MARK 13:8 - Akthar Trongirhna (BSI)

⁸ Alamva ramboom khatleh ramboom khat in andah tuei, che kurung huunna khatleh kurung huunna khat in andah tuei; amun aje jea runaangnu thoutu, mahche buhchaal suuktu; chuta naopok in klah kanang aphahnanga mah naamte i suuk usa.

MARK 13:8 Iomraidhean Croise

METHIU 24:8

Anaamte i sapok in klah amthronnasa.

MARK 13:7

Che nannih in raal khatkho raalhou nantheih laia, nanril malah a inchoinohve, mah i inlitnoh a thlengtu, chuta achenavah nohmang.

MARK 13:9

“Chuta nanroua cheksilve; alamva anmah in nannihta jama ankuunga nanimlantu; che nannihta sinakok ah nanimrattu; mahche nannih in keirella rampuui leh kurung anmaikuunga ngir uchou, anmah anmaikunga sakhi namilantu.

NOONNA THLOU 11:28

Mahche ankaarna khat akming Akabas in ngirra tukleiram apumta trihkhop saakchaal suuktuta Li in matsah a amphoongpei; che mah i Klaudias in apaallai suuksa.

1 THESSALONIKA 5:3

Mii in “Leh–oisa che insuuk inhal lahna amnohsa” antihlai kak hanga nao anpooi kumei khat in naopoktum knananga kmaang asuuknakha antakchungah thlengtu, che anmah in ohkhannata inlitnatu amnohtu.

MADANGNA 6:4

Mahche aktlei intle skolkhat inthruhsa, mah skol akthou kuungah thaleichungah leh–oita alohnatu amjapei, chunna anmah in khatleh khat inthat che amah kuungah chemsei anrolkhat amlanpei.