METHIU 7:21 - Akthar Trongirhna (BSI)

²¹ “Keininga ‘Akpu, Akpu’ keiong mii naamte in ringram kurung huunna ah luutnoh uchou, chuta ringramma am kipa in amdon aktloh miiruin luut uning.

METHIU 7:21 Iomraidhean Croise

METHIU 12:50

Alamva tungangkhat in ringramma am Pa in amdon aktloh miikha kei kinao, kisar mahche kinusei.”

METHIU 16:17

Jisu in akuunga amsang, “Simon Bar Jona! Doiphahkha nangche, alamva ruung leh thii in nangta nakphoongnoh, chuta ringramma am Pa in nangta nakphoongpei.

METHIU 18:10

“Cheksilve, mah chuvah andih naoei ankaar nata nannih in usitnoh tlohnohve tih i romve; alamva keiin nannihta kisonchou, mah chuvah ringramma anmah ringroi in lai amrel ringram a am Pa vaa amaita muh a ammei.

METHIU 18:19

Veikhatlakho nankuungah kisonchou, mah chuvah nannih in jangmekhat thaleichunga mii innih in inja a ngenchoule, ringramma am Pa in ankuunga am veitu.

METHIU 18:3

che asonei, “Keiin nankuungah tak a kitihchou, nannih in nao nanga inlenga nanveinohmiil, nannih in ringram kurung huunna ah luut janohluung uchou.

METHIU 18:35

Chunna nannih in nan uh nannaota ril luut a ipnoh choule, ringramna Pa inkho mah khananga nanitlohtu.”

METHIU 19:24

Che veikhatlakho kisonchou, akdoon mii khat in ringram kurung huunna ah luutchunga vaksa inkhat in kukthrimpo ah luut in aklai.”

METHIU 25:10

Che aklei ansehnua, changrikha thlengsa, thlouraang akcheva amahsoh inruuia changvaangbuh doonna ah luutsei, che innkho ankhaarpei.

METHIU 25:21

Amah Akpu in akuungah ason, ‘thra nitlohpei, akthra khatkho malot aja roijuih; nangva thlou andih a malot aja taningcheva, nangta thlou akliinna kampuih uche; nang akpu vaa aroomthokna a luutrosa.’

METHIU 26:39

Che amaatonga ste avache akhuptlop a intolh a angenpei, “Pa o mah i vei ajaleva kei kuungnata kuchai i keilourosa; chuta keiin kimdon veinoh a, nangin nimdon veiso.”

METHIU 26:42

Khatla veinih tihpitu veia seh a angenla, “Pa o, keiin mah kuchainata iinnoh angkleva, mah i ralcheknohtung, nangin nimdon veiso.”

MARK 3:35

Tunangkhat Ringpu amdon aktloh miikha kei kinao, kisar mahche kinusei.”

MARK 9:47

Che nang nimit in nangta aleh a namthlakleva, mahkha kholro; nimit innih inruuia repnang nitlakngutva nimit khalekru a Ringpu vaa kurung huunna niluut in raalla nangtu thratu.

LUKE 11:28

Chuta Jisu in ason, “Ringpu trongta rungaia mahchuta amjuih aksih miikha doiphah veisa.”

LUKE 13:25

Innpuin inthloua innkhaar akhaarche nannih in apaalla ngirra inkhaarta chumma nantihtu ‘Akpu, innkhaar kanimhoongro,’ amah in nanimsangtu, ‘Ramnata thlengchoume keiin naniromnoh ang.’

LUKE 18:25

Alamva akdoon mii in ringram kurung huunna aluutchungva uuksa inkhat in kukthrimpoa phaova anthruh in ralla aklai.”

LUKE 6:46

“Chunna keiin kisonta tlohnoh a nannih in keita ‘Akpu, Akpu,’ nan ong angi jarelname?

JOHN 14:7

Nannih inta keita keirom chouleva, kei Pakho nanrom uta; ipekva nannih in amahta nanrompei che nanmuhpei.”

JOHN 15:23

Keita kantirh amah in Pakho intirhsa.

