METHIU 5:22 - Akthar Trongirhna (BSI)

²² Chulata tunangkhat in auh anaota biklam tihleva jama pichaara thihnaringna veitu tlasa, che tunangkhatta mongo tihleva repnanga thihnaringna aphahtuta nankuunga kisonpeichou.

METHIU 5:22 Iomraidhean Croise

METHIU 10:17

Chuta miita jih a anve, alamva anmah in nannihta jama kaara nanimlantu che anmah in sinakok ah nanihaitu.

METHIU 10:28

Che nannih nanruungva akthatchek chuta nanliva that cheknoh miita trihnohve; mahchunga li leh nanruungta repnangah ammaangchek amahta trihve.

METHIU 12:24

Chuta Pharisi in mahchuta antheih a anson, “Mahmii in khousaarta manomnoh, chuta khousaarei aklok Biljebul apaalla anmahta amnomei.”

METHIU 17:5

Amah in atrongsuung, anve, antle sumphai in anmahta amlihpei, che kak hanga sumphai kaarnata hou inkhat in thlenga ason, “Mah i keiin khalmo kirilvol Kisakupa, amah kuungah keiin pelsang, amah in ason rungaive.”

METHIU 18:21

Che Pitar in amah kuungah thlenga ason, “Akpu, kiuh kinaointa kichungah janoh a aleh tlohle, keiin amahta jikchakhek inlenga ki ip ume? Keiin amahta veisrih phah ki ip ume?”

METHIU 18:35

Chunna nannih in nan uh nannaota ril luut a ipnoh choule, ringramna Pa inkho mah khananga nanitlohtu.”

METHIU 23:15

Ringjih lulok leh Pharisi akthra veisin nannihtu vei avah lahnasa a! Alamva nannih in tunangkhatta mathlengnatu tuiiboom mahche apaalla sehtlam hou, che amah in anthlenglai nannih in amahta nangchunga chuum innih ralla repnangvaa asa kupa namivei.

METHIU 23:33

Muruul eio, ruulsok asa eio, khatloh a repnanga luutsamnata inlit nanchek ume?

METHIU 25:41

Chunna akveitong ak am ankuungah asontuei, ‘Phool akphah eio, kikuungnata insenga repnanga che amah ringroi turella amchaang ache amnoh meia sehve;

METHIU 26:59

Pek akthloi Thiimpu leh jama annaamtea Jisu ta thatnatu chimnoh sakhi anjonpei,

METHIU 3:17

che ringramnata hou inkhat in ason, “Mah i keiin kirilvol Kisa kupasa, amahkuunga kiril pelsang.”

METHIU 5:34

Chunna keiin nannihta kisonchou, suita tlohnoh luungve thranoh, ringramkho sonna tlohnohve, alamva Ringpu amna,

METHIU 5:44

Chuta keiinva niandah miita ringvolro, namtommii khata doi malanro, nangta nantirh miita akthra tlohro, che nangta nak antheihnoh a nakchutmii turelva ngenveta kisonchou.

MARK 14:55

Ipekva akthloi thiimpu mahche jama annaam in Jisu ta anthatna turella sakhi anjonpei, chuta anmah in jakhatkho tuuknohsei.

MARK 15:1

Che anrang juktiingpia akthloi thiimpu ei, ringjih lulok ei, anparuul ei in inruuia jama annaamsoh trong intelsei; che Pilat kuunga masilnatu anphurhpei.

LUKE 12:5

Chuta nannih in tunangta trih uchoume keiin nanimtheih tang. Anthatche aknua repnanga thlaknatu tuui ak am amahta trihve; oi, keiin nankuunga kisonchou, Akpu amahta trihve!

LUKE 22:66

Che ni avaarsoh miitamvaa anparuul mah chuvah akthloi thiimpu leh ringjih lulok in inchunsei, che anmah in Jisu ta anmah anparuul anchunna kaar a thlenna anson.

JOHN 11:47

Chunna akthloi thiimpu leh Pharisi in jamata maboomma, anson, “Inih in kha itloh usame? Alamva mahmii in daang jikcha ampaangpei.

JOHN 15:25

Mah i anmah trongsuura anjih trongkhat a atlungnatu relnasa, mahchuva, ‘Jakhat khonoh ah anmah in keita kantirhsei.’

JOHN 7:20

Mii in amisang, “Nangva khousaar chuungsache! Nangta tunang in nakthatreita nakjonme?”

JOHN 8:48

Judi in amahkuunga amisang, “Nangva Samaria na mii che chuche khousaar chuung miicheta nikuunga kansonni chimnoh ungme?”

NOONNA THLOU 17:18

Epikurian leh Stoik aksui amjon ei in Paul soh intuuksei. Mahche mii arouin ansonpei, “Amah in trongtlammi jangta asonmeio?” Arouin ansonpei, “Amah i aktlei ramboomna rappurella trong akraan mii inlo, alamva amah in Jisu mahche thinata ring rella trong.”

