LUKE 6:20 - Akthar Trongirhna (BSI)

²⁰ Cheva amah in aroita anna asonei, “Anran anriing nannihkha doi akphahsachou, alamva Ringpu va kurung huunnakha nannih nantasa.

LUKE 6:20 Iomraidhean Croise

METHIU 11:5

mah chuvah mitcho in muh anphahpei, che kehtlik in seh anchekpei, reichii kop in thrasei che makuur akpangin atheihpei, akthi mii in ringsei mahche anrankuunga akthra trong anraanpei.

METHIU 25:34

Chunna kurung in akchangtong ak ameita asontuei, ‘Thlengve, Pa adoi akphah eio, tukleiram amthron lainata nannih turel machaanga asih kurung arami changvesa;

METHIU 5:1

Jisu in miitam inboom amuhlai muul khatchunga kalsa, che amah in anbok in, aroikho amahkuunga thlengsei.

LUKE 12:32

“Sadamloom andih eio intrinohve, alamva nan Pa in kurung huunnata nankuunga malanni amah aril apelna.

LUKE 13:28

Nannih in Ringpu vaa kurung huunna a Abraham, Aisaak, Jakop mahche ringraan annaamteta nanmuhlai ohkhanna nanha maket a traptruui uchou.

LUKE 14:15

Amahsoh inruuia tebor a anbokpijou inkhat in ohchuta atheih in, amahkuunga ason, “Ringpu kurung huunna a tol saa akphahsam anmahkha doiphah veisei.”

LUKE 16:25

Chuta Abraham in ason, ‘Nangin niringlaia niphahtuphu anaam niphahpei mahkha intheihro, che mahchunanga Lajaras inkho thranoh tlannoh jikcha aktuukpei; chuta pekva amah in onna diltlanna amsa, che nangva alehluunga klah a amsa che.

LUKE 4:18

“Akpu vaa Li keichunga am, churella amah in inranriing ankuunga Akthra Trong kraannatu keikuunga thao keipoih ang. Mananga ansuur miita mathlahnatu che mitcho eita veikhat mamuh ajanatu, nanga ak ameita mathlahnatu,

NOONNA THLOU 14:22

aroiei anlita matranga mahche malottinga inngainoh natu anmahta bungthok a asonei, trihkhop a klah knang jikchata doua inih in Ringpu kurung huunna a luut ume.

2 KORINTHIA 6:10

rilsok a klah nang, chuta lai amrelva roomthok a; inranriing nanga, chuta khalmoa amdoon; jakhatkho doonnoh nanga, chuta bilamva doonkir.

2 KORINTHIA 8:2

alamva trihkhop klah knang chaang an asuuksuunga anmah in thloia anroomthok che anmah in kdongkrella inran seilakho anril liinna amilantheihkha aral.

2 KORINTHIA 8:9

Alamva inih Akpu Jisu Khrista vaa malungsi i nanrom, mah chuvah amah in doonslakho nannih turella amah in inran hukveisa, chunna amah anranriing khanna nannih in kdoon nanveinatu.

1 THESSALONIKA 1:6

Che nannih in Akpu vaa mahche kannih kanhoongta amjuih veisachou, alamva Li Akseeng nanithun peia roomthoksoh inruuia klah knang jikcha kaara trongkhata nanroulohpei,

2 THESSALONIKA 1:5

Mah i Ringpu tingna akchimlamseh pichaarvaa akseeng aveinasa, mahchuvah nannihta Ringpu kurung huunna ah matikcha nanimveinatu, mahchurella nannih in klah knang nanphah–

JEMS 1:12

Chaang anlai athochek miiva doiphah thrasa, alamva amahta chaang a anlai Ringpu ta rilvol am ankuungah kamlantuta trongchet atloh akring boorpii amah in aphahtu.

JEMS 2:5

Kirilvol unaoeio, rungaive, Ringpu in tukleiramma anraneita malotting amdoonnatu che anmahta arilvol ankuungah amlannatu trongchet atlohche kurung huunna ah lalchun anveinatu anmahta acharnoh eime?

MADANGNA 2:9

“ ‘Nangin trihkhop a klah knang niphah mahche nang innranriing chekha keiin kirom (chuta nangvah kdoonche) che anmah antak invah Judiung antih chuta Judi vanoh ei, chuta Seitan vaa sinakok veia mii loonna antrongta keiin kirom