LUKE 4:6 - Akthar Trongirhna (BSI)

⁶ mahche seitan in Jisu ta ason, “Keiin nangkuunga akchek amneh anaamte khatkho anmahvaa akchek amneh apumte i nangkuunga kamlan uche; alamva mah i keikuunga kamsilkir peiang, keiin kikdit tukhat kuunga mah i kamlantu.

LUKE 4:6 Iomraidhean Croise

LUKE 4:7

Chunna nangin keita intolhtlep a kamthruun chele anaamte i nang nita veitu.”

JOHN 12:31

Pekva tukleiramta pichaar tlohnatu laikha thlengsa, pekva tuktleiram chunga akpaalta amnom usa;

JOHN 14:30

Keiin nannihsoh tam trongnoh usang, alamva tukleiram akpuui in thlengsa. Amah in keichunga ralla atuui amnoh;

JOHN 8:44

Nannih nanpa seitan vaa atasachou, che nanpa in akditta tloh i nannih in namidon khasa. Amahvah akungnata mathronna miithat mii, amahkuunga akchim atlohnatu amnohluung, alamva amahkuuga akchimluung amnoh. Amah in amchinthivaa atronglaia, amah atak a am anono khata trong, alamva amahvah amchinthi, che amchin apasa.

2 KORINTHIA 11:14

Salungkhouna amnoh, alamva Seitan atakluung inkho ameel mathleia akvaarvaa ringroi angta thlou atloh.

EPHESIA 2:2

nannih in matsah avah mah tukleiramna sehnahoong nujuih a marvaanna kurung atuuita majuih a sehchou, mah aklikhan pek asonta amjuihnoh asa anchungah thloutloh a am.

1 PITAR 1:24

Alamva “Ruung apumte inlou nangjim, che paarthra naamte inlouin apaar nangjim. Inlouin inhuuimang mahche amah paarkho trilmang,

1 JOHN 5:19

Inihvah Ringpu atame mahche tukleiram apumte thranoh tuuikhat athlangah amme tih a irom.

MADANGNA 12:9

Kliin ruulpiinu, leithingna muruul, akming rappu khatkho Seitan antih tukleiram pumteta masimna amahkhata manomma thaleichungah ahunthlakpei, che amahsoh inruuia amah ringroi eikho ahunthlakpei.

MADANGNA 13:2

Che keiin kimuh saraangkha jokpiinang, amah akeh majaava kuvom akeh majaanang che abaoin saruung abaonang mahche ruulpiinu khannasa kuungkhanna amah atuui, phompii che akliin akchek amnehta amlanpei.

MADANGNA 13:7

Akseeng mii eisoh raal antlohnatu che anmahta cheknatu saruung khata tuui amlanpei.