1 ಪೇತ್ರೆ 1:1 - ಪೊಸ ಒಡಂಬಡಿಕೆ

^1-2 ಯೇಸು ಕ್ರಿಸ್ತನ ಅಪೊಸ್ತಲೆ ಆಯಿ ಪೇತ್ರೆ, ಪೊಂತು, ಗಲಾತ್ಯ, ಕಪ್ಪದೋಕ್ಯ, ಆಸ್ಯ, ಬಿಥೂನ್ಯ ಈ ಪ್ರದೇಶೊಲೆಡ್ ಚದರಾದುಪ್ಪು ಪ್ರವಾಸಿಲಾಯಿ ದೇವಜನೊಕುಲೆಗ್ ಬರೆಪಿನ ಕಾಕಜಿ. ಅಮ್ಮೆ ಆದುಪ್ಪು ದೇವೆರೆಗ್ ದುಂಬೆ ಗೊತ್ತು ಇತ್ತ್‌ದ್ ನಿಕ್ಲೆನ್ ಅಜತ್‌ದ್ ದೆತ್ತೊಂಡೆ. ಬೊಕ್ಕ ಆಯನ ಪರಿಶುದ್ಧಾತ್ಮ ನಿಕ್ಲೆನ್ ಪರಿಶುದ್ಧ ಮಲ್ತಿನೆಡ್ದ್ ನಿಕುಲು ಯೇಸು ಕ್ರಿಸ್ತಗ್ ವಿಧೇಯರಾಯರ್ ಬೊಕ್ಕ ಆಯನ ನೆತ್ತೆರ್‌ಡ್ದ್ ನಿಕುಲು ತಲಿತಿದಿನಾಕುಲು ಆದ್ ಶುದ್ಧ ಆಯರ್. ನಿಕ್ಲೆಗ್ ದಯಲಾ ಸಮಾಧಾನಲಾ ಹೆಚ್ಚೆಚ್ಚಾದ್ ತಿಕ್ಕಡ್.

1 ಪೇತ್ರೆ 1:1 Iomraidhean Croise

ಮತ್ತಾಯೆ 10:2

ಆಯೆ ಕಡಪುಡ್ದು ಕೊರಿನ ಪದ್ರಾಡ್ ಅಪೊಸ್ತಲರೆನ ಪುದರ್ ಉಂದೇ, ಸುರುತ್ತಾಯೆ ಪೇತ್ರೆ ಪನ್ಪಿ ಸೀಮೋನೆ, ಆಯನ ಮೆಗ್ಯೆ ಅಂದ್ರೆಯೆ, ಜೆಬೆದಾಯನ ಮಗೆ ಯಾಕೋಬೆ, ಆಯನ ಮೆಗ್ಯೆ ಯೋಹಾನೆ,

ಮತ್ತಾಯೆ 24:22

ಕರ್ತವೆ ಆ ದಿನೊಕುಲೆನ್ ಕಡಿಮೆ ಮಲ್ತ್‌ಜೆಡ ಒಂಜಿ ನರಪ್ರಾಣಿಲಾ ಬದ್‌ಕಂದ್. ಆಂಡ ತಾನ್ ಅಜತ್ ದೆತ್ತೊಂಡಿನಾಕುಲೆಗಾದ್ ಆ ದಿನೊಕುಲೆನ್ ಕಡಿಮೆ ಮಲ್ಪುವೆ.

ಮತ್ತಾಯೆ 4:18

ಯೇಸು ಗಲಿಲಾಯ ಕಡಲ್ದ ಬರಿಟ್ಟ್ ನಡಪುನಗ, ಪೇತ್ರೆ ಪನ್ಪಿ ಸೀಮೋನೆ ಬೊಕ್ಕ ಆಯನ ಮೆಗ್ಯೆ ಅಂದ್ರೆಯೆ, ಮೆಗ್ಯೆಪಲಯಾಡ್ಲು ಬಲೆ ಬೀಪುನೆನ್ ತೂಯೆ. ಅಕುಲು ಮೀನ್ ಪತ್ತುನಾಕುಲು.

