METHIU 18:10 - Akthar Trongirhna (BSI)

¹⁰ “Cheksilve, mah chuvah andih naoei ankaar nata nannih in usitnoh tlohnohve tih i romve; alamva keiin nannihta kisonchou, mah chuvah ringramma anmah ringroi in lai amrel ringram a am Pa vaa amaita muh a ammei.

METHIU 18:10 Iomraidhean Croise

METHIU 1:20

Mahchunanga tlohtsangta anchaang suung, Akpu vaa ringroi inkhat in akmanga mamuh a akuunga ason, “Devit vaa asa kupa Joseph, Meri ta nikmei maveia lou trihnohro, alamva amah in akpooi naoi Li Akseeng tingna;

METHIU 12:20

Amah inchek a akchimta amsehnohmiil raphal khalekho tliknohtu, che annaal ruina meikhu thatnohtu,

METHIU 18:14

Chunanaga andih naoei ankaar nata inkhat maangkha ringramma am Pa in amdon veinoh.”

METHIU 18:6

“Chuta tunangkhat in keita kamlot naoei ankaarna inkhatta thranoh masuuk choule amah arukingah sumlung anrolkhat khit a tuiiboom athukna ah atlak in amahtu athratna veitu.

METHIU 2:13

Pekva anmah in anlenglai, anve, Akpu vaa ringroi in Joseph ta akmanga mamuh a ason, “Inthouro, naoleh anuta phurh a Ijip ah tlaanrosa, che keiin inlengrosa ta nikuungah kisonnohmiil mah khanna amve, alamva Herot in naoita ammaangnatu ajonsampei.”

METHIU 2:19

Chuta Herot in athihche, Akpu vaa ringroi in kak hanga Ijip ah am Joseph ta akmanga mamuh a ason,

METHIU 24:31

che amah ringroita pik ul anring ahousoh inruuia acharmiita ringroi eiin marvaan adongna khatnata adongna khat phah a, tukleiram akiing manli nata anmitlontu.”

LUKE 1:19

Chunna ringroi in akuunga amsang, “Ringpu amaia akngir Kabriel keisang che nangsoh trongnatu mahche akthra trongi nikuunga thlennatu keita kamthlah ang.

LUKE 10:16

“Nannih nantrongta aktheih mii in kei kitrongta antheihpei, che nannihta nanijanoh mii khanna keita keijanohsei, che keita keijanoh miikhan keita kamthlah Akpu amahta janohsei.”

LUKE 16:22

Anran miikha thisa, che ringroi in amahta Abraham aklaak a anphurhpei. Akdoon miikho thisa che anphuumpei;

NOONNA THLOU 10:3

Nikhatni pung kuvak a Ringpu vaa ringroi inkhat in amahkunga thlenga Kornilias kuunga asonkha ahamuhkhat a thra a amuhpei.

NOONNA THLOU 12:15

Amahkuunga anson, “Nangi invetscheme.” Chuta amah in tranga asonei mah i taktaksa. Anmah in anson, “Mah i amahvaa ringroisa.”

NOONNA THLOU 12:23

Kak hanga Akpu vaa ringroi khat in amahta ahaipuulpei, alamva amah in Ringpu vaa paarthrata jahnoh, cheva aklungin amahta asaakpei che thisa.

NOONNA THLOU 27:23

Alamva keiin aknu kijuih mahche keiin kamthruun Ringpu vaa ringroi inkhat in mi in khulouhtal khanna kikomma ngirsa,

NOONNA THLOU 5:19

Chuta khulouh a Akpu vaa ringroi khat in sim akhaareita mahoonga anmahta apaalla anthruhpiche asonei,

ROME 14:10

Nangin jarella niuh ninaota pichaar nitlohme? Chunoh a nangin, jarella niuh ninaota usitnohcheme? Alamva inaamin Ringpu apichaar amaa a ngirume.

ROME 14:21

Stak aksaanohle tuiibuh iin nohle niuh ninaota akeh masuihnatu jakhatkho nitlohnoh in chimtu.

ROME 15:1

Aktrang inih in marnop eisoh amjou ringjoutu tlasame, inih irilkhopta maplelnatu tlohnohrei;

1 KORINTHIA 11:22

Jarelname? Nansaak nan iinnatu inn amnoh choume? Chunoh a Ringpu khakla ta usitnoh choume, mahche akdoonnohta namijak name? Keiin nannihta jangkitih uchoume? Mahchunoh keiin tlohnohtung.

1 KORINTHIA 16:11

Tukhat inkho amahta usitnoh tlohnoh eiso. Intha a lamma leh oia thulve chunna amah in keikuunga anlengnatu, unaoeisoh anthlengjou natu keiin ramrinna amsang.

1 KORINTHIA 9:22

Marnop eita thlen kicheknatu keiin marnop ankuunga marnopnang veisang. Upai tloh a mii arouta kal kicheknatu mii naamte ankuunga keiin anmahnang veisang.

2 KORINTHIA 10:1

Khrista vaa ariltap mahche aril inneem apaalla Paul kitaksaak in klukanga kisonchou, keiin nannihsoh kiamjoulai inruruh ang, chuta kiamnoh laikho nankuunga kiril am!

2 KORINTHIA 10:10

Alamva anmah in anson, “Amah trongthuunvah kirik che trang, chuta amah aruungin a amlaiva marnop mahche atrong avaa jangkhat veinoh.”

KALATIA 6:1

Unaoeio, mii khat in chimnoh lamma sehta suurchoule, li ah am nannih in ril innnemsoh inruuia oinang miita veikhat malengve. Nitak luungkho namdoinoh natu cheksilro.

1 THESSALONIKA 4:8

Alamchunna tukhat in maita akjanohvah, miita janoh tanoh, chuta Akseeng Li amlan Ringpu ta janohsa.

1 TIMOTHI 4:12

Intlangsa khat veia tukhat inkho usitnoh naktlohnoh eiso, chuta nangva amlotmiiei turella nitrong nilaleh nihoong nivaa ah, miirilvolla, malot ah, akseeng punsi ah mii in nangta nantamna veiro.

HIBRU 1:14

Chaanring akphahsam annaamte turella routlohnatu amthlah, anmahva lia thlou tlohnatu amthlah miinoh eime?

HIBRU 9:24

Alamva akchimsoh intrim, kut a inseem akseeng amunna Khrista in luutnoh, chuta inih ingut a amah in Ringpu kuungah angirhnatu, ringramma luutsa.

MADANGNA 8:2

Ringpu amaikuungah akngir ringroi sirih che ankuungah pik ul sirih amlankha keiin kimuh.