MARK 8:34 - Akthar Trongirhna (BSI)

³⁴ Che mii tamsoh inruuia aroieita amahkuunga aongei, che asonei, “Tunangkhat in kei kiknu keijuihtang tihleva, atak akroua indahsoh che atak thingkharhta louso che keijuihso.

MARK 8:34 Iomraidhean Croise

METHIU 10:38

Che amah thingkharhta lounoh a kiknu akjuih mii khavah keitu veia matik chanoh.

METHIU 16:24

Jisu in aroita atih ei, “Tunangkhat in kei kiknu juihtang tihle, atakin indahso, che amah thingkharhta domma kiknu keijuihso.

METHIU 27:32

Anmah in ansehlai, akming Simon an ong Sirini na kupa khatta anmah in thingkharhta mapuihnatu namma anmijapei.

MARK 10:21

Che Jisu in akuunga a an in arilvol hangsa, che akuunga ason, “Nangin inkhat namvaatmang; seh a nangin nidoon naamtekha juurro, che anrankuunga malaneiro, che nangin ringramma doonkhaal veiuche; che thlenga kiknu keijuihro.”

MARK 7:14

Che veikhatla mii eita amahkuunga onga asonei, “Keirungaive, nannaamtea che loutheihve:

LUKE 13:24

“Ansiik thonga luutnatu kalthi tlohve; alamva keiin kisonchou, miitam in mah khanna anluutnatu anjontu chuta cheknoh tuei.

LUKE 14:33

Alamchunna chunanga nannih nankaar a tunangkhat in amah in asihnaamte mathlahnoh miikhan kiroivei cheknohtu.”

LUKE 18:22

Mahchuta Jisu in atheih in, amahkuunga ason, “Nangin nitlohtu inkhat vaatmang. Nangin nidoon naamte juura inranriingta malaneiro, mahche ringramma nang nilal amtu; che thlenga kiknu keijuihro.”

LUKE 20:45

Amah atrongta miinaam in arungeih laia aroi ankuung asonei,

LUKE 9:23

Mahche Jisu in mii naamteta ansonei, “Tukhat in kiknu keijuihtang tihle, atak akrouin janohsoh akni aknileh thingkharhta loua kiknu keijuihso.

JOHN 10:27

Kei Sadamtva kihou antheih, keiin anmahta kromei, che anmah in kei kiknuta kanjuih ang;

JOHN 19:17

Chunna anmah in Jisu ta anlohpei, amah atak thingkharhta phurh a, Hibru tronga Kolkotha arthava Lukang (Latin tronga Kalvari) amunta thrulh a sehsei.

NOONNA THLOU 14:22

aroiei anlita matranga mahche malottinga inngainoh natu anmahta bungthok a asonei, trihkhop a klah knang jikchata doua inih in Ringpu kurung huunna a luut ume.

ROME 6:6

Alehvaa aruungta mamaangnatu inih in veikhat alehvaa naichi iveinohnatu inihvaa amlui miikha amahsoh inruuia thingkharh ah amithlupei tih a inih in irom.

ROME 8:17

Inih inta asa veimeleva inihkno laalchun veisame, inih in alah anangnah chuum jajou meleva, inihta paarthra inimveitu.

1 KORINTHIA 15:31

Unaoeio, inihtu Akpu Jisu Khrista kuuga keiin ammangta nankuunga in orh angi keiin indanglonga kan orh relna keithingang.

1 KORINTHIA 8:13

Alamchunna Saakphuin kiuh knaota thranoh ting mathlaak sangle, keiin kiuh knaota thranoh a kamthlaak angutva tiknikho stak saanohtung.

1 KORINTHIA 9:19

Alamva keiin mii naamte nata thlaang thlaang phah sanglakho kichek makhei mii naamteta Khrista kuunga thlennatu kitak in naichi veisang.

KALATIA 2:20

Keiin Khrista soh inthlujousang keiin kiringi keinoh ang, chuta kitaksuunga Khrista in ring; mahche ipek keiin ruunga kiringi keita keirilvol mahche keirella ataktalta amlan Ringpu vaa Asa kupata kamlot apaalla keiin ringang.

KALATIA 5:24

Mahche Jisu Khrsita tu mii akvei in ruungta che ruung in akditleh akthranohta thingkharh ah amthlupipei.

KALATIA 6:14

Chuta inih Akpu Jisu Khrsita vaa thingkharh khop noh a kei turella paarthratna jakhatkho amnoh, mahchunna keichungah tukleiram i anmah in amithlahpei che keivah tuleiramma amsang.

PHILIPPIA 3:10

Chunna amah in thinata aringna tuuileh amahta kiromnatu, che amah in alah anangna chuumta kijanatu, amah athihnanga kithihnatu kitak in kijakhata kiromantu,

PHILIPPIA 3:7

Chuta jangmekhat keiin kichuungnatu amslakho, Khrista turellavah keiin maangnanga inteensang.

KOLOSIA 1:24

Pek keiin nannih turella klah knang jikcha kiphahrella kiroomthok ang, che khakla akvei Khrista vaa aruung turella klah knang akvaatta keiin kimchepei,

KOLOSIA 3:5

Alamchunna thaleitu vei nantak ah amkha thatve: Changvaangnoh kupa kumei ah thranoh hoonga seh, akbuur, thranoh lamtinga arilhang, thranoh di, mahche kallak mainangei ivah leili amthruun miisei.

2 THESSALONIKA 3:11

Alamva nankaara tukhat mii arouva ktalla ammei, miithlou ah theihsin veia houtamma jakhatkho tlohnohluunga ammeita kantheihpei.

TITAS 2:12

Akpu malot mahche tukleiramtu vei akthra akchim diphuta dinoh, che ril inneemma, chimma, khatkho Ringpu tinga tukleiramma iringnatu inihta inimtheih,

HIBRU 13:13

Alamchunna amahta ansaalkhanna injaknakhata inih in phurh a amahkuung thlaam paalla sehrei.

1 PITAR 4:1

Alamchunna Khrista in ruungta inih turella klah athotaningvah nannih nantakkho mahkhasoh intrimma nanril sihchoulaia machaangve; alamva ruungah klah aktho amah in veikhat inlenga alehnata inngaiso,

1 PITAR 4:13

Chuta Khrista in klah knang aphahkhan chuum nanjajoupei ta roomthokve, mahchunna amah paarthrata aphoonglaia nannihkho nanroomthoknatu mahche nantlannatu.

2 PITAR 1:14

alamva inih Akpu Jisu Khrista in keikuungah kammuh anga, keiin intha a kiruung kmahsampei tih a kirom.

1 JOHN 3:16

Mairella innih in ringvol irom, mah chuvah inihrella amah chaan amthlahpei; che inih in unaopasa turella chaan imthlatutla.

MADANGNA 2:10

Nangin klah knang niphahsam kharella intrinohro. Anve, nannihta chaang naniannatu nankaarna mii steva seitan in simma nanithun sampei, che nannih in nijansom trihkhop a klah knang nanphahtu. Thinata akringvaa boorpii kamlan uchou.