ಲೂಕೆ 18:7

ದೇವೆರೆನ್ ಅಜತೊಂಡಿನಾಕುಲು ರಾತ್ರೆ ಪಗೆಲ್ ಮುರೆಡ್ನಗ ಆಯೆ ಅಕ್ಲೆ ಸಂಗತಿಡ್ ತಡ ಮಲ್ತ್ಂಡಲಾ ಅಕ್ಲೆ ನ್ಯಾಯೊನು ತೀರ್ಪಂದೆ ಉಪ್ಪೆನಾ?

ಯೋಹಾನೆ 7:35

ಐಕ್ ಯೆಹೂದ್ಯೆರ್, “ಉಂಬೆ ನಂಕ್ ತಿಕ್ಕಂದಿಲೆಕ್ಕ ಒಡೆಗ್ ಪೋವೊಡು ಪಂಡ್‌ದುಲ್ಲೆ? ಗ್ರೀಕೆರೆ ಉಲಯಿ ಪರಡ್ದ್ ಪೋತಿ ನಮ್ಮಕುಲೆನ ಕೈತಲ್ ಪೋದು, ಗ್ರೀಕೆರೆಗ್ ಬೋಧನೆ ಮಲ್ಪೊಡುಂದುಲ್ಲೆನಾ?

ಅಪೊ.ಕ್ರಿ 18:2

ಪೊಂತುಡು ಪುಟ್ಟುದಿನ ಅಕ್ವಿಲ ಪನ್ಪಿ ಒರಿ ಯೆಹೂದ್ಯನ್ ಅಲ್ಪ ತೂಯೆ. ಯೆಹೂದ್ಯೆರ್ ಮಾತೆರ್ಲಾ ರೋಮುನು ಬುಡ್ದು ಪೋವೊಡು ಅಂದ್‌ದ್ ಕ್ಲೌದಿಯೆ ಚಕ್ರವರ್ತಿ ಅಪ್ಪಣೆ ಕೊರಿನ ಕಾರಣ ಅಕ್ವಿಲೆಲಾ ಆಯನ ಬೊಡೆದಿ ಪ್ರಿಸ್ಕಿಲಲಾ ಒಂತೆ ದಿನೊಡ್ದು ದುಂಬು ಇತಾಲ್ಯಡ್ದ್ ಅಡೆಗ್ ಬತ್ತಿತ್ತೆರ್. ಪೌಲು ಅಕ್ವಿಲ ಬೊಕ್ಕ ಪ್ರಿಸ್ಕಿಲನ್ ತಿಕ್ಕರೆ ಪೋಯೆ.

ಅಪೊ.ಕ್ರಿ 18:23

ಪೌಲು ಅಂತಿಯೋಕ್ಯಡ್ ಒಂತೆ ಸಮಯ ಇತ್ತ್‌ದ್ ಗಲಾತ್ಯ ದೇಶೊಡ್ಲಾ ಫ್ರುಗ್ಯಡ್ಲಾ ಪ್ರಯಾಣ ಮಲ್ತೊಂದು ಶಿಷ್ಯೆರೆನ್ ಬಲ ಪಡೆಪಾಯೆ.

ಅಪೊ.ಕ್ರಿ 19:10

ಉಂದು ರಡ್ಡ್ ವರ್ಸ ನಡತಿನೆಡ್ದ್ ಆಸ್ಯ ದೇಶೊಡು ಇತ್ತಿನ ಯೆಹೂದ್ಯೆರ್‌ಲಾ ಗ್ರೀಕೆರ್‌ಲಾ ಮಾತೆರ್ಲಾ ಕರ್ತವ ಪಾತೆರೊನು ಕೇಂಡೆರ್.

ಅಪೊ.ಕ್ರಿ 6:9

ಆಂಡ ಲಿಬೆರ್ತೀನೆರ್, ಪನ್ಪಿನಾಕುಲೆನ ಸಭೆಕ್ ಸೇರ್ದಿನ ಕುರೇನ್ಯೆರ್, ಅಲೆಕ್ಸಾಂದ್ರೆಯೆರ್ ಕಿಲಿಕ್ಯ ಬೊಕ್ಕ ಆಸ್ಯ ಪ್ರದೇಶೊಡ್ದು ಬೈದಿನ ಕೆಲೆವೆರ್ ಸ್ತೇಫನಡ ತರ್ಕ ಮಲ್ತೆರ್.