JOHN 3:5

Jisu in amsang, “Atatak a keiin nikuunga kisonche, tunangkhat in tuiia mahche Li a poknoh avah, Ringpu kurung ramma luut cheknohtu.

JOHN 5:17

Chuta Jisu in ankuunga amsangei, “Pa in pekphah i thlou atlohmang, keiinkho kitlohmang.”

JOHN 6:40

Alamva Pa in amdonkhavah maisa, mah chuvah Asa kupata muh a amlot mii naamte in ache amnoh a ring anphahna turelnasa; che amah in keita achenia kamringtung.”

JOHN 7:17

tukhat in amah in amdonta atlohjale, amah in amtheihkha Ringpu tingname chunohle amah akroutu akchek amnehta trongme tihkha atak in aromtu.

NOONNA THLOU 14:22

aroiei anlita matranga mahche malottinga inngainoh natu anmahta bungthok a asonei, trihkhop a klah knang jikchata doua inih in Ringpu kurung huunna a luut ume.

ROME 12:2

Nannih in tukleiram ahoongta majuihnohve chuta akthra i khome mahche loua akchimma mapungpha veia Ringpu in amdon jangme majonna nanril mathar choulaia nanhoongta mathleive.

ROME 2:13

Alamva trongsuur rungaikhop mii in Ringpu akuunga chimnoh ei, chuta trongsuurta amjuih aktloh miita amchimei.

EPHESIA 6:6

miiril ampelchek anmah nanga miian thratnatu veia routlohchu veinoh a, chuta Khrista vaa roijuih nanga nanril khanna Ringpu in amdonkha tlohve.

KOLOSIA 4:12

Nannih nankaara Jisu Khrista vaa roijuih Epaphras in saambaan nanimlan, nannih in mapungpha a nanngirhnatu che Ringpu vaa amdon naamte mapung maphanatu amah in lai amrella ril luut a nannih turel angen.

1 THESSALONIKA 4:3

Alamva nannih nantakta seenga sih, kumei kupa thranoh hoongnata inlaachou i Ringpu in amdonthlou;

1 THESSALONIKA 5:18

bilamma mapaakve; alamva mah i nannih turel Khrista Jisu kuungah Ringpu in amdon khasa.

TITAS 1:16

Anmah in Ringpu akromva veia trongei chuta anmah in antlohthlouva amahta indah ei, anmahva intirhsei, trongson majuihnoh, akthra thlou rella anmahva matik chanoh ei.

HIBRU 13:21

amah in amdonta nantlohnatu akthra thloukha nandarkaar naamte nanimlan. Che inruruhsoh inruuia roulouve, mah khanna nanlita nanikalchek.

HIBRU 4:6

Alamchunna arouin inngeihna akhanna akluuttu ammei taningva, che akthratrongta matsah akphah eiin trongsonta amijuihnoh rella mah khanna luutnoh ei,

JEMS 1:22

Chuta nannih in trongkhata athlou veia aktlohmii veive, nantak nanroua insimna a trongkhata arungaikhop veinohve.

1 PITAR 2:15

Alamva nannih in akthra tloh a kmongmii in kmonga antrongkha hou masuuknoh a rimta sih Ringpu in akditthlou,

1 PITAR 4:2

chunna akthlengsam amah chaanvaa laikha ruungah mii in anditta tloh a amnohtu, chuta Ringpu in amdonta amah in tloh a amtu.

MADANGNA 2:27

che amah in mah thirsung khasoh inruuia anmah anchungah paaltu, beel anseemta koinanga, anmahta invuia kikhoihtuei, mah i keiin Pa kuungnata tuui kiphah khasa;

MADANGNA 22:14

Anmah inluut insuulta aksuk eikha doiphasei, mahchuvah anmah in ringna thingkhata phahnatu mahche khuboomvaa thong eikhanna anluutnatu amitik ankuungah am.

MADANGNA 3:5

Raal akchek mii kuungah keiin inngou puunrei kimsilhtu, che amah akming akring niriknata mamuhnohtung; che keiin amah akmingta pa amaikuungah khatkho amah ringroi anmaikuungah kiphoongtu.