43 Churella nannihta kisonchou, ringram huunnakha nankuungnata inloutu che akrah anrahtu jaat in khat kuunga kimlentu.
Chuta keiin Ringpu vaa Li apaalla khousaarta manom angle, Ringpu kurung huunnakha nankuungah thlengsa.
Anmah in anson, ‘Amah in akthranoh miichut eita amramtuei, che amah ngangli bilta aktlei miiting mathlah a nganglirah luhlai akrah amah kuungah amlantu miikuungah amsaaltu.’ ”
Jisu in ankuungah asonei, “Inntloh mii in akjanoh lungta amuvei akiingna amivei, mah i Akpu in amvei, che mahchu inih imit avah salungkhouna tih a nannih in ringjihta paanohluung choume?
Che tunangkhat in mah lung achunga anloom miiva invuitu, chuta mah lungin tunangkhat in chuunga tlaleva, uphulnanga invuinektu.”
Mahchunna Jisu in akuunga amsang, “Taktak a keiin nikuunga kisonche, tunangkhat inta thar a poknoh leva, amah in Ringpu vaa kurungram muh cheknohtu.”
Jisu in amsang, “Atatak a keiin nikuunga kisonche, tunangkhat in tuiia mahche Li a poknoh avah, Ringpu kurung ramma luut cheknohtu.
Mahche keiin ringraanei antuui amsanglakho, anthuptrong rom sanglakho, mahche khiial naamte amsanglakho, che muulpii eita malennatu kitak apumtea malot sanglakho, chuta kei kitak a mii rilvol amnoh angleva keiva jakhat khonohsang.
Chuta nannihta anthimnata salungkhouna akvaar ah nanionga am salungkhouna thloueita sonna namidangnatu nannihva acharche jatih, kurungtu thiimpu, akseeng jatih che amah atak ataschou.