1 ಪೇತ್ರೆ 1:3 - ಪೊಸ ಒಡಂಬಡಿಕೆ

³ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಅಮ್ಮೆಲಾ ದೇವೆರ್‌ಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ ಆವಡ್. ದೇವೆರೆನ ಮಲ್ಲ ಕರುಣೆಡ್ದ್ ನಮ ಪೊಸತ್ತಾದ್ ಕುಡ ಪುಟ್ಟುದ. ದಾಯೆಗಂದ್ಂಡ ಯೇಸು ಕ್ರಿಸ್ತೆ ಸೈತ್‌ದ್ ಲಕ್ಕಿನೆಡ್ದ್ ನಂಕ್ ಜೀವ ಇತ್ತಿ ನಿರೀಕ್ಷೆ ಉಂಡು.

1 ಪೇತ್ರೆ 1:3 Iomraidhean Croise

ಯೋಹಾನೆ 1:13

ಮೊಕುಲು ನೆತ್ತೆರ್‌ದ ಸಮ್ಮಂಧೊಡ್ದು ಆವಡ್, ಶರೀರ ಸಮ್ಮಂಧೊಡ್ದು ಆವಡ್, ನರಮಾನಿಲೆ ಸಂಕಲ್ಪೊಡ್ದು ಆವಡ್ ಪುಟ್ಟುದಿನಾಕುಲತ್ತ್ ಆಂಡ ದೇವೆರೆಡ್ದೇ ಪುಟ್ಟಿನಾಕುಲು.

ರೋಮಾಯೆರೆಗ್ 12:12

ಕ್ರೈಸ್ತೆರ್ ಕಾತೊಂದುಪ್ಪುನ ಆ ಮಲ್ಲ ಪದೊನು ನೆನೆತೊಂದು ಸಂತೋಷೊಡುಪ್ಪುಲೆ. ಉಪದ್ರೊಲೆಡ್ ತಾಳ್ಮೆದಾಕುಲಾಲೆ. ಬೇಜಾರ್‌ದಾಂತೆ ಪ್ರಾರ್ಥನೆ ಮಲ್ಪುಲೆ.

ರೋಮಾಯೆರೆಗ್ 15:13

ನಿರೀಕ್ಷೆಗ್ ಮೂಲ ಆದುಪ್ಪು ದೇವೆರ್, ನಿಕುಲು ಆಯ ಮಿತ್ತ್ ದೀತಿನ ನಂಬಿಕೆಡ್ದ್ ಮಾತೆರೆನ್ಲಾ ಸಂತೋಷ, ಸಮಾಧಾನೊಲೆಡ್ ದಿಂಜಾದ್ ನಿಕ್ಲೆ ನಿರೀಕ್ಷೆ ಪರಿಶುದ್ಧಾತ್ಮನ ಬಲೊಡ್ದು ಬುಲೆವೊಂದು ಉಪ್ಪುಲೆಕ್ಕ ಸಹಾಯ ಮಲ್ಪಡ್.

ರೋಮಾಯೆರೆಗ್ 4:25

ದೇವೆರ್ ಆಯನ್ ನಮ ಅಪರಾಧೊಲೆಗಾದ್ ಮರಣೊಗು ಒಚ್ಚಿದ್ ಕೊರ್ದು ನಂಕ್ ನೀತಿವಂತೆರ್ ಇನ್ಪಿ ನಿರ್ಧಾರ ಉಂಡಾಪಿನೆಕ್ಕ್ ಜೀವೊಡು ಲಕ್ಕಾಯೆ.

ರೋಮಾಯೆರೆಗ್ 5:10

ನಮ ನಂಬುನೆಡ್ದ್ ದುಂಬು ದೇವೆರೆ ವೈರಿಲಾದಿತ್ತ. ಆಯನ ಮಗನ ಮರಣೊನು ನಂಬಿನೆಡ್ದ್ ನಮನ್ ಆಯಡೊಪ್ಪ ಸಂದಾನ ಮಲ್ತ್‌ದ್ ಸ್ನೇಹಿತೆರಾದ್‌ ಮಲ್ತೆ. ಇತ್ತೆ ದೇವೆರೆ ಸ್ನೇಹಿತೆರಾದುಪ್ಪುನ ಕ್ರಿಸ್ತನ ಜೀವನೊಡ್ದು ರಕ್ಷಣೆ ಪಡೆಯುನವು ಏತೋ ಸತ್ಯ ಆದುಂಡು.

