METHIU 3:2 - Akthar Trongirhna (BSI)

² “Nanril thlengve, alamva ringram kurung huunnakha innaisa.”

METHIU 3:2 Iomraidhean Croise

METHIU 10:7

Che nannih in seh a, ‘Ringram huunnakha naisa,’ ta sonna raanve.

METHIU 11:20

Chuche amah in salungkhouna thlou atlohna khuuboomta asaalei, alamva anmah in anril anthlengnoh relna.

METHIU 12:41

Nineveh na mii in mah ringnatluun na mii eisoh pichaarniah inthruh tuei che anmah amiraal amilantu alamva Jonah in trong araanlai anmah in ril anthleng. Che anve, Jonah chungah akliin mii khat amsa.

METHIU 13:11

Jisu in amsangei, “Ringram huunna anthuptrong nanromnatu nankuungah mah i kamlanpeichou, chuta anmah ankuung avah malannoh angei.

METHIU 13:24

Jisu in aktlei pandam daak a ankuungah asonei; “Ringram huunna i louvah akthra chivorh miikhatsoh amlak;

METHIU 13:31

Amah in aktlei pandam ankuungah malanna asonei, “Ringram kurung huunna i intramchita mii khat in alohche avorh khanangsa;

METHIU 13:33

Amah in ankuungah aktlei pandam asonei, “Ringram huunna i kumei khat in chol adih kutrop inthumta buh stesoh anamnohmiil ampolh nangsa.”

METHIU 13:47

“Veikhatlakho ringram huunnavah tuiiboomma toro denna alamtanga nga imtlon nangsa;

METHIU 13:52

Chunna Jisu in ankuungah asonei, “Ohchurella ringram huunna rella akrom ringjih lulok anaamte innpu inkhat in amah lal akthar leh amlui amthruh nangsa.”

METHIU 18:23

“Churella ringram kurung huunna kurung inkhat in amah roijuihsoh mapulna teenna am khanangsa.

METHIU 20:1

Ringram huunna khavah ngangli billa thloutloh mii aneknatu juktiing anranga anthruh rampu khanangsa.

METHIU 22:2

“Ringram kurung huunnakha kurung khat in asa kupa changvaangnatu amchaang nangsa.

METHIU 23:13

“Chuta ringjih lulok leh Pharisi akthra veisin nannihtu vei avah lahnasa a! Alamva nannih in ringram kurung huunnakha miita andah a nankhaarpei, nantak inkho mahkhan luutnohchou, che luuttangta akthleng miikho maluutnoh sachou.

METHIU 25:1

“Chunna ringram huunnachu antak antak mitton choia changri intuukpinatu akseh rungaak som nangjimtu.

METHIU 25:14

“Alamva mah i mii khat in ramlah ah asehtum amah roijuih eita onga adoon akhaal naamte amsilkir khanangsa;

METHIU 4:17

Mahlai chunnata Jisu in nga tloh a sonna trongraan amthronpei. “Nanril thlengve, alamva ringram kurung huunnakha innaisa.”

METHIU 4:23

Jisu in Kalili ram apumte seh a anmah Sinakok rella matheih a natna satna naamte mathrat a ringram kurung huunnavaa Akthra trongta sehseh a araan.

METHIU 5:10

“Doiphah eikha akchimlamseh relna anchut miikhasei, alamva ringram huunnakha anmah antasa.

METHIU 5:3

“Doiphah eikha Li ah anran miikhasei, alamva ringram huunnakha anmah anta.

METHIU 6:10

Niram huunna thlengso, ringramna nangna nimdonkha thaleichung akho veiso.

METHIU 6:33

Chuta nannih in matsahremma ringram kurung huunna leh amahvaa akchimlamsehta jonmaanve che mah poot anaamte i nanidaaktu.

MARK 1:15

asonei, “Lai i tlungsa, che Ringram kurung huunna i innaisa; nanril thleng choulaia, akthra trongta malotve.”

MARK 1:4

Aklup John in raprilla thlenga alehnata ipnaturel rilthlenga lupnatu araan.

MARK 6:12

Chunna anmah in sehsei mahchuche miita rilthlengnatu trong anraanpei.

LUKE 1:16

Chunna Israel asa aktamta amah in anmah Ringpu kuunga amlengtuei.

LUKE 11:20

Chuta keiin Ringpu akut majung apaalla khousaarta amnom veiangle, ringram kurung huunna i nankuunga thlengsa.

LUKE 13:3

Keiin nannihta kitihchou, Mahchunoh, chuta nannih in nanril thlengnoh choule mahchunanga nannaamte maanguchou.

