METHIU 6:25 - Akthar Trongirhna (BSI)

²⁵ “Churella keiin kitihchou, nannih in nanringnatu jangnansaaktu che jangnan iintu chunohle nannih nantakturel jangisilhtuta lah tlohnohve. Nansaaktu phuleh puunrei nansilhtu phuchunga nannih nanchaan in akthloi nohme?

METHIU 6:25 Iomraidhean Croise

METHIU 10:19

Chuta anmah in kaia nanithlenlaia nannih in khatloh a trong tu ungme nohle jangtrongta kanson umeta lah tlohnohve; alamva mahlaital pung achunna nannih in khatloh a trong uchoume nankuungah nanimlantu;

METHIU 13:22

Pekva kuling kaara chi aktla in trong atheihche tukleiramma ringnaleh doon khaalna rilkhanna trongkhata akrah marahnohsa.

METHIU 6:31

Churel nannih in khota isaak ume? Che khota i iin ume? Chunohle khota isilh ume? tih a lah tlohnohve.

METHIU 6:34

“Chunna tungvahna turella insuul tlohnohve alamva tungvahnatu vei avah tungvahnatu rouamsa. Akni aknitu lahna khanna inkhopna veiso.”

MARK 13:11

Che anmah in nannihta chaang naniannatu mahche nanimlannatu nanithlenlaia, nannih in jangkison umeta matsah a inhalnohve; chuta mah pungchun nankuunga nanimlankha trong paningve, alamva mahlaichun nannih in trongnoh uchou, chuta Li Akseeng in trongtu.

MARK 4:19

chuta tukleiram turel insuulsei, che doonkhaal tinga roomthoksei, che aktlei akthloi akditing luutsei che inhalsei a akrah amnoh veisei.

LUKE 12:11

Che anmah in nannihta sinakok ah, rampuuiei mahche akchek amneh ei anmaikunga naniphurh laia, nannih in khatloh a kamisangtu chunohle khatloh a trong tu ungta inchoinohve;

LUKE 8:14

Kuling kaarna khava anmah in antheihche, anmahtu annono anhoong anva laltu rilla roomthok in achek a thra marahna janoh.

ROME 8:32

Amah Asa kupata khaaknoh a inih naamte turella amahta inimlansoh inihkuunga apumte i malungsisoh inruuia jarella khangvaalla inimlannoh ume?

1 KORINTHIA 7:32

Nannih in nanril inhal inhil tlohnoh a nan am kikdit. Changvaangnoh kupa in Akpu thlouta kantloh a amahta kampel umeta kirilla inchoiang.

PHILIPPIA 4:6

Aktleitlei rella nanril inhalhil tlohnohve, chuta bilam naamte ngenna che inruruh a chunohle mapaaksoh inruuia nannih in nanngenkha Ringpu ting maromve.

2 TIMOTHI 2:4

Raalmi khat veia thloutloh tukhat inkho amah alanai thlouva manoknoh, chuta amah in amsinnava amahta thlou akpe akpukhata aril mapel khasa.

1 PITAR 5:7

Nanril inhal inhil naamte amah kuungah masilve, alamva amah in nannihta thra nanikem nanian.