METHIU 12:34 - Akthar Trongirhna (BSI)

³⁴ Ruulsokvaa atute eio! Nannihva thranoh choua khatloh akthra trong nanchek ume?

METHIU 12:34 Iomraidhean Croise

METHIU 12:35

Akthra mii in arilla athra asihkhata amthruh, thranoh mii in arilla thranoh amkhoolkhata amthruh.

METHIU 15:18

Chuta baonata anthruhpot anaamte rilsuungnata thlengning, che mii in sakmang amivei.

METHIU 23:33

Muruul eio, ruulsok asa eio, khatloh a repnanga luutsamnata inlit nanchek ume?

METHIU 3:7

Chuta Pharisi leh Sadukiis jikcha in inlupnaturel amah kuungah anthlengta aloumuh ei, alousonei, “Nannih muruul vaa atute eio! Akthlengsam trihkhop malunghaang khannata nantlaannatu tunang in nanimthritme?

LUKE 3:7

Churella amahkunga inlupnatu anthruh miitamta asonei, “Muruul vaa adhara eio, akthlengsam malunghaang nata tlaanveta tunang in nankuunga nanimtheihme?

LUKE 6:45

Akthra mii in amlungla akthra lalta amthruh, mahche akthranoh mii in amlungna akthranoh lalta amthruh; alamva amlunga ak amkhata anar in trong.”

JOHN 8:44

Nannih nanpa seitan vaa atasachou, che nanpa in akditta tloh i nannih in namidon khasa. Amahvah akungnata mathronna miithat mii, amahkuunga akchim atlohnatu amnohluung, alamva amahkuuga akchimluung amnoh. Amah in amchinthivaa atronglaia, amah atak a am anono khata trong, alamva amahvah amchinthi, che amchin apasa.

EPHESIA 4:29

Nannarnata thranoh trong inthruhnohso, chuta arungai mii ankuungah rilvolna aveinatu rilvol nujuih a nantrongna trongkhanna miita seemna veiso.

EPHESIA 5:4

Akmot miihoongah thranoh a trong, nohle asiimsaam trongi trongnohve, mainangei i matik chanoh sengei mahchungut a mapaakna trong veiso.

JEMS 3:2

Alamva inaamtein isoina jikcha am, tukhat in tronga asoina amnohle amahva mapungpha miisa, che amah aruung pumtekha kut inchal achekpei.

1 JOHN 3:10

Onna tunang in Ringpu asanohme che tunang in rappu asame tihchu imuhnatu tukhat akchim aktlohnoh miikho nohle amah unao pasata rilvolnoh miikha Ringpu tingnanoh.