LUKE 6:30 - Akthar Trongirhna (BSI)

³⁰ Darkaar amma naninih miirelta malanve; nipoot aklou miikhannata veikhat inlenga lounohve.

LUKE 6:30 Iomraidhean Croise

METHIU 18:35

Chunna nannih in nan uh nannaota ril luut a ipnoh choule, ringramna Pa inkho mah khananga nanitlohtu.”

METHIU 5:39

Chuta akthranoh miita roujanoh veta kisonchou, chunna tunangkhat in nikchangtongna nimaipi a nakbeengle khattingkho inheia roudohro.

METHIU 6:12

Che kannih kanleiman antoleita kan ip nanga, leiman kantool kani ipro.

LUKE 11:41

Chuta asuunga ak am pootkha inltenve; che anve, bilam anaamte nannih turella seengkirsa.

LUKE 12:33

Nannih in nandoonkha juur choulaia, anran anriingta malanve; amlui amnoh skhao nannih turel tlohve, kmaang amnoh, mah chuvah inruin thlenga anlohcheknoh mahche aklungin mamaang acheknoh ringramma nannihtu lal sihve.

LUKE 18:22

Mahchuta Jisu in atheih in, amahkuunga ason, “Nangin nitlohtu inkhat vaatmang. Nangin nidoon naamte juura inranriingta malaneiro, mahche ringramma nang nilal amtu; che thlenga kiknu keijuihro.”

LUKE 6:29

Nangta nimaipii inkhat ah akbeengleh amahkuunga inkhat tongkho dohro. Mahche nisilh puun naksut amahta nilungluutkho naksutle indahnohro.

LUKE 6:31

Mahche miita nankuunga namitlohja khananga, nannih inkho mii kuungah tlohve.

LUKE 6:38

Malanve, che nankuunga nanimlantu, akthra chaanga olla namma lok a pet holh a nannih buktiimma naniraangtu. Alamva nannih in nan olna chaangtal khanna nanioltu.

NOONNA THLOU 20:35

Mah naamte i nankuunga kammuh peichou mah chuvah nga tloh a thlou tranga tlohcheknoh aksool miita imjoomtu tla, Akpu Jisu atrong, ‘Akphahchunga amlan in ralla doiphah vei’ tih a asonkha intheihtu tlame.”

2 KORINTHIA 8:9

Alamva inih Akpu Jisu Khrista vaa malungsi i nanrom, mah chuvah amah in doonslakho nannih turella amah in inran hukveisa, chunna amah anranriing khanna nannih in kdoon nanveinatu.

EPHESIA 4:28

Inrumii in veikhat inlenga inrunohso, chuta mahchu ngut a amah akut in thloutloh a, huuinoh khalnoh mii eita amah in malan acheknatu thlou tranga tlohso.