METHIU 18:15 - Akthar Trongirhna (BSI)

¹⁵ “Mahchu chunga niuhnao in nangta janoh a aleh tlohle seh a nangleh amahrusoh alaalkha sonro. Amah inta nitrong rungaile, niuhnaota niktuukpei.

METHIU 18:15 Iomraidhean Croise

METHIU 18:14

Chunanaga andih naoei ankaar nata inkhat maangkha ringramma am Pa in amdon veinoh.”

METHIU 18:21

Che Pitar in amah kuungah thlenga ason, “Akpu, kiuh kinaointa kichungah janoh a aleh tlohle, keiin amahta jikchakhek inlenga ki ip ume? Keiin amahta veisrih phah ki ip ume?”

METHIU 18:35

Chunna nannih in nan uh nannaota ril luut a ipnoh choule, ringramna Pa inkho mah khananga nanitlohtu.”

ROME 12:21

Thranoh in nangta nakcheknohso, chuta akthra in nangta nakchekso.

1 KORINTHIA 8:12

Nga tloh a nannih nan uh nannao chunga aleh tloh a che chim chimnoh akrom anmah anrilta namisoh i Khrista kuunga alehthlouta nantlohpei.

2 KORINTHIA 7:12

Nga tloh a keiin nankuunga majih sanglakho, mahkha chimnoh aktloh mii khat relna noh, nohleh chimnoh a alah anangrelna khonoh, chuta kannihturel nanrilluut a nantloh nankhaljahang amsuuknatu Ringpu akuunga nannihta kammuhnachou.

KALATIA 6:1

Unaoeio, mii khat in chimnoh lamma sehta suurchoule, li ah am nannih in ril innnemsoh inruuia oinang miita veikhat malengve. Nitak luungkho namdoinoh natu cheksilro.

KOLOSIA 3:13

tunangkhat in tunangkhat chungah atlannoh amle, khatleh khat doujouve, khatleh khat in ipjouve; Akpu in nannihta nani ip nanga nannih khatleh khat in ipve.

1 THESSALONIKA 4:6

Nan uh nannao kuunga amahnoh lamma seh a chimnoh tlohnohve, alamva nannih nankuungah khalmo thra a kansonche khananga, anaamte ichungah athung akloutu amahvah Akpu sa.

2 THESSALONIKA 3:15

Andahnang avah lounohve, chuta unao pasakhat veia chaakve.

TITAS 3:10

Miita ajea amthlakja mii khat i veikhat nohle veinih nakchaaknua, mahmii nangkha inlenga jakhatkho tlohpinohro,

1 PITAR 3:1

Mahchunanga akmei eio, namisal aliah amve, tunangkhat amisal arou invah trongkhata majuihnoh seilakho, trong janoh a anmah anmei anhoong anva ah amisalta ancheknatu.