ರೋಮಾಯೆರೆಗ್ 8:11

ಯೇಸುನು ಸೈತಿನಾಕುಲೆಡ್ದ್ ಜೀವೊಡು ಲಕ್ಕಾದಿನಾಯನ ಆತ್ಮ ನಿಕ್ಲೆಡ್ ಉಪ್ಪುನಾಂಡ, ಕ್ರಿಸ್ತ ಯೇಸುನು ಸೈತಿನಾಕುಲೆಡ್ದ್ ಲಕ್ಕಾಯಿನಾಯೆ ನಿಕ್ಲೆಡ್ ಉಪ್ಪು ತನ ಆತ್ಮಡ್ದ್ ನಿಕ್ಲೆ ಮರಣದ ಶರೀರೊನ್ಲಾ ಬದ್‌ಕಾವೆ.

ರೋಮಾಯೆರೆಗ್ 8:24

ನಮ ರಕ್ಷಣೆ ಪಡೆಯಿನಕುಲಾಂಡಲಾ ನನಲಾ ಕಾತೊಂದುಲ್ಲ. ಕಾತೊಂದುಪ್ಪುನವು ನಂಕ್ ತೋಜಿದ್ ಬತ್ತಿತ್ತ್ಂಡಾ ನನಲಾ ಕಾತೊಂದುಪ್ಪುನು ದಾಯೆಗ್? ಬತ್ತ್‌ತ್ತಿನೆನ್ ಕಾತೊಂದುಪ್ಪೆರೆ ಉಂಡಾ?

1 ಕೊರಿಂಥ್ಯೆರೆಗ್ 13:13

ಇತ್ತೆ ನಂಬಿಕೆ, ಭರವಸ, ಬೊಕ್ಕ ಪ್ರೀತಿ, ಉಂದು ಮೂಜಿ ಮಾತ್ರ ಒರಿಯುಂಡು. ಆಂಡ ಐಟ್ಟ್ ಮಾತೆಟ್ಟ್ ಮಲ್ಲವು ಪ್ರೀತಿಯೇ.

1 ಕೊರಿಂಥ್ಯೆರೆಗ್ 15:20

ಆಂಡ ಕ್ರಿಸ್ತೆ ನಿಜಾದ್‌ಲಾ ಜೀವ ಆದ್ ಲಕ್ಕ್‌ದ್ ಬೈದೆ ಪನ್ಪಿನವು ಸತ್ಯ. ಸೈತಿನಾಕುಲೆಡ್ ಲಕ್ಕ್‌ದ್ ಬತ್ತಿನೆಟ್ಟ್ ಕ್ರಿಸ್ತೆನೇ ಸುರುತ್ತ ಫಲ ಆಯೆ.

2 ಕೊರಿಂಥ್ಯೆರೆಗ್ 1:3

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದೇವೆರ್‌ಲಾ ಅಮ್ಮೆಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ ಆವಡ್; ಆಯೆ ಕನಿಕರ ಇತ್ತಿ ಅಮ್ಮೆ ಮಾತ ರೀತಿಡ್ ಆದರಿಪುನಾಯೆಲಾ ಆದುಲ್ಲೆ.

ಗಲಾತ್ಯೆರೆಗ್ 6:16

ಈ ಸೂತ್ರೊಗು ಸರಿಯಾದ್ ನಡಪುನಾಕುಲೆಗ್ ಮಾತೆರೆಗ್ಲಾ ಪಂಡ್ಂಡ, ನಿಜ ಇಸ್ರಾಯೇಲ್ಯೆರೆ ದೇವಜನೊಕುಲೆಗ್ ದಯಲಾ ಸಮಾಧಾನಲಾ ಉಪ್ಪಡ್.

ಎಫೆಸ್ಯೆರೆಗ್ 1:17

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ದೇವೆರ್ ಆದುಪ್ಪು ಮೈಮೆದ ಅಮ್ಮೆ, ನಿಕ್ಲೆಗ್ ತಿಳುವಳಿಕೆದ ಆತ್ಮೊನ್ಲಾ ಪ್ರಕಟನೆನ್ಲಾ ಕೊರ್ದು, ನಿಕುಲು ದೇವೆರೆ ಗೇನೊಡು ಬುಲೆವೊಡು ಅಂದ್‌ದ್ ಯಾನ್ ನಟ್ಟೊನ್ವೆ.

