METHIU 22:16 - Akthar Trongirhna (BSI)

¹⁶ Che anmah anroita Herot amiisoh inruuia Jisu kuunga mathlah a anson, “Lulok, kannih in nangva akchim cheta kanrom, che Ringpu vaa akchimlamta chimma namtheih, chuche tukhatkho nangin thousanohche, alamva nangin keimii miimii annohche.”

METHIU 22:16 Iomraidhean Croise

METHIU 22:24

“Lulok, Moses in ason, ‘Mii inkhat in inn apaalche asa amnoh a thile, anmah unaoin akmeita changvaangso, che anmah unao turella ansa anphahnatu’ tih a ason.

METHIU 22:26

Mahchunanga innih tihpi leh inthumtihpi mahche sirih tihpi phah nga tloh a suuksa.

METHIU 26:18

Amah in ason, “Khuuboomma luut choulaia mii khat kuungah sonve, ‘Lulok in ason, keitu lai innaisa, nang inna kei kiroisoh laalna buhdoon kansaaknatu.’ ”

METHIU 26:49

Kak hanga amah in Jisu kuungah ason, “Akpu kimthruunche!” Che amah abingta amchohpei.

MARK 10:17

Che amah in rapkheitla ah asehnatu amthronso, kupakhat in tlaanna thleng che amaikuunga akhuk amkamche akuunga arui, “Akthra lulok, ache amnoh chaan kphahnatu keiin jangkitloh ume?”

MARK 12:13

Che amah atronga ansuurnatu anmah in Pharisi ste leh Horodia mii steta akuunga amithlahpei.

MARK 12:14

Che anmah in anthlengche akuunga anson, “Lulok, kannih in nangi chimche ta kanrom, mahche nangin tukhatkho thousanohche; alamva miivaa inkaang phomkho injahnoh luungche, chuta Ringpu lam akchimta namtheihning. Keisaar kuunga roi malanni trongsuura tlohphume nohle tlohphunohme?”

MARK 3:6

Pharisi in inthruhsei, che amahta khatloh a immaang umeta kak hanga Herodia eisoh intelsei.

MARK 8:15

Chunna ansoi amnohnatu ankuunga, asonei. “Pharisi leh Herot vaa anchol kharelna cheksilve.”

LUKE 20:21

Amahta anrui, “Lulok, kannih in kanrom, mah chuvah nangin chimma trongche mahche chimma namtheih ung, nangva keimii miimii annohche, chuta Ringpu alamta chimm namtheih.

LUKE 7:40

Mahchunna Jisu in akuunga amsang, “Simon, keiin nangkuunga jangmekhat kisontu am.” Chunna amah in amsang, “Lulok, mahchu jangsme?”

JOHN 14:6

Jisu in akuunga ason, “Lam khakho, akchim khakho, mahche akring khakho keisang; keinoh avah tukhat inkho Pa kuunga thlengnoh tuei.

JOHN 18:37

Pilat in akuunga ason, “Chule nangvah kurung cheme?” Jisu in amsang, “Keiva kurungang tih a nangin nisonpei. Akchimkhata sakhi kamlannatu mairelna keiin poksang, Akchim akveimii in kei kihou antheih.”

JOHN 7:18

Amah akroutu akchek amneh a trongle amah akroutu paarthrata ajon; chuta amahta amthlah akuungnata paarthrakha jonle mahkha akchim, amahkuunga chimnoh ansoi amnoh.

2 KORINTHIA 2:17

Alamva kannihva mii jikchain antlohnanga Ringpu atrongta inbaobeh thrulhna veia tlohnoh ung; chuta rilseeng veia, Ringpu in thlou tlohnatu inimthlah veia, Ringpu in kanitirhna ah Khrista ta trongsung.

2 KORINTHIA 4:2

Inih in inruk a injakna ithloueita imthlahpei, leemtheih nohle Ringpu trongta romsin veia huuina indahsame, chuta akchim trongrol apaalla, itakta Ringpu in inianna mii naamte rilta chim chimnoh amrompei.

2 KORINTHIA 5:16

Chunna peknata kannih in miita anna injahnoh ung; laikhat avah miita anna Khrista ta injah sunglakho, ipekva mahchunanga amahta injahnoh ung.

KALATIA 1:10

Ipek mii in anjaata nohle Ringpu in ajaata keiin kijonme? Chunohle mii mapelna tuta keiin insuul sangme? Miita keiin mapel sangleva; keiin Khrista aroijuih veinoh utang.

KALATIA 2:6

Amuvei akchingeile anmahtu jangmekhat inthlin amnoh; Ringpu in keimii miimii manainoh, mahkhananga akchingmii eiin keikuunga jakhatkho anchuungna amnoh.

1 THESSALONIKA 2:4

chuta akthratrongta kankuungah amsilnatu Ringpu in kannihta kanija peitaningvah, kannih in mii mapelna tuta tlohnoh ung, chuta kanrilta chaang ak an Ringpu ta mapelnatu trongsung.

JEMS 3:17

Chuta achung tingnata thleng lousingvh matsah a akseeng, mahchuche leh oi, ril tap, inthup amnoh, khatleh khat inrom, rilvoltheih che akrah thra, ril intluunnoh amnoh khatkho seengnoh amnoh.

1 JOHN 5:20

Che Ringpu Asa kupa thlengsa, akchim amahta romma roulou itheihnatu rilta inimlanpei tih a irom; che inihvah amah Asa kupa Jisu Khrista akchimkuungah amsame. Amahvah akchim Ringpu, che ache amnoh chaan khasa.