MARK 13:9 - Akthar Trongirhna (BSI)

⁹ “Chuta nanroua cheksilve; alamva anmah in nannihta jama ankuunga nanimlantu; che nannihta sinakok ah nanimrattu; mahche nannih in keirella rampuui leh kurung anmaikuunga ngir uchou, anmah anmaikunga sakhi namilantu.

MARK 13:9 Iomraidhean Croise

METHIU 5:22

Chulata tunangkhat in auh anaota biklam tihleva jama pichaara thihnaringna veitu tlasa, che tunangkhatta mongo tihleva repnanga thihnaringna aphahtuta nankuunga kisonpeichou.

MARK 1:44

amah kuungah ason, “Anro nangin tukhat kuunga jakhatkho sonnohro; chuta sehchelaia nitaktalta thiimpu ankuungah mamuhro, che nangta namseengpei tihrella Moses trongthuun nujuih miikuungah chim tih a namromnatu inkatphukha katro.”

MARK 13:5

Chunna Jisu in ankuunga son amthronpei, “Tukhat inkho nannihta inhea nanimruui noh natu cheksilve.

MARK 13:8

Alamva ramboom khatleh ramboom khat in andah tuei, che kurung huunna khatleh kurung huunna khat in andah tuei; amun aje jea runaangnu thoutu, mahche buhchaal suuktu; chuta naopok in klah kanang aphahnanga mah naamte i suuk usa.

MARK 6:11

Che amun aktleitlei a nannihta nanisoongnoh eile, mahche nantrongta rungaidah eile, nannih in amunkhata nanmahlaia, nankehna uphulkha mathiimma mahve alamva trongirhna in anmahta indahna veitu.”

LUKE 9:5

Che tunangkhat in nannihta nanisoongnoh eile, khuuboom khannata nannih in nanthruh laia nannih nanchunga sakhi aveinatu nankehna uphulta mathiimma mahve.”

JOHN 15:20

‘Roijuih inkhat in amah akpuchunga liinnoh’ ta nankuunga kson trongkha intheihve, anmah in keita keichut eileh, nannihta nanichutpei; anmah in kitrongta majuih eileh, nantrongkho amijuihtu.

JOHN 16:2

Anmah in nannihta sinakok nata nanimnomtu, nannihta nanithatmii tunangkhat in Ringpu kuunga mathruunnatu kannihta kanimlan peita amidon laikha atak a thlengsa.

NOONNA THLOU 21:11

Kankuunga thlenga Paul in anraakna khapatta alohche akeh akut a akhitche ason, “Akseeng Li in ngata nakson, nga tloh a Jerusalemna Judi ei in khapat akputalta amah khapatsaak a khit a Jental ankut a anmilantu.”

NOONNA THLOU 7:54

Ipek ohchuta antheih in khalmo amilung inhaangsa, che anha kret kretta anmiketpei.

NOONNA THLOU 9:16

alamva kei kikming relna amah in maichah phah a klah knang athotu tlame tihkha kammuhtu tlasa.”

PHILIPPIA 1:29

Alamva amahta malot khop noh a Khrista turella klah knang phahnatu nannihta nanimlanpei.

2 THESSALONIKA 1:5

Mah i Ringpu tingna akchimlamseh pichaarvaa akseeng aveinasa, mahchuvah nannihta Ringpu kurung huunna ah matikcha nanimveinatu, mahchurella nannih in klah knang nanphah–

2 JOHN 1:8

Nannih in nantloh nankhalkha amaangnohnatu chuta nannih in nantloh khaankha chek a sip a nanphahnatu nantak nanroua cheksilve.

MADANGNA 1:9

Nannih nan uhnao John keiin, nannihsoh inruuia Jisu rella trihkhop klah knanga, khatkho kurung huunna ah, mahche Jisu vaa doutrangah chuum akphahjou keiin Ringpu trongta mahche Jisu vaa sakhirella Patmos antih tuiikoiramma ammang.

MADANGNA 2:10

Nangin klah knang niphahsam kharella intrinohro. Anve, nannihta chaang naniannatu nankaarna mii steva seitan in simma nanithun sampei, che nannih in nijansom trihkhop a klah knang nanphahtu. Thinata akringvaa boorpii kamlan uchou.

MADANGNA 2:13

“ ‘Nangin ram amcheme nanthrungna kiromche, mahkhan Seitan aphompii am; nangin keimingta chet a namtuh mahche Seitan in anthrungna nannih nankaara keiin malot aja keitu sakhi akvei Antipas ta anthatnikha phah ah keiin kamlotkha nannih in indahnohchou.