ಅಪೊ.ಕ್ರಿ 8:4

ಪರಡ್ದ್ ಪೋಯಿನಾಕುಲು ಅಲ್ಪಲ್ಪ ಪೋದು ಯೇಸುನ ಸುವಾರ್ತೆನ್ ಸಾರೊಂದಿತ್ತೆರ್.

1 ಕೊರಿಂಥ್ಯೆರೆಗ್ 16:19

ಆಸ್ಯ ಸೀಮೆದ ಸಭೆತಾಕುಲು ನಿಕ್ಲೆಗ್ ವಂದನೆ ತೆರಿಪಾವೆರ್. ಅಕ್ವಿಲೆಲಾ ಪ್ರಿಸ್ಕಿಲಲಾ ತನ್ಕುಲೆ ಇಲ್ಲಡ್ ಕೂಡ್ದು ಬರ್ಪಿ ಸಭೆತಾಕುಲೆಡೊಪ್ಪ ಕರ್ತವಡ್ ನಿಕ್ಲೆನ್ ಮಸ್ತ್ ವಂದಿಪುವೆರ್.

2 ಕೊರಿಂಥ್ಯೆರೆಗ್ 1:8

ಸಹೋದ್ರೆರೇ, ಆಸ್ಯ ಸೀಮೆಡ್ ಎಂಕ್ಲೆಗಾಯಿ ಭಂಗದ ಸಂಗತಿಡ್ ನಿಕ್ಲೆಗ್ ತೆರಿದುಪ್ಪಡ್ ಅಂದ್‌ದ್ ಎಂಕುಲು ಬಯಕುವ. ಎಂಕುಲು ಬದ್‌ಕ ಇನ್ಪಿ ಆಸೆದಾಂತಿನಾತ್ ಬಲ ಮೀರು ಭಂಗೊಲೆನ್ ಅನುಭವ ಮಲ್ತ್‌ದ್ ಕುಂದುದು ಪೋಯ.

ಎಫೆಸ್ಯೆರೆಗ್ 2:12

ಆ ದಿನೊಕುಲೆಡ್ ನಿಕುಲು ಕ್ರಿಸ್ತಡ್ ದೂರ ಆದಿತ್ತರ್. ನಿಕುಲು ಇಸ್ರಾಯೇಲ್ಯೆರೆ ಹಕ್ಕ್‌ಡ್ ಪಾಲ್‌ದಾಂತಿನಾಕುಲುಲಾ ದೇವೆರ್ ಅಕ್ಲೆಡೊಪ್ಪ ಮಲ್ತ್‌ದಿನ ಒಡಂಬಡಿಕೆದ ವಾಗ್ದಾನೊಡು ಪಿದಯಿದಾಕುಲುಲಾ ಆದಿತ್ತರ್. ಈ ಲೋಕೊಡು ದೇವೆರ್‌ದಾಂತೆಲಾ ನಿರೀಕ್ಷೆದಾಂತೆಲಾ ಆದಿತ್ತರ್ ಅಂದ್‌ದ್ ನೆನೆಪು ಮಲ್ತೊನ್ಲೆ.

ಎಫೆಸ್ಯೆರೆಗ್ 2:19

ಅಂಚಾದ್ ನಿಕುಲು ನನ ದುಂಬು ಪರದೇಶಿಲುಲಾ ಪಿದಯಿದ ಜನೊಕುಲುಲಾ ಆದುಪ್ಪಂದೆ ದೇವಜನೊಕುಲೆ ಒಟ್ಟುಗು ಒಂಜೇ ಊರುದಾಕುಲುಲಾ ದೇವೆರೆ ಇಲ್ಲದಾಕುಲುಲಾ ಆದುಲ್ಲರ್.

2 ತಿಮೋಥಿ 1:15

ಆಸ್ಯ ಸೀಮೆದ ಮಾತೆರ್ಲಾ ಎನನ್ ಕೈ ಬುಡಿಯೆರಂದ್‌ದ್ ಈ ತೆರಿದ. ಐಟ್ಟ್ ಫುಗೇಲೆಲಾ ಹೆರ್ಮೊಗೇನೆಲಾ ಸೇರ್ದೆರ್.

