LUKE 8:35 - Akthar Trongirhna (BSI)

³⁵ Cheva mah aksuuk chuta ak an heihei inthruhsei, che anmah in Jisu kuunga thlengsei, khousaar in inthruh a amah miikhan puunreikho silh a invetnoh ramroom veia Jisu kuunga inbok a am anmuh in intrisei.

LUKE 8:35 Iomraidhean Croise

METHIU 4:24

Chunna Jisu akming Siria ram apumtea inthangsa, che natna rii alam jikcha ah akna aklah aknang, khousaar asuur, surpitum mahche apangnem akthi mii eita amthrat ei.

MARK 5:15

Che anmah in Jisu kuungah thlengsei, miitam in anruuipi khousaar chuung miikhan aril chimma puunreikho silh a inbok a am anmuhpei, che anmah in intrisei.

LUKE 10:39

Amah anaokumei Meri an ong inkhat am, amah in Akpu akehkungah inbok a amah atrongta arungeih.

LUKE 15:17

Chuta atak akroua arilla insonsa, ‘Keipa in mii chahchah tam thlou matloh a amah roijuih in inleisolh a saa iin anphah, chuta keiin onna traamkrel, dongkrella amsang!

LUKE 2:46

Cheva nithum aknua anmah in Jisu ta Ringpu mathruunna thlaam asuuunga lulok ei antrongta rungaia ankaar a trong ruia inbok a am antuukpei.

LUKE 8:27

Mahche Jisu in tuiipaalla anthruhlai, khousaar chuung mii khat khuuboom nata inthruh a Jisu soh intuuksa; alamva amah in khalmo sot a puunreikho silhnoh inn akho amnoh, chuta rusuunkaara am.

LUKE 8:34

Cheva vokjaam aksel in mah aksuuk khata anmuh in tlaanna khuuboomma khatkho ramboomma antongpei.

NOONNA THLOU 22:3

“Kei i Silisia na Tarsas ah pok Judi ang, chuta keiva amah khuuboom inna Kamaliel athlanga liinsang, inih ipa ipuei trongsuur jiksiir athlanga keita klukanga nirik kamtam anga mii kamveiang, nannih naamtein ipek nanringna nanhoong nanvaa inanga keikho Ringpu rella kiril luutsang,

1 JOHN 3:8

Aleh aktloh miiva rapputasa; alamva rappuva kulkuung nata aleh tloh a thlengsa. Jarelna tihva rappu athloueita mamaangnatu Ringpu Asa kupata amdangpei.