸ್ತಿಗೆನ್ ಉಡಿಗೆರೆ ಆದ್ ಕೊರ್ಪೆ ಇನ್ಪಿನೆನ್ ಎನ್ನೊನ್ಲೆ. ನಿಕುಲು ಕರ್ತವೆ ಆದುಪ್ಪು ಕ್ರಿಸ್ತಗೇ ಚಾಕ್ರಿದಾಕುಲಾದುಲ್ಲರ್.

2 ತಿಮೋಥಿ 4:8

ನೀತಿವಂತೆರೆಗ್ ತಿಕ್ಕುನ ಜಯಮಾಲೆ ಎಂಕ್ ದುಂಬಗ್ ತಯಾರಾದುಂಡು. ಅವೆನ್ ನೀತಿಡ್ ನ್ಯಾಯತೀರಿಸುನ ಕರ್ತವೆ ಆ ದಿನೊಟು ಎಂಕ್ ಕೊರ್ಪೆ. ಎಂಕ್ ಮಾತ್ರತ್ತಂದೆ ಆಯೆ ಬರ್ಪಿನೆನ್ ಪ್ರೀತಿಡ್ ಎದುರು ತೂವೊಂದುಪ್ಪುನ ಪ್ರತಿ ಒರಿಯಗ್ಲಾ ಕೊರ್ಪೆ.

ಇಬ್ರಿಯೆರೆಗ್ 10:34

ಸೆರೆಮನೆಟ್ ಬೂರಿನಾಕುಲೆನ ಭಂಗೊನು ತೂದು ಅಕ್ಲೆಡೊಪ್ಪ ನಿಕುಲು ಕನಿಕರ ಪಡೆಯಿನಿ ಅತ್ತಂದೆ ನಂಕ್ ಎಡ್ಡೆಂತಿನವುಲಾ ಸ್ಥಿರವಾದ್‌ಲಾ ಇತ್ತಿನ ಆಸ್ತಿ ಉಂಡು ಪಂಡ್ದ್ ಸರಿಯಾದ್ ತೆರಿಯೊಂದು ನಿಕ್ಲೆನ ಸೊತ್ತುಲೆನ್ ಒಯ್ತೊನುನಾಕುಲೆಗ್ ಸಂತೋಷೊಡು ಬುಡಿಯರ್.

ಇಬ್ರಿಯೆರೆಗ್ 9:15

ಬೊಕ್ಕ ಈ ಕಾರಣೊಡ್ದು ಆಯೆ ಒಂಜಿ ಪೊಸ ಒಡಂಬಡಿಕೆಗ್ ಮದ್ಯಸ್ತೆಗಾರೆ ಆದುಲ್ಲೆ. ಸುರುತ್ತ ಒಡಂಬಡಿಕೆದ ಕಾಲೊಡು ನಡತಿನ ಅಕ್ರಮೊಲೆ ಪರಿಹಾರೊಗಾದ್ ಆಯೆ ಮರಣೊನು ಅನುಭವ ಮಲ್ತಿನೆಡ್ದ್ ದೇವೆರೆಡ್ದ್ ಲೆಪ್ಪಾವೊಂಡಿನಾಕುಲು ವಾಗ್ದಾನ ಆದಿತ್ತಿ ನಿತ್ಯ ಬಾಧ್ಯಸ್ತಿಗೆನ್ ಪಡೆಯೆರೆ ಆಯಡ್ದ್ ಸಾದಿ ಆಂಡ್.

ಯಾಕೋಬು 1:11

ಎಂಚಂದ್ಂಡ, ಸೂರ್ಯೆ ಮೂಡ್ದು ದೊಂಬು ಹಾಕ್‌ನಗ ಪಜಿರ್ ನುಂಗುಂಡು, ಬೊಕ್ಕ ಪೂ ತಾಲ್ದ್ ಐತ ಪೊರ್ಲು ನಾಶಾದ್ ಪೋಪಿಲೆಕ್ಕ ಮಲ್ಲಾದಿಗೆ ಇತ್ತಿನಾಯೆಲಾ ತನ ಪ್ರಯತ್ನೊಲೆಡ್ ನಾಶಾದ್ ಪೋಪೆ.

1 ಪೇತ್ರೆ 3:9

ಅಪಕಾರ ಮಲ್ಪುನಾಯಗ್ ಅಪಕಾರ ಮಲ್ಪಂದೆ, ನೆರ್ಪಿನಾಯಗ್ ನೆರಂದೆ ಆಶೀರ್ವದಿಪುಲೆ. ಐಕ್ ಬೋಡಾದ್ ದೇವೆರ್ ನಿಕ್ಲೆನ್ ಲೆತ್ತ್‌ದೆ. ನಿಕುಲು ಇಂಚ ಮಲ್ಪುವರ್ಡ ದೇವೆರೆ ಆಶೀರ್ವಾದೊನು ಪಡೆವೊನ್ವರ್.

1 ಪೇತ್ರೆ 5:4

ಮಾಮಲ್ಲ ಕುರುಬೆ ತೋಜಿದ್ ಬನ್ನಗ ನಿಕುಲು ಏನಿತ್ಯೇನಿಗ್ಲಾ ಬಾಡಂದಿ ಮೈಮೆದ ಕಿರೀಟೊನು ಪಡೆವೊನ್ವರ್.

ಪ್ರಕಟಣೆ 21:27

ಆಂಡ ಅಶುದ್ಧ ಕಾರ್ಯೊನು ಒವೆನ್ಲಾ ಪೊಗ್ಗೆರೆ ಬುಡ್ಪುಜೆರ್. ಅತ್ತ್‌ಡ ಪೇಸಿಗೆದಾಕುಲೆನ್ಲಾ, ಸುಳ್ಳು ಪನ್ಪಿನಾಕುಲೆನ್ಲಾ ಬುಡ್ಪುಜೆರ್. ಆಂಡ ಏರೇರೆನ ಪುದರುಲು ಯಜ್ಞದ ಕುರಿತ ಕಿನ್ನಿ ಆದುಪ್ಪುನಾಯನ ಜೀವಬಾಧ್ಯೆರೆ ಪುಸ್ತಕೊಡು ಬರೆದುಂಡಾ ಅಕುಲು ಮಾತ್ರ ಪಟ್ಟಣೊಗು ಸೇರುವೆರ್.