ಇಬ್ರಿಯೆರೆಗ್ 11:13

ಮೊಕುಲು ಮಾತೆರ್ಲಾ ವಾಗ್ದಾನದ ಫಲೊಕ್ಲೆನ್ ಪಡೆವಂದೆ ಐಕ್ಲೆನ್ ದೂರೊಡ್ದು ತೂದು ಸಂತೋಷೊಡು ಸೊಲ್ಮೆ ಸಂದಾದ್ ನಂಬಿಕೆ ಇತ್ತಿನಕುಲಾದ್ ಸೈತ್ ಪೋಯೆರ್. ತನ್ಕುಲು ಭೂಮಿದ ಮಿತ್ತ್ ಪರದೇಶಿದಾಕುಲುಲಾ ಪ್ರವಾಸಿಲುಲಾ ಆದುಲ್ಲ ಅಂದ್‌ದ್ ಒಪ್ಪಿಯೊಂಡೆರ್.

ಯಾಕೋಬು 1:1

ದೇವೆರೆಗ್ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಗ್ಲಾ ದಾಸೆ ಆದುಪ್ಪು ಯಾಕೋಬು ಬೇತೆ ದೇಶೊಲೆಡ್ ಪರಡ್ದ್ ಉಪ್ಪುನ ಇಸ್ರಾಯೇಲ್‌ದ ಪದ್ರಾಡ್ ಗೋತ್ರೊಲೆಗ್ ಬರೆಪಿನಿ. ನಿಕ್ಲೆಗ್ ಎಡ್ಡೆ ಆವಡ್.

1 ಪೇತ್ರೆ 2:11

ಪ್ರೀತಿದಾಕುಲೇ, ನಿಕುಲು ಈ ಲೋಕದ ಪ್ರಯಾಣಿಕೆರ್‌ಲಾ ಪರದೇಶಿಲುಲಾ ಆದುಪ್ಪುನೆಡ್ದ್ ಆತ್ಮೊಗು ವಿರೋಧ ಆಪಿನ ಶರೀರದ ದುರಾಶೆಲೆಡ್ದ್ ದೂರ ಆದುಪ್ಪುಲೆ ಅಂದ್‌ದ್ ನಿಕ್ಲೆಡ ನಟ್ಟೊನ್ವೆ.

2 ಪೇತ್ರೆ 1:1

ಯೇಸು ಕ್ರಿಸ್ತನ ದಾಸೆಲಾ ಅಪೊಸ್ತಲೆಲಾ ಆದುಪ್ಪು ಸಿಮೆಯೋನು ಪೇತ್ರೆ, ನಮ ದೇವೆರೆನ ಬೊಕ್ಕ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತನ ನೀತಿಡ್ದ್ ನಂಕುಪ್ಪು ದಿಂಜ ಬಿಲೆತ ನಂಬಿಕೆದಾಕುಲೆಗ್ ಬರೆಪಿನಿ ದಾನೆಂದ್ಂಡ, ದೇವೆರೆನವುಲಾ ನಮ ಕರ್ತವೆ ಆದುಪ್ಪು ಯೇಸುನವುಲಾ ಗೇನೊಡ್ದು ನಿಕ್ಲೆಗ್ ದಯಲಾ ಸಮಾಧಾನಲಾ ಹೆಚ್ಚೆಚ್ಚಾದ್ ತಿಕ್ಕಡ್.

ಪ್ರಕಟಣೆ 1:11

ಅವು, “ಈ ತೂಪಿನೆನ್ ಪುಸ್ತಕೊಡು ಬರೆದ್ ಅವೆನ್ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯಾ ಬೊಕ್ಕ ಲವೊದಿಕೀಯ ಪನ್ಪಿ ಏಳ್‌ ಪಟ್ಟಣದ ಸಭೆಲೆಗ್ ಕಡಪುಡ್ಲ,” ಅಂದ್‌ದ್ ಪಂಡ್ಂಡ್.