METHIU 5:7 - Akthar Trongirhna (BSI)

⁷ “Doiphah eikha rilvoltheih miikhasei, alamva anmah in Ringpu rilvol anphahtu.

METHIU 5:7 Iomraidhean Croise

MARK 11:25

Che nannih in ngirra nanngenrel, tukhat kuunga nanjanoh amle ipve; chunna ringram ak am Pa inkho nanleh eikha a iptu.

LUKE 6:35

Chuta nannihta jekna mii eita rilvolve, akthrakho tlohve, inlenga keisiintuta madonnoh a mapuve, mahchunna nannih nankhaan inroltu, che nannih in ankaangremva Asa veiuchou; alamva mii in atlohman akromnoh mahche thranoh mii eita amah in amchaalei.

ROME 11:30

Laikhat avah nannih in Ringpu atrongsonta majuih nohchou chuta pekva anmah in atrongson amijuinoh rella nannih in rilvoltheih nanphahpei.

1 KORINTHIA 7:25

Pek changvaangnoh a am mii eita keiin Akpu vaa trongthuunta sonnoh ang, chuta Akpu rilvoltheihta keiin kaphah malot aja mii khat nanga keiin kamdonta kamlanchou.

2 KORINTHIA 4:1

Alamchunna Ringpu vaa rilvoltheih apaalla amahta routloh iphahpei, inih in iril malengnohme.

EPHESIA 4:32

Khatleh khat ril involve, ril inneem veive, Khrista apaalla Ringpu inkho nannih nanlehta a ip khananga khatleh khat in ipve.

KOLOSIA 3:12

Chunna Ringpu in acharkhat veia, akseeng mahche rilvolna mii nanga, rilvoltheih, ril inneem, inruruh, mahche doutrangta nannih in silhve,

1 TIMOTHI 1:13

mansah avah keiin Ringpu ta khalmo thranoh a trong sanglakho, chut sanglakho mahche manuih sanglakho, chulata rilvolna kiphahpei alamva mahkha Amahta kimlotnoh rella romnoh a kitlohning,

1 TIMOTHI 1:16

chuta mairella keiin rilvoltheih kiphahpei.

HIBRU 4:16

Alamchunna inih in darkaar amlai inimjoom natu, inih in rilvoltheih iphahnatu mahche malungsi iktuuknatu inih in seenga malotsoh inruuia malungsivaa phompii ah innairei.

HIBRU 6:10

Akseeng mii ankuungah nannih in rilvol mamuh a rou nantlohthlou i romnoh tlohnohve, tloh akho amchou, alamva Ringpu vah akchimnoh khonoh. Mah khanna amahningah rilvol namimuhpei.

JEMS 2:13

Alamva miikuungah rilvoltheih mamuhnoh amahmii khata rilvoltheih jaonoh apichaar atlohtu; rilvoltheih in pichaarta achek.

JEMS 3:17

Chuta achung tingnata thleng lousingvh matsah a akseeng, mahchuche leh oi, ril tap, inthup amnoh, khatleh khat inrom, rilvoltheih che akrah thra, ril intluunnoh amnoh khatkho seengnoh amnoh.

1 PITAR 2:10

Matsah a nannihva amahmii veinohchou chuta pekva Ringpu amii veisachou, matsah avah nannih in rilvoltheih phahnohchou chuta pekva rilvoltheih nanphahpei.