MARK 16:16 - Akthar Trongirhna (BSI)

¹⁶ Tukhat in malot a inlup akphahta akaltu; chuta tukhat in malotnoh a inlupta amlaaltu.

MARK 16:16 Iomraidhean Croise

METHIU 28:19

Churella nannih in seh choulaia jaat naamteta aroi seemve che anmahta Apavaa, Asa Kupa vaa, mahche Li Akseengvaa miinga lup eive.

MARK 1:15

asonei, “Lai i tlungsa, che Ringram kurung huunna i innaisa; nanril thleng choulaia, akthra trongta malotve.”

LUKE 8:12

Lamkom na in arungai miisei; mahchunna seitan in thlenga antak in malot a inkal anphahnoh natu anril suungnata trongkha sut a aloh ei.

JOHN 20:31

Chuta Jisu vaa Ringpu Asa kupa Khrista sa ta namilotnatu, che malot a nannih in amah akminga ring nanphahnantu amah i injihsei.

JOHN 3:36

Asa kupata amlot tukhat in ache amnoh ring aphahpei; Asa kupa trongson amjuihnoh tukhat in ache amnoh ring phahnohtu, chuta Ringpu in inhaanga asaokha atakchung amtu.

JOHN 3:5

Jisu in amsang, “Atatak a keiin nikuunga kisonche, tunangkhat in tuiia mahche Li a poknoh avah, Ringpu kurung ramma luut cheknohtu.

JOHN 5:24

Keiin nankuunga taktak a kisonchou, keitrongta rungaia aktheih mahche keita kamthlah amahta amlot amah in ache amnoh a ring aphahpei; amah in pichaar tlohna a thlengnoh usa, chuta amahvah kthinata akring tinga akvanpei.

JOHN 6:29

Jisu in ankuunga amsangei, “Akpu amah in amthlah amahta malot i Ringpu vah thloukhasa.”

JOHN 6:35

Jisu in ankuunga asonei, “Keital i ringnatu tol khasang; keikuunga akthleng mii in traamnoh usa, che keita amlot mii in tikniakho atuii raalnoh usa.

JOHN 6:40

Alamva Pa in amdonkhavah maisa, mah chuvah Asa kupata muh a amlot mii naamte in ache amnoh a ring anphahna turelnasa; che amah in keita achenia kamringtung.”

JOHN 8:24

Keiin nannihta kisonchou mah chuvah nannih nanleh khanna thiuchou, alamva nannih in keita amahsa ta kamlotnoh choule nannih nanleh khanna thiuchou.”

NOONNA THLOU 10:43

Ringraan annaam in amah relna sakhi amilan mah chuvah amahta amlot mii naamte in amahminga alehnahta in ip anphahtu.”

NOONNA THLOU 13:39

Moses vaa trongsuur apaalla nannih in alehnata nanningtam phahnoh choukha amahta malot apaalla mii naamtein alehnata ningtam nanphahpei.

NOONNA THLOU 13:46

Mahchunna Paul leh Barnabas in pirkenga a trongseia antihpei, “Matsahrem kannih in Ringpu atrongi nannih nankuunga sonnoh janohsa. Chuta nannih inva mah i indahschou, mahche ache amnoh ringna phah i nantaksaak in matik chanohta pichaar nantlohsaak taningva, anve kannihva Jental tinga inheia sehsung.

NOONNA THLOU 2:38

Chunna Pitar in ankuunga asonei, “Nanril thlengve, mahche nannih nanlehnata naniipnatu Jisu Khrista akminga nannaam inlupve mahche nannih in Akseeng Li vaa kutthol nanphahtu.

NOONNA THLOU 2:41

Nga tloh a amah atrongta aklou ei in inlup anphahpei, che mahnichunna li akpul inthumvak amchunpei.

NOONNA THLOU 22:16

Ipek nangin jarella ningaakme? Inthouro che inlupro, amah akming ongchalaia nang nilehta chaamro.’ ”

ROME 3:6

Mah chuvah khak veinohso! Chuleva khatloh a Ringpu in tukleiramta pichaar atloh ume?

ROME 4:24

chuta inih turelkho injihsa, inihtu Akpu Jisu Khrista ta thinata amring Ringpu ta malotmele, chuleva amah in inihta akchimlamseh veia inihteenpitu;

2 THESSALONIKA 1:8

Ringpu akromnoh mii eita che inih Akpu Jisu vaa akthratrong amjuihnoh eita athung alohtuei.

2 THESSALONIKA 2:12

mahchunna akchimta malotnoh a akchimlamseh noh a roomthok anmahta amlaaltuei.

1 PITAR 1:21

Amah apaalla nannih in Ringpu kuungah namilotna am, amahta thinata amringpei che amah paarthrata amlanpei, chunna nannih in namilot mahche namituurkha Ringpu kuungah nan amnatu.

1 PITAR 3:21

Tuii in amah ahoongta loua, mahchuvah inlup a inkalsachou, nanikalpei, ruungna akbuurta lonna turelna noh, chuta Jisu Khrista ring apaalla Ringpu tinga chim chimnohta seenga romma,

MADANGNA 20:15

Tunangkhat in akring nirik ah amah akmingta injih a intuuknoh leva, amah miikha meiboom asuungah ahunthlaktu.

MADANGNA 21:8

Chuta intritrangei, amlotnoh miiei seengnoh miiei, miithat miisunnei, leili amthruunei, mii masimna trong aktrongei oinang mii anchuumva meiboom chungah mei leh salphar soh kaangkha; mah i innih tihpi kthi khasa.”