METHIU 5:16 - Akthar Trongirhna (BSI)

¹⁶ Mahchunanga, nannihva akvaarkha aktlei miikuung akho vaarso, chunna anmah in nannihva akthrata muh a ringramma am nanpa in paarthratna veiso.”

METHIU 5:16 Iomraidhean Croise

METHIU 23:5

Chuta anmah anthlou naamteva mii in anmuhnatu antloh. Anmah in ringjih trongta ankutbaang leh amichalla amijih mahche anluut insuul areia amikai.

METHIU 23:9

Thaleichungah tukhatkho pa ta ongnohve, alamva nan Pa inkhatning, amahvaa ringramma am.

METHIU 5:45

Chuleva ringramma am nanpa vaa asa veiuchou, alamva amah in akthra leh thranoh anchunga kini amsuuk, che akchimlamseh leh akchimlamseh noh anchunga khu amsuur.

METHIU 6:16

“Mahchuche nangin buh nihellai akthra veisin mii nanga aklah nimeelta mamuh veinohro, alamva anmah in anmai amihuui, chunna buh kanhel tih a mii kuungah amiromna amivei, keiin nannihta atak a kitihchou, anmah ankhaanva amsa.

METHIU 6:9

Chunna oinanga ngenve: Ringramma am kan pa, nang nikming akseeng veiso.

METHIU 9:8

Mahchuta miitamin anmuh inva, intrisei, mahche Ringpu ta paar amithratpei.

LUKE 11:2

Chunna ankuunga asonei, “Nannih in nanngenlai,” ngata sonve: “Pa, nang nikming akseeng veiso. Nang kurung huunna tlungchu veiso.

JOHN 15:8

Nannih in tam nanrah khanna Pa ta paar amthratpei; chunna nannih in kei kiroi veisachou ta seenga namimuhpei

NOONNA THLOU 9:36

Ipek Joppa a akming Tabitha ta an ong aroikhat louam, Tabitha arthava Dorkas an ongna. Amah Kumei ivah akthra thloultloh ah che amlantheih ah thra.

1 KORINTHIA 14:25

Nga tloh a amah arilsuunga anthupta che amah in intolhtlep a, Ringpu ta amthruuntu mahche phoonga asontu “Tak a Ringpu in nankaar a am.”

2 KORINTHIA 9:13

Amahta routlohna chaang an inna, Khrista vaa akthratrongta jaa a nannih in atrongson nanjuih mahche anmah turel khatkho aktlei turella ril inrolla namilantheih irella nannih in Ringpu ta paar namithrattu;

KALATIA 1:24

Cheva anmah in keirella Ringpu ta paar amithratpei.

EPHESIA 2:10

Inihvah amahsoh thloutlohjou miisame, alamva Ringpu in matsah a amchaang akthra thlou turella Khrista kuungah amtlohpei mahchu inih in itloh ikhalnata veinoh.

EPHESIA 5:8

alamva nannihvah amaa laikhat avah anthim veichou, chuta pekvah Akpu kurung ningah akvaar veisachou; akvaarvaa asa ei nanga sehve

1 THESSALONIKA 2:12

Amah kurung huunnavaa paarthra ah nannihta naniong Ringpu in matikcha chaanna nanichingnatu.

1 TIMOTHI 2:10

chuta akthrathloua keiva heikoh ammangta akson kumei in akthra thlou turella inliing eiso.

1 TIMOTHI 5:10

anmahva akthrathloua isoolna trulmeinule, asa ataploikuungta akjok theihle, rapkheina miita routloh theih madangle, akseeng mii eita ankeh chaamle, klah aknangeita majoomle, che bilamma akthra thlou tlohnatu atakta inkatsale, amahta trulmeinu ankaara majaovesa.

1 TIMOTHI 5:25

Mahchunanga akthra thlouva seenga indangsa; mahche seenga inphoongnoh slakho inthup a am cheknoh.

1 TIMOTHI 6:18

Anmah in akthra tloh eiso, akthrathloua doon eiso, ril liin khatkho ril inrolla malantheih vei eiso,

TITAS 2:14

inih in chimnoh nata inthloknatu che akthrathloua ril maluut a khatkho amah amiieita ata maveina turella maseengnatu ataksaakta inimlanpei.

TITAS 2:7

Bilam nitakta akthrathloua mamuhnatu suulro, mahche nangin namtheihna a ril seenga, ril luut a

TITAS 3:14

Che nang nimiiei in kananoh thlounata akthra thloutloh a am eiso.

TITAS 3:4

chuta inihvaa inikal Akpu miita rilvoltheih, mahche mii malungsi theihta mii kuungah ammuhpei,

HIBRU 10:24

che rilvolla mahche akthra thlou a inih in khatleh khat inthoknatu madonrei,

1 PITAR 2:12

Jental ankaara nanhoong nanvaa thra a sehve, anmah in naniandah a nannihta chimnoh aktloh miichou nanitih seilakho, amah in nanian athlenglai nannih in akthra nantlohthlou anmah in muh a Ringpu ta paar mathrat eiso.

1 PITAR 2:9

Chuta nannihta anthimnata salungkhouna akvaar ah nanionga am salungkhouna thloueita sonna namidangnatu nannihva acharche jatih, kurungtu thiimpu, akseeng jatih che amah atak ataschou.

1 PITAR 3:1

Mahchunanga akmei eio, namisal aliah amve, tunangkhat amisal arou invah trongkhata majuihnoh seilakho, trong janoh a anmah anmei anhoong anva ah amisalta ancheknatu.

1 PITAR 3:16

che chim chimnoh romna ah seenga romve, chunna Khrista tinga akthra nanhoong nanlata usitnoh a aktrong eita antak ah injak nanpekcheknatu.

1 PITAR 4:11

Tukhat in trongle, amah in Ringpu trongta akson mii khat nanga trongso; tunangkhat routlohle, Ringpu in amlan aktrang khanna routlohso; chunna bilam Jisu Khrista apaalla Ringpu ta paar mathratnatu tlohve. Amah kuungah paarthra mahche ache amnoh a paal veiso.

1 PITAR 4:14

Khrista akmingrella nannihta nanisaal eile, nannihvah doiphah veisachou, alamva paarthravaa Li in mahche Ringpu in nanchungah am.