METHIU 6:10 - Akthar Trongirhna (BSI)

¹⁰ Niram huunna thlengso, ringramna nangna nimdonkha thaleichung akho veiso.

METHIU 6:10 Iomraidhean Croise

METHIU 12:50

Alamva tungangkhat in ringramma am Pa in amdon aktloh miikha kei kinao, kisar mahche kinusei.”

METHIU 16:28

Keiin nankuungah tak a kisonchou, onna akngirmii arouin miivaa Asa kupa in amah ringram kurung huunna a athlenglai anmuhnohsot thikha matemnoh tuei.”

METHIU 26:42

Khatla veinih tihpitu veia seh a angenla, “Pa o, keiin mah kuchainata iinnoh angkleva, mah i ralcheknohtung, nangin nimdon veiso.”

METHIU 3:2

“Nanril thlengve, alamva ringram kurung huunnakha innaisa.”

METHIU 4:17

Mahlai chunnata Jisu in nga tloh a sonna trongraan amthronpei. “Nanril thlengve, alamva ringram kurung huunnakha innaisa.”

METHIU 7:21

“Keininga ‘Akpu, Akpu’ keiong mii naamte in ringram kurung huunna ah luutnoh uchou, chuta ringramma am kipa in amdon aktloh miiruin luut uning.

MARK 11:10

Inih Pa Devit va kurung huunna akthlengsam i doiphahsa! Ankaang remma hosana!”

MARK 3:35

Tunangkhat Ringpu amdon aktloh miikha kei kinao, kisar mahche kinusei.”

LUKE 19:11

Anmah in trong ita anrungeihlai, anmah kuunga pandam khat asonei, alamva amah in Jerusalem innaisa, mahche Ringpu vaa kurung huunna kak hanga indang usata anmah in amidon

LUKE 19:38

“Akpu minga akthleng kurungkha doiphah veisa! Ringramma leh oi khatkho anaamtetu ralla ankaanga mapaak!”

LUKE 22:42

“Pa o, nangin nimdon veileva, mah kam i kikuung nata lourosa; chulata keiin kamdon veinoh a nangin namdonchu veiso.”

JOHN 4:34

Jisu in anmahta asonei, “Keita kamthlah amah in amdonta aktlohche amah athlouta thratea amche i keitu saakphusa.

JOHN 6:40

Alamva Pa in amdonkhavah maisa, mah chuvah Asa kupata muh a amlot mii naamte in ache amnoh a ring anphahna turelnasa; che amah in keita achenia kamringtung.”

JOHN 7:17

tukhat in amah in amdonta atlohjale, amah in amtheihkha Ringpu tingname chunohle amah akroutu akchek amnehta trongme tihkha atak in aromtu.

NOONNA THLOU 13:22

Che Ringpu in amah aphomnata alohche, Davit ta anmah kurung amveipei; mah churella sakhi veia asonpei, ‘Keiin Jesi asa kupa Davit kuunga kiril kikditta kphahpei, keiin kamdon anaamte amah in atlohtu.’

NOONNA THLOU 21:14

Amahta masehnoh natu kansuulta ajanoh inva, “Akpu in amdon veiso,” ta inngaisung.

NOONNA THLOU 22:14

Amah in keita keisonnang, ‘Nangin Ringpu amdon niromnatu, Akchim Akpu ta muh nicheknatu mahche amah anarhouta nitheihnatu, inih ipa ipuei Ringpu in thlou tlohnatu nakcharpei.

ROME 12:2

Nannih in tukleiram ahoongta majuihnohve chuta akthra i khome mahche loua akchimma mapungpha veia Ringpu in amdon jangme majonna nanril mathar choulaia nanhoongta mathleive.

EPHESIA 6:6

miiril ampelchek anmah nanga miian thratnatu veia routlohchu veinoh a, chuta Khrista vaa roijuih nanga nanril khanna Ringpu in amdonkha tlohve.

KOLOSIA 1:13

Anthim in ichungah paalla am khannata amah in inikalche amah arilvol Asa kupa vaa kurung huunna tingah inihta inimlanpei,

KOLOSIA 1:9

Oirella mah ita itheihni khannata nannih in livaa khiial mahche bahapthla anaamtesoh inruuia amah in amdonta asihnatu nannih turella ngen inngainoh ung,

1 THESSALONIKA 4:3

Alamva nannih nantakta seenga sih, kumei kupa thranoh hoongnata inlaachou i Ringpu in amdonthlou;

1 THESSALONIKA 5:18

bilamma mapaakve; alamva mah i nannih turel Khrista Jisu kuungah Ringpu in amdon khasa.

HIBRU 1:14

Chaanring akphahsam annaamte turella routlohnatu amthlah, anmahva lia thlou tlohnatu amthlah miinoh eime?

HIBRU 10:36

Alamva nannih in Ringpu amdonta tloh a, trongchet khata nanphahnatu nannih in doutrangve.

HIBRU 10:7

Chunna, keiin kisonpei, ‘Anve, nirik injuulkhanna kei turella injih khananga Ringpu o, nangin nimdonta kitlohnatu kei thlengsang.’ ”

HIBRU 13:21

amah in amdonta nantlohnatu akthra thloukha nandarkaar naamte nanimlan. Che inruruhsoh inruuia roulouve, mah khanna nanlita nanikalchek.

1 PITAR 2:15

Alamva nannih in akthra tloh a kmongmii in kmonga antrongkha hou masuuknoh a rimta sih Ringpu in akditthlou,

1 PITAR 4:2

chunna akthlengsam amah chaanvaa laikha ruungah mii in anditta tloh a amnohtu, chuta Ringpu in amdonta amah in tloh a amtu.

MADANGNA 11:15

Mahche sirih tihpi ringroi in amah pik ulta atumpei, che ringramna rolhou in inkaanga onga anson, “Tukleiramma kurung huunnakha inih Akpu mahche Khrista vaa kurung huunna veisa, che amah in ache amnoh a paaltu.”

MADANGNA 12:10

Cheva ringramma roolhou inkaang khat in mah ason ita kitheih, “Ipek chaanring, tuui khatkho inih Ringpu kurung huunna mahche Khrista vaa akchek amnehkha thlengsa, alamva inih unao eita Ringpu amaikuungah juktiing khulouhthlang malaalla aktrang amahkhata ahunthlakpei.

MADANGNA 19:6

Cheva tuiitam ahou, keklei tla ahou, mahche miitam ahounanga onga ason kitheipei, “Haliluia!” Alamva akchek amneh inihtu Akpu Ringpu in paalsa.

MADANGNA 20:4

Mahchuche phompii tamkhaak keiin kimuhpei, che phompii chunga anbok ankuungah pichaar tlohnatu tuui amlanpei. Mah chuvah Jisu kuungah amah ringtukna thaminnei che Ringpu trong rella ankangta antanche leilikha keiin kimuhche saraang nohle leili khata amthruunnoh ei che anmah amichalla khatkho ankut ah daak ak amnoh eiin chaan anphahche Khrista soh inruuia kum akpulkhat paaltuei.