METHIU 7:7 - Akthar Trongirhna (BSI)

⁷ “Nihve, nanimlantu, jonve nanimtuuktu, che sunve nanimhoongtu.

METHIU 7:7 Iomraidhean Croise

METHIU 18:19

Veikhatlakho nankuungah kisonchou, mah chuvah nannih in jangmekhat thaleichunga mii innih in inja a ngenchoule, ringramma am Pa in ankuunga am veitu.

METHIU 21:22

Che nannih in malot a nanngen anaamte nannih in nanphahtu.”

METHIU 6:33

Chuta nannih in matsahremma ringram kurung huunna leh amahvaa akchimlamsehta jonmaanve che mah poot anaamte i nanidaaktu.

METHIU 7:11

Mahchunanga akthranoh apavei choulakho naoningvah akthra kutthol malanta romchoule ringramma am nanpa in aknimii kuunga jikcha ralthloia akthra pootchei nanimlan ume:

METHIU 7:8

Alamva, aknih mii in anphah, akjon miikhan antuuk, che inkhaar akbeengmii khata amhoongtu.

MARK 11:24

Churella keiin nankuunga kisonchou, nannih in bilam ngenna nihchoule, mahchu kphahpeita malotve; che mahchu nanta veitu.

LUKE 13:25

Innpuin inthloua innkhaar akhaarche nannih in apaalla ngirra inkhaarta chumma nantihtu ‘Akpu, innkhaar kanimhoongro,’ amah in nanimsangtu, ‘Ramnata thlengchoume keiin naniromnoh ang.’

LUKE 18:1

Anmah in lai amrel anngennatu mahche anril inlengnoh natu ta ankuunga pandam khat malanna asonei.

JOHN 15:16

Nannih in keita keichar nohchou, chuta keiin nannihta kcharpeichou mahche thlou kithun peichou chunna nannih in seh a akrah nanrahnatu che akrah in nannihsoh amjounatu; chunna bilam Pa kuunga keiminga nichoule, mahchu amah in nankuunga nanimlantu.

JOHN 15:7

Nannih inta keininga amchoule, che kei kitrongta nankuunga amle, nannih in nannihja nihve, che mahchu nankuunga veitu.

JOHN 4:10

Jisu in amahkuunga amsang, “Nanginta Ringpu vaa akutthol mahche ‘Tuii ki iinnatu kamlanro’ ta nikuunga tuii naknih i tumeta romchele, nangindom amahkuunga tuii nih a amah in nangkuunga akring tuii nikpek uta.”

ROME 2:7

tukhat in soot douchek a akthra thloutloh in paarthra, injah mahche kthi amnohluungta ajon:

ROME 3:11

akromchek mii tukhatkho amnoh, Ringpu ta akjon mii tukhatkho amnoh.

HIBRU 11:6

Che malot injaonoh avah amahta mapelva veinoh tupothlou. Alamva Ringpu ninga annai mii in amahta amilot che amahta akjon mii eita amah in khaan amlan.

JEMS 5:15

malot a ngenva aknakhata akaltu, che Akpu in amahta amthrattu amah inta alehthlou tlohle amahta Akpu in a iptu.

1 JOHN 3:22

che inih in ingennaamte amahkuungnata iphahkir, alamva amah trongthuun eita inih in ingaak amahta mapelnatu itloh.