LUKE 13:5

Keiin kitihchou, Mahchunoh, chuta nannih in nanril thlengnoh chouleva mahchunanga nannaamte maanguchou.”

LUKE 15:10

Chunanga keiin nankuunga kisonchou, oinang jimma rilthlenga alehchel mii inkhatrella Ringpu vaa ringroi anmaikuunga roomthokna veitu.”

LUKE 15:7

Chunanga keiin nankuunga kisonchou, oinang jimma rilthlengnoh kananoh mii sopkulei kunata alehchel mii inkhat in ril athlengrella ringram a roomthokna veitu.”

LUKE 16:30

Che amah in asonla, ‘Nganoh nganoh, pa Abraham; chuta tunangkhat akthi kaarnata anmah ankuunga thlengeile, anmah anril anthlengtu.’

LUKE 21:31

Mahchunanga mah naamte i suuk nanmuhlai, Ringpu kurung huunna naisa ta nanrom.

LUKE 24:47

che rilthleng khatkho alehnata ip rella Jerusalem nata mathronna jatboom apumtea mah ita keiminga inraantu.

LUKE 6:20

Cheva amah in aroita anna asonei, “Anran anriing nannihkha doi akphahsachou, alamva Ringpu va kurung huunnakha nannih nantasa.

LUKE 9:2

Cheva anmahta Ringpu kurung huunnata anraannatu mahche akna aksaeita mathratnatu amthlah ei.

NOONNA THLOU 11:18

Mahtrong ita antheih in anmahva daichritsei. Mahche Ringpu ta paar mathrat a ansonpei, “Cheva Ringpu in Jental jatihkho anril mathlenga chaan amphah ei.”

NOONNA THLOU 17:30

Mii eiin Ringpu ta aromnoh laiva Ringpu in miita a ipmang, chuta ipekva amah in amun anaamtea ak am mii naamteta rilthlengnatu trongthuun amlanpei,

NOONNA THLOU 2:38

Chunna Pitar in ankuunga asonei, “Nanril thlengve, mahche nannih nanlehnata naniipnatu Jisu Khrista akminga nannaam inlupve mahche nannih in Akseeng Li vaa kutthol nanphahtu.

NOONNA THLOU 20:21

Judi leh Kriik mii annih kuunga Ringpu kuunga anril thlengnatu mahche Akpu Jisu Khrista ta malotnatu sakhi kamlan.

NOONNA THLOU 26:20

chuta matsah a keiin Damaskas ah mahche Jerusalem na mii khatkho Judia ramboom apumtea khatkho Jental jatih akho sonna kamdangtuei, mah chuvah anmah in anrilta thlenga Ringpu ting inlengtu tlasei mahche anril anthleng i matikcha tihrella thlou amipaang tutla ta kisontuei.

NOONNA THLOU 3:19

Alamchunna nannih in nanril thlenga veikhat inheive. Chunna nannih nanlehta ammuhtu. Mahlaia Akpu tinga akthar rilchu thlengtu,

2 KORINTHIA 7:10

Alamva Ringpu tuveia klah knangin inih chaanringting iniseh pinatu ril inithleng che insiirna inimsuuknoh, chuta tukleiramtu veia klah knangin antakta thi amsuuk,

KOLOSIA 1:13

Anthim in ichungah paalla am khannata amah in inikalche amah arilvol Asa kupa vaa kurung huunna tingah inihta inimlanpei,

2 TIMOTHI 2:25

amahsoh injanoh miita inneemma seemma machim. Anmah in akchimta anromnatu che anril thlengnatu Ringpu in thlou atloh ei,

HIBRU 6:1

Alamchunna Khrista turella matsah matheihnakha mathlahrei che inih in mapungpha tongah sehrei, Ringpu tingah malotnatu rilthlenga veikhat akthithloua innmun linnohrei;

2 PITAR 3:9

Akpu trongchetta mathlungi tapnoh, mii arouin tap tih a amidon, chuta nannih turella soot adou, tukhatkho amaangnohnatu, chuta miinaam in rilthlenga thlengta akdit.

MADANGNA 2:21

Amah in kumei kupa chimnoh hoongnata aril thlengnatu lai kimlan chuta amah in arilthleng indah.

MADANGNA 2:5

Chunna nangin ramma khatloh a inriil angme intheihro, nangin nirilthlenga matsah nitlohthlou khata tlohro, chunohlevah, keiin nikuungah thlengtung mahche nang nirilta thlengnohchele nang mitton taarna akehkha mah amun khannata kilohtu.