ಎಫೆಸ್ಯೆರೆಗ್ 1:3

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದೇವೆರ್‌ಲಾ, ಅಮ್ಮೆಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ. ನಮ ಕ್ರಿಸ್ತಡ್ ಒಂಜಾದುಪ್ಪುನೆಡ್ದಾದ್ ನಂಕ್ ಪರಲೋಕದ ಮಾತ ಆತ್ಮೀಕ ವರೊಲೆನ್ ಒದಗಾದ್ ಕೊರ್ತೆ.

ಎಫೆಸ್ಯೆರೆಗ್ 1:7

ಅಂಚಾಯಿನೆಡ್ದ್ ಆಯನ ನೆತ್ತೆರೆಡ್ದ್ ನಮ ಪಾಪೊಲು ಪರಿಹಾರ ಆದ್ ನಂಕ್ ಬುಡುಗಡೆ ಆಂಡ್. ಉಂದು ದೇವೆರೆನ ದಯತ ಐಶ್ವರ್ಯನೇ ಆದುಂಡು.

ಎಫೆಸ್ಯೆರೆಗ್ 2:4

ಆಂಡ ದೇವೆರ್ ಏತೋ ಕನಿಕರದಾಯೆ ಆದಿತ್ತ್‌ದ್ ನಮನ್ ಏತೋ ಹೆಚ್ಚಾದ್ ಪ್ರೀತಿ ಮಲ್ತ್‌ದೆ.

ಎಫೆಸ್ಯೆರೆಗ್ 3:20

ತನ ಬಲೊಡ್ದು ನಮಡ್ ಕೆಲಸ ನಡಪುಡ್ದು ನಮ ನಟ್ಟೊನುನೆಡ್ದ್‌ಲಾ, ವಿಚಾರ ಮಲ್ಪುನೆಡ್ದ್‌ಲಾ ಏತೋ ಹೆಚ್ಚಾದ್ ಮಾತೆನ್ಲಾ ಮಲ್ಪೆರೆ ಸಾಮರ್ಥ್ಯ ಇತ್ತಿ ದೇವೆರೆಗ್, ಸಭೆಟ್ಲಾ ಕ್ರಿಸ್ತ ಯೇಸುಡ್ಲಾ ಮಾತ ಸಂತಾನೊಗು ಏನಿತ್ಯೇನಿಗ್ಲಾ ಮೈಮೆ ಆವಡ್. ಆಮೆನ್.

ಕೊಲೊಸ್ಸಿಯೆರೆಗ್ 1:23

ಆಂಡ ನಿಕುಲು ಬಾನದ ತಿರ್ತ್ ಉಪ್ಪು ಮಾತ ಸೃಷ್ಟಿಗ್ ಸಾರಿನ ಸುವಾರ್ತೆಡ್ದ್ ಉಂಡಾಯಿನ ಭರವಸೆನ್ ಬುಡ್ದು ಪೋವಂದೆ ಪಾಡ್ದಿ ಪಂಚಾಂಗದ ಮಿತ್ತ್ ಸ್ಥಿರಾದಿತ್ತ್‌ದ್ ನಂಬಿಕೆಡ್ ನಿಲೆ ಆದಿತ್ತರ್ಡ ಆ ಸ್ಥಾನ ನಿಕ್ಲೆಗ್ ಒದಗ್‌ದ್ ಬರ್ಪುಂಡು. ಪೌಲು ಇನ್ಪಿ ಯಾನ್ ಸುವಾರ್ತೆದ ಸೇವಕೆ ಆದುಲ್ಲೆ.

ಕೊಲೊಸ್ಸಿಯೆರೆಗ್ 1:27

ದಾಯೆಗಂದ್ಂಡ ಕ್ರಿಸ್ತನ ಮೈಮೆಲಾ ಐಶ್ವರ್ಯಲಾ ಪಿದಯಿದ ಜನೊಕುಲೆಗ್ಲಾ ಉಂಡು ಇನ್ಪಿನೆನ್ ಅಕುಲುಲಾ ತೆರಿಯೊನೊಡು ಅಂದ್‌ದ್ ದೇವೆರ್ ಬಯಕಿಯೆ. ಈ ಮರ್ಮ ದಾನೆಂದ್ಂಡ ಕ್ರಿಸ್ತೆ ನಿಕ್ಲೆಡೊಪ್ಪ ಇತ್ತ್‌ದ್ ಮೈಮೆದ ನಿರೀಕ್ಷೆಗ್ ಉಪ್ಪುನವೇ.

