METHIU 23:13 - Akthar Trongirhna (BSI)

¹³ “Chuta ringjih lulok leh Pharisi akthra veisin nannihtu vei avah lahnasa a! Alamva nannih in ringram kurung huunnakha miita andah a nankhaarpei, nantak inkho mahkhan luutnohchou, che luuttangta akthleng miikho maluutnoh sachou.

METHIU 23:13 Iomraidhean Croise

METHIU 23:16

“Mitcho lamchingeio, nannihva lahnasa a! nannih in nanson, ‘Tunangkhat in mathruunna thlaamta sonna suita tlohleva, amah trongchet in amahta akaanpei.’

METHIU 23:23

“Akthra veisin ringjih lulok leh Pharisi eio, nannih turella lahnasa a! Alamva nannih in jupal aiileh hop mahche jira vah somsuung inkhat namilanche akchimleh rilvoltheih che malot; ralla trongsuura akrikpootva nannih in inleuchou, aktlei ei inkho inleunoh a, nannih in nantlohtupot.

METHIU 23:25

“Akthra veisin ringjih lulok leh pharisi eio, nannih turel lahnasa a! Alamva nannih in kam leh bukaan apaaltongva nantlen, chuta asuungtongva nannih in miithat leh akrou amdon tlungnatu suul in sipchou.

METHIU 23:27

“Akthra veisin ringjih lulok leh Pharisi eio, nannih turel lahnasa a! Alamva nannihva apaaltonga ameel akthra, inngou intei rusuun nangjimchou, chuta asuung avah nannihva intlenlou mahche akthi miiruh sip a amnangchou.

METHIU 23:29

“Akthra veisin ringjih lulok leh Pharisi eio, nannih turelvah lahnasa a! Alamva nannih in ringraanei anrusuun namithrat che akchimei korou luungkho namithrat.

METHIU 3:7

Chuta Pharisi leh Sadukiis jikcha in inlupnaturel amah kuungah anthlengta aloumuh ei, alousonei, “Nannih muruul vaa atute eio! Akthlengsam trihkhop malunghaang khannata nantlaannatu tunang in nanimthritme?

LUKE 11:52

Ukil nannihta lahna veisachou a! Alamva nannih in khiialvaa chapi nanlohpei; nantak invah luutnohchou, che akluut miikho nankhaampei.”

JOHN 9:22

Amah anu apa in Judi ta antrih rella mah i anson, alamva tunangkhat in Akpu ta Khrista ta phoongleva; amahta sinakok nata aminomtu ta Judi in matsah a anjana am.

JOHN 9:24

Chela anmah in amitcho miita veinih inlenga onga anson, “Ringpu ta mapaakro; mahmii i alehchel miita kanrom.”

JOHN 9:34

Amahkuunga amisang, “Nangva aleh in inlep a pokche, chela nangin kannihta kanimtheihla mangche?” Cheva amahta aminompei.

NOONNA THLOU 13:8

Chuta rampuui in amlot khannata mathlahnatu leiva theih Elimas in (alamva amahmingi amilengin mainanga suuk) anmahta athingei.

NOONNA THLOU 5:28

“Amah akminga mii namitheihnoh natu tranga kanchaakchou, chuta nannih in miita namitheih a Jerusalem a sipsa, che amah athii kantakchunga namithlak natu nantlohpei.”

NOONNA THLOU 5:40

Chunna anmah in atrongkha anjapei, che anmah in raangroi eita onga ankhonpei mahche Jisu akminga antrongnoh natu anchaakche anmithlahpei.

NOONNA THLOU 8:1

Mahlai achunna Jerusalem a am khakla anchunga tranga chut anmithronpei; raangroi noh a annaamte Judia mahche Samaria ram aveel apumtea inthektlamsei.

2 TIMOTHI 3:8

Janes mahche Jambres in Moses ta indahnanga, nga tloh a anmah inkho akchimta indah ei; thranoh rilta mahche malotta indah ei;

2 TIMOTHI 4:15

Nangin amahrella cheksilso, alamva akthratrong iraanta amah in tranga indah.