METHIU 12:32 - Akthar Trongirhna (BSI)

³² Tunangkhat in miivaa Asa kupata janoh a aktrong khava in iptu, chuta Li Akseengta janoh a aktrong miikhava ipek ringnatluun leh akthlengsam ringnatluun akho in ipnohtu.”

METHIU 12:32 Iomraidhean Croise

MARK 3:29

chuta tukhat in Li Akseengta thranoh indah a trongle, tiknikho in ipnohtu, chuta ache amnoh alehvaa amraal am”

JOHN 7:39

Pek tunangkhat in amahta amlot mii in anphahsam Li kharella ason; alamva Likha malannohmang, mah chuvah Jisu kha paar mathratnoh mang.

1 TIMOTHI 1:13

mansah avah keiin Ringpu ta khalmo thranoh a trong sanglakho, chut sanglakho mahche manuih sanglakho, chulata rilvolna kiphahpei alamva mahkha Amahta kimlotnoh rella romnoh a kitlohning,

TITAS 2:12

Akpu malot mahche tukleiramtu vei akthra akchim diphuta dinoh, che ril inneemma, chimma, khatkho Ringpu tinga tukleiramma iringnatu inihta inimtheih,

EPHESIA 1:21

Marvaan pumte chungah akpaal, akchek amneh tuui am mahche akpu akvei anchungakho paal mahche pekna chup ikhopnoh a athlengsam chup akho ming inpe annaamte chungah ralla akliin;

NOONNA THLOU 3:19

Alamchunna nannih in nanril thlenga veikhat inheive. Chunna nannih nanlehta ammuhtu. Mahlaia Akpu tinga akthar rilchu thlengtu,

LUKE 12:10

Che miivaa Asa kupata indah janoh a aktrong miirelta a iptu; chuta Li Akseengta janoh a aktrong khava ipnohtu.

METHIU 12:31

Churella keiin nannihta kisonchou, miivaa anlehta mahche aleh alah a trongva ki iptu. Chuta Li ta janoh a alehlah aktrong miivaa ipnohtung.

1 TIMOTHI 1:15

Aleh am mii eita kalnatu Khrista Jisu in tukleiramma thlengsa ta asonni malotphu mahche roulou matikcha, keiin aleh am ankaara akthloirem veisang,

JOHN 7:12

Miitam ankaar a amah relna chikchakta insosei. Arouin anson, “Amahvah akthra mii khame,” aktlei in anson, “Mahchunoh, amah in miita chimnoh a inhea aching.”

LUKE 23:34

Mahchunna Jisu in ason, “Pa o, anmahta ip eiro; alamva anmah in jangthlouta kantlohme antak in romnoh ei.” Che amah puunreita ankaar a insemnatu reipak chaang in ansei.

MARK 10:30

ipek chup in tukhat in, a inn alou che auh anao che asar ajuur che asa anao che aram amuulchung klah knang athlenglai loutho cheknohle, athlengsam ache amnoh punsi a saruk reijavak phahnohtu.

JOHN 7:52

Amahkuunga amisang, “Nangkho Kalili na miinohcheme? Majonna anve Kalili nata ringraan tukhatkho inthruhnoh.”

LUKE 7:34

Miivaa Asa kupa in saa iinna thlengsa; che nannih in nanson, ‘Anve, avonpii liin mahche tuiibuh ak iin, roithrai mii mahche alehchel miivaa anpai.’

METHIU 11:19

Miivaa Asa kupa in saa iinna thlengsa, che anmah in ansonlamang, ‘Anve, anvonpii injaa, tuiibuh inruii, roi akthrai eisoh mahche aleh ammiivaa anpaisa.’ Chuta lousingin amah athlouta amchim.”

METHIU 13:55

Mahmii i thingchal inkhatvaa asa kupa nohme? Anuin Meri nohme? Che anao in Jems, Joses, Simon mahche Judas noh eime?

METHIU 8:20

Jisu in akuunga ason, “Uiiramuiivaa ankhur am, marvaanna vakho anbu am, chuta miivaa Asa kupava amah akang asihnatukho amnoh.”

METHIU 12:8

Alamva miivaa Asa kupa in Sabat nivaa akpu.”

METHIU 13:22

Pekva kuling kaara chi aktla in trong atheihche tukleiramma ringnaleh doon khaalna rilkhanna trongkhata akrah marahnohsa.

METHIU 13:39

inlouchi akvorhkha seitansa; akvaat aksir in tukleiramtu achenasa, mahche akvaat akluh in ringroisei.

METHIU 13:40

Chunna inlouta matlonna meiah haal khananga nga tloh a chupkha achena ah veitu.

MARK 3:28

“Atak a keiin nankuungah kisonchou; miisavaa anleh naamte mahche anmah in thranoh antrong anaamva in ipkirtu;

LUKE 16:8

Trongson majuihnoh thlousil thloumarel in ksinga thlou atlohrella amah akpu in ampaakpei; alamva akvaarvaa ansachunga tukleiramna ansa in anmah anmahtu ringnatluun turel tlohkhallah ralla singei.

LUKE 18:30

ipek lai in khalmo ralla mahche akthlengsam chup a ache amnoh ringna akphahnohtu tukhatkho amnoh.”

1 TIMOTHI 4:8

alamva ruung thratnatu insuulva steta kanananing, mairella pek ringna rella mahche vaknu akthlengsam ringna rella trongchet am.

1 TIMOTHI 6:17

Mah tukleiramma akdoonei turella anmah in kei ningsungta isoonnohnatu, inromnoh lal akho amituurnoh natu, chuta inih in itlannatu huuitanga poot naamte inimlan Ringpu ting malot eiso.

2 TIMOTHI 4:10

Alamva Demas in pekna tukleiramta arilvolla keita keimah a Thesalonika ah sehsa, Kresken in Kalatia ah Titas in Dalmatia ah sehsei.

JEMS 1:27

Ringpu khatkho Pa amaikuungah akseeng che akbuur amnoh heikohvah: anu apa akdoonnoh mahche trulmeinu in anlah ansamma an, che tukleiramna thranoh nata anrouva inngaak.