NOONNA THLOU 22:30

Chuta amahta akkhit kuunga ason invah amjakpei, Judiei in amahta jarella amilaalme ta aromja rella aklok thiimpu leh jama annaamte inchunnatu jathang amilanpei, che Paul ta athlenche anmah anmaa a amigirhpei.

NOONNA THLOU 23:1

Paul in jamata antlinga asonei, “Unaoeio, mi in phah a keiin Ringpu amaa a akthra thranoh chim chimnoh romna lousinga ringang.”

NOONNA THLOU 24:20

Chunoh a anmah antak in kei kamraalta tuuk eileva mah jama ankuunga kingirh laia son eiso.

NOONNA THLOU 4:15

Chuta anmah in jamanata aktleia sehnatu jathang amilanche, mahchurella anmah inkhatle khat intelsei,

NOONNA THLOU 5:21

Chunna mahchuta antheih in kini avaarsoh mathruunna thlaamsuunga luut a amitheihpei. Ipek aklok thiimpu leh amah in anruuipi in thlenga Israel vaa jamaleh chum eita annaam ongjoua, raangroi eita simma thlennatu amithlahpei.

NOONNA THLOU 5:27

Chunna anmahta anthlenche jama ankaar a ansihpei che akthloi thiimpu in anmahta trong anruiei,

NOONNA THLOU 6:12

Mahche anmah in anparuul che ringjih lulok eita rok a anmisaopei, che anmah in ankuunga thlenga amahta ansuurpei cheva jama anmaa a anthlenpei,

NOONNA THLOU 6:15

Mahchunna jama ah anbok annaamte in amahta thratea an an in ameelkha ringroi khatvaa ameelnanga anmuhpei.

NOONNA THLOU 7:37

‘Ringpu in nannih unaopasa nata keinanga ringraan khat kamthruhtu.’ Nga tloh a Israel ankuunga aksonkha amah Moses ireh.

ROME 12:10

unao rilvolnanga khatleh khat ril involve; inkhat in khatta akral akthloisang madonnoh a inruruh a injahve.

1 KORINTHIA 6:10

inru inraan nohle inkhah a trong oinang mii in tikniakho Ringpu kurung huunna phahnoh tuei.

1 KORINTHIA 6:6

Mahchu ngut a unao khat in unao khatchunga indenpinatu trongkat seh, mahchu Akpu malotnoh ankuunga seh ei.

1 THESSALONIKA 4:6

Nan uh nannao kuunga amahnoh lamma seh a chimnoh tlohnohve, alamva nannih nankuungah khalmo thra a kansonche khananga, anaamte ichungah athung akloutu amahvah Akpu sa.

TITAS 3:2

tukhat tingkho thranoh trongnoh natu, innah insuulnoh natu, ril tap a mahche mii naamte kuungah ril seenga mamuh i anmah in anromnatu matheih eiro.

HIBRU 12:25

Romve aktrong amahta nannih in indahnohchou. Alamva ringramma inichaak amahta indah a itlaanchunga thaleia inichaak amahta indah a tlaannoh in ralla inleusa.

HIBRU 5:9

Che amah in mapuungpha veia, asonta amjuih mii naamte turella amah in ache amnoh chaanringvaa anthruhna veisa,

JEMS 2:20

Kboih a amdon nango, athlou jaonoh a malotva akrah amnoh tih i nangin nimuhjame?

JEMS 3:6

Maleiva mei. Chimnoh lamma inisehpi tukleiram, mah i inih iruungsuungah akhol khattu veia meia inihaal mahche repnang in meia inithlak.

1 PITAR 2:23

Kreikanga amahta ansaallai, amah in kreikanga roumasangnoh; amah in klah knang aphahlai anmahta loumatritnoh; chuta chimma pichaar aktloh mii kuungah amlot.

1 PITAR 3:9

Thranoh ah thranoh nohle phoolla phool maleng tlohnohve; chuta mahchungut adoi malanve, alamva nannih in doi nanphahnatu mairella naniongpei.

1 JOHN 2:9

Tukhat in amahvah akvaara ammang atihche amah unao pasata intirhleh amahva pekphah a inthimmah ammang.

1 JOHN 3:10

Onna tunang in Ringpu asanohme che tunang in rappu asame tihchu imuhnatu tukhat akchim aktlohnoh miikho nohle amah unao pasata rilvolnoh miikha Ringpu tingnanoh.

1 JOHN 5:16

Tukhat unaopasa in thihna vanoh tupot a aleh atlohta muhleh nangin ngenro, che Ringpu in chaan amahta amlantu, alamva anmah alehkho am; mah kharella amah in ngensota keiin tihnoh ang.

JUDE 1:9

Chuta aklok Maikel in seitansoh insuulla Moses aruungrella trong inkharhlaia tronga pichaar tlohnatu amah in karaangnoh, chuta ason, “Akpu in nakalso.”

MADANGNA 20:14

Cheva kthi mahche Repnang ta meiboom asuungah ahunthlakpei. Mah i innih tihpi kthi meiboom khasa;