MARK 3:10 - Akthar Trongirhna (BSI)

¹⁰ alamva amah in miitamta amthratei, chunna natna rii akna annaam in amahta palnatuta akuungah anlompei.

MARK 3:10 Iomraidhean Croise

METHIU 12:15

Mahchuta Jisu in arompeia, mahkhannata sehsa. Che miitam in aknu anjuih, chunna aknaeita amthratei,

METHIU 14:14

Che Jisu in asehlai miitam amuh ei; chunna anmahrel Jisu in arilvol hangsei che anmah annat ansatna amthratei.

METHIU 14:36

Che anmah in Jisu apuunta anpalnatu amah kuungah anngen. Che amah apuunrei akpaleita amah in amthratei.

METHIU 4:23

Jisu in Kalili ram apumte seh a anmah Sinakok rella matheih a natna satna naamte mathrat a ringram kurung huunnavaa Akthra trongta sehseh a araan.

MARK 5:34

Che amah in akuungah ason, “Kisa kumeio, nangin namlot kharella nangta namthratpei, leh oia sehrosa, che nang ninatna riikha thrasaso.”

MARK 6:56

Che amah in athlengna makheia, khuu khuua, khuuboom khuuboomma, nohle ramboom ramboomma mahche keithiil keithiilla aknaeita amthratei, che amahta intuukpia amah apuunrei slakho akpaleita amthratei.

MARK 8:22

Mahche anmah in Bethsaida a thlengsei, che amahkuunga mitchokhat mii ste in anthlen, chunna amahta apalnatu akuunga anngen.

LUKE 5:3

Amah in muli innih kaarna inkhat mah chuvah Simon vaa mulikha tuiipaal nata ste heithourota ason, chunna Jisu in inbok a muli asuungnata miitam amtheih ei.

LUKE 6:19

Mahche miitam in amahta anpalnatu anjon, alamva amah atuui inthruh a miinaam aknata amthrat ei.

LUKE 7:2

Ipek raalmii reijapuuivaa roijuih inkhat in kna a thisamma am, amah roijuih in amah akputa khalmo klua aktlohmii.

LUKE 7:21

Mah pungtal achunna Jisu in akna aksa jikcha, rii natna jikcha mahche thranoh li in luut jikchata amthratei, che amah in mitcho jikcha muh amphah ei.

NOONNA THLOU 5:15

mahchunna anmah in aknaei luungkho lamma thlenna mahche intolhna tuklaichunga matolh a ansih, alamva Pitar in lamma athlenglai amah aniim slakho anchunga atlaknatuta.

HIBRU 12:6

Alamva Akpu in aril amvol miita amtheih, che amah in aja mii Asa kupa relta saalla akchaak.”