METHIU 5:19 - Akthar Trongirhna (BSI)

¹⁹ Mairella tunangkhat in trongthuun akaarnata andihrem inkhatta khoia mahchunang mii ninga amtheih amahta ringram kurung huunna a andihrem tih a aongusa. Chuta tunangkhat in majuih a miita matheihle ringramna amahta anrolrem tih a aongusa.

METHIU 5:19 Iomraidhean Croise

METHIU 11:11

Keiin nannihta tak a kisonchou, kumei in apok kaarnata aklup John chung ralla anrol tukhatkho inthruhnohmang, chuta ringram kurung huunna a andihrem mii khanna amahchungah ralla inrol.

METHIU 19:28

Churel Jisu in ankuungah asonei, “Keiin nannihta atak a kitihchou, mah chuvah akthar tukleiramma miivaa Asa kupa in amahvaa paarthra phompiiah anboklai, kiknu keijuih nannih in phompii somlei innih ah inbok a Israel sakhei somlei innihta pichaar nantlohtu.

METHIU 20:26

Nannih nankaar avah mahchunang veinoh. Chuta nannih nankaara tunangkhat in akliin vei dile amah khanna nannihtu roijuih hukveiso,

METHIU 28:20

Keiin trongthuun pumte kamlanchoukha, anmah in amijuihnatu matheih eive, che anve, juk achenohmiil phah a keiin nannihta lai amrel kanruuipi uchou.”

LUKE 1:15

Alamva amah in Akpu amit anna liintu, tuiibuhkho iinnohtu. Che anu vonsuung nata mathronna Li Akseeng in siptu.

LUKE 11:42

“Chuta Pharisi nankuunga lahna veisachou a! Alamva nannih in rilvol ai, ruileh thingbur lungbur anaamteva somma inkat, che akchimleh Ringpu rilvolva thou sanohchou; aktleita thousanoh tlohnoh a mah anaamte i nantlohtu tla.

LUKE 9:48

asonei, “Tunangkhat in keiminga amah andihnao ita louchoule keita nanloh ang, che tunangkhat in keita keilou choule keita kamthlah amahta nanlohpei; alamva nannih nankaar a andihrem amah in akliinremtu.”

NOONNA THLOU 1:1

Matsahrem nirik a, Theophilas, Jisu in thlou atlohna mahche matheih amthronnata anaam kimjihpei,

ROME 3:8

Mahche akthra anthruhnatu inih in thranoh tlohreime? tih a mii arouin inihta inihrilh iniloonna anson. Anmah in amilaal i chimta ison.

ROME 6:1

Chela jangison umangme? Malungsi ahanralnatu inih in alehthlouta inleng inlenga tloh a amreime?

ROME 6:15

Chekha itlohtu tlame? Inih in trongsuur athlanga amnoh a malungsivaa athlanga am taningmeva alehta tloh a amraseime? Chunangva veinohso!

1 TIMOTHI 6:11

Chuta Ringpu amii nangvah mah naaamte i mahro, akchimlamseh ah, Ringpu mathruunna, malot ah, rilvoltheih ah, douchek ah, ril inneemta masinro.

TITAS 3:8

Mah asontrongi taktaksa. Ringpu amlot mii in akthra thloutloh a anmah antak in cheksilla anril amiluutnatu ta tranga kansonchou, mah i miikuung avah akanana che akthrarem,

1 PITAR 5:4

Aklok sadamkem in andanglai nannih in ktham amnoh paarthravaa boorpii nanphahtu.

1 JOHN 3:4

Aleh aktloh miinaam in trongsuur majuihnoh rella amraal amsa; alehvah trongsuur amnoh.

MADANGNA 2:20

Chuta atak anroua keivah trongphoong kumeiangta inson Jejebel ta nangin nimjarella nangkuungah kindahna ste am. Kei roijuih eita amah kumei in kumei kupa chimnoh hoongah inchun khatkho leilia inkat inthiimna pootta ansaaknatu matheih a anmahta masimna a asehpiei.