1 ಥೆಸಲೋನಿಕೆರೆಗ್‌ 4:13

ಸಹೋದ್ರೆರೇ ನಿಕುಲು ಈ ಸತ್ಯೊನು ತೆರಿಯೊನೊಡು, ಸೈತ್ ಪೋತಿನಾಕುಲೆನ ಸಂಗತಿಡ್ ಭರವಸೆದಾಂತಿ ಜನೊಕುಲೆ ಲೆಕ್ಕ ದುಃಖ ಮಲ್ಪೊಡ್ಚಿ.

2 ಥೆಸಲೋನಿಕೆರೆಗ್‌ 2:16

ನಮ ಅಮ್ಮೆ ಆದುಪ್ಪು ದೇವೆರ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆಲಾ ನಮನ್ ಮಸ್ತ್ ಪ್ರೀತಿ ಮಲ್ತ್‌ದ್ ದಯೊಟು ನಂಕ್ ನಿತ್ಯದ ಆಧಾರಣೆನ್ಲಾ, ಎಡ್ಡೆ ನಿರೀಕ್ಷೆನ್ಲಾ ಕೊರ್ದು

1 ತಿಮೋಥಿ 1:14

ನಮ ಕರ್ತವನ ದಯ ಹೆಚ್ಚಾಯಿನೆಡ್ದ್, ಕ್ರಿಸ್ತ ಯೇಸುಡ್ದು ಬರ್ಪಿನ ನಂಬಿಕೆಲಾ ಪ್ರೀತಿಲಾ ಎನಡ ಏತೋ ಹೆಚ್ಚಾಂಡ್.

ಇಬ್ರಿಯೆರೆಗ್ 3:6

ಆಂಡ ಕ್ರಿಸ್ತೆ ಮಗೆ ಆದ್ ದೇವೆರೆನ ಇಲ್ಲದ ಮಿತ್ತ್ ಅಧಿಕಾರಿ ಆದುಲ್ಲೆ. ನಮ, ನಮ್ಮ ಧೈರ್ಯೊನ್ಲಾ ನಮ ನಂಬಿಕೆಡ್ದ್ ಉಂಡಾಪಿ ಭರವಸೊನ್ಲಾ ಕಡೇ ಮುಟ್ಟ ಗಟ್ಟಿಯಾದ್ ಪತ್ತೊಂಡಿನಕುಲಾಂಡ ನಮನೇ ದೇವೆರೆ ಇಲ್ಲದಾಕುಲು.

ಯಾಕೋಬು 1:18

ತನ ಸತ್ಯ ಪಾತೆರೊನು ನಂಕ್ ಕೊರ್ದು ನಮನ್ ಪುಟ್ಟಾಯಿನೆಡ್ದ್ ನಮ ಆಯನ ಮಾತ ಸೃಷ್ಟಿಡ್ಲಾ ಆಯಗ್ ಸುರುತ್ತ ಫಲ ಆದುಲ್ಲ.

1 ಪೇತ್ರೆ 1:13

ಅಂಚಾಯಿನೆಡ್ದ್ ನಿಕುಲು ನಿಕ್ಲೆ ಉಡಲ್‌ನ್ ಸೇವೆಗಾದ್ ತಯಾರ್ ಮಲ್ಪುಲೆ, ಸ್ವಸ್ಥಚಿತ್ತೊಡುಪ್ಪುಲೆ. ಯೇಸು ಕ್ರಿಸ್ತೆ ಕುಡೊರ ಬನ್ನಗ ನಿಕ್ಲೆಗ್ ತಿಕ್ಕುನ ದಯತ ಮಿತ್ತ್ ನಿರೀಕ್ಷೆನ್ ದೀಲೆ.

1 ಪೇತ್ರೆ 1:21

ನಿಕುಲು ಯೇಸು ಕ್ರಿಸ್ತಡ್ದ್ ದೇವೆರೆನ್ ನಂಬುನಾಕುಲು ಆಯರ್. ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯಿನೆಡ್ದ್ ದೇವೆರೆಗ್ ಮೈಮೆ ಆಂಡ್, ಐಡ್ದಾವರ ನಿಕ್ಲೆ ನಂಬಿಕೆಲಾ ನಿರೀಕ್ಷೆಲಾ ದೇವೆರೆ ಮಿತ್ತ್ ನಿಲೆ ಆದುಪ್ಪುಂಡು.

1 ಪೇತ್ರೆ 1:23

ದಾಯೆಗಂದ್ಂಡ ನಿಕುಲು ಪೊಸತ್ತಾದ್ ಕುಡ ಪುಟುದರ್. ಆ ಜೀವ ನಾಶಾದ್ ಪೋಪಿ ಬಿತ್ತ್‌ಡ್ದ್ ಅತ್ತ್, ಆಂಡ ಏನಿತ್ಯೇನಿಗ್ಲಾ ಜೀವ ಇತ್ತಿ ದೇವೆರೆ ಪಾತೆರೊಡ್ದು ಉಂಡಾಯಿನವು.

1 ಪೇತ್ರೆ 2:2

ಪುರುಬಾಲೆಲೆ ಲೆಕ್ಕ ನಿಕುಲು ದೇವೆರೆ ವಾಕ್ಯ ಪನ್ಪಿ ಶುದ್ಧವಾಯಿನ ಆತ್ಮೀಕ ಪೇರ್‌ನ್ ಬಯಕ್ಲೆ. ಐಟ್ಟ್ ಬಲ ಪಡೆದ್ ರಕ್ಷಣೆನ್ ಪಡೆವರ್.

1 ಪೇತ್ರೆ 3:15

ಗಡಿಬಿಡಿ ಆವಡೆ; ಆಂಡ ಕ್ರಿಸ್ತನ್ ನಿಕ್ಲೆ ಉಡಲ್‌ಲೆಡ್ ಪರಿಶುದ್ಧ ಕರ್ತವೆ ಅಂದ್‌ದ್ ದೀವೊನ್ಲೆ. ನಿಕ್ಲೆಡುಪ್ಪುನ ಕ್ರಿಸ್ತನ ನಿರೀಕ್ಷೆಗ್ ಎಂಚಿನ ಆಧಾರ ಅಂದ್‌ದ್ ಕೇನುನಾಕುಲೆಗ್ ಉತ್ತರ ಕೊರಿಯೆರೆ ಏಪಲಾ ತಯಾರಾದುಪ್ಪುಲೆ. ಆಂಡ ಅವೆನ್ ತಾಳ್ಮೆಡ್ಲಾ ಮರ್ಯಾದಿಡ್ಲಾ ಪನ್ಲೆ.

1 ಪೇತ್ರೆ 3:21

ಅವ್ವೇ ನೀರ್ ಇತ್ತೆ ನಿಕ್ಲೆನ್ ರಕ್ಷಣೆ ಮಲ್ಪುನ ದೀಕ್ಷಾಸ್ನಾನದ ಚಿನ್ನೆ ಆದುಂಡು. ದೀಕ್ಷಾಸ್ನಾನ ಶರೀರದ ಕುರೆ ದೆಪ್ಪುನವು ಅತ್ತ್; ಅವು ಶುದ್ಧ ಮನಸಾಕ್ಷಿಡ್ ದೇವೆರೆಗ್ ಮಲ್ಪುನ ವಾಗ್ದಾನ ಆದುಂಡು. ಯೇಸು ಕ್ರಿಸ್ತೆ ಪುನರುತ್ಥಾನ ಆದುಪ್ಪುನೆಡ್ದ್ ಎಂಕ್ಲೆಗ್ ರಕ್ಷಣೆ ಕೊರಿಯೆ.

1 ಪೇತ್ರೆ 3:5

ನಿಕ್ಲೆ ಉಡಲ್‌ದ ಉಲಯಿ ಉಪ್ಪುನ ನಾಶಾವಂದಿ ಸಜ್ಜನಿಗೆ ಬೊಕ್ಕ ಶಾಂತದ ಆತ್ಮ ನಿಕ್ಲೆನ ಅಲಂಕಾರ ಆದುಪ್ಪಡ್, ಅವು ದೇವೆರೆ ದೃಷ್ಟಿಡ್ ಬಾರಿ ಬಿಲೆತವು ಆದುಂಡು. ಇಂಚೆನೆ ಪೂರ್ವಕಾಲೊಡು ದೇವೆರೆ ಮಿತ್ತ್ ನಿರೀಕ್ಷೆ ದೀತಿ ಭಕ್ತೆರಾದುಪ್ಪು ಪೊಂಜೊವುಲು ಇಂಚೆನೆ ತನ್ಕುಲೆನ್ ಅಲಂಕಾರ ಮಲ್ತೊಂಡೆರ್. ಅಕುಲು ತನ್ಕ್‌ಲೆ ಕಂಡನಿಯಾಡ್ಲೆಗ್ ಒಳಗಾದಿತ್ತೆರ್.

1 ಯೋಹಾನೆ 2:29

ಕ್ರಿಸ್ತನ್ ನೀತಿವಂತೆ ಅಂದ್‌ದ್ ನಿಕುಲು ತೆರಿದುಲ್ಲರ್ಡ ನೀತಿಡ್ ನಡಪುನಾಯೆ ಪ್ರತಿ ಒರಿಲಾ ದೇವೆರೆಡ್ದ್ ಪುಟ್ಟಿನಾಯೆ ಅಂದ್‌ದ್ ನಿಕ್ಲೆಗ್ ತೆರಿಯುಂಡು.

1 ಯೋಹಾನೆ 3:3

ಆಯ ಮಿತ್ತ್ ಈ ನಿರೀಕ್ಷೆ ದೀತಿನ ಪ್ರತಿ ಒರಿಲಾ ಕ್ರಿಸ್ತೆ ಶುದ್ಧ ಆದುಪ್ಪುಲೆಕ್ಕನೇ ತನನ್ ತಾನೇ ಶುದ್ಧ ಮಲ್ತೊನ್ವೆ.

1 ಯೋಹಾನೆ 3:9

ದೇವೆರೆಡ್ದ್ ಪುಟ್ಟಿನಾಯೆ ಏರ್ಲಾ ಪಾಪ ಮಲ್ಪುಜೆ, ದಾಯೆಗಂದ್ಂಡ ದೇವೆರೆ ಸ್ವಭಾವ ಆಯಡ ಉಂಡು. ಆಯೆ ದೇವೆರೆಡ್ದ್ ಪುಟ್ಟಿನಾಯೆ ಆದುಪ್ಪುನೆಡ್ದ್ ಪಾಪ ಮಲ್ತೊಂದುಪ್ಪುಜೆ.

1 ಯೋಹಾನೆ 4:7

ಪ್ರೀತಿದಾಕುಲೇ, ನಮ ಒರಿಯನ್ ಒರಿ ಪ್ರೀತಿ ಮಲ್ಪಗ; ದಾಯೆಗಂದ್ಂಡ ಪ್ರೀತಿ ದೇವೆರೆಡ್ದ್ ಉಂಡಾಯಿನವು. ಪ್ರೀತಿ ಮಲ್ಪುನ ಪ್ರತಿ ಒರಿಲಾ ದೇವೆರೆಡ್ದ್ ಪುಟ್ಟಿನಾಯೆ ದೇವೆರೆನ್ ತೆರಿದಿನಾಯೆ ಆದುಲ್ಲೆ.

1 ಯೋಹಾನೆ 5:1

ಯೇಸುನು ಕ್ರಿಸ್ತೆ ಅಂದ್‌ದ್ ನಂಬುನ ಪ್ರತಿ ಒರಿಲಾ ದೇವೆರೆಡ್ದ್ ಪುಟ್ಟಿನಾಯೆ ಆದುಪ್ಪುವೆ. ಬೊಕ್ಕ ಏರ್ ಪುಟ್ಟಾಯಿನ ಅಮ್ಮೆ ಆದುಪ್ಪು ದೇವೆರೆನ್ ಪ್ರೀತಿ ಮಲ್ಪುವೆನಾ, ಆಯೆ ದೇವೆರೆನ ಜೋಕುಲೆನ್ಲಾ ಪ್ರೀತಿ ಮಲ್ಪುವೆ.

1 ಯೋಹಾನೆ 5:18

ದೇವೆರೆಡ್ದ್ ಪುಟ್ಟಿನಾಯೆ ಏರ್ಲಾ ಪಾಪ ಮಲ್ಪುಜೆ ಅಂದ್‌ದ್ ನಂಕ್ ಗೊತ್ತುಂಡು. ದಾಯೆಗಂದ್ಂಡ ದೇವೆರೆಡ್ದ್ ಪುಟ್ಟಿನಾಯೆ ತನನ್ ಕಾತೊನ್ವೆ, ಪಡಿಕೆಂತಿನಾಯೆ ಆಯನ್ ಮುಟ್ಟುಜೆ.

1 ಯೋಹಾನೆ 5:4

ದಾಯೆಗಂದ್ಂಡ ದೇವೆರೆಡ್ದ್ ಪುಟ್ಟಿನಾಯೆ ಪ್ರತಿ ಒರಿಲಾ ಈ ಲೋಕೊನು ಜೈಸಿನಾಯೆನೇ. ಬೊಕ್ಕ ಲೋಕೊನು ಜೈಸಿನ ಜಯ ನಮ ನಂಬಿಕೆನೇ.